খুরুমজরি
ঙসি ময়াম পুম্নমক্কা লোয়ননা শরুক য়াবা ফংজবদা ঐহাক নুংঙাইবা ফাওই। নখোয়না জপানগী দাইভর্সিতী অমসুং ইনর্জীগী হিংলিবা শক্তমনি।
ঐহাক্না মফম অসিদা সাইতামাগী খোংজেল, মিয়াগীগী মপাঙ্গল, ফুকুওকাগী ফজবা, অমসুং নারাগী হেরিতেজগী লৈনম অদু ফাওই। ময়াম পুম্নমক্তা কুমামোতোগী মীনুংশি, নাগানোগী ফজবা, শিজুওকাগী ফজবা, অমসুং নাগাসাকিগী ইহুল চেল্লি। ময়াম পুম্নমক্না মাউন্ত ফুজিগী শক্তি, সাকুরাগী স্পিরিৎপু মশক তাক্লি। পুন্না, নখোয়না জপানবু অথোইবা ওইহল্লগনি।
এক্সিলেন্সীশিং,
চহি লিশিং কয়াগী মমাংদগী ভারত অমসুং জপানগী মরক্তা অচেৎপা মরী লৈনরি। ঐখোয়বু ভগবান বুদ্ধগী নুংশিবা অসিনা শম্নহল্লি। বেঙ্গলগী রাধাবিনোদ পালনা 'তোকিও ত্রাইএলস'তা 'স্ত্রেতেজী'দগী 'জেস্তিস'না হেন্না লুম্না লৌখি। মহাক্কী থোইদোক হেন্দোকপা থৌনা অদুনা ঐখোয়বু অমত্তা ওইহল্লি।
মমাং চহিচাগী অঙনবা শরুক্তা ঐগী পোক্নফম রাজ্য গুজরাতকী দাইমন্দ মর্চেন্তশিংনা কোবেদা লাকখি। হামা-মাতসুগী কম্পনীনা ভারতকী ওতোমোবাইল সেক্তরদা অহোংবা অমা পুরকখি। লৈবাক অনিমক্কী ওন্তপ্রিন্যুওরশিপ স্পিরিৎ অসিনা ঐখোয়বু শম্নহল্লি।
মসিগী মথক্তা, অসিগুম্বা ৱারী কয়া, মরী কয়া অমনা ভারত অমসুং জপানবু য়াম্না নক্না শম্নহল্লি। ঙসি, ললোন-ইতিক, তেক্নোলোজী, তুরিজম, সেক্যুরিতী, স্কিল অমসুং কলচরগী লমদা হায়রিবা মরীশিং অসিদা অনৌবা চেপ্তরশিং ইরি। অসিগুম্বা মরী অসি তোকিও নৎত্রগা দিল্লীগী কোরিদোর খক্তদা অকক্নবা ওইদে। মরী অসি ভারত অমসুং জপানগী মীয়ামগী ৱাখল্লোনদা লৈরি।
এক্সিলেন্সীশিং,
প্রধান মন্ত্রী ওইদ্রিঙৈ মমাংদা ঐহাক্না গুজরাতকী মুখ্য মন্ত্রী ওইনা চাউরাক্না চহি তরাগী খুজিং অমা থবক তৌখি। অমসুং মসিগী মতমসিদা ঐহাক্না জপানদা চৎপগী খুদোংচাবা ফংখি। স্তেতশিং অমসুং প্রিফেকচরশিংদা মতিক ময়াই অমসুং ওইথোকপা য়াবশিং অদু ঐনা উবা ফংখি।
মুখ্য মন্ত্রী ওইরিঙৈদা, ঐহাক্কী মীৎয়েং অসি পোলিসী দ্রিভন গভর্নান্স ওইখি। ইন্দস্ত্রীদা পুক্নিং থৌগৎপা, মপাঙ্গল কনবা ইনফ্রাস্ত্রকচর শেমগৎপা, অমসুং ইনবেস্তমেন্তকীদমক অফবা অকোয়রোন অমা শেমগৎপা। ঙসিদি মীয়াম্না মসিবু "গুজরাত মোদেল" হায়নসু খঙনরে।
২০১৪দা, প্রধান মন্ত্রী ওইরবা মতুংদা, ঐহাক্না ৱাখল্লোন অসি লৈবাক অসিগী পোলিসীগী শরুক অমা ওইহনখি। ঐখোয়না রাজ্যশিংদা অথোই-অহেনবা তাননীংবা পোকহল্লে। ঐখোয়না মখোয়বু নেস্নেল গ্রোথকী প্লেৎফোর্ম অমা ওইহনখি। জাপানগী প্রিফেকচরশিংগা মান্ননা, ভারতকী রাজ্য খুদিংমক্কী মশাগী ওইবা মশক অমা, মশাগী ওইবা অখন্নবা অমা লৈ। মখোয়গী লমশিং অসি খেন্নৈ। খরা অমনা সমুদ্র তোর্বান লৈ, খরা অমনা চীংমাইদা লৈ।
ঐখোয়না অসিগুম্বা দাইভর্সিতী অসি দিভিদেন্দদা ওন্থোক্নবা হোৎনরি। জিলা খুদিংমক্কী শেন্মিৎলোন অমসুং মশক মওং অসি মপাঙ্গল কনখৎহন্নবা, ঐখোয়না জিলা অমা, পোত্থোক অমা কেম্পেন হৌদোক্লে। ঐখোয়না এস্পিরেস্নেল দিস্ত্রিক্ত অমসুং ব্লোক প্রোগ্রাম অসি লৈবাক্কী চাউখৎ-থৌরাংদা শোত্থনা লৈরম্বা দিস্ত্রিক্তশিং অমসুং ব্লোকশিংগীদমক হৌদোক্লে। ঐখোয়না অরাপ্পা ঙমখৈগী খুঙ্গংশিংবু মেনস্ত্রীমদা পুরক্নবা ভাইব্রেন্ত ভিলেজ প্রোগ্রাম হৌদোক্লে। অমসুং হৌজিক্তি হায়রিবা দিস্ত্রিক্তশিং অমসুং খুঙ্গংশিং অসি লৈবাক্কী চাউখৎপগী মফমশিং ওইরক্লি।
এক্সিলেন্সীশিং,
অদোমগী প্রিফেকচরশিং অসি তেক্নোলোজী, মেন্যুফেকচরিং অমসুং ইন্নোবেসনগী অশেংবা পাৱরহাউসশিংনি। প্রিফেকচর খরগী শেন্মিৎলোন অসি লৈবাক কয়াদগী হেন্না চাউই। মরম অদুনা, ময়াম পুম্নমক্না অচৌবা থৌদাং অমা পুরি।
ইন্তর্নেস্নেল কোলাবোরেসনগী তুংলমচৎ অসি অদোমগী খুৎনা ইরি। ভারতকী রাজ্য অমসুং প্রিফেকচর কয়াদা হান্ননা পার্তনরশিপ লৈরে। খুদম ওইনা-
গুজরাত অমসুং শিজুওকা,
উত্তর প্রদেশ অমসুং য়মানাশী,
মহারাস্ত্র অমসুং ৱকায়ামা,
আন্ধ্র প্রদেশ অমসুং তোয়ামা।
অদুবু ঐহাক্না থাজৈ মদুদি পার্তনরশিপ অসি পেপরদা খক্তা লৈরোইদবনি। মসি পেপরদগী মীওইবশিংদা চাউখৎপা পুরকপা ওইগদবনি।
ঐখোয়না ভারতকী রাজ্যশিংবু মালেমগী ওইনা তেংবাং পীনবগী মফম অমা ওইহনবা পাম্মি। ৱাখল্লোন অসিগা লোয়ননা ঙরাং ঐহাক অমসুং প্রধান মন্ত্রী ইশিবানা স্তেত-প্রেফেকচর পার্তনরশিপ ইনিসিএতিব হৌদোকখি। ঐখোয়গী পান্দমদি চহি খুদিংগী ভারতকী য়ামদ্রবদা রাজ্য অহুম অমসুং প্রিফেকচর অহুমদগী লাকপা মীহুৎ কাঙলুপশিংনা অমগা অমগা চৎমিন্নবনি। ঐহাক্না ময়াম পুম্নমকপু খোঙথাং অসিদা শরুক য়ানবা কৌজরি। ঐনা অদোমবু ভারত লাক্নবা কৌজরি।
ভারতকী রাজ্যশিং অমসুং জপানগী প্রিফেকচরশিংনা ঐখোয়গী অপুনবা খোংজেলদা মতেং পাংমিন্নসি।
অদোমগী প্রিফেকচরশিং অসি অচৌবা কম্পনীশিংগীদমক্তা নত্তনা, এস.এম.ই.শিং অমসুং স্তার্ত-অপশিংগীদমক্তসু অফবা মফমশিং ওইরি। ভারত্তাসু, অপীকপা শহরশিংদগী স্তার্ত-অপশিং অমসুং এম.এস.এম.ই.শিংনা লৈবাক অসিগী চাউখৎপগী ৱারীদা মতেং পাংলি।
করিগুম্বা জপান অমসুং ভারতকী অচৌবা ইকোসিস্তেমশিং অসি অমত্তা ওইনা লাক্লবদি-
ৱাখল্লোনশিং অসি তুং কোইনা চৎকনি,
ইন্নোবেসন হেনগৎলগনি,
অমসুং খুদোংচাবা কয়া ফংলগনি!
মসিগী ৱাখল্লোন অসিগা লোয়ননা কন্সাইদা বিজিনেস একচেঞ্জ ফোরম হৌদোক্লিবা অসিদা ঐহাক নুংঙাইবা ফাওই। মসিনা কম্পনীশিংগী মরক্তা হকথেংননা পাউ ফাওনহনগনি, অনৌবা ইনভেস্তমেন্তশিং পুক্নিং থৌগৎকনি, স্তার্ত-অপশিংগী মরক্তা পার্তনরশিপশিং হেনগৎহল্লগনি, অমসুং হৈ-শিংলবা প্রোফেস্নেলশিংগীদমক অনৌবা খুদোংচাবশিং ফংহল্লগনি।
এক্সিলেন্সীশিং,
নহা ওইরিবশিংনা শম্নরবা মতমদা অচৌবা লৈবাকশিংনা পুন্না খুমাং চাউশিনমিন্নৈ।
জপানগী য়ুনিভর্সিতীশিং অসি মালেমদা মমিং চৎলি। ভারতকী মহৈরোয়শিংবু মফম অসিদা লাক্নবা, তমহন্নবা অমসুং কন্ত্রিব্যুৎ তৌনবা পুক্নিং থৌগৎনবা পান্দমগা লোয়ননা ঙরাং প্রধান মন্ত্রী ইশিবাগা লোয়ননা ঐখোয়না এক্সন প্লান অমা হৌদোকখি। মসিগী মখাদা লাক্কদৌরিবা চহি ৫দা তোঙান তোঙানবা লমশিংদা মীওই লাখ ৫গী একচেঞ্জ তৌনবা পুক্নিং থৌগৎকনি। অমসুং, মসিগা লোয়ননা, ভারতকী হৈ-শিংলবা শিন্মী ৫০,০০০ জপানদা থাগনি। মসিদা প্রিফেকচরশিংনা য়াম্না মরু ওইবা থৌদাং অমা লৌগনি। মসিগী মতাংদা ঐখোয়না অদোমগী মতেং ফংলগনি হায়বা ঐহাক্না থাজবা থম্লি।
এক্সিলেন্সী,
ঐখোয়গী লৈবাকশিং অসি পুন্না মাংলোমদা চংশিল্লকপগা লোয়ননা, ভারতকী রাজ্য খুদিংমক্না অনৌবা ইন্দস্ত্রীশিং শেমগৎকনি, অনৌবা স্কিলশিং শেমগৎকনি, অমসুং মখোয়গী মীয়ামগীদমক অনৌবা খুদোংচাবশিং ফংহল্লগনি হায়না ঐহাক্না থাজবা থম্লি।
তোকিও অমসুং দিল্লীনা লমজিংগনি।
অদুবু,
কানাগাৱা অমসুং কর্নাতকানা ভোইস পীবা ওইরসনু,
আইজী অমসুং অসামনা পুন্না মঙলান শাগৎপা ওইরসনু,
ওকায়ামা অমসুং ওরিসানা তুংলমচৎ শেমগৎপা ওইরসনু,
হন্না-হন্না থাগৎচরি,
অরিগোতা গোজা-ইমাসু!
