ইকায় খুম্ননীংঙাই ওইরবা রাস্ত্রপতি জি,
ইকায় খুম্ননীংঙাই ওইরবা রাস্ত্রপতি রামাফোসা,
ইকায় খুম্ননীংঙাই ওইরবা রাস্ত্রপতি বোলসোনারো,
ইকায় খুম্ননীংঙাই ওইরবা রাস্ত্রপতি পুতিন,
মালেমগী য়োগ নুমিৎকা মরী লৈননা ব্রিক্স লৈবাকশিংদা পাংথোকখিবা মশক নাইবা থৌরম কয়াগীদমক্তা ঐহাক্না খ্বাইদগী অহানবা ওইনা অদোম পুম্নমকপু থাগৎচরি। অদোমগী কাঙবুশিংনা ঐখোয়বু শৌগৎপীবগীদমক্তসু ঐহাক্না পুম্নমক্কী মফমদা ইকায় খুম্নবা উৎচরি।
ইকায় খুম্ননীংঙাই ওইরবা অদোম,
ঐখোয়না ঙসি কোবিদ লাইচৎকী শিংনবা কয়াগী মরকসিদা থংন-থংননা অহুমশুবা চহি ওইনা ভর্চুএলগী খুত্থাংদা উন্নরি।
লাইচৎকী পাকথোক-চাউথোকপা মতৌনা মালেমগী ওইনা হান্নদগী হন্থরবসু, মসিগী পামদ্রবা চৈথেং কয়া অমা ঐখোয়না মালেমগী শেন্মিৎলোন্দা ঙসিসু উবা ফংলি।
ঐখোয়না, ব্রিক্স মেম্বর লৈবাক ওইনা, মালেমগী শেন্মিৎলোনগী গভর্নেন্সকী মতাংদা মান্নবা ৱাখল্লোন লৈদুনা লাক্লি।
অদুগা, ঐখোয় মশেল তেংবাংনবনা পোস্ত-কোবিদ রিকোবরীদা কান্নবা শরুক তম্বা ঙমগনি।
ঐখোয়না চহি কয়া অসিদা ব্রিক্স মনুংদা ইন্সতিত্যুস্নেল রিফোর্ম মশিং কয়া পাংথোকখ্রে অমসুং মখোয়শিং অসিনা লুপ অসিনা মথৌ নীংথিনা তৌবসু হেনগৎহল্লি।
ঐখোয়গী ন্যু দিভেলপমেন্ত বেঙ্ককী মেম্বরশিপ মশিংনা হেনগৎলকপসিসু নুংঙাইবা ফোংদোকপা য়াবা ৱাফম অমনি।
ঐখোয় মশেল তেংবাংনবনা মরম ওইরগা ঐখোয়গী মীয়াম্না হকথেংননা কান্নবা ফংবা হীরম কয়া অমা লৈরি।
খুদম ওইনা হায়রবদা, ভেক্সিন আর. অমসুং দি. সেন্তর লিংখৎপা, কস্তম বিভাগ মরক্তা তেংবাংনবা, শেয়র্দ সেতিলাইত কন্সতেল্লেসন লিংখৎপা, অমনা অমগী ফার্মাগী পোত্থোকশিং শকখঙনবনচিংবনি।
অসিগুম্বা প্রেক্তিকেল ওইবা খোঙথাংশিংনা ব্রিক্সপু দাইলোগতা মিৎয়েং চঙবদগী হেন্দোকপা তোপ-তোপ্পা মালেমগী ওর্গনাইজেসন অমা ওইহল্লি।
ব্রিক্স য়ুথ সম্মিত, ব্রিক্স স্পোর্ত, অমসুং ঐখোয়গী সিভিল সোসাইতী ওর্গনাইজেসন মরক্তা এক্সচেঞ্জ হেনগৎপা অমসুং থিঙ্ক-তেঙ্কশিংনা ঐখোয়গী পীপল-তু-পীপল কন্তেক্তপুসু হেন্না মপাঙ্গল লৈহল্লি।
ঐখোয়গী ঙসিগী খন্ন-নৈনবশিংনা ঐখোয়গী ব্রিক্সকী মরীবু হেন্না চেৎশিলহন্নবা ৱাফম কয়া অমা পুরক্কনি হায়বগী ঐহাক্না থাজবা থম্লি।
থাগৎচরি।
वैश्विक अर्थव्यवस्था की governance के बारे में हम ब्रिक्स सदस्य देशों का नज़रिया काफ़ी समान रहा है।
— PMO India (@PMOIndia) June 23, 2022
और इसलिए हमारा आपसी सहयोग वैश्विक post-कोविड recovery में उपयोगी योगदान दे सकता है: PM @narendramodi
ब्रिक्स Youth Summits, ब्रिक्स Sports, और हमारे civil society organizations और think-tanks के बीच संपर्क बढ़ा कर, हमने अपना People-to-people connect भी मजबूत किया है: PM @narendramodi
— PMO India (@PMOIndia) June 23, 2022
