জুলাই ১৫,২০২৩দা প্রধান মন্ত্রী শ্রী নরেন্দ্র মোদীনা কোপ২৮গী প্রসিদেন্ত ফম পুরগদবা অমসুং অবু ধাবী নেসনেল ওইল কম্পেনিগী গ্রুপ সি.ই.ও দোক্তর সুলতান অল জাবর উনখ্রে।
য়ু.এ.ইনা প্রসিদেন্ত ওইদুনা য়ু.এন.এফ.সি.সি.সিগী কোপ২৮ পাংথোক্কদৌরিবা অসিগী মতাংদা খন্নখি। মসিগী মরুওইবা মীফম অসিগী মতাংদা য়ু.এ.ইনা থৌরাং তৌরিব অসিগী মতাংদা দোক্তর জাবরনা প্রধান মন্ত্রীদা পাউদমখি। য়ু.এ.ইনা কোপ ২৮গী প্রসিদেন্ত ওইরিবা অসিদা ভারতনা মপুংফানা শৌগৎপা অদু প্রধান মন্ত্রীনা ফোঙদোকখি। অইং-অশাগী খল হোংলকপা থেংননবা ভারতনা পায়খৎলিবা থবকশিং হায়বদি ইন্তরনেসনেল সোলার এল্লাইন্স, কোলিএসন ফোর দিজাস্তর রিসিলিয়েন্ত ইনফ্রাস্ত্রকচর, মালেমগী মিল্লেতশিংগী চহি অমসুং মিসন লাইফস্তাইল ফোর ইনভাইরোনমেন্ত(লাইফ)গী মতাংদা প্রধান মন্ত্রীনা পাউদমখি।
ভারত অমসুং য়ু.এ.ইগী মরক্তা ইনর্জিগী মতেং পীনবগী মতাংদসু ৱারি শানখি।
