পি.এম.না শ্রী সন্ত জ্ঞানেশ্বর মহারাজ পালখী মার্গ অমসুং শ্রী সন্ত তুকারাম মহারাজ পালখী মার্গকী মরু ওইবা সেক্সনশিং লেন মরি ওন্নবগী উরেপ-উয়ুং তমখ্রে
পি.এম.না পন্দরপুরগী কন্নেক্তিবিতী ফগৎহন্নবা রোদ প্রোজেক্ত কয়ামরুমসু জাতি মীয়ামদা খুৎশিন্নখ্রে
“য়াত্রাশিং অসি তোঙান-তোঙানবা পালখী মার্গশিংদা চৎলি অদুবু পুম্নমক অসিগী লমথুংফমদি চপ মান্নৈ, মসি ঐখোয়গী থাজববু ফাজিনবগী মহুৎ মনিং তমহল্লিবা ঐখোয়গী অফবা লৌশিংগী খুদম অমনি”
“ভগৱান ৱিত্থলগী দরবার অসি মীপুম খুদিংমক্কী ওইনা চপ মান্ননা থোং হাংদুনা লৈ। মসিগা চপ মান্নবা ৱাখল্লোন অসি সবকা সাথ – সবকা বিকাস – সবকা বিশ্বাস হায়বা অসিদসু য়াওরি”
“মতম অমদগী মতম অমদা, তোঙান-তোঙানবা মফমশিংদা অসিগুম্বা মশক নাইবা মীওইশিং অসি অদুমক থোরকখি অমসুং লৈবাক অসিদা মাইকৈ তাক্লি।”
“‘পন্দরী কী ৱারী’ অসিনা মান্ননা খুদোংচাবা ফংই হায়না উৎলি। ৱারকরী অন্দোলন্না খেন্নবা থম্বা অসি লাল্লি হায়না লৌখি অমসুং মসিনা মসিগী অথোইবা মোত্তো ওইখি”
ভক্তাশিংদা ৱাশক অহুম শকহনখি – উ-পাম্বী থাবা, থক্নবা ঈশিং থম্বা অমসুং লাইফমশিংগী মনুংদা পন্দরপুরবু খ্বাইদগী লুনানবা মফম অমা ওইহনবা
“‘ধর্তি পুত্রশিং’না ভারতকী চৎনবী অমসুং সংস্কৃতি হিংহন্দুনা থমখি। ‘অশেংবা অন্নদাতা’ অমনা খুন্নাই অসিবু পুনশিন্দুনা থম্মি, খুন্নাই অসিদা হিংই অমসুং খুন্নাইগীদমক হিংখি। খুন্নাই চাউখৎপা হায়বা অসি অদোমদা লৈ, অমসুং অদোমগী চাউখৎপনা খুন্নাই অসি চাউখৎলি”

রামকৃষ্ণ হরী।

রামকৃষ্ণ হরী।

থৌরম অসিদা ঐখোয়গা লোয়ননা শরুক য়ামিন্নরিবা মহারাস্ত্রগী রাজ্যপাল শ্রীমান ভগত সিংহ কোশিয়ারীজী, মহারাস্ত্রগী মুখ্য মন্ত্রী, শ্রীমান উদ্ধব থাকরেজী, মন্ত্রী পরিসদতা ঐহাক্কী মরুপ ওইরিবা শ্রী নিতিন গদকরীজী, ঐহাক্কী অতোপ্পা মরুপ নারায়ন রানেজী, রাওসাহিব দানৱেজী, রামদাস অথাৱলেজী, কপিল পাতিলজী, দাক্তর ভাগৱত করারজী, দোক্তর ভারতী পৱারজী, জেনরেল ভি.কে. সিংহজী, মহারাস্ত্রগী উপ মুখ্য মন্ত্রী শ্রী অজীত পৱারজী, মহারাস্ত্রগী লেজিস্লেতিব এসেমব্লীগী ওপ্পোজিসন লীদর অমসুং ঐহাক্কী মরুপ শ্রী দেবেন্দ্র ফদনৱীসজী, লেজিস্লেতিব কাউন্সিলগী চিয়রমেন আমরাজে নাইকজী, মহারাস্ত্র সরকারগী মন্ত্রী পুম্নমক, পার্লিয়ামেন্তদা এম.পি. ওইরিবা ঐহাক্কী মরুপশিং, মহারাস্ত্রগী এম.এল.এ.শিং, অতোপ্পা মীয়ামগী মীহুৎ পুম্নমক, ঐখোয়বু থৌজাল পীনবীনবা লাক্লিবা ঐখোয়গী ইকাই খুম্নরবা লাই-গুরুগুম্লবা মীওইশিং অমসুং ভক্তাশিং!

ঈশ্বরগী থৌজানবীদুনা নুমিৎ নিনিগী মমাংদা ঐহাক্না কেদারনাথতা ঐহাক্না আদি শঙ্করাচার্য়গী নৌনা শেমগৎলবা সমাধিগী শেবা তৌবা ফংজখি অমসুং ঙসি ভগৱান ৱিত্থলনা মহাক্কী লৈফম ওইরিবা পন্দরপুরদগী ময়ামগা লোয়ননা ঐখোয়গী ইরক্তা শরুক য়াবিরি। ঈশ্বরনা থৌজানবীরে খঙবা মসিদগী হেন্না নুংঙাইবা অসি করিবু ওইরুগনি? আদি সঙ্করাচার্য় মশামক্না অসুম্না হায়বীরমখি -

মহা-য়োগ-পীথে,

ততে ভীম-রথ্যাম,

বরম পুন্দরী-কায়,

দাতুম মুনীন্দ্রে।

সমাগত্য তিস্থন্তম,

আনন্দ-কন্দম,

পরব্রহম লিঙ্গম,

ভজে পান্দু-রঙ্গম।।

শঙ্করাচার্য়জীনা হায়রিবা অসিগী অর্থদি – পন্দরপুরগী মহায়োগ ভুমি অসিদা, ভগৱান ৱিত্থল অসি থৌজালগী অশেংবা মশক্নি। মরম অসিনা পন্দরপুর অসি তশেংবা থৌজালগী মশক্নি। অমসুং ঙসি শেবা তৌবগী নুংঙাইবা অসি মসিগা মরী লৈনরি। ঙসি পালখী মার্গকী সন্ত জ্ঞানোৱা মাউলি অমসুং সন্ত তুকোবারায়ার্চ্যা পালখী অসি ঙসি শঙ্গাজবা অসিদা য়াম্না নুংঙাইবা পোকই।  ৱারকারীশিংনা খুদোংচাবশিং হেন্না ফংলগনি অদুবু চাউখৎ-থৌরাংগী হৌরকফম অসি লম্বী থোংনা ওই হায়না ঐখোয়না হায়নৈ। হায়রিবা মওং অসিদা পন্দরপুর য়ৌনবা চৎলিবা লম্বীশিং অসিনা ভাগৱত ধর্মাজীগী ফীরালবু হেন্না ৱাংনা পাইল্লগনি। মসি শেংলবা লাইফমলেনগী লম্বীগী চংফম ওইরগনি।

 

মরুপশিং,

ঙসি মফম অসিদা শ্রীসন্ত জ্ঞানেশ্বর মহারাজ পালখী মার্গ অমসুং সন্ত তুকারাম মহারাজ পালখী মার্গকী উরেপ-উয়ুং তমখ্রে। শ্রীসন্ত জ্ঞানেশ্বর মহারাজ পালখী মার্গ শাবা অসি তাঙ্কক মঙা থোক্না শাগনি অমসুং সন্ত তুকারাম মহারাজ পালখী মার্গ অসিনা তাঙ্কক অহুমদা লোইশিনগনি। তাঙ্কক পুম্নমক্তা লুপা করোর ১১,০০০ হেন্না চংদুনা কি.মি. ৩৫০ হেন্না শাংবা হায়ৱেশিং শারগনি। মরু ওইনা ৱার্কারীশিংগী হায়ৱেশিং অসিগী নাকল অনিমক্তা পালখী য়াত্ত্রাগীদমক খোঙনা লাকপা লাইনীংবশিংগী অখন্নবা লম্বীশিং শাগনি। মসিগী মথক্তা পন্ধরপুর ফাওনহল্লিবা কি.মি. ২২৫রোম শাংবা নেস্নেল হায়ৱে অমসু শঙ্গাখি। মসিদা লুপা করোর ১২০০রোম চংখি। হায়ৱে অসিনা সতারা, কোলহাপুর, সাঙ্গলী, বীজাপুর, মরাথৱারা রিজন অমসুং অৱাং থংবা মহারাস্ত্রগী রিজনদগী পন্ধরপুরদা লাকপা ভক্তাশিংদা চাউনা মতেং পাংগনি। নাকল অমরোমদা ভগৱান ৱিত্থলগী শেবা তৌবগী মথক্তা হায়ৱে অসিনা অপুনবা লাইফমলেন অসি চাউখৎনবা পাম্বৈ অমসু ওইরগনি। হায়ৱে অসিগী খুত্থাংদা খা ভারতকী কন্নেক্তিবিতী হেনগৎহল্লগনি। হৌজিক মফম অসিদা ভক্তা কয়ানা লাইনা লাকপা ঙম্লগনি অমসুং লমদম অসিগী চাউখৎ-থৌরাংগা মরী লৈনবা অতোপ্পা থবক-থৌরমশিংদসু চাউনা কান্নবা পীরগনি। ঐহাক্না শেংলবা প্রোজেক্তশিং অসি থবক ওইনা ওন্থোকপদা শরুক য়াখিবা মীওই খুদিংমক্তা থাগৎপা ফোঙদোকচরি। অসিগুম্বা খোঙথাংশিং অসিনা ঐখোয়না অপেনবা অমসুং পুন্সিগী মরু ওইবা ৱাখল্লোন অদু খঙহল্লি। ঐহাক্না ভগৱান ৱিত্থলগী ভক্তাশিং অমসুং লমদম অসিগী মীয়ামবু চাউখৎ-থৌরাংগী খোঙথাং অসিগীদমক থাগৎপা ফোঙদোকচরি। ঐহাক্না ৱার্কারী পুম্নমকপু খুরুমজরি। ঐহাক্না ভগৱান ৱিত্থলদেবজী অমসুং মুনি পুম্নমক্কী খুয়া খাদা ইকোক নোন্না খুরুমজরি।  

মরুপশিং,

হৌখিবা মতমশিংদা ভারত্তা এতেক কয়া চত্থখ্রে! লৈবাক অসি চহি কয়া মীনাই-নাইথাং ওইনা লেলকখি। মহৌশাগী ওইবা খুদোংথিবা, শীংনবশিং, অৱাবশিং লাকখি অদুবু ভগৱান ৱিত্থল দেবতা ঐখোয়গী থাজবা থম্বনা ঐখোয়না অসুম্না মখা তত্থরকপা ঙম্লি। ঙসিসু মসিগী য়াত্রা অসি মালেমগী খ্বাইদগী অরিবা অমসুং খ্বাইদগী চাউবা জন-য়াত্রাশিং ওইনা, পিপল মুফমেন্ত ওইনা উদুনা লাকখি। ‘আশাধ একাদশী’দা পর্ধরপুর য়াত্রাগী বর্দস আই ভ্যু অসি কনানা কাওবা ঙমগনি। ভক্তা লিশিং-লাখ কয়ানা লাক্নরি। মফম খুদিংদা ‘রামাকৃষ্ণ হরি’, ‘পুন্দিক বর্দে হরি ৱিত্থল’ অমসুং ‘জ্ঞানবা তুকারাম’ শোনবা তাই। নুমিৎ ২১ চুপ্না তোপ-তোপ্পা চৎনরোল অমসুং অথিংবা অমা উবা ফংই। তোঙান-তোঙানবা পালখীগী লম্বীশিংদা য়াত্রা কয়া লৈ অদু পুম্নমক অদুগী লমথুংফমদি চপ মান্নৈ। মসি ঐখোয়গী থাজববু ফাজিনবগী মহুৎ মনিং তমহল্লিবা ভারতকী অফবা পাউতাকশিং অদুগী খুদম অমনি। মসিনা ঐখোয়দা তোঙান-তোঙানবা লম্বীশিং, তোঙান-তোঙানবা পাম্বৈ অমসুং ৱাখল্লোনশিং লৈ অদুবু পান্দমদি চপ মান্নৈ হায়না তাকপীখি। অরোইবা ফাওবা পন্থ পুম্নমক ‘ভাগবত পন্থ’ ওই অমসুং মসিনা মরম ওইরগা ঐখোয়গী স্ক্রিপচরশিংনা থৌনা লৈনা হায়রি – লোইনাইদ্রবা শক্লোনশিংগা লোয়ননা অচুম্বদি অমা খক্তা ওই।

মরুপশিং,

সন্ত তুকারাম মহারাজজীনা ঐখোয়দা লাইৱা অসি পীবিরমখি:

বিশনুময় জগ বেশনৱাঞ্চা ধর্ম, ভেদাভেদ ভ্রন অমঙ্গল অইকা জী তুমহী ভক্ত ভাগবত, করাল তে হিত সত্য করা। কোনা হী জিৱাচা না ঘদো মতসর, বর্ম সর্বেশ্বর পু্নাচে।।

হায়বদি মালেমদা লৈরিবা পুম্নমক বিশনুগীনি। মরম অসিনা থৱায় পানবশিংগী মরক্তা খেন্নবা থম্বা অসি ফত্তে। কলাকপা অমসুং মীহৌবা লৈরোইদবনি; ঐখোয়না মীপুম খুদিংমকপু চপ মান্ননা তৌগদবনি। মসি অশেংবা লাইনীংনি। মরম অসিনা দিন্দিদা কাস্ত অমসুং খেন্নবা অমত্তা লৈতে। ৱার্কারী খুদিংমক চপ মান্নৈ। ৱার্কারী খুদিংমক অমনা অমগী ‘গুরুভাও’ অমসুং ‘গুরু বহিন’ ওই।  ৱিত্থলগী মচা ঙাক্তনি, মরম অসিনা মীপুম খুদিংমক্কী ‘গোত্রা’ অমা খক্তা লৈ অমসুং মদু ‘ৱিত্থল গোত্রা’ হায়বা অসিনি। ভগৱান ৱিত্থল দেবকী দরবার অসি মীপুম খুদিংমক্কী ওইনা চপ মান্নৈ। অমসুং ঐহাক্না সবকা সাথ – সবকা বিকাস – সবকা বিশ্বাস হায়বা মতমদা মসিগী মরুমদা লৈরিবা ৱাখল্লোন অসি চপ মান্নৈ। মসিগী ৱাখল্লোন অসিনা লৈবাক অসি চাউখৎনবা, মীপুম খুদিংমক পুন্না চৎমিন্ননবা, পুম্নমক্কী য়াইফনবা ঐখোয়দা ইথিল পীরি।

মরুপশিং,

পন্ধরপুরগী লৈরিবা মওং-মৌ অমসুং শক্লোনশিং অসি সুপরনেচরেল ওই। তশেংনমক পন্ধরপুর অসি ইমা অমগী য়ুমগা পাঙখ ওই। অদুবু ঐহাক্কী ওইনা পন্ধরপুরগা অখন্নবা মরী অনি লৈ অমসুং মসি ঐহাক্না মুনী পুম্নমক্কী মাংদা থমজগে। ঐহাক্কী অহানবা মরি অসি গুজাত, দ্বারকাগা লৈনবা অদুনি। ভগৱান দ্বারকাধিশ অসি মফম অসিদা ৱিত্থলগী শক্লোন লৌরি অমসুং অনিশুবা অসিনা কাশীগনি। ঐহাক কাশীদগীনি অমসুং পন্ধরপুর অসি ঐখোয়গী ‘দক্ষিনি কাশী’নি। পন্ধরপুরগী শেবা তৌবা অসি ঐহাক্কী ওইনদি শ্রী নারায়ন হরিগী শেবা তৌবনি। মফম অসি ভক্তাশিংগীদমক বগৱান্না ঙসিসু লৈরিবা মফম অদুনি। মফম অসি সন্ত নামদেবজী মহারাজনা পর্দরপুর অসি মালেম শেমদ্রিঙৈ মমাংদগী লৈরক্লবনি হায়না হায়খিবা অদুনি। মসিগী মরমদি পন্ধরপুর অসি ঐখোয়গা হকথেংননা লৈত্রবদি ঐখোয়গী ৱাখল্লোন অমসুং থমোয়দা লৈ। মসি সন্ত জ্ঞ্যানেস্বর , সন্ত নমদেব, সন্ত তুকারাম অমসুং সন্ত একনাথগুম্বা মুনী কয়া চহি কয়া লৈরক্লবা মফম অমনি। লমদম অসিনা ভারত্তা অনৌবা ইথিল অমা পীরি। ভারতকী মগুন অসি মতম অমদগী মতম অমদা, তোঙান-তোঙানবা মফমশিংদা অসিগুম্বা মশক নাইবা মীওইশিং অসি মপোক অমুক পোক্লকখি, লৈবাক অসিদা মাইকৈ তাক্লি। খাদা মধ্বাচার্য়, নিম্বার্কাচার্য়, বল্লভচার্য়, রামানুজাচার্য়, নোংচুপতা নরসী মেহতা, মীরাবাই, ধীরো ভগত, ভোজা ভগত, প্রীতম লৈরমখি। অৱাংদা রামানন্দ, কবীরদাস, গোস্বামী তুলসীদাস, সুদাস, গুরু নানকদেব, সন্ত রৈদাস লৈরমখি, য়েলহৌঙৈগী মতমদা চৈতন্য মহাপ্রভু, অমসুং শঙ্কর দেবকুম্বা মুনীশিংগী ৱাখল্লোনশিংনা লৈবাক অসিদা ইথিল পীখি।

মরুপশিং,

ৱারকরী আন্দোলনগী অতোপ্পা অখন্নবা মগুন অদুদি নুপাশিংনা চৎলম্বা লম্বীনা ৱারীগী ঐখোয়গী ইচে-ইচলশিংনা চৎলি, মসি লৈবাক অসিগী নুপীশিংগী শক্তিনি! পন্ধর্রীগী ৱারী অসিনা মান্ননা খুদোংচাবা ফংই হায়না উৎলি। ৱারকরী অন্দোলনগী মোত্তো অসি ‘ভেদাভেদ অমঙ্গল’নি! power.

মরুপশিং,

করিগুম্বা মহাত্ম ফুলে অমসুং বীর সবারকরগুম্বা শকনাইরবা মীওইশিংনা মহারাস্ত্রদা মখোবগী ইহৌশিংনা অঙম্বা থাক্তা মাই পাকপা ঙমখিবা অসি য়ুমফম থোনখিবা ৱার্করী ইহৌগী থৌদাংননি। ৱার্করী ইহৌদা কনাবু শরুক য়াখিদবগে? মুনি সোতা মহারাজ, মুনি চোকা, মুনি নামদেব মহারাজ, মুনি গোরোবা, মুনি জী মহারাজ, মুনি নারহরী মহারাজ, মুনি কনহোপাত্র গুম্বা খুনাইগী কাংলুপ খুদিংমক্না ৱার্করী ইহৌদা শরুক য়াখি।

 

মরুপশিং,

পন্ধরপুরনা মীওইবা খুনাইদা লাইনীংবা অমসুং লৈবাক নীংবগী লম্বেল তাকপদা নত্তনা লাইনীংবগী শক্তীনা মীনুংশিংসু উৎলি। মীয়াম্না মহৌশানা মফম অসিদা ইশ্বরদা করিগুম্বা অমত্তা নীবা লাক্তে। বগৱান বিতথলগী নুংগী ওইবা ৱাখল্লোনদি মখোয়গী মশাগী খন্দবা কত্থোকপা অমসুং পুন্সিগী পান্দমনি। চহি কয়াদগী ইশ্বর মশামক্না খ্বাংদা খুৎ থম্লদুনা ভক্তশিংদা য়াথং পীরি। ভক্ত পুন্দালিক্না ‘নর সেবা নরায়ন সেবা’ হায়না খন্দুনা মহাক্কী মমা মপাদা ইশ্বর উজখি। ঙসি ফাওবদা জীবা পানবশিংগী শেবা তৌবা অসি সধনানি হায়না লৌদুনা সেবা-দিন্দিগী খুত্থাংদা চপ মান্নবা ৱাখল্লোন অসি ঐখোয়গী খুনাইনা তুং ইল্লি। ৱার্করী খুদিংমক্না মখোয়না ইশ্বর নীংবগুম চপ মান্নবা ৱাখল্লোন অসিদা মশাগী খন্দনা থবক তৌরি। “অমৃত কলাশ দন-অন্নদন’গা লোয়ননা লাইরবশিংগী শেবা তৌনবা প্রোজেক্তশিং মফম অসিদা পাইখৎলি, এজুকেসন অমসুং হকশেলগী লমদা অদোম্না পাংথোক্লিবা থবক অসি খুনাই অসিবু এম্পাৱর তৌবগী অখন্নবা খুদম অমনি। সেবা দিন্দি অসি ঐখোয়গী লৈবাক্তা থাজবা অমসুং কত্থোকপগা লৈবাক্কী সেবা তৌবা অমসুং লৈবাক নীংবগা করম্না মরী লৈনবগে হায়বা তাক্লিবা অচৌবা খুদম অমনি। সেবা দিন্দি অসি খুঙ্গংশিং অৱাংবা থাক্তা পুখৎপা অমসুং খুমাং চাওশিনহন্নবা অচৌবা পাম্বৈ অমা ওইরি। ঐখোয়গী ৱার্করী ইচিল ইনাওশিংনা খুঙ্গংশিং চাওখৎহন্নবা লৈবাক অসিনা ৱারেপ লৌবদা চাউনা ইথিল পীরি। লৈবাক অসিনা স্বছ ভারত অভিয়ান হৌদোকখ্রে অমসুং ঙসিদি বিথোবাগী লাইনীংবশিংনা ‘নির্মল ভারী’ কেম্পেনগী খুত্থাংদা মসিগী খোংজেল য়াংখৎহল্লি। মসিগা চপ মান্ননা বেতি বচাও, বেতি পরাও’ কপেম্পেনবু ওইরো, নত্ত্রগ ঈশিং য়োকশিন্নবা ঐখোয়গী থবক থৌরমশিংবু ওইরো; ঐখোয়গী লৈবাক্কী ৱারেপশিং লৌবদা ঐখোয়গী পুকচেল শেংবগী মতৌ অসিনা চাউনা থৌনা হাপলি।  অদুগা ঙসি ঐহাক্না ৱার্করী ইচিল ইনাওশিংগী মতাংদা ঙাংবা মতমদা ঐহাক্না থৌজাল ওইনা ৱাহং অহুমখক হংবা পাম্মি। কনফর্ম তৌনবা অদোমগী খুৎ থাংগৎপীয়ু। অদোম্না ঙসি খুৎ থংগৎপীরিবা অসিগুম্না অদোমগী থৌজাল মতম চুপ্পদা ঐহাক্কা লোইনদুনা লৈরি। ঐহাক্না পাম্বা অহানবা থৌজালদি শ্রীসন্থ ঝানেশ্বর মহারাজ পালখি মার্গ অমসুং মুনি তুকারাম মহারাজ পালখি মার্গগী অখন্নবা খোঙলম্বীশিংগী নাকন্দা মীতর খরা খরা কান্নরগা উরুম লাংগদবা পাম্বীশিং থাবীয়ু।  অদোম্না মসি ঐহাক্কীদমক পাংথোকপা ঙমগদরা? ঐহাক্কী মন্ত্রদি ‘সবকা প্রয়াস’ (পুন্না হোৎনমিন্নবা) হায়বসিনি। মসিশিং অসি থারবা মতুংদা খোঙ লম্বী পুম্বা উরুম লাংনবা মসিগী উ পাম্বীশিং অসি হিংহনগদবনি। মসিগী পালখি মর্গশিংগী অসিগী নাকলদা খুন্দারিবা খুঞ্জাশিংনা মসিগী মীয়ামগী ইহৌ অসি শরুক য়াবীনবা ঐহাক্না হায়জরি। করিগুম্বা মসিগী মফম অসি ফাওদুনা চৎলিবা পালখি মার্গকী নাকন্দা উ থাবগী থৌদাং অসি খুঞ্জা খুদিংমক্না লৌরবদি মসিগী থবক অসি লাইনা মাই পাকপা ঙমগনি।  

মরুপশিং,

ঐহাক্না অদোমদগী পাম্বা অনিশুবা থৌজালদি মসিগী খোঙলম্বী অসিগী খরা খরা লাপ্ননা অফবা থক্নবা ঈশিং থম্বা অদুনি। হায়রিবা লম্বেলশিং অসিদা ‘প্যাউস’ (থক্নবা ঈশিংগী মফমশিং) শাগদবনি। লাইনিংবশিংনা বগৱান বীতথলগী লাইনীংদা ঙাওরদুনা পন্ধরপুর তম্না চৎখি, মখোয়না নুমিৎ ২১ চুপ্পা পুম্না কাওথোক্লম্মি। মসিনা লাইনীংবশিংদা চাউনা কান্নবা পীরগনি। অদুগা ঐহাক্না অদোমদগী পাম্বা অহুমশুবা অমসুং অদোম্না শোইদনা পাংথোক্কদবা থৌজাল অদুদি তুংলমচৎতা পন্ধরপুর অসি ভারত্তা লৈবা খ্বাইদগী লু-নানবা লাইফমশিংগী মরক্তা অমা ওইহনবা অদুনি।  কনাগুম্বা মতম অমহেক্তদা ভারত্তা লৈবা খ্বাইদগী লু-নানবা লাইফম অমা থিবা পাম্লবদি মদু বিতথল অমসুং পন্ধরপুরগী শেংলবা লম ঐহাক্কী বিথোবা ওইগনি। মসিগী থবক অহুম অসি ঐহাক্না অদোমদগী পাম্মি অমসুং মসি মীয়াম্না শরুক য়ারবা মতুংদা পাংথোকপা ঙমগনি। মফম অসিগী মীয়াম্না লু-নানবগী ইহৌ অসি লুচিংদুনা মখোয়গী মখাদা পাংথোক্লবা মতমদতা মসিগী মংলান অসি মংফাওনবা ঙমগনি। মসিনা ঐহাক্না মতম চুপ্পদা লাউরিবা ‘সবকা প্রয়াস’ হাবরিবদু।

মরুপশিং,

ঐখোয়না পন্ধরপুরগুম্বা লাইফমশিং শেমগৎপদা মসিনা নাৎকী খুমাং চাওশিনবা খক্তা নত্তনা মফম অদুগী চাউখৎ-থৌরাংদসু শাফু পী।  মসিদা পাকথোক চাওথোক্লিবা লম্বেলশিং, অয়াবা পীরিবা অনৌবা হাইৱেশিং অসিনা, লাইনিংগা মরী লৈনবা লমকোইবশিং মফম অসিদা হেনগৎলক্লগনি, অনৌবা থবকশিং লাক্লগনি অমসুং সর্ভিস কেম্পেনশিংসু খোংঝেল য়াংখৎলগনি। ঐখোয় পুম্নমক্কী ইকাই খুম্নরবা অতল বিহারী বাজপায়ীজীনা হাইৱেশিং য়ৌশিল্লবদি লম্বেলশিংসু য়ৌশিল্লি, মফম অদুদা চাউখৎপগী অনৌবা ইচেল অমা চেনবা হৌরক্কনি হায়না থাজবা থম্বীরম্মি। মসিগী ৱাখল্লোন অসিগা লোয়ননা মহাক্না লৈবাক অসিগী খুঙ্গংশিং অসি লম্বেলশিংনা শম্নহন্নবা কেম্পেন অমা ওইরিবা গোল্দন ক্বাদ্রিলেতরেল হৌদোকখি। ঙসিদি চপ মান্নবা ৱাখল্লোন অসিদা লৈবাক অসিদা অনৌবা ইনফ্রাস্ত্রকচরদা খোংজেল য়াংনা থবক পাইখৎলি। লৈবাক অসিদা হেল্থ ইনফ্রাস্ত্রকচর চাওখৎহন্নবা, ৱেলনেস সেন্তরশিং হাংদোক্লে, অনৌবা মেদিকেল কোলেজশিং হাংদোক্লি, দিজিতেল সিস্তেম হেনগৎহল্লি। ঙসিদি লৈবাক অসি অনৌবা হাইৱেশিং, ৱাতরৱেশিং, অনৌবা রেল লাইনশিং, মেত্রো লাইনশিং, মতমগা চুনবা রেলৱে স্তেসনশিং, অনৌবা এয়র্পোর্তশিং, অনৌবা নোংথক্কী লম্বেলশিংগী অচৌবা নেতৱর্ক অমা শেমগৎলি। লৈবাক অসিগী খুঙ্গং খুদিংমক্তা ওপ্তিকেল ফাইবর য়ৌহন্নবা খোংজেল য়াংনা থবক পাইখৎলি। মসিগী স্কিমশিং অসি মখাতানা খোংজেল য়াংখৎপদা মতেং পাংনবা পি.এম. গতীশক্তি নেস্নেল মাস্তর প্লানসু হৌদোকখ্রে। ঙসিদি লৈবাক অসিনা চাদা ১০০%গী কভরেজগী মীৎয়েং অমগা লোয়ননা মাংলোমদা চংশিল্লি। লাইরবা খুদিংমক্কী পক্কা য়াউম অমা, য়ুমথোং খুদিংদা তোইলেৎ, ইমুং খুদিংমক্তা ইলেক্ত্রিসিতী কন্নেক্সন, য়ুমথোং খুদিংদা তোতী ঈশিং ফংহনবা অমসুং ঐখোয়গী ইমা অমসুং ইচেশিংদা গ্যাস কন্নেক্সন ফংহনবা হায়বা মংলানশিং অসি ঙসিদি অচুম্বা ওইরক্লি। লাইরবা, শোত্থরবা, হন্থনা য়েংবীরবা, খুনাইগী মিদ্দক ক্লাসতা লৈবশিংনা মসিদগী খ্বাইদগী য়াম্না কান্নবা ফংলি।

মরুপশিং,

ঐখোয়গী ভর্করী গুরুভাও অয়াম্বনা লৌমীগী ইমুং-মনুংশিংদগী লাকই। ঙসিদি খুঙ্গংদা লৈরিবা মীওইশিং অসিগীদমক লৈবাক অসিনা লৌখৎখিবা খোঙথাংশিংনা প্রজা মীয়ামগী পুন্সিদা অহোংবা কয়া লাক্লিবা অসি নখোয় পুম্নমক্না উরম্লগনি। মালেম লৈশা অসিগা লোয়নদুনা লৈরিবা ঐখোয়গী চীঞ্জাক পুথোক্লিবা খুঙ্গংগী লাইরবশিং অসি অসুম্না তৌই। মখোয় অসি খুঙ্গংগী শেন্মীৎলোন্দা ইনোৎ হাপলিবা অমসুং খুনাইগী চৎনবী, লৈবাক্কী য়ুনিতীদা লুচিংলিবা কাংলুপনি। ভারতকী চৎনবী, ভারতকী ৱাখল্লোনশিং অসি মফম অসিগী মীওইশিং অসিনা চহি চা কয়া য়োকখৎতুনা থম্লিবনি। পুকচেল শেংনা চীঞ্জাক পুথোক্লিবশিং অসিনা খুনাইবু পুনশিল্লি, খুনাইবু য়োখৎলি, খুনাইগীদমক হিংলি। খুনাই অমা খুমাং চাওশিলহনবা হায়বসি অদোমগী মখা পোল্লি অদুগা অদোম্না খুমাং চাওশিনবা হায়বসি খুনাইগী খুমাং চাওশিনবনি। মরম অদুনা মহৈ য়াল্লমদাইগী মতম অসিদা লৈবাক অসিগী ৱারেপশিং লৌবদা খুমাং চাওশিন্নবা চীঞ্জাক পুথোক্লিবা কাংলুপ অসি ঐখোয়গী অচৌবা পাম্বৈ অমনি। লৈবাক অসিনা মসিগী ৱাখল্লোন অসিগা লোয়ননা মাংলোমদা চংশিল্লি।

মরুপশিং, 

মুনি ঝানেশ্বরজী মহারাজনা ঐখোয় পুম্নমক্তা অফবা ৱাখল্লোন অমা থম্বীরম্মি, মুনি ঝানেশ্বর মহারাজজীনা হায়- দুরিতাঞ্চে তিমির জাবো। বিশ্ব স্বধর্ম সুর্য়ম পাহো। জো জে বাঞ্চিল তো তেং লাহো প্রানিজাত। 

মসিনা হায়বদি ফত্তবশিংগী মশক অসি মালেম অসিদগী মাংহনগদবনি। মালেম পুম্বদা অচুম্বগী অমসুং মথৌ মশক খংবগী নুমিৎ থোক্লসনু অমসুং জীব পানবা খুদিংমক্কী অনিংবা অপাম্বা থুংলসনু। ঐখোয় পুম্নমক্কী থাজবা, ঐখোয় পুম্নমক্কী হোৎনবনা মুনি ঝানেশ্বরজী অপাম্বা অসি শোইদনা থুংহল্লগনি হায়না ঐখোয়না থাজবা থম্মি। মসিগী থাজবা অসিগা লোয়ননা মুনি খুদিংমক্কী খুয়া খাদা অমুক্কা হন্না অমসুং বিথোবাগী খুয়াদা খুরুমজরী, পুম্নমকপু থাগৎচরি!

জয় জয় রামকৃষ্ণ হরি।

জয় জয় রামকৃষ্ণ হরি।

Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
PM Modi hails ‘important step towards a vibrant democracy’ after Cabinet nod for ‘One Nation One Election’

Media Coverage

PM Modi hails ‘important step towards a vibrant democracy’ after Cabinet nod for ‘One Nation One Election’
NM on the go

Nm on the go

Always be the first to hear from the PM. Get the App Now!
...
PM Modi to visit the United States of America from September 21 to 23
September 19, 2024

Prime Minister Shri Narendra Modi will be visiting the United States of America during 21-23 September 2024. During the visit, Prime Minister will take part in the fourth Quad Leaders’ Summit in Wilmington, Delaware, which is being hosted by the President of the United States of America, H.E. Joseph R. Biden, Jr. on 21 September 2024. Following the request of the US side to host the Quad Summit this year, India has agreed to host the next Quad Summit in 2025.

At the Quad Summit, the leaders will review the progress achieved by the Quad over the last one year and set the agenda for the year ahead to assist the countries of the Indo-Pacific region in meeting their development goals and aspirations.

 ⁠On 23 September, Prime Minister will address the ‘Summit of the Future’ at the United Nations General Assembly in New York. The theme of the Summit is ‘Multilateral Solutions for a Better Tomorrow’. A large number of global leaders are expected to participate in the Summit. On the sidelines of the Summit, Prime Minister would be holding bilateral meetings with several world leaders and discuss issues of mutual interest.

While in New York, Prime Minister will address a gathering of the Indian community on 22 September. Prime Minister would also be interacting with CEOs of leading US-based companies to foster greater collaborations between the two countries in the cutting-edge areas of AI, quantum computing, semiconductors and biotechnology. Prime Minister is also expected to interact with thought leaders and other stakeholders active in the India-US bilateral landscape.