প্রধান মন্ত্রী শ্রী নরেন্দ্র মোদীনা ঙসি দিল্লিদা লোইশিনখিবা রাজ্যগী চীফ সেক্রেতরিশিংগী নুমিৎ নিনিগী মীফম শরুক য়াখ্রে।
ত্বিৎ থ্রিদ অমদা, প্রধান মন্ত্রীনা হায়খি চীফ সেক্রেতরিশিংগা লোয়ন্না পাংথোকখিবা মীফম অদুদা তোঙান-তোঙানবা হিরম কয়াদা খন্নখি।
মহাক্না ত্বিৎ তৌখি:
“হৌখিবা নুমিৎ নিনিদা, ঐখোয়না দিল্লিদা চীফ সেক্রেতরিশিংগী মীফমদা পাক-শন্না খন্ন-নৈনখি। ঙসি ঐগী ৱারোলশিং পীখিবদা, ভারতকী চাউখৎপগী খোঙজেল মপাঙ্গল কনখৎহন্নবা অমসুং মীয়ামগী পুন্সি মহিং মখা তানা ফগৎহন্নবা হিরম কয়া খন্নখি।
মালেমগী মীৎয়েং ভারত্তা থম্লিবা মরম্না, লাক্লিবা চহিশিংদা ঐখোয়গী লৈবাক্তা ঐখোয়গী নহারোলশিংগী মরাংকাইনা লৈরিবা হৈশিংবা হেনগৎহনগদবনি। অসিগুম্বা মতম অসিদা, হিরম খুদিংমক্তা অফবা লৈঙাক লৈহন্নবা ঐখোয়না পায়খৎলিবা থবকশিং ইনফ্রাস্ত্রকচর, ইনভেস্তমেন্ত, ইন্নোবেসন অমসুং ইনক্লুজনগী মখোঙ মরিনা মতেং পাংগনি।
ঐখোয়গী এম.এস.এম.ই সেক্তর ঐখোয়না মখা তানা ফগৎহনগদবনি হায়বসি ঐগী অচেৎপা থাজবনি। অত্মনির্ভর ওইরক্নবা অমসুং শেন-থুম চাউখৎপা হেনগৎহন্নবা মসি মরুওইবনি। মসিগা চপ মান্না মরুওইরিবসি মফম অমগী পোৎথোকশিং পাম্নহনবনি। মরম অসিনা শেন-থুমগী থবক খুদিংমক্তা মগুন লৈহনবা হায়বসি তঙাইফদে।
ৱাখল য়াওদবা নিয়মশিং অমসুং হায়রিবা অরিবা লোশিং অদু লোইশিন্নবা মীৎয়েং থম্নবা চীফ সেক্রেতরিশিংগী মফমদা খঙহনখি। ভারতনা অনপেরেলেল রিফোর্মশিং হৌরক্লবা মতম অমদা, কা হেনবা চৎন-কাংলোনশিং অমসুং ৱাখল য়াওদবা চেকশিনবশিংগী মফম লৈতে।
ঐনা ৱারি ফোঙদোকখিবা অতোপ্পা হিরমশিংগী মনুংদা পি.এম গাতি শক্তি য়াওখি অমসুং মসিগী পান্দম অসি ফংনবা কমদৌনা পুন্না থবক তৌমিন্নগনি হায়বা পনখি। মিসন লাইফ থৌনা হাপ্নবা অমসুং মীয়াম পাক-শন্না শরুক য়াহন্দুনা ইন্তর্নেসনেল ইয়ার ওফ মিল্লেতস পাংথোক্নবা চীফ সেক্রেতরিশিংদা তকশিনখি।
Over the last two days, we have been witnessing extensive discussions at the Chief Secretaries conference in Delhi. During my remarks today, emphasised on a wide range of subjects which can further improve the lives of people and strengthen India's development trajectory. pic.twitter.com/u2AMz2QG6I
— Narendra Modi (@narendramodi) January 7, 2023
