Share
 
Comments
“লৈবাক্কী চাউখৎ-থৌরাংগী খোঙজেলনা নহাশিংগী পাঙ্গলনা মরম ওইরগা অনৌবা মোমেন্তম ফংলি”
“লৈবাক্কী স্তার্ত-অপকী ৱারীশিংনা তেল্লবা চহি ৮গী মনুংদা চাউরবা অহোংবা অমা পুরকখি”
“সরকারনা ইং ২০১৪গী মতুংদগী নহাশিংগী ইনোভেসন তৌবা ঙম্বগী মপাঙ্গলদা অমুক্কা হন্না থাজবা থমদুনা পুম্নমক ওইথোকপা য়াবা ইকোসীস্তেম অমা শেম্লে”
“চহি ৭কী মমাংদা স্তার্ত-অপ ইন্দিয়া হৌদোকখিবা অসি ৱাখল্লোনবু ইন্নোভেসন্দা ওন্থোকপা অমসুং মদুবু ইন্দস্ত্রীগী থাক্তা পুবগী চাউরবা খোঙথাং অমা ওইখি”
“কারবার তৌবদা লাইহনবগী থৌওংদা হান্নগুম তৌখিদ্রিবা মিৎয়েং চঙলি অমসুং মান্নবা মিৎয়েং অসি ভারতকী পুন্সি মহিং লায়হনবদসু চঙলি”

প্রধান মন্ত্রী, শ্রী নরেন্দ্র মোদীনা ঙসি ইন্দোর্দা পাংথোকখিবা মধ্য প্রদেশ স্তার্ত-অপ কনক্লেব মনুংদা মধ্য প্রদেশ স্তার্ত-অপ পোলিসীবু ভিদিও কনফরেন্সিংগী খুত্থাংদা হৌদোকখ্রে। মহাক্না মধ্য প্রদেশ স্তার্ত-অপ পোর্তেলসু হৌদোকখি অমসুং মসিনা স্তার্ত-অপ ইকোসীস্তেম খুমাং চাউশিলহনবদা তেংবাংগনি। মহাক্না স্তার্ত-অপ ওন্তোপ্রিনরশিংগসু ৱারী শাখি।

প্রধান মন্ত্রীনা শোপ কিরানা কৌবা কিরানা স্তোরগী ওনলাইনগী দুকান হৌদোকখিবা শ্রী তনু তেজস সরস্বতকা ৱারী শাবদা মহাক্কী বেকগ্রাউন্দগী মতাংদা হংখি অমসুং কারবার অসি হৌদোক্নবা মহাক্না কদাইদগী ৱাখল্লোন ফংখিবগে হায়বসু হংখি। মহাক্কী কারবারগী শাহৌ লৌবা অমসুং খুদোংচাবা কয়াগী মতাংদসু প্রধান মন্ত্রীনা হংখি। মহাক্কী স্তার্ত-অপ অসিগা কিরানা স্তোর কয়াগা মরী লৈনবগে অমসুং মহাক্না স্তার্ত-অপ অসিগীদমক্তা করিগীদমক্তা ইন্দোর খল্লিবনো হায়না প্রধান মন্ত্রীনা হংখি। স্বানিধীদগী কান্নবা ফংলিবা স্ত্রীত ভেন্দরশিংনা অসিগুম্বা ওনলাইনগী দুকান শেম্বা ঙমগদরা হায়বা ৱাহংসু প্রধান মন্ত্রীনা হংখি।

প্রধান মন্ত্রীনা উমং শ্রীধর দিজাইন প্রাইভেৎ লিমিতেদ হৌদোক্লিবা ভোপালদগী কুমারী উমং শ্রীধরগা ৱারী শাবা মতমদা মখোয়গী খাদিগী মতাংদা পাংথোকপা ইন্নোভেসন অমসুং মখোয়না অচৌবা কম্পেনী কয়াগী পোত্থোক শাবগী মতাংদা মহাক্কী মফমদা পাউদমখি। স্তার্ত-অপ অসিনা ইং ২০১৪দা মখোয়গী কার্বার হৌদুনা সরকারগা মান্নবা মতৌগী মতাংদা প্রধান মন্ত্রীদা পাউদমখি। মহাক্না নুপীশিংগা লোয়ননা থবক তৌমিন্নবগী মতাংদা প্রধান মন্ত্রীদা পাউদমখি। মহাক্কী স্তার্ত-অপ অসিগী খুত্থাংদা নুপীশিংগী ফিভম করম্না ফগৎহনবা ঙমখিবগে অমসুং ভেল্যু এদিসন করম্না পাংথোকপগে হায়না প্রধান মন্ত্রীনা হংখি। নুপীগী শেন্থোক্না চাউরাক্না ৩০০%গী চাংদা হেনগৎপা ঙমখি হায়না মহাক্না প্রধান মন্ত্রীদা তমখি। আর্তিসান্দগী ওন্তোপ্রিনর ফাওবগী থাক্কী নুপী গ্রেজুএতশিংদা ত্রেনিং পীবগী মতাংদা মহাক্না হায়খি। মহাক্না কাশিদা থবক তৌবগী মতাংদা প্রধান মন্ত্রীনা হংলদুনা থবক পীবা অমসুং মীয়ামদা ইথিল পীবা মীওই ওইবগীদমক্তা মহাকপু প্রধান মন্ত্রীনা থাগৎখি।

প্রধান মন্ত্রীনা ইন্দোরগী শ্রী তাউসিফ খানগা ৱারী শাবদা মহাক্কী লুপনা লৌমীশিংগী চাঙ্গাবু শরুক অনি থোক্না হেনগৎহন্নবা থবক পায়খৎলি হায়না প্রধান মন্ত্রীগী মফমদা পাউদমখি। মখোয়না তেক্নোলোজীগী ওইবা ৱারোইশিন পুথোক্লে অমসুং মসিবু লৌমীশিংদা হকথেংননা অমসুং দিজিতেলগী খুত্থাংদা পীরি হায়না প্রধান মন্ত্রীদা তমখি। মহাক্কী স্তার্ত-অপকা মরী লৈনবা লৌমীশিংনা সোইল তেস্তিং তৌবগী খুদোংচাবা ফংবা ঙমগদরা হায়না প্রধান মন্ত্রীনা হংখি। সোইল তেস্তিং মতৌ করম্না পাংথোকপগে অমসুং রিপোর্তশিং অসিবু লৌমীশিংদা দিজিতেলগী খুত্থাংদা করম্বা য়ৌহনবগে হায়বগী মতাংদা প্রধান মন্ত্রীগী মফমদা তমখি। মখোয়না ওর্গানিক অমসুং মাইক্রোবিএল মেন্যুরবুসু খুমাং চাউশিনহল্লি অমসুং মীয়ামদা য়ৌহল্লি। লৌমীশিংগী মরক্তা নেচরেল ফার্মিং চত্থবগী মতাংদা প্রধান মন্ত্রীনা হংখি। ইন্দোরনা স্বচ্ছ সর্বেক্সন্দা মকোক থোংবগুম্না, ইন্দোরগী লৌমীশিংনা কেমিকেল য়াওদনা লৌ-উবগী মতাংদসু খুদম থমগদবনি হায়না প্রধান মন্ত্রীনা য়াইফ পাউজেল পীখি।

প্রধান মন্ত্রীনা তিল্লিবা মীয়ামদা ৱা ঙাঙবদা লৈবাক্কী চাউখৎ-থৌরাংগী খোঙজেলনা নহাশিংগী পাঙ্গলনা মরম ওইরগা অনৌবা মোমেন্তম ফংলি হায়খি। মথৌ থৱাই য়াওনা পাংথোকপা স্তার্ত-অপ পোলিসী লৈরবনিনা, লৈবাক অসিদা স্তার্ত-অপকী মতিক চাবা লুচিংবা লৈরগনি হায়বা খঙলে হায়না প্রধান মন্ত্রীনা হায়খি। লৈবাক্কী স্তার্ত-অপকী ৱারীশিংনা তেল্লবা চহি ৮গী মনুংদা চাউরবা অহোংবা অমা পুরকখি হায়না প্রধান মন্ত্রীনা ফোংদোকখি। ইং ২০১৪দা মহাক্কী সরকার শেমখিবা মতমদা লৈবাক অসিদা শুপ্নগী স্তার্ত-অপ ৩০০-৪০০ লৈরম্মি হায়না মহাক্না নীংশিংখি। ঙসিদি লৈবাক অসিদা নীংথিনা শীন-লাঙলবা স্তার্ত-অপ ৭০০০০ মুক লৈরে। লৈবাক অসিদা নুমিৎ ৭-৮ খুদিংগী য়ুনিকোর্ন থোক্লক্লি হায়না মহাক্না মখা তাখি।

প্রধান মন্ত্রীনা স্তার্ত-অপকী তোঙানবা হীরম কয়াবু উখি। স্তার্ত-অপ ৫০%গী চাংদি তাইয়র ২ অমসুং ৩গী শহরদগীনি অমসুং মখোয়না রাজ্য অমসুং শহর কয়া কোল্লি হায়না মহাক্না হায়খি। মখোয়না ইন্দস্ত্রী ৫০ হেনবগা মরী লৈনরি। স্তার্ত-অপশিংনা মালেমগী তসেংবা শিংনবগী ৱারোইশিন পীরি হায়না মহাক্না পনখি। ঙসিগী স্তার্ত-অপ অসি হয়েংগী এম.এন.সি. ওইগনি। স্তার্ত-অপকী ৱাখল্লোন অসি চহি ৮গী মমাংদা মীওই খরখক্কী মরক্তা খন্নরম্মি, অদুবু ঙসিদি মসিগী মতাংদা মীওই খুদিংনা খন্ন-নৈনরে হায়না মহাক্না ফোংদোকখি। মসিগী অহোংবা অসি নম্থাক তৌবা নত্তে, মসিদি নীংথিনা থৌরাং য়াৎলবা থৌওংগী মহৈনি হায়না মহাক্না হায়খি।

ভারতকী ইন্নোভেসনগী ৱারোইশিনগী মতাংদা লৈবা ৱারী কয়া মহাক্না তম্লদুনা, আই.তি. ইহৌদা মোমেন্তম নীংথিনা পীবা ঙমহৌদবা অমসুং লৈবাক অসিদা মরী লৈনবা খুদোংচাবা ফংহনবা ঙমখিদবা অসিদা মহাক্না পেন্দবা ফোংদোকখি। মতমদুগী চরাংনবগী মতৌদা দিকেদ অমা মাঙখ্রে। সরকারনা ইং ২০১৪গী মতুংদগী নহাশিংগী ইনোভেসন তৌবা ঙম্বগী মপাঙ্গলদা অমুক্কা হন্না থাজবা থমদুনা পুম্নমক ওইথোকপা য়াবা ইকোসীস্তেম অমা শেম্লে হায়না মহাক্না হায়খি। আইদিয়াদগী ইন্নোভেসন অমসুং মতুংদা ইন্দস্ত্রী ফাওবগী থৌরাং য়াত্তুনা সেক্তর অসিদা পুক্নিং থৌগৎপগী মশা অহুম লোঙবা থৌওংগী মতাংদা মহাক্না পাউদমখি। থৌরাং অসিগী অহানবা তাঙ্কক্না আইদিয়া, ইন্নোভেত, ইনক্যুবেত অমসুং ইন্দস্ত্রীগী ৱাখল্লোন্নি। হীরম অসিগা মরী লৈনবা ইন্সতিত্যুসন শেম্লে অমসুং মপাঙ্গল লৈহল্লে। অনিশুবা, সরকারগী কাঙলোন কোমথোকপা। অহুমশুবা, অনৌবা ইকোসীস্তেম শেমদুনা ইন্নোভেসনগী মাইন্দসেত্তা অহোংবা পুরকপা। হীরম অসিগী মতাংদা খন্নদুনা, হেক্কাথোনগুম্বা থৌরাং কয়া পায়খৎলে। অসিগুম্বা হেক্কাথোনগী ইহৌ অসিদা মহৈ হৈরবা অমসুং তেলেন্ত লৈরবা নহা লাখ ১৫ শরুক য়াহন্দুনা স্তার্ত-অপকী ইকোসীস্তেম অমা শেমখিবনি।

প্রধান মন্ত্রীনা চহি ৭কী মমাংদা স্তার্ত-অপ ইন্দিয়া হৌদোকখিবা অসি ৱাখল্লোনবু ইন্নোভেসন্দা ওন্থোকপা অমসুং মদুবু ইন্দস্ত্রীগী থাক্তা পুবগী চাউরবা খোঙথাং অমা ওইখি হায়খি। মসিদগী চহি অমগী মতুংদা, স্কুলশিংদা অতল তিঙ্করিং লেব অমসুং হাইয়র এজুকেসন ইন্সতিত্যুসনশিংদা ইনক্যুবেসন সেন্তর লিংখত্তুনা অতল ইন্নোভেসন মিসন হৌদোকখি। স্কুল লিশিং ১০ হেনবদা তিঙ্করিং লেব লৈরে অমসুং মহৈরোই লাখ ৭৫ হেনববু ইন্নোভেসনগী এৎমোস্ফিয়র খঙহল্লে। মান্নবা ওইনা, নেস্নেল এজুকেসন পোলিসীনা ইন্নোভেসনবু পুক্নিং থৌগৎলি। ইন্নোভেসন সেক্তরদা প্রাইভেত ইনভেস্তমেন্তসু হেনগৎলক্লি।

স্পেস সেক্তর, মেপ্পিং, দ্রোন্নচিংবা সেক্তর কয়াদা রিফোর্ম পুরকপনা স্তার্ত-অপ শিংদা অনৌবা খুদোংচাবা পীরি হায়না মহাক্না হায়খি। স্তার্ত-অপকী পোত্থোকশিংবু কৈথেলদা য়ৌহনবদা লাইহন্নবগীদমক্তা জি.ই.এম. পোর্তেল শেমখিবনি। জি.ই.এম. পোর্তেল অসিদা স্তার্ত-অপ ১৩০০০ হেন্না রেজিস্তর তৌরে অমসুং পোর্তেল অসিদা লুপা করোর ৬৫০০গী শেনফমগী কারবার তৌনরি। স্তার্ত-অপ চাউখৎহনবা অমসুং অনৌবা কৈথেল হাংবগী হীরমদা দিজিতেল ইন্দিয়ানা অচৌবা শাফু পীরি। তুরিজম সেক্তর চাউখৎপদা স্তার্ত-অপকী অচৌবা থৌদাং লৈ হায়না মহাক্না হায়খি। স্তার্ত-অপশিংনা ভোকেল ফোর লোকেলদস্য তেংবাংবা ঙমগনি। ত্রাইবেলশিংনা মখোয়গী হেন্দিক্রাফ অমসুং অতোপ্পা পোত্থোকশিংবু কৈথেলদা য়ৌহনবদা স্তার্ত-অপশিংনা য়াম্না চাউনা তেংবাংবা ঙমগনি। সরকারনা গেমিং অমসুং শান্নপোত ইন্দস্ত্রীদা য়াম্না চাউনা তেংবাংলি। ভারতকী স্তার্ত-অপ ৮০০ হেনবনা স্পোর্ত সেক্তরদা মথৌ পাংথোক্লি হায়না মহাক্না পাউদমখি।

প্রধান মন্ত্রীনা “ঐখোয়না ভারতনা মায় পাক্নবগীদমক্তা অনৌবা মোমেন্তম অমসুং থাক পীগদবনি। ঙসিদি, ভারতনা জি.-২০ শেন্মিৎলোনগী মরক্তা খ্বাইদগী হেন্না শাহৌ লোউরিবা লৈবাক অমা ওইরি” হায়না হায়খি। ভারতনা মালেমগী খ্বাইদগী অহুমশুবা চাউবা শেন্মিৎলোন ওইরি হায়না মহাক্না হায়খি। স্মার্তফোন, দেতা শিজিন্নবগী মতাংদা ভারতনা অহানবা অমসুং ইন্তর্নেত শিজিন্নবগী মতাংদা মামেলগী অনিশুবা থাক্তা লৈরি। গ্লোবেল রিতেল ইন্দেক্সতা ভারতনা অনিশুবদা লৈরি। ভারতনা মালেমগী ওইনা ইনর্জী শিজিন্নবা অহুমশুবা লৈবাক ওইরি, অমসুং মালেমগী খ্বাইদগী অহুমশুবা চাউবা কঞ্জ্যুমর মার্কেত ভারত্তা লৈরি। ভারতনা হন্দক্কী চহিসিদা বিলিয়ন দোল্লর ৪৭০ হেনবগী এক্সপোর্ত তৌদুনা লল্লোন-ইতিক্কী অনৌবা রেকোর্দ শেমখ্রে। ইনফ্রাস্ত্রকচরদা হান্নগুম পাংথোক্লমদবা ইনভেস্তমেন্ত তৌরি। কারবার তৌবদা লাইহনবগী থৌওংদা হান্নগুম তৌখিদ্রিবা মিৎয়েং চঙলি অমসুং মান্নবা মিৎয়েং অসি ভারতকী পুন্সি মহিং লায়হনবদসু চঙলি। ৱারোলশিং অসিনা ভারত মচা খুদিংবু চাউথোকচহল্লি অমসুং ভারতকী মায় পাকপগী ৱারীনা অনৌবা পাঙ্গলগা লোয়ননা হন্দক্কী অসিদা মাং থানা চঙশিনবা ঙমগনি হায়বগী থাজবা লৈহল্লি। ঐখোয়না অমৃত কাল অসিদা হোৎনরিবা খুদিংনা লৈবাক্কী অনৌবা মাইকৈ তাক্কনি অমসুং ঐখোয় ময়াম্না অমত্তা ওইনা হোৎনমিন্নদুনা লৈবাক্কী অপাম্বা ফংবা ঙমহনগনি হায়না প্রধান মন্ত্রীনা হায়খি।

ৱা ঙাংখিবগী মপুংফাবা ৱারোল পানবা মসিদা নম্বীয়ু

মোদীগী মাস্তরক্লাস: পি.এম. মোদীগা লোয়ননা ‘পরিক্ষা পে চর্চা’
Share your ideas and suggestions for 'Mann Ki Baat' now!
Explore More
পরিক্ষা পে চর্চা ২০২২দা পি.এম.না মহৈরোই, মমা-মপা অমসুং ওজাশিংগা ৱারী শাবদা থমখিবা ৱারোলগী মনিপুরী ৱাহন্থোক

Popular Speeches

পরিক্ষা পে চর্চা ২০২২দা পি.এম.না মহৈরোই, মমা-মপা অমসুং ওজাশিংগা ৱারী শাবদা থমখিবা ৱারোলগী মনিপুরী ৱাহন্থোক
Nearly 62 Top Industry Captains confirm their arrival; PM Modi to perform Bhumi-pujan for 2k projects worth Rs 75 thousand crores

Media Coverage

Nearly 62 Top Industry Captains confirm their arrival; PM Modi to perform Bhumi-pujan for 2k projects worth Rs 75 thousand crores
...

Nm on the go

Always be the first to hear from the PM. Get the App Now!
...
PM expresses happiness on the entire team of ASHA workers getting WHO Director-General's Global Health Leaders' award
May 23, 2022
Share
 
Comments

The Prime Minister, Shri Narendra Modi has expressed his happiness for the entire team of ASHA workers receiving WHO Director-General's Global Health Leaders' award. Shri Modi said that ASHA workers are at forefront of ensuring a healthy India and their dedication and determination is admirable.

In response of tweet by World Health Organisation, the Prime Minister tweeted;

"Delighted that the entire team of ASHA workers have been conferred the @WHO Director-General’s Global Health Leaders’ Award. Congratulations to all ASHA workers. They are at the forefront of ensuring a healthy India. Their dedication and determination is admirable."