প্রধান মন্ত্রী শ্রী নরেন্দ্র মোদীনা ঙসি ওস্লোদা ৩শুবা ভারত-নোর্দিক সম্মিৎকী নাকলদা দেনমার্ক্কী এক্তিং প্রাইম মিনিস্তর ঐচ.ই. শ্রীমতী মেত্তে ফ্রেদরিকসেনগা উনখ্রে।
লুচিংবা অনিনা লৈবাক অনিগী ওইবা তেংবাং পীনবগী থবক য়েংশিনখি অমসুং জোইন্ত এজেন্দাদা মায় পাক্লকপদা নুংঙাইবা ফোংদোকখি। লুচিংবা অনিমক্না ভারত-দেনমার্ক গ্রীন স্ত্রেতেজিক পার্তনরশিপতা খুমাং চাউশিল্লকপদা নুংঙাইবা ফোংদোকখি। মসিনা অকোয়বগী ফিভম অমসুং অইং-অশা হোংলকপগী লমদা পুন্না থবক তৌমিন্নবা অমসুং লৈবাক অনিমক্তা গ্রীন ত্রাঞ্জিসনদা মতেং পাংনবা হোৎনরিবশিং পুনশিনবদা অখন্নবা মীৎয়েং থম্লি। ২০২০দা গ্রীন স্ত্রেতেজিক পার্তনরশিপ হৌদোকখিবা মতমদগী লৈবাক অনিগী মরক্তা চাং নাইনা অৱাংবা থাক্কী এক্সচেঞ্জশিং পাংথোক্নরকপা অদু নীংশিংদুনা লুচিংবশিংনা অনৌবা অমসুং নৌনা থোরকপা তেক্নোলোজীশিং, কম্ম্যুনিকেসন, এদভান্স রিসর্চ, স্তার্ত-অপশিং অমসুং একাদমিক এক্সচেঞ্জশিংদা মতেং পীনবা মখা তানা চেৎশিলহন্নবা ৱারেপ লৌখি। দিফেন্স অমসুং এ.আই.গী লমদা তেংবাং পীননবা মখোয়না খন্নখি। প্রধান মন্ত্রীনা গুজরাতকী জি.আই.এফ.তি. সিতীদা দেনিস কম্পনীশিং লিংখৎনবা বর্তন তৌখি।
প্রধান মন্ত্রী মোদীনা ভারতকী ইকোনোমী য়াম্না থুনা চাউখৎলক্লিবা অসিদা গ্রীন সোলুসনশিংগীদমক দেনিস তেক্নোলোজীশিংবু তরাম্না ওক্নবা ভারতনা শেম-শারি হায়না ফোংদোকখি। ঈশিংগী লমদা লুচিংবশিংনা ভারত সরকার, ইন্দিয়ন ইন্সতিত্যুৎ ওফ তেক্নোলোজী, বনারস হিন্দু য়ুনিভর্সিতী অমসুং দেনমার্ক সরকারনা পুন্না পায়খৎলিবা অখন্নবা ত্রাইপার্তাইৎ ইনিসিয়েতিব অমা ওইরিবা বারানসীদা স্মার্ত লেবোরেতরী ওন ক্লিন রিভর্স (এস.এল.সি.আর.) লিংখৎনবা ভারত অমসুং দেনমার্ক্কী মরক্তা মায় পাক্না তেংবাং পীনবগী ৱাফম থমখি। লুচিংবশিংনা মোবিলিতী পার্তনরশিপদা খন্ন-নৈনখি।
লুচিংবশিংনা নাকল অনিমক্কী পুক্নিং চিংশিনগদবা রিজনেল অমসুং গ্লোবেল ইসুশিংদা মীৎয়েং থমখি। প্রধান মন্ত্রী মোদীনা য়ুনাইতেদ নেসন্স সেক্যুরিতী কাউন্সিলগী নন-পার্মিনেন্ত মেম্বর ওইরিবা দেনমার্ক্কী হৌজিক লৈরিবা তেনর অসিবু মাইপাকপা ওইনবা মহাক্ন য়াইফ মঙ্গোল পীখি।
Had a fruitful meeting with Mette Frederiksen in Oslo. The India-Denmark friendship has been making remarkable progress over the recent years. Cooperation has expanded in sectors like water resources, clean energy, shipping and food processing. The coming years can see similar… pic.twitter.com/bV3hjyl9sd
— Narendra Modi (@narendramodi) May 19, 2026
Havde et frugtbart møde med Mette Frederiksen i Oslo. Venskabet mellem Indien og Danmark har gjort bemærkelsesværdige fremskridt i de seneste år. Samarbejdet er blevet udvidet inden for sektorer som vandressourcer, ren energi, skibsfart og fødevareforarbejdning. De kommende år… pic.twitter.com/scr8s5vp7N
— Narendra Modi (@narendramodi) May 19, 2026
