প্রধান মন্ত্রীনা শিল্লোংগী নৈগ্রিমসতা ৭৫০০শুবা জনঔশাধি কেন্দ্র মীয়ামদা কৎথোক্কনি
ভিদিও কনফরেন্সকী খুৎথাংদা মার্চ ৭, ২০২১গী অয়ুক পুং ১০ তাবদা ‘জনঔশাধি দিৱস’ থৌরমদা প্রধান মন্ত্রী শ্রী নরেন্দ্র মোদী ৱা ঙাংগনি। থৌরম অদুদা প্রধান মন্ত্রীনা শিল্লোংগী নৈগ্রিমসতা ৭৫০০শুবা জনঔশাধি কেন্দ্র মীয়ামদা কৎথোক্কনি। মহাক্না প্রধান মন্ত্রী ভারতিয়া জনঔশাধি পরিয়োজনাগী কান্নবা ফংলবা মীওইশিংগা ৱারি শানগনি অমসুং মখোয়গী শিংথানিঙাই ওইবা থবকশিং শকখঙবা ওইনা মরী লৈনবশিংদা মনাশিং য়েন্থোক্কনি। থৌরম অদুদা কেমিকেলস অমসুং ফর্তিলাইজরগী য়ুনিয়ন মিনিস্তর শরুক য়াগনি।
প্রধান মন্ত্রী ভারতিয়া জনঔশাধি পরিয়োজনাগী মরমদা
মসি অহোঙবা মমলদা অফবা হিদাক-লাংথকশিং ফংহন্নবা থবক অমনি। লৈবাক অসিগী জিলা খুদিংমক কোনশীন্দুনা স্কিম অসিগী মখাদা হাংদোকপা দুকান মশিং ৭৪৯৯ য়ৌরে। হায়রিবা হিদাকশিং অসি কৈথেলগী মমলদগী চাদা ৫০দগী চাদা ৯০ ফাওবা হোঙবা মরম্না শেনবা চহি ২০২০-২১(মার্চ ৪. ২০২১ ফাওবদা)দা মীচম মীয়াম্না চাউরাক্না লুপা কোতি ৩৬০০ কনবা ঙম্লে।
জনঔশাধি দিৱসকী মরমদা
জনঔশাধিগী মরমদা মীয়ামদা খঙহন্নবা চয়োল অমা চুপ্না মার্চ ১দগী মার্চ ৭ ফাওবা “জনঔশাধি-সেবা ভি, রোজগার ভি” হায়বা পান্দমদা লৈবাক শীনবা থুংনা ‘জনঔশাধি চয়োল’ পাংথোক্কনি। চয়োল থৌরম অসিগী অরোইবা নুমিৎ হায়বদি মার্চ ৭তা ‘জনঔশাধি দিৱস’ থৌরম পাংথোক্কনি।
