প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সিংগী খুত্থাংদা নেস্নেল রোজগার মেলাদা ৱা ঙাঙখ্রে। মহাক্না সরকারগী তোঙান-তোঙানবা বিভাগ অমসুং ওর্গনাইজেসনশিংদা নৌনা থবক খল্লবা মীওইশিংগী মফমদা এপ্পোইন্তমেন্ত লেত্তর চাউরাক্না 71,000 য়েন্থোকখি। লৈবাক শিনবা থুংবগী নৌনা থবক খল্লবা মীওইশিংনা ত্রেন মেনেজর, স্তেসন মাস্তর, সেনিয়র কম্মর্সিএল কম তিকেত ক্লর্ক, ইন্সপেক্তর, সব ইন্সপেক্তর, কনস্তেবল, স্তেনোগ্রাফর, জুনিয়র একাউন্তেন্ত, পোস্তেল এসিস্তেন্ত, ইনকম তেক্স ইন্সপেক্তর, তেক্স এসিস্তেন্ত, সেনিয়র দ্রৌৎসমেন, জে.ই./সুপর্বাইজর, এসিস্তেন্ত প্রোফেসর, ওজা, লাইব্রেরিয়ন, নর্স, প্রোবেস্নরী ওফিসর, পি.এ., এম.তি.এস. অমসুং অতোপ্পগুম্বা ভারত সরকারগী মখাদা লৈবা তোঙান-তোঙানবা ফমদা চঙগনি। নৌনা থবক খল্লবশিংনা সরকারগী তোঙান-তোঙানবা বিভাগশিংগী নৌনা থবক খল্লবশিংগী ওনলাইন ওরিএন্তেসন কোর্স, কর্ময়োগী প্রারম্ভগী খুত্থাংদা মশাবু ত্রেনিং পীজবা য়াগনি। প্রধান মন্ত্রীগী ৱারোল মনুংদা মেলা অসিগা মফম 45গা শম্নখি।
প্রধান মন্ত্রীনা তিনখিবা মীয়ামদা ৱা ঙাঙবদা বৈশাখীগী য়াইফরবা থৌরম অসিগীদমক্তা লৈবাক্কী মফমদা য়াইফ পাউজেল পীখি। মহাক্না কেন্দিদেত, মখোয়গী ইমুং-মনুংবু এপোইন্তমেন্ত লেত্তর অসিগীদমক্তা থাগৎপা ফোংদোকখি।
প্রধান মন্ত্রীনা চাউখৎপা ভারত অমগী পান্দম অসি ফংবা ঙম্নবগীদমক্তা নহাশিংগী মফমদা মখোয়গী তেলেন্ত অমসুং ইনর্জীগী চুনবা খুদোংচাবা পীনবগীদমক্তা সরকারনা খোঙফম চেৎলি হায়না ফোংদোকখি। NDAনা লৈঙাকপা গুজরাত্তগী অসম অমসুং উত্তর প্রদেশতগী মহারাস্ত্রা ফাওবগী রাজ্যশিংদা সরকারগী থবক লৌবগী থৌওং অসি খোঙজেল য়াঙনা পায়খৎলি হায়না প্রধান মন্ত্রীনা মীয়ামগী পুক্নিং চিংশিংনখি। ওজা 22,000 হেনবগী মফমদা মধ্য প্রদেশতা ঙরাংখক্তদা থবক খনবগী চিথী য়েন্থোকখি হায়না মহাক্না হায়খি। “ঐখোয়গী সরকারনা লৈবাক্কী নহাশিংগীদমক্তা খোঙফম চেৎলি হায়বসি মসিগী রোজগার মেলা অসিনা খুদম ওইরি”, মহাক্না হায়খি।
প্রধান মন্ত্রীনা ভারত অসি মালেমগী খ্বাইদগী খোঙজেল য়াঙনা চাউখৎলক্লিবা শেন্মিৎলোন অমনি হায়না পল্লদুনা মালেমগী শিংনবা অমসুং লাইচৎ মনুং অসিদা মালেম্না ভারতপু অঙানবা মফম অমনি হায়না য়েংনরি হায়খি। “অনৌবা ভারতনা ঙসিদি পোলিসী অমসুং স্ত্রেতজী কয়াগা লোয়ননা তুংলমচত্তা চঙশিল্লি অমসুং মসিনা অনৌবা খুদোংচাবা কয়াগী থোঙ হাংদোক্লি” হায়না মহাক্না হায়খি। মমাংদা চৎনরম্বা রিএক্তিব স্তান্সকী তাইয়োন্নবা ওইনা ভারত্না ইং 2014গী মতুংদা প্রোএক্তিব এপ্রোচ অমা শিজিন্নরে হায়না মহাক্না মখা তাখি। “মসিনা 21শুবা চহি চাগী অহুমশুবা দিকেদ অসিনা ভারত্তা মমাংদা হান্না খন্নরমদবা ইমপ্লোয়মেন্ত অমসুং সেল্স ইমপ্লোয়মেন্তকী খুদোংচাবা কয়া লৈবগী ফিভম উহল্লে। চহি তরাগী মমাংদা লৈরমদবা সেক্তর কয়া ঙসিদি নহাশিংনা ফংলে”, মহাক্না হায়খি। প্রধান মন্ত্রীনা স্তার্তঅপ অমসুং ভারতকী নহাশিংগী থৱাই য়াওবগী মতৌগী খুদম পীরদুনা স্তার্তঅপশিংনা থবক লাখ 40 হকথেংননা অমসুং নাকোইননা পীবা ঙমখি হায়বা রিপোর্ত অমগী মতাংদা পাউদমখি। দ্রোন অমসুং স্পোর্ত সেক্তর অসিসু থবক পীবা ঙম্বা অনৌবা হীরম অমনি হায়না মহাক্না হায়খি।
প্রধান মন্ত্রীনা হায়খি, “আত্মানির্ভর ভারত অভিয়ানগী ৱাখল খনবা অমসুং থবক পাংথোকপগী মওং মতৌনা স্বদেশী চৎপা অমসুং ‘ভোকেল ফোর লোকেল’দগী হেন্দোক্লে। আত্মানির্ভর ভারত অভিয়ান অসিদি খুঙ্গংদগী শহর ফাওবদা থবক্কী খুদোংচাবা করোর কয়া লৈহন্নবা ‘অভিয়ান’ অমনি”। মহাক্না লৈবাক অসিনা মশানা শাজবা মোদর্ন সেতিলাইত অমসুং সেমি হাই স্পীদ ত্রেনশিংগী খুদম পীখি। মহাক্না মমাংগী চহি 8-9দা LHB কোচ 3000 হেন্না ভারত্তা শাখি হায়খি। কোচশিং অসিগী তেক্নোলোজী অমসুং রো মেতরিএলশিংনা ভারত্তা থবক লিশিং কয়া অমসু পীখি।
প্রধান মন্ত্রীনা শান্নপোৎকী ইন্দস্ত্রীগী খুদম পীরদুনা, ভারতকী অঙাংশিংনা দিকেদ কয়া অমদি মীরমদগী পুশিল্লকপা শান্নপোৎ খক্তমক শান্নরম্মি হায়খি। শান্নপোৎশিং অসি য়াম্না ফবসু নত্তে অদুগা ভারতকী অঙাংশিংগীদমক্তা অখন্ননা খল্লগা শাবসু অমত্তা নত্তে হায়না মহাক্না হায়খি। সরকারনা মীরমদগী পুশিল্লকপা শান্নপোৎশিংগী স্তেন্দর্দগী বেঞ্চমার্ক অমা শেমখ্রে অমসুং লৈবাক অসিদা শাজবা শান্নপোৎশিং হেন্না খুমাং চাউশিলহন্নবা হোৎনবসু হৌরে হায়না মহাক্না হায়খি। মসিনা মরম ওইরগা, ভারতকী শান্নপোৎকী ইন্দস্ত্রীগী শক্তম অসিদা মপুং ফাবা অহোংবা অমা লাক্লে অমসুং মসিনা থবক কয়া পীবদা অচৌবা থৌদাং অমসু য়ারি হায়না প্রধান মন্ত্রীনা ফোংদোকখি।
দিফেন্সকী খুৎলায়শিং অসি মীরমদগী অদুমক লৈগদবনি হায়বা অরিবা ৱাখল্লোনগী মাইয়োক্তা লেপ্লদুনা প্রধান মন্ত্রীনা সরকারনা লৈবাক অসিগী মেন্যুফেকচররশিংদা থাজবা থমদুনা মসিগুম্বা ৱাখল্লোন অসিবু হোংদোকখি, অমসুং ভারত খক্তদা শাগদবা আর্ম্দ ফোর্সকী খুৎশু-খুৎলায় 300 হেনবগী লিস্ত অমসু শেমখ্রে হায়খি। লুপা করোর 15000 হেনবা শেনফমগী দিফেন্সকী খুৎলায়স্য ভারতনা মালেম পুম্বদা এক্সপোর্ত তৌরি হায়না মহাক্না মখা তানা পাউদমখি।
মমাংগী চহি খরসিদা লৈবাক অসিনা মোবাইল ফোন শাবগী লমদা খোঙজেল য়াঙনা চঙশিনখিবগী মতাংদা শ্রী মোদীনা তমখি। লোকেল মেন্যুফেকরিং তৌবদা পুক্নিং থৌগৎপা অমসুং মসিগীদমক্তা ইন্সেন্তিব পীবদগী ভারতনা ফোরেন এক্সচেঞ্জ কয়া অমা কনবা ঙমখি অমসুং ভারতনা হৌজিক্তি লোকেলগী অপাম্বা থেংনবগা লোয়ননা মোবাইল হেন্দসেতশিং মীরমদসু থাদোক্লি হায়না মহাক্না হায়খি।
প্রধান মন্ত্রীনা ইনফ্রাস্ত্রকচরদা ইনভেস্তমেন্ত তৌবনা থবক পীবদা লৌবা থৌদাংগী মতাংদসু পনখি। কেপিতেল এক্সপেন্দিচরদা মিৎয়েং চঙবদগী শোরোক, রেলৱে, হিথাংফম অমসুং বিলদিংগুম্বা ইনফ্রাস্ত্রকচর কয়া শেমগৎলি হায়না মহাক্না হায়খি। ইনফ্রাস্ত্রকচরশিংগী থবক পীবা ঙম্বগী মতিক্তা মিৎয়েং চঙলদুনা, প্রধান মন্ত্রীনা হৌজিক্কী সরকারগী মতমসিদা কেপিতেল এক্সপেন্দিচরগী চাংনা শরুক মরি থোক্না হেনগৎলে হায়না পাউদমখি।
প্রধান মন্ত্রীনা ইং 2014গী মমাং অমসুং মতুংগী চাউখৎ থৌরাংশিংগী খুদম পীরদুনা ইন্দিয়ন রেলৱেগী মতাংদা পনখি অমসুং ইং 2014গী মমাংগী চহি 7দা রেলৱেগী কিলোমীতর চাউরাকপা 20,000 খক ইলেক্ত্রিফিকেসন তৌখি, অদুবু মমাংগী চহি 9 অসিদা কিলোমীতর 40,000গী রেল লাইন ইলেক্ত্রিফিকেসন তৌখি হায়না মহাক্না হায়খি। মেত্রো রেল লাইন থাবগী মতাংদা, ইং 2014গী মমাংদা থা অমদা শুপ্নগী মীতর 600খক থারম্বা অদু হৌজিতকি থা অমদা কিলোমীতর 6 থারে হায়না মহাক্না হায়খি। ইং 2014গী মমাংদা গ্যস নেতৱর্ক অসি লৈবাক্কী শুপ্নগী জিলা 70খক্তদা লৈরম্মি, অদুবু ঙসিদি জিলা মশিং অসি 630 য়ৌরে হায়না মহাক্না মখা তাখি। খুঙ্গংগী মফমশিংগী শোরোক্কী অশাংবগী মতাংদা পল্লদুনা, প্রধান মন্ত্রীনা ইং 2014গী মতুংদা শোরোক্কী অশাংবগী চাংদা কিলোমীতর লাখ 4 ওইরম্বদগী কিলোমীতর লাখ 7দা হেনগৎপগী ফিভম উবা ফংলে হায়খি। “শোরোকশিংনা খুঙ্গং য়ৌশিল্লকপা মতমদা, মসিনা অপুনবা ইকোসীস্তেমগী মনুংদা থবক কয়া খোঙজেল য়াঙনা লৈহল্লকই”, মহাক্না মখা তাখি।
প্রধান মন্ত্রীনা এভিএসন সেক্তরগী মতাংদা হায়বা মতমদা, লৈবাক্কী এয়রপোর্ত মশিংসু ইং 2014দা লৈরম্বা 74দগী ঙসিদি 148 য়ৌরে হায়খি। এয়রপোর্ত চলায়বা মতমদা থবক পীবা ঙম্বগী মতিকসু মহাক্না ফোংদোকখি। এয়র ইন্দিয়ানা রেকোর্দ ওইবা মশিংগী প্লেন ওর্দর তৌবা অমসুং অতোপ্পা কম্পেনী খরসু মসিগা মান্নবা ওর্দর তৌবগী ৱাফমসু প্রধান মন্ত্রীনা থমখি। হিথাংফম সেক্তর অসিসু মান্নবা মওংদা চাউখৎলি অমসুং মমাংগী মতমদা চাংদম্নবা মতমদা কার্গো শেন্নবগী থৌওংনা শরুক অনি হেনগৎলে অমসুং মতম চঙবগী চাংনা তংখায়দা হন্থরে হায়না মহাক্না হায়খি। মসিগুম্বা চাউখৎ থৌরাং অসিনা থবক কয়া অমসু পীরি।
প্রধান মন্ত্রীনা হকশেলগী সেক্তরদা অমুক মিৎয়েং চঙলদুনা, ইং 2014গী মমাংদা লৈবাক অসিদা মেদিকেল কোলেজ 400তগী হন্থনা লৈরম্মি, অদুবু ঙসিদি মেদিকেল কোলেজ 660 লৈরে হায়খি। মান্নবা থৌওং ওইনা, অন্দর্গ্রেজুএত মেদিকেল সীত মশিংসু ইং 2014দা ওইরম্বা লিশিং 50দগী ঙসিদি লাখ 1 য়ৌরে অমসুং দাক্তর মশিং শরুক অনি হেনবনা ঙসিদি গ্রেজুএত তৌরে।
প্রধান মন্ত্রীনা মখা তারদুনা হায়বদা, খুঙ্গংগী মফমশিগদা FPO অমসুং SHGশিংনা লুপা করোর কয়াগী শেলগী তেংবাং ফংলি, স্তোরেজ কেপাসিতী হেনগৎলি অমসুং ইং 2014গী মতুংদা কম্মন সর্ভিস সেন্তর লাখ 3 হেন্না শেমখ্রে অমসুং খুঙ্গংশিংদা ওপ্তিকেল ফাইবর কিলোমীতর লাখ 6 হেনবসু তিংখ্রে, PMAYগী মখাদা অয়াবা পীবা য়ুম করোর 3গী মনুংদগী য়ুম করোর 2.5 শাবা লোইখ্রে, অমাংশঙ করোর 10 হেন্না শাখ্রে, ৱেলনেস সেন্তর লাখ 1.5 হেন্না শাখ্রে অমসুং লৌউ-শিংউগী সেক্তরদা মেকানাইজেসন তৌবগী থবকসু হান্নদগী হেন্না য়াম্না হেনগৎলে হায়রি। “পুম্নমক অসিনা থবক্কী চাউরবা খুদোংচাবা কয়া পীখি”, মহাক্না হায়খি।
লৈবাক অসিদা মশিং হেনগৎলক্লিবা ওন্তোপ্রিনরশিপ অমসুং অপীকপা ইন্দস্ত্রীশিংবু লমজিং লমতাকপগী থৌওংশিংসু শ্রী মোদীনা পাউদমখি। প্রধান মন্ত্রী মুদ্রা য়োজনাসু হন্দক্তা চহি 8 মপুং ফাখ্রে হায়না মহাক্না হায়খি। স্কিম অসিগী মখাদা লুপা করোর লাখ 23গী গেরেন্তী য়াওদবা লোন পীখি অমসুং মসিগী মনুংদা বেনিফিশরী 70% হেনবদি নুপীশিংনি। “স্কিম অসিনা অনৌবা ওন্তোপ্রিনর করোর 8 শেমখি। মীওইশিং অসিনা মশাগী কারবারবু মুদ্র য়োজনাগী তেংবাংদগী অহানবা ওইনা হৌনখিবনি”, মহাক্না হায়খি। শেন্মিৎলোনবু গ্রাসরুত থাক্তা মপাঙ্গল হাপ্পদা মাইক্রো-ফাইনান্সনা লৌবা থৌদাংশিং মহাক্না পনখি।
ঙসি থবক খনবগী চিথী ফংখ্রবা মীওইশিংদা প্রধান মন্ত্রীনা অমুক মায় ওন্সিল্লদুনা ঙসিগী চিথী অসিদি লৈবাক অসিনা ইং 2047 ফাওবগী মনুংদা চাউখৎপা ভারত অমা ওইনবা চঙশিল্লিবা অসিদা লৈবাক্কী চাউখৎ থৌরাংদা মখোয়গী শরুক তম্বগী খুদোংচাবা অমনি হায়না ফোংদোকখি। “ঙসিদি, অদোম্না সরকারগী থৌমী ওইবগী খোঙচৎ চৎপা হৌরে”, প্রধান মন্ত্রীনা মখা তাখি, “অদোম্না খোঙচৎ অসিদা, অদোম্না মীচম মীয়াম অমা ওইরিঙৈদা ফাওরম্বা ৱাখল্লোন খুদিংমক নিংশিংগদবনি”। সরকারনা নৌনা থবক খল্লবশিংগী মফমদগী থম্লিবা থাজবগী মতাংদা পল্লদুনা, প্রধান মন্ত্রীনা হৌজিক্কী মতম অসিদি অতোপ্পা অপাম্বা ফংহনবা হায়বসিনা মখোয়গী থৌদাং ওইরবনি হায়খি। “অদোম খুদিংনা অদোমগী থবক্কী খুত্থাংদগী অতোপ্পা মীওই অমগী পুন্সিদা অহোংবা অমদি শোইদনা পীরগনি”, মহাক্না মখা তাখি। প্রধান মন্ত্রীনা থবক অমসুং মীচম মীওই অমগী পুন্সিদা কান্নবা শাফু পীবা হায়বসিদা অদোম্না মিৎয়েং চঙগদবনি হায়খি। প্রধান মন্ত্রীনা মহাক্কী ৱাফম লোইশিনবা ওইনা, নৌনা থবক খল্লবশিংনা তম্বগী থৌওং লেপ্তনবা অমসুং করিগুম্বা অনৌবা অমা খঙবা নত্ত্রগা তম্বা হায়বসি অদোমগী থবক অমসুং ইশাগী মীওইবা অমা ওইবগী মওং মতৌদা মমি তাগনি হায়খি। মখোয়না iGoT কর্ময়োগী ওনলাইন লর্নিং প্লেতফোর্মদা য়াওদুনা মশাগী স্কিল অপগ্রেদ তৌনবা প্রধান মন্ত্রীনা হায়খি।
বেকগ্রাউন্দ
রোজগার মেলা অসি থবক পীনবা খ্বাইদগী চাউনা মীৎয়েং চংখিবা প্রধান মন্ত্রীগী ফিরেপ অদু থুংহন্নবা মাইকৈদা চংশিনবা খোঙথাং অমনি। রোজগার মেলানা থবক হেন্না পীবদা অমসুং নহারোলশিংদা শক্তি পীবা অমসুং লৈবাক শেমগৎপদা শরুক য়ানবা অফবা খুদোংচাবশিং পীবদা কেতলিস্ত অমা ওইরগনি পান্নখি।
Our government is committed to give the right opportunities to the talent and energy of youth to fulfill the vision of a developed India. pic.twitter.com/1Of7N73Vr0
— PMO India (@PMOIndia) April 13, 2023
आज भारत, दुनिया की सबसे तेज रफ्तार से आगे बढ़ने वाली अर्थव्यवस्था है। pic.twitter.com/x5vlp0TB5u
— PMO India (@PMOIndia) April 13, 2023
आज का नया भारत, अब जिस नई नीति और रणनाति पर चल रहा है, उसने देश में नई संभावनाओं और नए अवसरों के द्वार खोल दिए हैं। pic.twitter.com/NXbPOCEvTs
— PMO India (@PMOIndia) April 13, 2023
The scope of 'Aatmanirbhar Bharat Abhiyan' goes beyond 'Vocal for Local.'
— PMO India (@PMOIndia) April 13, 2023
It is helping create new opportunities for the talented youth. pic.twitter.com/3H0Cto5kkq
