প্রধান মন্ত্রী শ্রী নরেন্দ্র মোদীনা মে ১৭, ২০২২গী অয়ুক পুং ১১ তাবা মতমদা ভিদিও কনফরেন্সকী থোংদা তেলিকোম রিগ্যুলেতরী ওথোরিতী ওফ ইন্দিয়া (ত্রাই)গী সিলভর জুবিলী পালন তৌনবা পাঙথোকপা থৌরম অমদা ৱা ঙাংলগনি। প্রধান মন্ত্রীনা থৌরম অসি পালন তৌবা ওইনা পোস্তেল স্তাম্প অমসু ফোঙগনি।
থৌরম অসিদা প্রধান মন্ত্রীনা আই.আই.তি, মদ্রাসনা লুচিংবা অপুনবা ইন্সতিত্যুত নিপালগী মলতি ইন্সতিত্যুত কোল্লাবোরেতিব প্রোজেক্ত অমা ওইনা দিবেলপ তৌখিবা ৫জি তেস্ত বেদসু লোঞ্চ তৌগনি। প্রোজেক্ত অসিদা শরুক য়াখিবা অতোপ্পা ইন্সতিত্যুতশিং অদুদি আই.আই.তি. দিল্লী, আই.আই.তি. হাইদরাবাদ, আই.আই.তি. বোম্বে, আই.আই.তি. কানপুর, আই.আই.এসসি. বেঙ্গলোর, সোসাইতী ফোর এপ্লাইদ মাইক্রোৱেব ইলেক্ত্রোনিক্স ইঞ্জিনীয়রিং এন্দ রিসর্চ (এস.এ.এম.ই.ই.আর.) অমসুং সেন্তর ফোর এক্সিলেন্স ইন ৱায়রলেস তেক্নোলোজী (সি.ই.দবল্যি.আই.তি.)নি। প্রোজেক্ত অসি লুপা করোর ২২০ হেন্না চংনা দিবেলপ তৌখি। তেস্ত বেদ অসিনা ভারতকী ইন্দস্ত্রী অমসুং স্তার্তঅপশিংবু ৫জি অমসুং নেক্স জেনরেসন তেক্নোলোজীশিংদা মখোয়গী প্রদক্ত, প্রোতোতাইপ, সোল্যুসন অমসুং অলগোরিথমশিং ভেলিদেৎ তৌবদা তেংবাং পীগদবা সপ্পোর্তিব ইকোসিস্তেম অমা ফংহনগনি।
ত্রাই অসি তেলিকোম রিগ্যুলেতরী ওথোরিতী ওফ ইন্দিয়া এক্ত, ১৯৯৭কী মখাআদা ১৯৯৭তা লিংখৎকি।
