প্রধান মন্ত্রী, শ্রী নরেন্দ্র মোদীনা ঙসি আন্ধ্র প্রদেশকী ভিশাখাপতনমদা পাংথোকপা 11শুবা ইন্তর্নেস্নেল দে ওফ য়োগ (IYD)দা ৱা ঙাংখ্রে। প্রধান মন্ত্রীনা ইন্তর্নেস্নেল য়োগ নুমিৎকী থৌরমশিং লুচিংখি অমসুং য়োগ সেসনদা শরুক য়াখি।
থৌরম অদুদা ৱা ঙাংলদুনা, প্রধান মন্ত্রীনা ইন্তর্নেস্নেল য়োগ দেগী থৌরমদা ভারত অমসুং মালেমগী মীয়ামদা নুংঙাইবা ফোংদোকখি। মহাক্না হায়খি মদুদি চহি অসিগী জুন 21দা মালেম পুম্বনা পুন্না য়োগ তৌনবা অমত্তা ওইনা লাকপা অসি 11শুবা ওইরি। মহাক্না হায়খি মদুদি য়োগগী মগুনদি "মীয়াম অমত্তা ওইহনবা" অসিনি, অমসুং য়োগনা মালেম অসি করম্না অমত্তা ওইহনবগে হায়বদু উবদা নুংঙাইবা ফাওই। হৌখিবা চহি তরাগী খুজিং অসিদা য়োগগী খোঙচৎ অদুদা মীৎয়েং থম্লদুনা, শ্রী মোদীনা য়ুনাইতেদ নেসন্সতা ভারতনা ইন্তর্নেস্নেল য়োগ নুমিৎকী ৱাখল্লোন পুথোকখিবা মতম অদু নীংশিংখি। লৈবাক 175না প্রপোজেল অসিবু শৌগৎখি, অসিগুম্বা পাক চাউবা মালেমগী অপুনবগী অতাংবা খুদম অমনি হায়না মহাক্না ফোংদোকখি। মহাক্না অকনবা ৱাফম থমখি মদুদি মতেং অসি প্রপোজেল অমখক্তগী নত্তে অদুবু মসিনা মীওইবা খুন্নাইগী য়াইফনবগীদমক্তা মালেম পুম্বনা পুন্না হোৎনরিবা অদুবু তাক্লি। চহি 11গী মতুংদা, য়োগ অসি মালেম শীনবা থুংনা মীওই মিল্লিয়ন কয়াগী পুন্সি মহিংগী শরুক অমা ওইরক্লি।" প্রধান মন্ত্রীনা দিব্যাং মীওইশিংনা মতৌ করম্না ব্রেলদা য়োগগী লাইরিকশিং পাবা ফংলিবা অমসুং সাইন্তিস্তশিংনা স্পেসতা মতৌ করম্না য়োগ চত্থরিবগে হায়বদু উবদা চাউথোকচবা ফোংদোকখি। মহাক্না য়োগ ওলিম্পিয়াদতা খুঙ্গংগী লমদমগী নহাশিংনা থৱায় য়াওনা শরুক য়াবগী ৱাফমসু থমখি। সিদনি ওপেরা হাউসকী খোঙথাং ওইগেরা, মাউন্ত এভরেস্তকী সম্মিৎ ওইগেরা, নৎত্রগা সমুদ্রগী অচৌবা লম ওইগেরা, পাউজেল অসি চপ মান্নৈ, "য়োগ অসি মীপুম খুদিংমক্কীনি, ঙমখৈশিংগী ৱাংমা লাল্লি, বেকগ্রাউন্দশিংগী ৱাংমা লাল্লি, চহি নত্ত্রগা তৌবা ঙম্বগী ৱাংমা লাল্লি।"
ভিশাখাপতনমদা লাকপদা হরাওবা ফোংদোক্লদুনা শহর অসি মহৌশা অমসুং চাউখৎপগী য়ানশিন্নবা মফম অমনি হায়না শন্দোক্না তাক্লদুনা শ্রী মোদীনা থৌরম অসি ফজনা পাংথোকপগীদমক মীয়াম্বু থাগৎপা ফোংদোকখি অমসুং শ্রী চন্দ্রবাবু নাইদু অমসুং শ্রী পৱন কল্যানবু মখোয়গী লুচিংবগীদমক থাগৎপা ফোংদোকখি। প্রধান মন্ত্রীনা হায়খি মদুদি মখোয়গী লুচিং মখাদা আন্ধ্র প্রদেশনা অখন্নবা খোঙথাং অমা হৌদোকখি – য়োগন্ধ্রা অভিয়ান। শ্রী নারা লোকেসকী খোঙথাংশিংবু মহাক্না থাগৎপা ফোংদোকখি। মহাক্না উৎখি মদুদি য়োগ অসি করম্না অশেংবা খুন্নাইগী থৌরম অমা ওইবা য়াবগে অমসুং খুন্নাইগী শরুক খুদিংমক করম্না শরুক য়াবা য়াবগে। শ্রী মোদীনা হায়খি মদুদি হৌখিবা থা অমা মখায় অসিদা, শ্রী লোকেসনা য়োগন্ধ্রা অভিয়ানগী খুত্থাংদা মশক থোকপা থৌদাং অমা উৎখ্রে অমসুং মহাক্কী হোৎনরিবশিংগীদমক থাগৎপা ফোংদোকচরি।
মীওই করোর অনি হেন্না য়োগন্ধ্রা অভিয়ানদা শরুক য়াখ্রে হায়বা ৱাফম থম্লদুনা মীয়ামগী শরুক য়াবগী থৌনা অদু উৎলি হায়না প্রধান মন্ত্রীনা ফোংদোকখি। থৌনা অসিনা বিক্সিত ভারতকী য়ুম্ফম ওইরি হায়না মহাক্না হায়খি। মহাক্না হায়খি মদুদি নাগরিকশিংনা মিসন অমগী মপু ওইদুনা অমসুং থৌনা লৈনা শরুক য়াবা মতমদা, পান্দম অমত্তা ফংবা ঙমদবা লৈতে। শ্রী মোদীনা হায়খি মদুদি ভিশাখাপতনমদা পাংথোকখিবা থৌরম অদুদা মীয়ামগী অফবা মঙলান অমসুং থৌনা ফবা থবকশিং অদু উবা ফংখি।
চহি অসিগী ইন্তর্নেস্নেল য়োগ নুমিৎকী থিম, "য়োগ ফোর ৱান আর্থ, ৱান হেল্থ " অসি পল্লদুনা প্রধান মন্ত্রীনা হায়খি মদুদি থিম অসিনা ময়েক শেংবা অচুম্বা অমা উৎলি: পৃথীবিদা লৈরিবা মীওই খুদিংমক্কী হকশেল অসি অমগা অমগা মরী লৈনৈ। মহাক্না হায়খি, মীওইবগী য়াইফ-থৌরাং অসি ঐখোয়গী চিঞ্জাক পুথোক্লিবা লৈহাও, ঐখোয়গী ঈশিং পীরিবা তুরেলশিং, ঐখোয়গী ইকোসিস্তেমদা হিংলিবা জিবশিং, অমসুং ঐখোয়বু মচি ওইবা ফংহল্লিবা পাম্বীশিংগী হকশেলগী মখা পোল্লি। শ্রী মোদীনা হায়খি মদুদি য়োগনা ঐখোয়বু অমগা অমগী মরক্তা মরী লৈনৈ হায়বা অসি খঙহল্লক্লি অমসুং মালেমগা অমত্তা ওইবগী খোঙচৎ অমদা ঐখোয়বু লমজিংলি। “য়োগনা ঐখোয়দা তাকপদি ঐখোয় তোঙান-তোঙানবা মীওইশিং নত্তে অদুবু মহৌশাগী অপুনবা শরুক অমনি। অহানবদা, ঐখোয়না ঐখোয়গী হকশেল অমসুং মশা-মউ ফনা লৈনবগীদমক য়েংশিনবা তম্মী, অদুবু তপ্না তপ্না, মসিগী য়েংশিনবা অসিনা ঐখোয়গী অকোয়বগী ফিভম, খুন্নাই অমসুং গ্রহ অসিদসু পাকথোক চাউথোকহল্লি। য়োগ অসি মনিংতম্বা মশাগী ওইবা দিসিপ্লিন অমনি, মসিগা লোয়ননা মসি পুন্না চৎমিন্নবা পথাপ অমা ওইনসু মথৌ তৌই। মসিনা মী অমবু ঐহাক্তগী ঐখোয়দা ওন্থোকই”, হায়না প্রধান মন্ত্রীনা হায়খি।
শ্রী মোদীনা হায়খি মদুদি 'ঐহাক্তগী ঐখোয়' হায়বা ৱাখল্লোন অসিনা ভারতকী থম্মোয়বু মপুং ফাহল্লি। মহাক্না হায়খি মদুদি মীওই অমনা মশাগী কান্নবা থাদোক্তুনা হেন্না ৱাংমা লালকপা অমসুং খুন্নাইগী চাউরাকপা ৱাখল্লোনগীদমক ৱাখল খনবা হৌরকপা মতমদা, মীওইবা খুন্নাই পুম্নমক্কী য়াইফবা অসি ওইথোরক্কনি। মহাক্না ভারতকী চৎনবীগী মতাংদা পল্লদুনা হায়খি মদুদি মসিনা ঐখোয়দা 'সর্ভে ভবন্তু সুখিনা'গী ভেল্যু তাক্লি। মীপুম খুদিংমক্কী য়াইফ-থৌরাং অসি মীওই অমগী অশেংবা থৌদাংনি অমসুং 'ঐহাক'দগী 'ঐখোয়' ফাওবগী খোঙচৎ অসিনা সেবা, থৌনা অমসুং পুন্না হিংমিন্নবগী য়ুম্ফম ওইরি। প্রধান মন্ত্রীনা হায়খি মদুদি ৱাখল্লোন অসিমক্না খুন্নাইগী অপুনবগী মগুন হেনগৎহল্লি।
মালেমগী তোঙান তোঙানবা মফমশিংদা হেনগৎলক্লিবা তংদু-লৈতাবা, অৱা-অনা অমসুং অচেৎপা লৈতবগী মতাংদা অৱাবা ফোংদোক্লদুনা শ্রী মোদীনা হায়খি মদুদি অসিগুম্বা মতম অসিদা, য়োগনা শান্তিগী লম্বী অমা পীরি। মহাক্না হায়খি, "য়োগ অসি মীওইবা খুন্নাইনা শ্বর হোনবা, চপ মান্নবা, অমুক হন্না মপুং ফাহনবগীদমক মথৌ তারিবা পোজ বত্তননি।" প্রধান মন্ত্রীনা ইন্তর্নেস্নেল য়োগ নুমিৎকী থৌরমদা মালেমগী মীয়ামদা অখন্নবা আপিল অমা তৌখি। মহাক্না হায়খি মদুদি, "নখোয়না য়োগ নুমিৎ অসিবু পুক্নিং ৱাখলগী শান্তি অসি গ্লোবেল পোলিসী ওইহল্লিবা য়োগ ফোর হ্যুমেনিতী 2.0গী হৌরকফম ওইহল্লসি"। মহাক্না হায়খি মদুদি য়োগ অসি পর্সনেল প্রেক্তিস খক্তা ওইহল্লোইদবনি অদুবু মসি মালেমগী ওইবা মরীগী মেদিয়ম অমা ওইহনগদবনি। মহাক্না লৈবাক খুদিংমক অমসুং খুন্নাই খুদিংমকপু য়োগবু মখোয়গী পুন্সি মহিং অমসুং মীয়ামগী পোলিসীদা য়াওহন্নবা হায়খি। শ্রী মোদীনা শান্তি লৈবা, তংদু লৈতাবা অমসুং তুং কোইনা চৎকদবা মালেম অমা পুরক্নবা পুন্না হোৎনমিন্নবগী ৱাখল্লোন থমখি। মহাক্না মখা তাখি, "য়োগনা মালেম অসিবু চয়েৎনবদগী মতেং পীনবগী মায়কৈদা, অমসুং স্ত্রেসতগী সোলুসনগী মায়কৈদা লমজিংগদবনি।"
মালেম শীনবা থুংনা য়োগ শন্দোকপদা মতেং পাংনবা মোদর্ন রিসর্চকী খুত্থাংদা য়োগগী সাইন্স মপাঙ্গল কনখৎহন্নবা ভারতনা হোৎনরিবশিং অদু পল্লদুনা প্রধান মন্ত্রীনা হায়খি মদুদি লৈবাক অসিগী মকোক থোংবা মেদিকেল ইন্সতিত্যুসনশিংনা য়োগগী রিসর্চতা এক্তিব ওইনা শরুক য়ারি। মসিগী পান্দমদি হৌজিক মতমগী মেদিকেল প্রেক্তিসকী মনুংদা মসিগী সাইন্তিফিক রিলেভেন্সী অদু এস্তাব্লিশ তৌবনি। মহাক্না হায়খি মদুদি ভারতনা মেদিকেল অমসুং রিসর্চ ইন্সতিত্যুসনশিংগী খুত্থাংদা য়োগগী লমদা ইভিদেন্সতা য়ুম্ফম ওইবা থেরাপী প্রমোৎ তৌরি। শ্রী মোদীনা মসিগী মাইকৈ অসিদা অখন্নবা থৌদাং লৌরিবা ওল ইন্দিয়া ইন্সতিত্যুৎ ওফ মেদিকেল সাইন্সস (AIIMS), ন্যু দিল্লীবু থাগৎপা ফোংদোকখি। AIIMSকী রিসর্চ ফাইন্দিংশিং পল্লদুনা মহাক্না হায়খি মদুদি য়োগনা হার্ত অমসুং ন্যুরোলোজিকেল দিসওর্দরশিং লায়েংবদা, অমসুং নুপীশিংগী হকশেল অমসুং মেন্তেল ৱেল-ফীশিং ফগৎহনবদা মশক থোকপা ইথিল পীরি।
শ্রী মোদীনা হায়খি মদুদি নেস্নেল আয়ুশ মিসনগী খুত্থাংদা লৈবাক শীনবা থুংনা য়োগ অমসুং ৱেলনেসকী পাউজেল অসি কন্না শন্দোক্লি। মহাক্না হায়খি মদুদি দিজিতেল তেক্নোলোজীনা মসিগী হোৎনবা অসিদা মরু ওইবা থৌদাং অমা লৌরি। য়োগ পোর্তেল অমসুং য়োগ আন্ধ্র পোর্তেলগী খুত্থাংদা লৈবাক শীনবা থুংনা ইভেন্ত মিলিয়ন অমদগী হেনবা রেজিস্তর তৌখ্রে। মসিনা লৈবাক শিনবা থুংনা য়োগগী পাক চাউথোকপগী মশক তাক্লি। মহাক্না হায়খি মদুদি ভারতকী মফম খুদিংমক্তা পাংথোক্লিবা থৌরমশিং অসিনা য়োগকী ইথিল হেনগৎলক্লিবা অদু উৎলি।
'হীল ইন ইন্দিয়া' মন্ত্রগী মালেমগী ওইনা মীয়াম্না পাম্নবা হেনগৎলক্লিবা অসি পল্লদুনা, ভারত অসি হকচাং ফনা লৈনবগী মরুওইবা মফম অমা ওইরক্লিবা অসি পল্লদুনা, শ্রী মোদীনা হায়খি মদুদি য়োগনা চাউখৎপদা মরুওইবা থৌদাং অমা লৌরি। মহাক্না নুংঙাইবা ফোংদোকখি মদুদি য়োগগী থৌওং অসি স্তেন্দার্দাইজ তৌনবা কম্মন য়োগ প্রোতোকোল অমা শেমখ্রে। ভোল্যুন্তিয়র লাখ 6.5 হেন্না ত্রেন তৌখি অমসুং ইন্সতিত্যুসন 130রোম শকখঙখিবা, য়োগ সর্তিফিকেসন বোর্দনা হোলিস্তিক ৱেলনেস ইকোসিস্তেম অমা শেমগৎপগী শরুক অমা ওইনা নুমিৎ 10নিগী য়োগ মোদ্যুল অমা মেদিকেল কোলেজশিংদা হাপচিনখিবগী ৱাফমসু প্রধান মন্ত্রীনা পনখি। মহাক্না হায়খি মদুদি ত্রেন তৌরবা য়োগগী ওজাশিং লৈবাক শীনবা থুংনা লৈরিবা আয়ুশ্মান আরোগ্য মন্দিরশিংদা দিপ্লোই তৌরি। মালেমগী কম্ম্যুনিতীনা ভারতকী ৱেলনেস ইকোসিস্তেমগী কান্নবা ফংহন্নবা, প্রধান মন্ত্রীনা অখন্নবা ই-আয়ুশ ভিজাশিং পীনবা লাউথোকখি।
ওবেসিতীগী ইস্যুদা মীৎয়েং চঙদুনা, মসি মালেমগী ওইবা শীংনবা অমনি হায়না পল্লদুনা, শ্রী মোদীনা মন কী বাতকী থৌরমদা হীরম অসিগী মতাংদা মহাক্না কুপ্না খন্ন-নৈনখিবা অদু নীংশিংখি। মহাক্না নুমিৎ খুদিংগী দাইত্তা থাও শিজিন্নবা চাদা 10 হন্থহন্নবা চেলেঞ্জ অমা হৌদোকখি। প্রধান মন্ত্রীনা ভারত অমসুং মালেম পুম্বগী নাগরিকশিংদা মসিগী খোঙথাং অসিদা শরুক য়ানবা মহাক্কী আপিল অদু অমুক হন্না ফোংদোকখি। মীপুম খুদিংমক্না মখোয়গী চিঞ্জাক্কী অদুদা করম্না চাদা 10গী চাংদা থাও শিজিন্নবা হন্থহনবা য়াবগে হায়বগী মতাংদা এৱারনেস শন্দোকপগী তঙাইফদবা অদু পল্লদুনা, শ্রী মোদীনা হায়খি মদুদি থাও হন্থহনবা, হকচাংদবা কান্নদবা চিঞ্জাক থাদোকপা অমসুং য়োগ তৌবসি হকচাং ফনা হিংনবগী মরুওইবা শরুক অমনি।
য়োগবু মীয়ামগী খোঙজং অমা ওইহন্নবা মীপুম খুদিংমক্তা হায়জদুনা প্রধান মন্ত্রীনা মালেম অসি শান্তি, হকশেল অমসুং অমত্তা ওইবগী মায়কৈদা পুখৎকদবা খোঙজং অমগী ৱাখল্লোন থমখি। মহাক্না হায়খি মদুদি মীওই খুদিংমক্না মখোয়গী পুন্সিদা তংদু লৈতনা লৈনবা য়োগগা লোয়ননা নুমিৎ খুদিংগী হৌগদবনি অমসুং খুন্নাই খুদিংমক্না স্ত্রেসতগী লাপথোক্নবগীদমক য়োগ তৌগদবনি। প্রধান মন্ত্রীনা হায়খি, "য়োগনা মীওইবা খুন্নাইবু পুন্না শম্নহল্লিবা লিপুন অমা ওইনা মথৌ তৌগদবনি, য়োগনা মালেম অমা, হকশেল অমা ওইহন্নবা মালেমগী ৱারেপ অমা ওইগদবনি।"
আন্ধ্র প্রদেশকী রাজ্যপাল শ্রী সৈয়দ অব্দুল নাজির, আন্ধ্র প্রদেশকী মুখ্য মন্ত্রী শ্রী এন. নাইদু কিঞ্জারাপু, কেন্দ্রগী মন্ত্রীমন্দলগী মন্ত্রীশিং শ্রী রামমোহন নাইদু কিনজারাপু, শ্রী য়াদব প্রতাপরাও গনপরাও, দা. চন্দ্রশেখর পেমসানি, শ্রী ভূপতি রাজু শ্রীনিবাস ভর্মা অমসুং অতৈ মকোক থোংবা মীওইশিংসু থৌরম অদুদা শরুক য়াখি।
বেকগ্রাউন্দ
11শুবা ইন্তর্নেস্নেল দে ওফ য়োগ (IDY) গী থৌরমদা প্রধান মন্ত্রীনা ভিশাখাপতনমদগী নেস্নেল সেলেব্রেসনদা লুচিংখ্রে। মহাক্না বিশাখাপত্তনমগী বীচফ্রন্ততা কম্মন যোগ প্রোতোকোল (CYP) সেসনদা শরুক য়াখ্রে। মসিদা শরুক য়ারিবা মীওই লাখ 5 রোমগা লোয়ননা মহাক্না লৈবাক অসিদা য়োগগী মওং মতৌ উৎপদা লমজিংখ্রে। ভারত শিনবা থুংনা মফম লাখ 3.5 হেনবদা য়োগ সঙ্গম থৌরমশিং অমুক্তা পাংথোকখ্রে। চহি অসিদা, য়োগ ৱিথ ফেমিলি অমসুং য়োগ অনপ্লগদকী মখাদা নহাশিংদা মীৎয়েং থম্বা থৌরাংশিংগুম্বা অখন্নবা কম্পিতিতিবশিং মাইগোভ অমসুং মাইভারতকুম্বা প্লেৎফোর্মশিংদা মীয়ামগী শরুক য়াবা পুক্নিং থৌগৎনবা হৌদোকখ্রে।
চহি অসিগী থিম, "য়োগ ফোর ৱান আর্থ, ৱান হেল্থ" অসিনা মীওইবা অমসুং গ্রহগী হকশেলগী মরক্তা লৈনরিবা মরী অদু ময়েক শেংহল্লি অমসুং ভারতকী " সর্ভে সন্তু নিরামায়া " (পুম্নমক অনাবদগী লাপথোকপা ওইরসনু) হায়বা ফিলোসোফীদা য়ুম্ফম ওইবা অপুনবগী মশা-মউ ফবগী মালেমগী ভিজন অদু ফোংদোক্লি। য়ুনাইতেদ নেসন্স জেনরেল এসেমব্লী (UNGA) না জুন 21বু IDY ওইনা পাংথোক্নবা ভারতকী প্রপোজেল এদোপ্ত তৌরকপা 2015দগী হৌরগা, প্রধান মন্ত্রীনা ন্যু দিল্লী, চন্দীগর, লখনৌ, মাইসুরু, ন্যু য়োর্ক (UN হেদক্বাতর্স)তা IDY অসি মতম অদুদগী হৌনা মালেমগী ওইবা হকশেলগী ইহৌ অমা ওইরকখি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
Yoga has united the entire world. pic.twitter.com/b5Hn1kZmHf
— PMO India (@PMOIndia) June 21, 2025
Yoga is for Everyone. pic.twitter.com/0TV3xFocEW
— PMO India (@PMOIndia) June 21, 2025
Yoga leads us on a journey towards oneness with the world. pic.twitter.com/yE0mylnhWW
— PMO India (@PMOIndia) June 21, 2025
Yoga is a system that takes us from Me to We. pic.twitter.com/tdBsW4TYmp
— PMO India (@PMOIndia) June 21, 2025
‘मैं’ से ‘हम’ की ये यात्रा ही सेवा, समर्पण और सहअस्तित्व का आधार है। pic.twitter.com/BnG0zVmOj2
— PMO India (@PMOIndia) June 21, 2025
Yoga is the pause button humanity needs... to breathe, to balance, to become whole again. pic.twitter.com/vsGghEsNxq
— PMO India (@PMOIndia) June 21, 2025
Let this Yoga Day mark the beginning of Yoga for Humanity 2.0... where Inner Peace becomes Global Policy. pic.twitter.com/9CZPuhDPJz
— PMO India (@PMOIndia) June 21, 2025
