প্রধানমন্ত্রী শ্রী নরেন্দ্র মোদীনা ঙসি লোকসভাদা জাতীগী ইশৈ বন্দে মাতরমনা চহী 150 মপুং ফারকপগী থৌরম পাংথোকগী মরুওইবা ৱা খন্নবা হৌদোকখ্রে।প্রধানমন্ত্রীনা মসিগী মরুওইবা থৌরম অসিদা ময়াম পুন্না ৱা খন্নবগী লম্বী অসি খন্নবগীদমক্তা সাংসদকী ইকাইখুম্ননিংঙাই ওইরবা মীহুৎ খুদিংমক্তা হরাওনা তৌবিমল খংবা উৎখ্রে। মহাক্না হায়খি মদুদি বন্দে মাতরম অসি লৈবাক অসিগী নিংতম ইহৌদা পাঙ্গল থৌনা হাপ্তুনা ইনোৎ, থাদোকপা অমসুং কত্থোকপগী লম্বি তাকপিরিবা মন্ত্রনি। সাংসদ অসিদা বন্দে মাতরম অসিবু নিংশিংবা হায়বসি পুম্নমক্কী ওইনা চাওথোকচনিংঙাইনি। ৱাফম অসিদা শ্রী মোদীনা লুম্না লৌরদুনা হায়খি মদুদি লৈবাক অসিনা বন্দে মাতরমগী চহী 150 মপুং ফারকপগী পুৱারীগী থৌরম অসিগী খুদম-চাংদম ওইরি। মহাক্না হায়খি মদুদি মসিগী মতম অসিদা ঐখোয়গী ইমাংদা পুৱারীগী মশিং থিঙমদ্রবা থৌদোকশিং অদু পুদুনা লাক্লি। প্রধানমন্ত্রীনা ৱাফম অসি লুম্না লৌরদুনা মসিগী খন্না-নৈনবা অসি শুপ্নতগী সাংসদকী ৱাশক অদু উহনবদা নত্তনা লাক্কদৌরিবা মীরোলশিংগীদমক্তা মহৈ তম্নবগী হৌরকফমসু ওইরি, তৌবতবু পুম্নমক্না অপুনবা মওংদা মসিবু লান্না শিজিন্নরোইসি।
শ্রী মোদীনা হায়খিমদুদি মমাংঙৈগী ইনোৎ হাপকিবা তাঙ্কক কয়া অসি ঐখোয়গী মাংদা থোরকখিবা মতম অদুনি মসিগীসি। মহাক্না ৱাফম অসি পল্লদুনা হায়খি মদুদি লৈবাক অসিনা হন্দক্তা সংবিধানগী 75 শুবা মপোক কুমওন অদু চাওথোক্নিংঙাই ওইনা পাংথোকখ্রে। মহাক্না হায়খি মদুদি লৈবাক অসিনা সরদার বল্লভভাই পতেল অমসুং ভগৱান বিরসা মুন্দাগী 150শুবা মপোক কুমওনসু পাংথোকখ্রে। মহাক্না মসিমসু হায়খি মদুদি হন্দক্তা লৈবাক অসিনা গুরু তেজ বহাদুরগী 350শুবা শহীদ ওইখিবগী নুমীৎ পাংথোকখ্রে।
প্রধানমন্ত্রীনা হায়খিমদুদি ঙসি বন্দে মাতরমগী চহী 150 মপুং ফাবা অসিদা সাংসদনা জাতীগী ইশৈগী অপুনবা পাঙ্গল অদুবু ফাওহন্নবা হোৎনরি। মহাক্না ৱাপম অসিদা লুম্না লৌরদুনা হায়খি মদুদি বন্দে মাতরম চহী 150 মপুং ফাবগী খোংচৎ অসিদা তাঙ্কক কয়া অমা থেংনরক্তুনা ওইরক্লিবনি। বন্দে মাতরম অসিনা চহী 50 মপুং ফারকখিবা মতম অদু লৈবাক অসিদা অংগ্রেজীগী লৈঙাক্কী মখাদা লৈতবা য়াদবা অদুবু মহাক্না নিংশিংখি। শ্রী মোদী হায়খি মদুদি মসিগী চহী 100 অদুদা লৈবাক অসিদা ইমরজেন্সীগী পরিং কয়া অমনা পুন্সিনখি।মহাক্না হায়খি মদুদি বন্দে মাতরমগী চহী চামা শুবগী থৌরম পাংথোকখিবা মতমদা লৈবাক অসিগী সংবিধানগী মখৌরি মেৎপীখি। মহাক্না মসিমসু হায়খি মদুদি বন্দে মাতরমনা চহী 100 মপুং ফারকখিবা মতমদুদা লৈবাক অসিদা ভক্তিগী লম্বিদা থৱায়-হকচাং য়াওনা চেনজখিবা কয়া অমা কৈশুমশঙদা থমজিনবিখিরম্মি।প্রধানমন্ত্রীনা ৱাফম অসিদা লুম্না লৌরদুনা লৈবাক অসিগী নিংতম লান্দা ইনোৎ হাপ্পিখিবা ইশৈ অসি লাইবক থিবদগী মসিনা চহী 100 মপুং ফারকপা মতম অদুদা পুৱারীগী অমম্বা তাঙ্কক অমা ওইরমখি অমসুং দেমোক্রেসি অসি মতোমতা য়াম্না শাথিনা ফীভম ফরমখিদে।
শ্রী মোদীনা লুম্না লৌরদুনা হায়খি, "বন্দে মাতরমগী চহী 150 মপুং ফারকপা অসি অদুগুম্বা তাঙ্কক অমসুং চাউথোকচনিংঙাই ওইবা অসি অমুক্কা হন্না ওইহনবগী তাজ্ঞা অদু ফংহল্লে, মরম অসিনা সাংসদ অমসুং লৈবাক অসিনা মসিগী তাজ্ঞা অসিবু নান্থোকহল্লোইদবনি।" মহাক্না ৱাফম অসিদা পুক্নিং চিংশিল্লদুনা ফোংদোকখি মদুদি 1947 দা লৈবাক অসিবু নিংতম্বা ফংহনকিবা অমসুং নিংতম ইহৌ অসিবু ৱাখল্লোনগী ওইবা মওংদা মীৎয়েং চিংশিনখিদুনা মসিদা তিলহনখিবা অসি বন্দে মাতরম অসিমক্ননি।
প্রধানমন্ত্রীনা হায়খি মদুদি চহী 150 শুবদা বন্দে মাতরমদা খন্ন-নৈনবা হৌদোক্নবগীদমক্তা থোরকখিবা মতম অদুদা লৈঙাক অসিগী মায়কৈদা নত্রগা মায়োক্তা করিসু খেন্নবা লৈরমখিদে মরমদি লৈরিবা মীশিংগীদমক্তা মসি তশেংনমক বন্দে মাতরমগী লমন তোল্লে হায়না য়াজবা ফোংদোকচনবগী তাজ্ঞানি। মসিনা পান্দম ফংদবা য়াদে হায়না চপ য়ুংনা লেপ্পা লুচিংবশিংনা নিংতম ইহৌ অসিবু মাংজিল থানা চংশিলহন্নবগীদমক্তা ইনোৎ হাপখি। মসিগী মহৈনা ঐখোয় নিংতম্বা ফংখি অমসুং ঙসি সাংসদ খুদিংমক্তা ফম্বা য়ারে। মহাক্না লুম্না লৌরদুনা হায়খি মদুদি সাংসদ অমসুং মীয়ামগী মীহুৎশিংগীদমক্তা মদুগী লমন অসি তোল্লে হায়না য়াজনবগী শেংলবা তাজ্ঞা অমনি। শ্রী মোদীনা নিংতম লান্থেং অমসুং লৈবাক শিনবা থুংনা- অৱাং, মখা, নোংপোক অমসুং নোংচুপ – অসিনা খোজ্ঞেল অমত্তা ওইনা ইনোৎ হাপ্লগদবা, বন্দে মাতরমগী ৱাখল্লোন্দগী অমুক্কা হন্না ঐখোয়বু লমজিং-লমতাকপদা পাঙ্গল হাপ্পীরি। মহাক্না মীপুম খুদিংমক্তা নিংতম লান্মীশিংনা মংখিবা মংলান অদু মপুং ফানবগীদমক্তা ঐখোয় পুন্না মাংলোমদা চংশিন্নবা অমসুং চহী 50 শুবদা বন্দে মাতরম অসি মীপুং খুদিংমক্কীদমক্তা ইনোৎ অমসুং পাঙ্গলগী হৌরকফম ওইহন্নবা খংহনখি। মহাক্না হায়খি মদুদি মসি ইরোমদোম লেপচবা ঙম্বা লৈবাক অমা ওইহন্নবা অমসুং 2047 ফাওবদা বিকসিত ভারতকী মংলান অদু মপুং ফানবগী ৱাশক অদু অমুক্কা হন্না নিংশিংনবগী তাজ্ঞানি।
শ্রী মোদীনা হায়খিমদুদি বন্দে মাতরমগী খোংচৎ অসি 1875 দা বঙ্কিম চন্দ্রজীগা লোয়ননা হৌদোকখি। মহাক্না ৱাফম অসি পল্লদুনা হায়খি মদুদি মসিগী ইশৈ অসি লেংখিবা অসি 1857 দা নিংতম ইহৌ অসিগী মতুংদা ব্রিতীশকী লৈঙাক্না মরা তাশিল্লকপা অদুগা মহাক্না ভারত্তা মখল-মখলগী নম্ফু-হাফু অমদি ৱায়েলনা য়াদবা চৎন-পথাপ কয়া নমশিল্লকখিবা অমসুং ভারতকী মীশিংদা মীওইবগী ৱাংমদা লৈবা ৱাফম কয়া য়াহন্নবা তৌরকখিবা মতমদুদনি।প্রধানমন্ত্রী হায়খি মদুদি মতম অদুদা অংগ্রেজীগী জাতীগী ইশৈ, 'গোদ সেব দি ক্বীন' অসি ভারতকী য়ুম-য়ুম খুদিং য়ৌহন্নবগী লাল্লোং চত্থরকখি। মহাক্না লুম্না লৌরদুনা হায়খি মদুদি দাদা বঙ্কিমচন্দ্রনা মসিগী লাল্লোং অসি শিংনখিবা অমসুং মসি অমুক্কা হেন্না অকনবা মওংদা মদুগী পাওখুম পীবগী শিংনখিবদগী বন্দে মাতরম অসি থোরকখিবা মতম অদুদনি। মহাক্না হায়খি মদুদি চহী খরগী মতুংদা 1882 দা বঙ্কিম চন্দ্না 'আনন্দ মথ' ইখিবা মতমদা ইশৈ অসি মদুদা হাপচিনখি।
প্রধানমন্ত্রীনা বন্দে মাতরমনা ৱাখল্লোন অসি অমুক্কা হন্না হিংগৎহন্দুনা চহী লিশিং কয়াগী ভারতকী মচুশিং অদু হকচিন্না শংজিনখিবগী ৱাপমদা লুম্না লৌরদুনা হায়খি মদুদি মসিগী ৱাখল্লোন অসি মদুগী মতিক-ময়াই, মদুগী নাৎ-চৎনবী অমসুং মদুগী ইপানাৎ-ইপুনাৎ অসি বন্দে মাতরমগী থোংদগী লৈবাক অসি হেন্না ফজবা ৱাহৈশিংদা অমদি অৱাংবা ৱাখল্লোনগা লোয়ননা খুদোল ওইনা পীখি। মহাক্না হায়খি মদুদি মদুদি বন্দে মাতরম অসি শুপ্নতগী রাজনিতীগী ওইনা নিংতম্বা নত্রগা অংগ্রেজীশিংবু তান্থোককিদুনা ইশাগী লম্বী শেম্বখক নত্তনা মসিদি য়াম্না মাংজিল থানা চংশিল্লি। প্রধানমন্ত্রী হায়খি মদুদি নিংতম ইহৌদা ইমা লৈবাক অসিবু নিং তমহন্নবগীদমক্তা, ভারত ইমাবু পুল্লিবা য়োৎলহিংবু নান্থোকহনবদা ফিদম্নিংঙাই ওইরবা লালসু হৌখি। মহাক্না হায়কি মদুদি বন্দে মাতরমগী বেকগ্রাউন্দ অমসুং মসিগী মতিক-ময়াইশিংগী ইচেল অসিবু য়েংবা মতমদা ঐখোয়গী বৈদিক্কী মতম অসি হন্না-হন্না নিংশিংহল্লিবা অচুম্বা অদু উহল্লি। মহাক্না ৱাপম অশিদা লুম্না লৌরদুনা হায়খি মদুদি বন্দে মাতরম অসি হায়বা মতমদা ঐখোয়না বৈদগী ওইনা লাওথোকপা অদু নিংশিংহল্লি, মসিনা হায়বদি মসিগী লম অসি ঐহাক্কী ইমানি অমসুং ঐহাক মহাক্কী মচানি।
প্রধানমন্ত্রী হায়খি মদুদি মসিগী ৱাখল্লোন অসি ভগৱান শ্রী রামনসু লঙ্কাগী নুংঙাই-য়াইফরবশিং অদু থাদোক্তুনা ফোংদোকখি, "পোক্নফম ইমা অসিনা স্বর্গদগীসু হেল্লি"। মহাক্না হায়খি মদুদি বন্দে মাতরম অসি অসিগুম্বা অথোইবা নাৎ-চৎনবী অসিগী অনৌবা শায়োন্নি।
প্রধানমন্ত্রীনা হায়খিমদুদি দাদা বঙ্কিমনা বন্দে মাতরম লেংখিবা অসি মশা মথন্তনা অদুমক নিংতম ইহৌগী খোজ্ঞেল ওইখ্রে। মহাক্না লুনা হায়খি মদুদি নোংপোক্তগীনা নোংচুপ ফাওবা, অৱাংদগীনা মখা ফাওবা, বন্দে মাতরম অসি ভারতকী মীওই খুদিংগী ৱাশক ওইখ্রে।
নুমীৎ খরনিগী মমাংদা, চহী 150 মপুং ফাবা অসিদা বন্দে মাতরম অসি হৌদোকপদা শ্রী মোদীনা হায়খি মদুদি বন্দে মাতরমদা চহী লিশিং কয়াগী নাৎকী পাঙ্গল অধু পুনশিন্নখি, মসি নিংতম্বগী ৱাখল্লোন্নি অমসুং নিংতম্লবা ভারতকী মীৎয়েংদসু পুনশিন্নখ্রে। মহাক্না হায়খি মদুদি ব্রিতিশ মতমদা ভারতকী অশোনবা, মতিক চাদবা, অতনবা অমসুং মথৌ তৌদবা উৎপগী মতৌ অমা চৎনরম্মী অমসুং মীনাই নাইথাংগী শাফুদা লাইরিক হৈবা মীশিংনসু মসিগী লোন্দা অসি হায়নরম্মী। প্রধানমন্ত্রীনা ৱাফম অসিদা লুম্না লৌরদুনা হায়রম্মী মদুদি দাদা বঙ্কিমনা মসিগী তুক্কৎচরবা ৱাফল্লোন অসি মুত্থৎখি অমসুং বন্দে মাতরমগী থোংদগী ভারত পাঙ্গল লৈরবা শক্তম অদু উৎলি। মহাক্না হায়খি মদুদি দাদা বঙ্কিমনা অসিগুম্বা পরেংশিং অসি ইখিবা অসিনা মসিগী ৱাফম অসিদা লুম্না লৌহল্লি মদুদি ভারত ইমা অসি ৱাখল-লৌশিং অমদি খুজ্ঞাও-লৈচাওবগী লাইরেম্বী ওইবদা লোয়ন-লয়ননা য়েক্নবশিংদা খুৎলায় থাবদা প্তন্দ চন্দিকাসুনি।
শ্রী মোদীনা ৱাহৈশিং, ৱাখল্লোনশিং অমসুং ইনোৎশিংনা মীনাই নাইথাংগী নিংবা কাইবসিদা ভারতকী মীশিংদা পাঙ্গল হাপ্পীরিবা ৱাফম অসিবু থিল্লদুনা হায়খি মদুদি হায়রিবা পরেংশিং অসিনা ইরৈচাশিংদা লান্থেং অসি লম মচেৎ অমখক্কীসু নত্তে, লৈঙাক পায়বগী ফম্বাল অদুবু খোপচিনবসু নত্তে মসিদি কোলোনিজমগী য়োৎলহিং অসিবু লৌথোকপদা অমদি অথোইবা চৎনবীশিং, চাওথোকচনিংঙাই ওইরবা পুৱারী অসি অমুক নৌনা হিংগৎহন্নবগীদমক্তনি।
প্রধানমন্ত্রীনা হায়খিমদুদি বন্দে মাতরম অসি মী-মী খুদিংগা হকচিন্না শম্নহনখিবা অসিনা ঐখোয়গী নিংতম লালগী শাংলবা ৱারী ওইনা ফোংদোক্লি। মহাক্না মখা তানা হায়খি মদুদি করিগুম্বা তুরেলগী মতাংদা হেক হেক হায়বা মতমদা- সিন্ধু ওইগেরা, সরস্বতী ওইরো, কাবেরী ওইরো, গোদাবরী ওইরো, গঙ্গা নত্রগা জমুনা ওইরো-মহাক্কা লোয়ননা নাৎকী ইচেল অমা, চাউখৎপগী ইরৈ অমসুং মীওইবা পুন্সিগী ইথীলবু পুদুনা লাকই। মহাক্না ৱাফম অসিদসু লুম্না লৌরদুনা হায়খি মদুদি অসিগুম্বা মখলগী নিংতম্বগী খোংথাং খুদিংদা বন্দে মাতরমগী ৱাখল্লোনগী ইরৈনা য়ৈরি অমসুং মসিগী তোর্বানশিংনা মদুগী ৱাখল্লোন অসিবু য়োকখৎলি।প্রধানমন্ত্রী হায়খি মদুদি অসিগুম্বা কাব্যগী ওইবা মওংদা ফোংদোকপা অসি নিংতম্বগী মপুং ওইবা খোংচৎ অদু বন্দে মাতরমগী ৱাখল্লোনশিংনা লেংখিবা অসি তাইবংপাল অসিগী মফম অমত্তদা ফংলোই।
শ্রী মোদী হায়খি মদুদি 1857গী মতুংদা অংগ্রেজীশিংনা মখোয় অসি ভারত্তা মতম শাংনা লৈবা য়াররোই হায়বসি খল্লকখি অমদি মখোয়না ভারত অসি খায়দোক্ত্রিবফাওবা মখোয় মশেল খৎনহন্দ্রিবফাওবা লৈঙাক অসি ফংবা ঙম্লোই হায়বগী মংলান্দা লাকখি। মহাক্না হায়খি মদুদি তোখায়-তোখায় তানহল্লো অদুগা মপু ওইশিল্লো হায়বগী লম্বি অসি খনখি অমসুং বঙ্গালবু মখোয়গী চাংয়েং তৌফম ওইহনখি, মরমদি মতম অদুদা বঙ্গালগী ৱাখল্লোন মান্নবগী থৌনা-পাঙ্গল অসিনা লৈবাক অসিগী মায়য়োন, থৌনা-পাঙ্গল অমসুং ইনোৎ হাপ্পী অমসুং ভারতকী অপুনবা থৌনাগী মফম অমা ওইরম্মী হায়বসি মখোয়না খংলম্মী। প্রধানমন্ত্রী হায়খি মদুদি মরম অসিননি অংগ্রেজীশিংনা খ্বাইদগী ইহান হানবদা বঙ্গাল অসি খায়দোক্নবা হোৎনখি মরমদি মখোয়না খনবদা বঙ্গাল খায়দোক্লবা মতুংদা লৈবাক অসি মচোই-মচোই তারগনি অমদি মখোয়না মখা তানা লৈঙাক পায়বা য়াগনি হায়না খনখি। মহাক্না নিংশিংহনখি মদুদি 1905 দা অংগ্রেজীশিংনা বঙ্গাল খায়দোকপগী পাপ তৌবা মতমদা বন্দে মাতরম অসিনা চীংজাওগুম লেপখি। মহাক্না লুম্না হায়খি মদুদি বঙ্গালগী অপুনবা শক্তমগীদমক্তা বন্দে মাতরম অসি লৈরক-খুল্লক খুদিংদা নিনখিদুনা খোল্লাও অমা ওইখিরম্মী অদুগা মসিনা মীশিংবু ইনোৎ হাপ্পম্মী। প্রধানমন্ত্রীনা ৱাফম অসিদা লুম্না লৌরদুনা হায়খি মদুদি বঙ্গাল খায়দোকপগা লোয়ন-লোয়ননা অংগ্রেজশিংনা ভারত অসি শোন্থহন্নবগীদমক্তা মনুং হজ্ঞিন্না মরু হুনখিরম্মী। অদুবু বন্দে মাতরম, খোজ্ঞেল অমা অমসুং অপুনবা শক্তমগী মওংদা অংগ্রেজশিংগীদমক্তা শিংনবা অমা ওইখি অমসুং লৈবাক অসিগীদমক্তা কল্লবা চিংজাওগুম্লবা পাঙ্গল ওইখি।
প্রধানমন্ত্রীনা হায়খি মদুদি বঙ্গাল অসি খায়দোকখ্রে অদুবু মসিনা অচৌবা ইরমগী ইহৌ অমা থোরকহনখি অমসুং মতম অদুদা বন্দে মাতরমগী খোজ্ঞেল অসি মফম খুদিংদা তাখিরম্মী। মহাক্না ৱাফম অসিদা লুম্না লৌরদুনা হায়খি মদুদি বঙ্কিম চন্দ্র চেত্তর্জীনা থোরকহনখিবা ৱাখল্লোনগী থৌনা অসি অংগ্রেজশিংনা খংখি, মহাক্কী ইশৈনা অংগ্রেজশিংগী লৈঙাক্কী মখোং নোমহনখিদুনা মখোয় ৱায়েল কাংলোনগী ওইবা অথিংবা অদু থম্নবা হোৎনবা তারকখি। প্রধানমন্ত্রীনা হায়খি মদুদি মসিগী ঈশৈ অসি শকপা মীদা চৈরাক পীরমখি, মসি নম্বদা চৈরাক পীরমখি অমসুং বন্দে মাতরমগী ৱাহৈ অসি হায়বদফাওবা অহকপা ৱায়েল পথাপকী চৈরাক পীরম্মী। মহাক্না বারীসালগী খুদম অদু পীরদুনা নুপী লিশিং কয়া কয়ানা নিংতম ইহৌ অসিলু লুচিংখি অমসুং মদুদা থৌদাং লৌখি, বন্দে মাতরম শকপা মফমদুদা খ্বাইদগী অকনবা চৈরাক পীরমখি। মহাক্না নিংশিংখি মদুদি বারীসালদা ইমাশিং, ইচে-ইচলশিং অমসুং অঙাংশিংনা বন্দে মাতরমগী ইকাই-খুম্নবা অসি ঙাক্নবগীদমক্তা মাং থানা থোরকখি। শ্রী মোদীনা থৌনা লৈরবী সরোজিনী ঘোষগী মতাংদা হায়রদুনা মহাক্না বন্দে মাতরম হায়বদা থম্লিবা অথিংবা অসি লৌথোক্ত্রিবফাওবা মহাক খুজি লৌথোক্তুনা শুংসি সিররোই হায়না লাওথোকখিবা অসি য়াম্না মরুওইবা ৱাশক ওইরম্মি হায়না হায়খি। মহাক্না হায়খি মদুদি অঙাংশিংসু মনিং লৈদুনা চেল্লমখিদে, মখোয়দা য়োৎচৈনা কল্লমখি, অঙাং ওইনা জেলদা থম্লমখি অদুবু মখোয়না অংগ্রেজশিংবু য়ানিংদবা উত্তুনা বন্দে মাতরমগী খোল্লাও অসি লাওরদুনা ইহৌশিংদা য়াওখি। মহাক্না মসিমসু হায়খি মদুদি বঙ্গালগী লৈরকশিংদা বঙ্গালগী ইশৈনা নিল্লমখি, মদুগী অর্থদি, "নুংশিরবী ইমা , নহাক্কী থৌদল তৌজরগা বন্দে মাতরমগী খোল্লাও লাওরগা থৱায় অসি থারবসু লাইবক ফবনি," হায়বা অসিনা অঙাংশিংগী খোজ্ঞেল ওইখ্রে অমসুং লৈবাক অসিদা থৌনা হাপখি।
শ্রী মোদীনা মসিমসু হায়খি মদুদি 1905 দা হরিতপুর খুঙ্গংদা বন্দে মাতরম শোল্লম্বা অঙাং মচা কয়া অমা মীনুংশি লৈতনা ফুরমখি, মসিগী থৌদোক অসিদগী মহাক্কী মপুন্সি অদু হিংবা-চংবা অনিগী মরক্তা লান্থেংনবা তারমখি। মতৌ অসিগুম্না 1906 দা নাগপুরগী নীল সিতী হায়স্কুলদা অঙাংশিংনা অমত্তা ওইনা বন্দে মাতরম হায়না লাওবগী "মরাল" গীদমক্তা মীওৎ-মীনৈ কয়া মায়োক্নরমখি, মথৌনা-মরিংজেলগী মন্ত্রগী পাঙ্গল অদুবু উৎখি।প্রধানমন্ত্রীনা পল্লদুনা হায়খি মদুদি ভারতকী অথৌবা মচানা অকিবা লৈতনা ফাসিগী সগাইদা কাখিদুনা অরোইবা নিংশা স্বরফাওবা বন্দে মাতরম হায়না লাওরদুনা- খুদিরাম বোস, মদনলাব ধীঙ্গরা, রাম প্রসাদ বিস্মিল, অশফাকউল্লা খান, রোশন সিংহ, রাজেন্দ্র লাহিরী, রামকৃষ্ণ বিশ্বাস অমসুং মশিং থিঙমদ্রবা মীওই কয়ানা বন্দে মাতরম অসি মচিন্দা শোন্দুনা ফাসিগী কোঙ্গোই হুকখি। মহাক্না হায়খি মদুদি কত্থোকপা অশি তোঙান-তোহানবা কৈশুমশঙশিং, তোঙান-তোঙানবা মফমদা, তোহান-তোহানবা মায়থোঙ অমদি লোলশিংদা তৌখিবা তারবসু প্রধানমন্ত্রীনা চতগাও লালহৌবু নিংশিংখি, মফমসিদা নহা ওইবা লালহৌবশিংনা অংগ্রেজশিংবু লান্থেংনখি অমদি হরগোপাল বল, পুলিন বিকাস ঘোষ অমসুং ত্রিপুর সেনগুম্লবা মমিংশিং অসি পুৱারীদা ঙান্থোইদুনা লৈহৌরগনি হায়খি। মহাক্না হায়খি মদুদি 1934 দা মাস্তর সুর্য সেনবু ফাসী তৌদুনা হাৎখিবা মতমদা মহাক্না মহাক্কী মমান্নবশিংদা চেপাও অমা ইরমখি অদুগা মদুদা শুপ্নতগী ৱাহৈ অমখক্তমক ইরমখি- বন্দে মাতরম।
মহাক্না হায়খি মদুদি ভারতকী মীশিংনা চাওথোকচগদবনি, মরমদি মালেমগী পুৱারীদা মীওই লাখ কয়ানা চহী কয়া-কয়াদগী পান্দম অমখক্তগীদমক্তা শকখিবা অদুগা মপুন্সি কত্থোকপগী ইনোৎ হাপখিবা বন্দে মাতরমগুম্বা শৈরেং নত্রগা ইশৈ অমত্তা লৈতে। শ্রী মোদীনা হায়খি মদুদি মালেম অসিনা খংবিগদবদি মীনাই নাইথাংগী মতমদসু ভারতনা অসিগুম্বা ৱাখল্লোনশিংনা হকচিনবা ইশৈ লেংবা ঙম্বা মীওইবগীদমক্তা অঙকপা অমা ওইবা মীওই কয়া পোক্লকখি। প্রধানমন্ত্রীনা হায়খি মদুদি ঐখোয়না চাউথোক্না লাওথোক্কদবনি অমসুং অমুক্কা হন্না মালেম অসিনসু মসিগী নুংঙাইবা ফোংদোকপা হৌগনি। মহাক্না ৱাফম অসিদসু লুম্না লৌখি মদুদি বন্দে মাতরম অসি নিংতম্বগী মন্ত্রনি, থাদোকপগী মন্ত্রনি, থৌনাগী মন্ত্রনি, অশেংবগী মন্ত্রনি,কত্থোকপগী মন্ত্রনি অদুগা মদুগী মন্ত্রদুনা অৱাবা খাঙবগী থৌনা হাপ্পী। মহাক্না হায়খি মদুদি মসিগী মন্ত্র অসিদি বন্দে মাতরমনি। প্রধানমন্ত্রীনা গুরুদেব রবিন্দ্রনাথ তেগোরগী পরেংশিং অদুবু নিংশিংখি "লংলা অমত্তনা পুল্লিবা থম্মোয় লিশিং কয়া, থবক অমগীদমক্তা কত্থোক্লবা পুন্সি লিশিং কয়া কয়া- বন্দে মাতরম।"
প্রধানমন্ত্রীনা হায়খি মদুদি মতম অদুদা, বন্দে মাতরমগী রেকোর্দিং অসি মালেমগী তোঙান-তোঙানবা শরুকশিংফাওবা য়ৌখি অমসুং লালহৌবশিংগীদমক্তা শেংলবা মফম ওইখ্রবা লন্দন্দা ইন্দিয়াগী হাউসতা ইশৈনা হন্না-হন্না নিলহল্লদুনা, লৈবাক্কীদমক্তা হিংবা-চংবা খংদনা থৌরাং শেমদুনা লৈরবা মীশিংদা ইথীলগী হৌরকফম ওইরিবা অথৌবা সাৱরকরনা বন্দে মাতরম শকপা উনখি। মহাক্না ৱাফম অসিদা লুম্না লৌরদুনা হায়রম্মী মদুদি মতম অদুদা বিপিন চন্দ্র পাল অমসু মহর্ষি অরবিন্দো ঘোয়না পাওচে হৌদোকখি অমসুং মদুগী মমিং 'বন্দে মাতরম' হায়না থোনখি মরমদি মসিগী ইশৈ অসি মীপুম খুদিংনা খোংথাং খুদিংদা অংগ্রেজশিংবু লৈতাহনখিদে। প্রধানমন্ত্রীনা হায়খি মদুদি অংগ্রেজশিংনা পাও চে অদুদা অথিংবা থম্লকখিবা মতমদা মেদম ভীকাজী কামানা পেরিসতা পাওচে অমা ফোংখিবদুগী মমিং 'বন্দে মাতরম' হায়না থোনখি।
শ্রী মোদীনা হায়খি, "বন্দে মাতরমনা ভারত অসিবু ইরোমদম লেপনবগী লম্বি তাকপীরি।" মহাক্না ৱাফম অসিদা লুম্না লৌরদুনা হায়রম্মী মদুদি মতম অদুদা মমৈখেত্তগী হৌরগা চাউর-চাউরবা জহাজফাওবদাবন্দে মাতরম ইবগী চৎনবী অসি মীরমগী কম্পনীশিংদা শিংননবগী পাম্বৈ অমা ওইখি অমসুং ইরমদমগী মন্ত্রদা ওনখি। মহাক্না লুম্না লৌরদুনা হায়খি মদুদি নিংতম্বগী মন্ত্র অসিনা ইরমগী মন্ত্রগী মওং লৌখি।
প্রধানমন্ত্রীনা 1907 দা থোকখিবা বি.ও. চিদম্বরম পিল্লাইনা ইরমগী কম্পনীগীদমক্তা জহাজ অমা শাখিবা অদুগা মদুদা বন্দে মাতরম থাখিবগী থৌদোক অমগী মতাংদা হায়খি। মহাক্না হায়খি মদুদি রাস্ত্রকবি সুব্রমন্য ভারতীনা বন্দে মাতরম অসি তমিলদা হন্দোকখি অমসুং ভজনশিং ইখি, মদুদা লৈবাক নিংবগী ইশৈশিংদা বন্দে মাতরমগী মফমদা কত্থোকপা অদু ময়েক শেংনা উখি। প্রধানমন্ত্রীনা হায়খি মদুদি ভারতীনা ভারত কী লৈবাক নিংবগী ইশৈসু ইখি, মদুদা বন্দে মাতরমগী মতাংদা হায়খি। মহাক্না তমিলগী পরেংগী মতাংদা ইখিবদুগী ৱাহন্থোক্তি: "হে মরৈবাক নিংবশা, ঐহাক্কী ইমাগী নিংথিজরবা ফীরাল অসি য়েংউ অমদি ইকাই খুম্নবগা লোয়ননা খুরুমবিয়ু।"
প্রধানমন্ত্রীনা হায়খি মদুদি সাংসদগী মরক্তা বন্দে মাতরমদা মহাত্মা গান্ধীগী ৱাখল্লোনশিং থম্বা পামজখি। মহাক্না খা অফ্রীকাদা ফোংখিবা চয়োলগী চেফোং 'ইন্দিয়ন ওপিনিয়ন' অসিদা দিসেম্বর 2, 1905 দা মহাত্মা গান্ধীনা ইখিবা আর্তিকল অমগী মতাংদা হায়খি। আর্তিকল অদুদা গান্ধীজীনা হায়খি মদুদি বঙ্কিম চন্দ্রনা ইখিবা বন্দে মাতরম অসিনা বঙ্গাল পুম্বদা অদুক্কী মতিক য়াম্না পাম্নরম্মী অমসুং ইরৈবাক্কী ইহৌগী মতমদা পাংথোকপা য়াবা কয়া অমা পাংথোকখিবদা মীওই লাখ কয়ানা বঙ্কিমগী ইশৈ অসি শকখিরম্মী। প্রধানমন্ত্রীনা গান্ধীজীগী ৱাহৈশিংদা থিল্লদুনা মসিগী ইশৈ অসি অদুক্কী মতিক পাম্নদুনা জাতীগী ইশৈ ওইবা য়াবগী মওংদা লৈখিরম্মী। গান্ধীজীনা ইখি মদুদি মসিগী ৱাখল্লোনশিং অসি অতৈ লাবাকশিংগী ইশৈগা চাংদম্নবদা অথোইবা অমদি খোয়থুম্নবা হেল্লম্মী অমসুং মসিগী অমত্তা ওইরবা পান্দমদি ঐখোয়গী নুংদা লৈবাক নিংবগী ইথীলশিং ফাওরকহনবনি। মহাক্না ৱাফম অসিদা লুম্না লৌরদুনা গান্ধীজীনা ইশৈ অসিগী শৈরোল অসি ভারত ইমাগী মওংদা উনবা অমসু মহাকপু লাৎচনবগী মওংদা তৌখি।
প্রধানমন্ত্রীনা হায়খি মদুদি বন্দে মাতরম অসিবু মহাত্মা গান্ধীনা 1905 দা জাতীগী ইশৈ ওইনা উখিবা অমসুং মীরৈবাক অমসুং ইরৈবাক্কী ভারতকী মীওই খুদিংমক্কী ওইনা লোইনাইদ্রবা থৌনাগী হৌরকফম ওইখিবা অসি হৌখিবা চহীচাদা তৌখিবা তৌহৈদ্রবা মীওৎ-মীনৈ কয়া মায়োক্নখি। মহাক্না ৱাহং পুখৎলদুনা হংখি মদুদি বন্দে মাতরমদা অসিগুম্বা থাজবা মাংহনখিবা অসি করিগী থোকখ্রিবনো অমসুং করম্বা অকনবা থৌননানা অসুক্কী মতিক কন্না মসিবু লাৎনিংঙাই ওইরবা বাপুগী ৱাখল্লোনশিং অসিবু নমশিনবিখিবা অমসুং শেংলবা ইনোৎ অসিবু চয়েংৎনবরোমদা ইনশিনখ্রিবা অসিবু।শ্রী মোদীনা লুম্না লৌরদুনা হায়খি ঙসি ঐখোয়না বন্দে মাতরমগী চহী 150 গী পাংথোক্লিবা অসিদা অনৌবা মীরোলশিংদা হৌখ্রবা মতমদা করিগীদমক্তা থাজবা মাংহনখ্রিবগী মরম অসি করিননো খংহনবা হায়বসি ঐখোয়গী ইথৌদাংনি। মহাক্না ৱাফম অসিদা লুম্না লৌরদুনা হায়রম্মী মদুদি বন্দে মাতরমগী মায়োক্তা মুস্লিম লীগকী রাজনিতী অসি হেন্না য়াংশিল্লকখিরম্মী অমসুং মোহম্মদ অলী জিন্নানা ওক্তোবর 15, 1937 দা লখনৌদগী বন্দে মাতরমগী মায়োক্তা খোল্লাও কয়া লাওখি। প্রধানমন্ত্রীনা হায়খি মদুদি মুস্লিম লীগকী য়ুম্ফম য়াওদবা ৱাফমশিং কন্না মায়োক্ননবগীদমক্তা অমসুং মখোয়বু হুনবগী মহুত্তা মতমদুগী কংগ্রেসকী চেয়রমেন জৱাহরলাল নেহরুনা বন্দে মাতরমগী মফমদা অমসুং ইন্দিয়ন নেস্নেল কংগ্রেস(আই.এন.সি.) পার্তীগী মতাংদা ৱাশক ঙাক্লমদে অমসুং অমসুং বন্দে মাতরমদা ৱাহং কয়া হংবা হৌরকখি। মহাক্না নিংশিংখি মদুদি জিন্নাগী মায়োক্তা নুমীৎ মঙানি মতুংমক্তদা ওক্তোবর 20, 1937 দা নেহরুনা कोনেতাজী সুভাশ চন্দ্র বোসতা চেপাও অমা ইখিরম্মী, মসিদা মহাক্না জিন্নাগী ৱাখল্লোন্দা অয়াবা পীখি অমদি বন্দে মাতরমগী 'আনন্দ মথ' গী বেকগ্রাউন্দা মুসলমানশিংনা নুংঙাইখিরোই। প্রধানমন্ত্রীনা নেহরুজীগী ৱাহৈশিংদা পনখি।
প্রধানমন্ত্রীনা হায়খি মদুদি মসিগী মতুংদা ইন্দিয়ন নেস্নেল কংগ্রেসকী মায়কৈদগী ৱাফম অমা লাকখি মদুদি ওক্তোবর 26, 1937দগী কংগ্রেসকী থৌমীগী সমিতীগী মীফম অসি কোলকত্তাদা তৌগনি অমসুং মদুদা বন্দে মাতরম শিজিন্নবগী মমতাংদা রিভিয়ু তৌগনি। মহাক্না ৱাফম অসিদা লুনা লৌরদুনা রিভিয়ু অসিগীদমক্তা বঙ্কিম বাবুগী বঙ্গাল, বঙ্কিম বাবুগী কোলকতা অসি খনখ্রে।প্রধানমন্ত্রীনা হায়খি মদুদি লৈবাক শিন-থুংবনা ঙক্নখি অমসুং চপ য়ুংনা লেপ্নখি অমসুং লৈবাক শিনবা থুংবদা লৈবাক নিংবশিংনা রেল্লী চত্তুনা অমদি বন্দে মাতরম শক্তুনা ৱাফম অসিগী মায়োক্তা থোরকখি। মহাক্না লুম্না লৌরদুনা হায়খি মদুদি লায়বক থিবদগী ওক্তোবর 26, 1937 অসিদা কংগ্রেস ৱারেপ্তা বন্দে মাতরম অসিদা য়াশিন্ননবা মদুবু তোখায়না তাহনখি।মহাক্না হায়খি মদুদি মসিগী ৱারেপ অসিনা খু্ন্নাই অসি নুংশি চান্ননা লৈমিন্নবগীদমক্তা লৌখিবনি অদুবু পুৱারীনা খুদম্নি মদুদি কংগ্রেশনা মুস্লীম লীগকী মায়থিখিরম্মী অমসুং মদুগী নম্ফুদুনা লান থোক্নদনা ইংনা লৈনবগীদমক্তা তৌবগী রাজনিতী ওইনা তৌখি।
সাংসদতা লাওথোক্লদুনা প্রধানমন্ত্রীনা হায়খি মদুদি লান থোক্নদনা ইংনা লৈনবগীদমক্তা তৌবগী রাজনিতী ওইনা তৌখিবনা নমদুনা তৌবা অসিদা কংগ্রেশনা বন্দে মাতরম অসি খায়দোক্নবগীদমক্তা নোনজখি অমসুং মরম অসিনা নোংমা ভারত খায়দোক্নবা নোনজবা তাখি। মহাক্না লুম্না লৌরদুনা হায়খি কংগ্রেশকী ৱারেপ অসি অতোপ্পদা থংজিনখি অমসুং লাইবক থিবদগী মসিগী চৎন-পথাপশিং অসি হোংদোকপা য়াদবা ওই। প্রধানমন্ত্রীনা ওপোজিসন অমসুং মখোয়গী খোংবুরোইশিংগী লান থোক্নদনা ইংনা লৈনবগীদমক্তা তৌবগী রাজনিতী ওইনা তৌবা অমসুং বন্দে মাতরমগী মতাংদা লেপ্তনা চয়েৎনবা থোরক্নবা হোৎনবগীদমক্তা য়ানিংদবা ফোংদোকখি।
প্রধানমন্ত্রীনা হায়খিমদুদি কনাগুম্বা লৈবাক অমগী অশেংবা লমচৎ অসি মহাক্কী মতম ফরিঙৈদা উদে, হান্নগী ফীভমদা হনজিনবা ঙম্বা, থৌনা পাঙ্গল অমসুং মঙম খংবা শিংনবা অমসুং অৱাবা কয়া লৈবা মতমদা উই, মহাক্কী মতম ফত্তবা মতমদা খংই। মহাক্না মসিমসু হায় মদুদি 1947 দা নিংতম্লবা মতুংদা লৈবাক অসিগী শিংনবশিং অমসুং মরুওইনা তৌদবা য়াদবশিংদা ওনখিবা মতমদা লৈবাক অসিগী ইনোৎ পীরিবা ঙম্বা ৱাখল্লোন অমসুং থৱায়গী পাঙ্গলনা ওইখি। প্রধানমন্ত্রীনা ৱাফম অসিদা লুম্না হায়খি মদুদি ভারতনা অরুবা তানফম হেক মায়োক্নবা খুদিংদা লৈবাক অসিনা বন্দে মাতরমগী ৱাখল্লোন অসি পুদুনা মাংলোমদা চংশিল্লি। মহাক্না হায়খি মদুদি ঙসিসু, অগস্ত 15 অমসুং জনৱারী 26 কুম্বা তাজ্ঞাসিদ মফম খুদিংদা উবা ফংলি। মরমদি য়ুমথোং খুদিংদা মচু অহুমগী ফীরাল অসি হায়-হুম্না পায়হল্লি।মহাক্না নিংশিংহনখি মদুদি চাক্তাংবা থোকখিবা মতমদা বন্দে মাতরমগী ৱাখল্লোন্না লৌমীশিংদা লৈবাক্কী চেংগী গোদাউন থলহন্নবগীদমক্তা পুক্নিং থৌগৎখি। মহাক্না হায়খি মদুদি ভারতকী নিংতম্বা অসিবু নেৎখায়নবা হোৎনরকখিবা মতমদা, সংবিধানদা এতেক্ত তৌরকখিবা মতমদা অমসুং ইমর্জেন্সী লাওথোকখিবা মতমদা বন্দে মাতরমগী থৌনানান লৈবাক অসিবু থাঙ্গৎনবা অমসুং মায় পাক্নবা হোৎনবদা ঙমহনখি। প্রধানমন্ত্রীনা মসিমসু হায়খি মদুদি লৈবাক অসি লান্দারকখিবা খুদিংদা, লান্থোংনবগী ফীভমদা লাকপা মতমদা বন্দে মাতরমগী ৱাখল্লোন্না লান্মীশিংদা বোর্দরশিংদা লেংদনা লৈনবা ইনোৎ হাপখি ভারত ইমাগী ফীরাল অসি মায় পাকপগী মখোলগা লোয়ননা হায়দুনা লৈহন্নবা তৌখি। মহাক্না মখা তানা হায়খি মদুদি কোবিদ -19 গী মালেমগী ওইনা অরুবা পীভমগী মতমদসু লৈবাক অসিনা মসিগী ৱাখল্লোনসিগা লোয়ননা লেপখি, শিংনবশিং মায়থিহনখি অমসুং মাংলোমদা চংশিনখি।
প্রধানমন্ত্রীনা হায়খি মদুদি মসিগী লৈবাক অসিগী থৌনা , পাঙ্গল অসি লৈবাক অসিগী ৱাখল্লোনশিংগা শম্নবা, খাংবা কনবগী ইচেলনি অমসুং চাউখৎপবু হেনগৎহল্লিবা লোইনাইদবা মহৌশাগী ইচেলগা পাংখক ওইরিবা কল্লবা ইচেল অমনি। শ্রী মোদীনা লুম্না হায়খি মদুদি, "মসি শুপ্নতগী বন্দে মাতরমখক্তমক নিংশিংনবা নত্তে মসিদি অনৌবা থৌনা অমসুং ইনোৎ ফংনবগীদমক্তনি অমসুং মসিগীদমক্তা ইশানা কত্থোকচনবগী মতম্নি।" মহাক্না অমুক্কা হন্না হায়খি মদুদি লৈবাক অসিনা বন্দে মাতরমগী লমন তোল্লবনি। বন্দে মাতরমনা ঐখোয়বু মফমসিফাওবা য়ৌহন্নবগী মায়কৈ অসি হেন্না ফগৎহল্লিবনি অমসুং মরম অসিনা মসিবু ইকাই খুম্নবা হায়বসি ঐখোয়গী ইথৌদাংনি।প্রধানমন্ত্রীনা ৱাফম অসিমসু পনখি মদুদি ভারত্তা শিংনবা খুদিং লান্থোক্নবগী থৌনা লৈ অমসুং বন্দে মাতরমগী ৱাখল্লোন অসি মসিগী খুদম্নি। মহাক্না হায়খি মদুদি বন্দে মাতরম অসি শুপ্নতগী ইশৈ নত্রগা ভজন নত্তে মসিদি ঐখোয়দা লৈবাক্কীদমক্তা ঐখোয়গী ইথৌদাং মশক খংহনবা ইনোৎকী হৌরকফম্নি অমসুং মসি লেপ্তনা অদুম্মক লৈহন্নবা তৌগদবনি। মহাক্না ৱাফম অসিসু লুম্না লৌখি মদুদি ইরমদোম লেপচবা ঙম্বা ভারত অমগী মংলান অদু মপুং ফারকপগা লোয়ন-লোয়ননা বন্দে মাতরম অসি ঐকোয়গী ইনোৎ হাপ্নবা ওইদুনা লৈরে। মহাক্না হায়খি মদুদি মতম অমসুং শক্লোন অসি হোংলবসু মহাত্মা গান্ধীনা ফোংদোক্লম্বা ৱাখল্লোন অদু ঙসিসু অদুম্মক লেংদনা লৈরি অমসুং বন্দে মাতরম অসিনা ঐখোয়দা অপুনবগী লিপুন্না পুনশিনবিরি। প্রধানমন্ত্রীনা হায়খি মদুদি অথোইবা লুচিংবশিংগী মংলান অসি নিংতম্বা ভারত ওইরম্মী অদুবু ঙসিগী মীরোল অসিগী মংলান্দি ৱাত্ত-পাদবা ভারত ওইহনবনি। মহাক্না ৱাফম অসিদা লুম্না লৌরদুনা হায়খি মদুদি বন্দে মাতরমগী ৱাখল্লোন অসিনা নিংতম্বগী মংলান অসি মংফাওনহনখিবগুম ৱাত্ত-পাদনবগী মংলান অসিসু মংফাওনহনগনি। মহাক্না মীপুম খুদংদা মসিগী ৱাখল্লোন অসিগা লোয়ননা মাংলোমদা চংশিন্নবা, ইরোমদোম লেপচবা ঙম্বা ভারত অমা ওইহন্নবা অমসুং 2047 ফাওবদা বিকসিত ভারত অমা ওইহন্নবগী মংলান অসি মংফাওননবা হায়খি। মহাক্না হায়খি মদুদি করিগুম্বা নিংতম্বা অসি চহী 50 গী মমাংদা কনাগুম্বনা নিংতম্লবা ভারত কী মংলান অসি মংজরম্বা তারবদি 2047 দগী চহী 25 গী মমাংদা ঐখোয়সু ৱাত্ত-পাদবা অমসুং বিকসিত ভারতকী মংলান অসি মংলম্বা য়াই অমসুং মদু মংফাওননবগীদমক্তা ইশামক কত্থোকচরম্বা য়াই।প্রধানমন্ত্রীনা মসিমসু হায়খি মদুদি মসিগী মন্ত্র অমসুং ৱাশক অসিগা লোয়ননা বন্দে মাতরমনা ঐখোয়বু ইনোৎ হাপ্তুনা লৈরগনি, ঐখোদা ঐখোয়গী লমন অসিবু নিংশিংহন্দুনা লৈরগনি, ঐখোয়গী ৱাখল্লোন্দগী ঐখোয়বু লমজিং-লমতাক্তুনা লৈরগনি অমসুং মসিগী মংলান অসিবু মংফাওননবগীদমক্তা লৈবাক অসি অমত্তা ওইনা পুনশিন্নদুনা লৈরগনি। মহাক্না থাজবা ফোংদোকখি মদুদি মসিগী খন্ন-নৈনবা অসিনা লৈবাক অসিগী ৱাকল্লোনশিংনা থল্লবা, লৈবাক অসিবু ইনোৎ হাপ্নবা অমসুং অনৌবা মীরোলশিংদা থৌনা হাপ্নবগী মরম ওইরগনি অমসুং মহাক্না মসিগী থৌরম অসিগীদমক্তা য়াম্না হকচিনবা মওংদা খাগৎপা ফোংদোক্লমখি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
Vande Mataram energised our freedom movement. pic.twitter.com/mVIsgP9ReC
— PMO India (@PMOIndia) December 8, 2025
It is a matter of pride for all of us that we are witnessing 150 years of Vande Mataram. pic.twitter.com/flDfMayNkQ
— PMO India (@PMOIndia) December 8, 2025
Vande Mataram is the force that drives us to achieve the dreams our freedom fighters envisioned. pic.twitter.com/E8Wz4JOk5C
— PMO India (@PMOIndia) December 8, 2025
Vande Mataram rekindled an idea deeply rooted in India for thousands of years. pic.twitter.com/jTOLlgoeyO
— PMO India (@PMOIndia) December 8, 2025
वंदेमातरम् में हजारों वर्ष की सांस्कृतिक ऊर्जा भी थी, इसमें आजादी का जज्बा भी था और आजाद भारत का विजन भी था। pic.twitter.com/Iccb21NsP4
— PMO India (@PMOIndia) December 8, 2025
The deep connection of Vande Mataram with the people reflects the journey of our freedom movement. pic.twitter.com/dMp9jbZMsJ
— PMO India (@PMOIndia) December 8, 2025
Vande Mataram gave strength and direction to our freedom movement. pic.twitter.com/2gLniGt4Sa
— PMO India (@PMOIndia) December 8, 2025
Vande Mataram! pic.twitter.com/QRAYjrjPp8
— PMO India (@PMOIndia) December 8, 2025
