প্রধান মন্ত্রী শ্রী নরেন্দ্র মোদীনা মালেসিয়াগী প্রধান মন্ত্রী অনৱার ইব্রাহিমগা ৱারি শানখ্রে।
ৱারি শানবা অদুদা, মালেসিয়ানা অসিয়ানগী চিয়ারমেন ওইরকপদা প্রধান মন্ত্রী মোদীনা প্রধান মন্ত্রী ইব্রাহিম থাগৎপা ফোঙদোকখ্রে। মালেসিয়ানা লুচিংদুনা হন্দক পাংথোক্কদৌরিবা অসিয়ানগা মরী লৈনবা মীফমশিং মাইপাক্না পাংথোক্নবা মহাক্না য়াইফ পাউজেল পীখ্রে।
অসিয়ান-ইন্দিয়া সম্মিৎ ভর্চুএল ওইনা শরুক য়ানিংবগী অপাম্বসু প্রধান মন্ত্রীনা ফোঙদোকখি অমসুং অসিয়ান-ইন্দিয়া কমপ্রেহন্সিপ ষ্ট্রাতেজিক পার্তনরশিপ মখা তানা ফগৎহন্নবা ভারতকী থাজবা অমুক হন্না ফোঙদোকখ্রে।
এক্সতা পোষ্ট অমদা, প্রধান মন্ত্রীনা হায়খি;
“ঐগী নুংশিরবা মরুপ, মালেসিয়াগী প্রধান মন্ত্রী ইব্রাহিম অনৱারগা ৱারি শানখ্রে। মালেসিয়ানা অসিয়ানগী চিয়ারমেন ওইরকপদা মহাক থাগৎপা ফোঙদোকচরি অমসুং হন্দক পাংথোক্কদৌরিবা সম্মিৎশিং মাইপাক্না য়াইফ পাউজেল পীজরি। অসিয়ান-ইন্দিয়া সম্মিৎ ভর্চুএল ওইনা শরুক য়ানবা অমসুং অসিয়ান-ইন্দিয়া কমপ্রেহন্সিপ ষ্ট্রাতেজিক পার্তনরশিপ মখা তানা ফগৎহন্নবা থাজবা থম্লি।
@anwaribrahim”
Had a warm conversation with my dear friend, Prime Minister Anwar Ibrahim of Malaysia. Congratulated him on Malaysia’s ASEAN Chairmanship and conveyed best wishes for the success of upcoming Summits. Look forward to joining the ASEAN-India Summit virtually, and to further…
— Narendra Modi (@narendramodi) October 23, 2025
