“মসি থমোয়গী ইহুল করোর 140গী তৌবা ঙম্বা অমসুং ভারতকী অনৌবা শক্তিগী থাজবগী মীকুপ অমনি”
“‘অমৃত কাল’গী অহানবা মঙালদা মসি মাইপাকপগী ‘অমৃত বর্সা’নি”
“ঐখোয়গী বিজ্ঞানিকশিংগী কত্থোকপা অমসুং তেলেন্তকা লোয়ননা মালেমদা লৈরিবা লৈবাক অমত্তনা ঙসি ফাওবা য়ৌবা ঙমদ্রিবা থাগী সাউথ পোলদা ভারতনা য়ৌবা ঙমখ্রে”
“অঙাংশিংনা ‘চন্দা মামা এক তুর কে’ হায়বদি থা অসি তুর অমা খক্তগী চাংদা লাপ্পি হায়না হায়নগদবা মতম অদু কুইররোই”
“ঐখোয়গী মুন মিসন অসি হ্যুমেন-সেন্ত্রিক এপ্রোচতা য়ুম্ফম ওইখি। মরম অসিনা মাইপাকপা অসি মীওইবা খুন্নাইগীনি”
“ঐখোয়না ঐখোয়গী সোলর সিস্তেমগী অরোইবা পনখৈশিং চাংয়েং তৌগনি অমসুং মীওইবগীদমক য়ুনিভর্সকী লোইনাইদ্রবা ওইথোকপা য়াবশিং অদু পুথোক্নবা থবক তৌগনি”
“ভারতনা অতিয়াদা পনখৈ লোইবা নত্তে হায়বা অসি হঞ্জিন-হঞ্জিন উৎলি”

প্রধান মন্ত্রী, শ্রী নরেন্দ্র মোদীনা ISRO তীমগা লোয়ননা ঙসি থাগী লমায়দা চন্দ্রয়ান 3দা তাবা য়েংনবা ভিদিও কনফরেন্সিংগী থোংদা শরুক য়াখ্রে। মাইপাক্না তাখিবগা প্রধান মন্ত্রীনা তীম অদুদা ৱা ঙাংলদুনা পুৱারী ওইরবা মাইপাকপা অসিগীদমক মখোয়বু থাগৎপা ফোঙদোকখ্রে।

তীম অসিবু ইমুংগী মীওইশিং ওইনা খল্লগা ৱা ঙাংলদুনা প্রধান মন্ত্রীনা হায়খি মদুদি অসিগুম্বা পুৱারী ওইরবা থৌদোকশিংনা জাতি অমগী ইর্নেল কনসিয়সনেস ওইরি। নুংঙাই মথোই কারিবা লৈবাক মীয়ামদা প্রধান মন্ত্রীনা হায়খি, “মীকুপ অসি কাউঙমলরোই, অমুক্তা থোকখিদ্রি। মসি ‘বিক্ষিৎ ভারত’, ভারতকী মাইপাকপগী মীকুপ অমনি, মসি অৱাবগী ইপাক লান্থোক্তুনা মাইপাকপগী ‘চন্দ্রপথ’তা চৎপগী মীকুপ অমনি। মসি থমোয়গী ইহুল করোর 140গী তৌবা ঙম্বা অমসুং ভারতকী অনৌবা শক্তিগী থাজবগী মীকুপ অমনি। মসি ভারতকী মাইপাকপা হেনগৎলক্লিবা অসি য়কাইহন্নবা মীকুপ অমনি”। নুংঙাইবগী মমি ময়েক শেংনা তারবা প্রধান মন্ত্রীনা ‘অমৃত কাল’গী অহানবা মঙালদা মসি মাইপাকপগী ‘অমৃত বর্সা’নি হায়না ফোঙদোকখ্রে। প্রধান মন্ত্রীনা বিজ্ঞানিকশিংগী মতাংদা পল্লদুনা হায়খি “ঙসিনা হৌজিক থাদা য়ৌয়া ঙম্লে!”। মহাক্না হায়খি ঐখোয়না হৌজিক্তা অনৌবা ভারতকী অহানবা মাইপাকপা উবা ফংখ্রে।

প্রধান মন্ত্রীনা হায়খি মদুদি মহাক হৌজিক জোহানসবর্গতা BRICS সম্মিৎ শরুক য়ারি অদুবু মহাক্কী ৱাখলদি প্রজাশিংগুম্না চন্দ্রয়ান 3দা মীৎয়েং থমখি। মহাক্না হায়খি ভারত মচা খুদিংমক্না হরাও নুংঙাইবা অসিদা শরুক য়ারি অমসুং অখন্নবা থৌরম অসিদা হরাও নুংঙাইবগা লোয়ননা প্রজা খুদিংমক্কা লোয়ননা মহাক শম্নবনা মসি ইমুং খুদিংমক্কীদমক নুংঙাইবগী নুমিৎ অমা ওইরি। প্রধান মন্ত্রীনা চহি কয়া চোকথবা লৈতনা হোৎনরকখিবা তীম চন্দ্রয়ান, ISRO অমসুং লৈবাক্কী বিজ্ঞানিক পুম্নমক্তা নুংঙাইবা ফোঙদোকখ্রে অমসুং হরাও নুংঙাইবনা থল্লবা নুংঙাইরবা মীকুপ অসিগীদমক ইরৈবাকচা করোর 140দসু নুংঙাইবা ফোঙদোকখ্রে।

প্রধান মন্ত্রীনা হায়খি, “ঐখোয়গী বিজ্ঞানিকশিংগী কত্থোকপা অমসুং তেলেন্তকা লোয়ননা মালেমদা লৈরিবা লৈবাক অমত্তনা ঙসি ফাওবা য়ৌবা ঙমদ্রিবা থাগী সাউথ পোলদা ভারতনা য়ৌবা ঙমখ্রে”। মহাক্না হায় হৌজিক্তা থাগা মরী লৈনবা থাজনবী অমসুং ৱারী পুম্নমক হোংলগনি অমসুং পাওরৌশিং অনৌবা মীরোলগীদমক অনৌবা ৱাহন্থোক অমা লৈরগনি। ভারতকী ফুঙ্গা ৱারীদা পৃথিবী অসি ‘মা’ অমসুং থাবুনা ‘মামা’ হায়না খঙনৈ হায়রদুনা প্রধান মন্ত্রীনা হায়খি থা অসি য়াম্না লাপ্পী হায়না লৌনরমখি অমসুং ‘চন্দা মামা দুর কে’ হায়না হায়নৈ অদুবু অঙাংশিংনা ‘চন্দা মামা এক তুর কে’ হায়বদি থা অসি তুর অমা খক্তগী চাংদা লাপ্পি হায়না হায়নগদবা মতম অদু কুইররোই।

প্রধান মন্ত্রীনা মালেমগী, লৈবাক অমসুং লমদম খুদিংমক্কী মীয়ামদা ৱা ঙাংলদুনা হায়খি, “ভারতকী মাইপাক্লবা মুন মিসন অসি ভারত খক্তগী নত্তে। মসি মালেম্না ভারতকী G-20 প্রসিদেন্সী উবা ফংলিবা চহি অমনি। ঐখোয়গী এপ্রোচ ‘ ৱান আর্থ, ৱান ফেমিলী, ৱান ফ্যুচর’ অসি মালেম শিনবা থুংবদা খোন্থাং য়ৈরি। ঐখোয়না পাইখৎলিবা হ্যুমেন-সেন্ত্রিক এপ্রোচ অসি তাইবং পান অসিদা তরাম্না ওকখি। ঐখোয়গী মুন মিসন অসি হ্যুমেন-সেন্ত্রিক এপ্রোচতা য়ুম্ফম ওইখি। মরম অসিনা মাইপাকপা অসি মীওইবা খুন্নাইগীনি। অমসুং মসিনা তুংলমচৎতা অতোপ্পা লৈবাকশিংগী মুন মিসনশিংদা মতেং ওইরগনি”। শ্রী মোদীনা মখা তারদুনা হায়খি, “ঐহাক্না মালেমগী লৈবাক পুম্নমক, গ্লোবেল সাউথতগী য়াওনা পুম্নমক্না অসিগুম্বা মাইপাকপা অসি ফংবা ঙমগনি হায়না থাজবা থম্মি। ঐখোয়না থা অমদি অহেনবা মফম য়ৌবা ঙমগনি”।

রধান মন্ত্রীনা চন্দ্রয়ান মহা অভিয়ানগী মাই পাকপশিং অসিনা ভারতকী ফ্লাইত অসি থাগী ওর্বিতকী ৱাংমদা পুবা ঙম্লগনি হায়না থাজবা ফোঙদোকখি। “ঐখোয়না সোলর সিস্তেমগী লিমিৎ অসি চাংয়েং তৌবা ঙম্লগনি অমসুং মীওইবা জাতিগী য়ুনিভর্স অসিগী মশিং থীঙদ্রবা ওইথোকপা য়াবা কয়া পুথোক্নবা থবক পাইখৎপা ঙম্লগনি” হায়না প্রধান মন্ত্রী মোদীনা ফোঙদোকখ্রে। প্রধান মন্ত্রীনা তুংলমচৎকী মঙাল লৈরবা পান্দম কয়া থম্লিবা অদুগী মতাংদা ফোঙদোকখি অমসুং নুমিৎকী মতাংদা থিজিন্নবা অদিত্য L-1 মিসন অথুবা মতমদা লোঞ্চ তৌরগনি হায়না ফোঙদোকখি। মহাক্না ভিনস অসিসু ISROগী পান্দমশিংগী মরক্তা অমনি হায়না পনখি। “ভারতনা মী য়াওবা স্পেস ফ্লাইত মিসন অমা শেম শারিবা মিসন গঙ্গায়ানগী মতাংদা মহাক্না পল্লদুনা ভারতনা অতিয়া অসিগী অকক্নবা পনখৈ লৈতে হায়না হঞ্জিন হঞ্জিন প্রমান তৌরি” প্রধান মন্ত্রীনা ফোঙদোকখি। 

প্রধান মন্ত্রীনা সাইন্স অমসুং তেক্নোলোজী অসি লৈবাক অসি অফবা তুংলমচৎ অমগী য়ুম্ফমনি হায়না ফোঙদোকখি। মসিগী নুমিৎ অসিনা ঐখোয় পুম্নমকপু অফবা তুংলমচৎ অমদা পুনবদা ইথিল পীরগনি অমসুং ৱারেপ কয়াগী ফল পুরকপা ঙম্নবগী লম্বেল অমা তাক্লগনি হায়না মহাক্না ফোঙদোকখি। “মসিগী নুমিৎ অসিনা মাইথিরবা মতুংদা মাই পাকপা পুরকই হায়বদু মশক তাক্লি’ হায়না ফোঙদোক্লদুনা প্রধান মন্ত্রীনা সাইন্তিস্ত খুদিংমকপু মসিগী মাই পাকপা অসিগীদম অমসুং মখোয়না তুংদা মাই পাকপা পুরক্নবা থাগৎপা ফোঙদোক্তুনা ৱারোল অসি লোইশিনখি।

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Media Coverage

"India of 21st century does not think small...": PM Modi
NM on the go

Nm on the go

Always be the first to hear from the PM. Get the App Now!
...
PM offers prayers at Madurai Meenakshi Amman Temple
February 27, 2024

The Prime Minister, Shri Narendra Modi today offers prayers at Madurai Meenakshi Amman Temple.

PM Modi posted on X :

"Feeling blessed to pray at the Madurai Meenakshi Amman Temple."