নিংথীনা ৱাহৌদোক পীবগীদমক দোক্তর দন য়র্গিন অদোম্বু থাগৎচরি৷ মফম অসিদা তিল্লিবা মীথুংলেন পুম্নমকপুসু থাগৎচরি৷
খুরুমজরি!
সি.ই.আর.এ. ৱীক গ্লোবেল ইনর্জী অমসুং এনবাইরনমেন্ত লীদর্শিপ এৱার্দ ঐনা ফংবা ঙম্বা অসিদা ঐহাক য়াম্না নুংঙাইবা অপেনবা ফাওজৈ৷মসিগী এৱার্দ অসি ঐখোয়গী ইমা লৈবাক, ভারত অসিদা লৈরিবা প্রজা মীয়ামশিং অসিদা শিন্নজরি৷ অকোয়বগী ফিভম ঙাক শেনবগী মতাংদা পাম্বৈ তাকপীখিবা ঐখোয়গী লৈবাক্কী চৎনবী অসিদসু ঐহাক্না মসিগী এৱার্দ অসি শিন্নজরি৷
মরুপশিং,
মসিগী এৱার্দ অসিনা এনবাইরনমেন্তেল লীদর্শিপ অদু উৎলি৷ লীদর্শিপকী মতাং অসিদা লীদর্শিপ অসিবু উৎনবা খ্বাইদগী ফবা লম্বীদি থবক তৌদুনা খঙহনবা অসিনি হায়না ময়াম্না হায়নৈ৷ অকোয়বগী ফিভম অসি ঙাক শেনবগী মতাং লাকপা মতমদা ভারততা লৈরিবা প্রজা মীয়ামশিং অসিনা লীদর্শিং ওই হায়বা অসি য়েৎননিংঙাই লৈত্রবা ৱাফমনি৷ হায়রিবা অসি চহী চা কয়া অমদগী তৌদুনা লাক্লি৷ ঐখোয়গী চৎনবি অসিদা মহৌশা অমসুং দিভাইনিতী অনি অসিগী মরক্তা য়াম্না অচেৎপা মরী লৈনৈ৷ ঐখোয়গী ইশ্বর অমসুং লাইরেম্বীশিং অসি উ অমসুং শা মখল খরগা মরী লৈনৈ৷ হায়রিবা মরী লৈনরিবা উশিং অমসুং শাশিং অসিবুসু লাইগুম্না লাতনৈ৷
মরুপশিং,
মহাত্মা গান্ধী অসি হৌজিক ফাওবদা হিংখিবা অকোয়বগী মরমদা খঞ্জবা খ্বাইদগী অথোইবা মীওইনি। মহাক্না থম্বীরম্বা লম্বী অদু মীওইবা খুন্নাইনা চৎলম্লবদি, ঐখয়না ঙসি থেংনরিবা শিংনবা কয়া অমদি থেংনরম্লোইদবনি। মহাত্মা গান্ধীগী পোক্নফম লমদম, গুজরাৎকী পোর্বন্দরদা চৎপীয়ু হায়না ঐহাক্না নখোয়দা হায়জরি। মহাক্কী ময়ুমগী হেক মথংদা নখোয়না ইশিং য়োকশিনবা অসিগী মতাংদা য়াম্না মমল লৈরবা প্রেক্তিকেল লেসনশিং উবা ফংগনি৷ মফম অসিদা ইশিং য়োকশিন্নবগীদমক্তা চহি ২০০গী মমাংদা শেম্লম্বা লৈনুংগী তেঙ্কী লৈরিবনি৷ নোংগী ইশিং অসি য়োকশিন্নবা মখোয়শিং অদু শেমখিবনি৷
মরুপশিং,
ঙসি ক্লাইমেত চেঞ্জ অমসুং কলামিতীশিং অসি অচৌবা চেলেঞ্জ ওইরি৷ মখোয় অনি অসি অমগা অমগা মরী লৈনৈ৷ মখোয়শিং অসি থেংননবা লম্বী অনি লৈ৷ অহানবা লম্বী অসিনা পোলিসীশিং, কাংলোন, আইন অমসুং য়াথংগী খুৎথাংদনি৷ মখোয়শিং অসি মশা-মশাগী ওইবা মরু ওইবা থৌদাংশিং লৈ হায়বা অসি য়েৎননিংঙাই ওইদে৷ খুদম খরা লৌদুনা ঐনা নখোয়দা খঙহনবা ঙমগনি: হৌজিক্তি ভারত্তা ইন্সতোল তৌরবা ইলেক্ত্রিসিতীগী নন-ফোসিল সোর্সকী শরুক অসি ৩৮%দা হেনগৎখ্রে৷ এপ্রিল ২০২০দগী ভারত-৬ মৈখু থাদোকপগী কাঙলোন চৎনখিবা অসি য়ুরো -৬ ফ্যুলগা মান্নৈ। ইং ২০৩০ ফাওবগী মনুংদা ভারতনা হৌজিক ওইরিবা ৬%গী নেচরেল গ্যাসকী শরুক অসিদগী ১৫%ডা হেনগৎহন্নবা কন্না হোৎনরি। এল.এন.জি. অসিসু ফ্যুল অমা ওইনা শিজিন্ননবা কন্না পুক্নিং থৌগৎলি। হাইদ্রোজেন অসি ফ্যুল অমা ওইনা শিজিন্ননবগীদমক মমাংগী থা অসিদা ঐখোয়না নেস্নেল হাইদ্রোজেন মিসন অমা লোঞ্চ তৌখিবতা ঙাইরি৷ হন্দক্তা ইকুই কুইদ্রিঙৈদা পি.এম. কে.য়ু.এস.য়ু.এম. কৌবা স্কিম অমা লাওথোকখ্রে৷ নখোয় ময়াম অমনা তারম্বা য়াবা য়াম্না ফজরবা ৱারি অমা লৈ৷ অপিকপা অঙাং অমদা শেগাইরবা ৱার্লদ মেপ অমা পীরম্মী৷ শেগাইরবা মেপ অসি অমুক হন্না অঙাং অদুনা শমজিনবা হায়বা অসি ওইথোক্লরোই খন্দুনা অঙাং অদুদা শমজিন্নবা পীরম্মী৷ অদুবু হায়রিবা থবক অদু অঙাং অদুনা মাই পাক্না পাংথোকলম্মী৷থবক অদু কমদৌনা পাংথোক্লিবনো হায়না অঙাং অদুদা হংবা মতমদা অঙাং অদুনা ৱার্ল্দ মেপ অসিগী মনিং থংবা শরুক্তা মী অমগী শক্তম য়াওরম্মী হায়না পাউখুম পীরকলম্মী৷ অঙাং অদুনা তৌরিবা অসি মনিংদা য়াওরিবা মী অদুগী শক্তম অদু পুনশিনবা অসিনি৷ অমসুং মসিনা মরম ওইদুনা ৱার্ল্দ মেপ অদুসু হান্নগী মতৌগুম পুনশিনবা ঙমখি৷মসিনা পীনিংলিবা মেসেজ অদুদি – ঐখোয় ইশা অসি শেমদোকচরবা মতমদা মালেম অসি অফবা মফম অমা ওইরগনি হায়বনি৷
মরুপশিং,
ইশাবু হোংদোকপগী ইথিল অসি থৌজালগা লোয়ননা করিগুম্বা অমা শিজিন্নবগী ঐখোয়গী নাৎকী ওইবা চৎনবী অসিগী মরু ওইবা শরুক অমনি৷ ৱাখল খন্থদনা ইনাৎ লংথোকপা অসি ঐখোয়গী ৱাখল্লোন্দা য়াওদে। ঐখোয়গী ফার্মিংগী মওং অমসুং ঐখোয়গী চি়ঞ্জাকশিং অসিদা য়েংউ৷ ঐখোয়গী মোবিলিতী পেতর্নশিং নত্ত্রগা ইনর্জী শিজিন্নবগী পেতর্নশিং অসিদা য়েংউ৷ ইথৈ-লৌখোংগীদমক অনৌবা তেক্নিকশিং লেপ্পা লৈতনা শিজিন্নরিবা ঐখোয়শিং লৌমীশিং অসিগীদমক ঐনা চাওথোকচৈ৷ ভারতনা মসিগী গ্লোবেল চেঞ্জ অসি ঐখোয়গী মরু-মরাংশিং, ঐখোয়গী অয়ুর্বেদ অমসুং অতোপ্পা পোত্থোকশিং অসি শিজিন্নদুনা মাইকৈ হোংহনবা ঙমগনি৷ অসিগুম্না ইকো-ফ্রেন্দলী মোবিলিতী পাংথোকউ৷ হৌজিক ভারত্তা শহর মচা অমসুং অচৌবা শহর ২৭তা ইকো-ফ্রেন্দলী মোবিলিতীগীদমক্তা মেত্রো নেৎৱর্কশিংদা থবক পায়খৎলি হায়বা অসি নহাক খঙলকপা মতমদা নহাক নুংঙাইবা ফাওগনি৷
মরুপশিং,
ইশা-ইশাগী লিচৎ শাজৎ অসিদা পাক শন্না অহোংবা পুরক্নবগীদমক ঐখোয়না অনৌবা, শেল-য়াম্না চংদবা অমসুং মীয়াম্না শরুক য়াদুনা অচৌবা শাফু পীবা ৱারোইশিন পুরকপা মথৌ তাই৷ ঐনা নখোয়দা খুদম অমা পীজগে৷ ভারততা লৈরিবা প্রজা মীয়াম্না মমাংদা অমুক্তা ফাওবা উখিদ্রিবা মওং অমদা এল.ই.দি. বল্বশিং অসি পাক শন্না শিজিন্ননবা ৱারেপ লৌখ্রে৷ ২০২১ মার্চকী অহানবা শরুক ফাওবদা এল.ই.দি. বল্ব মিলিয়ন ৩৭রোম শিজিন্নরি৷ মসিনা অহেনবা মমল অমসুং ইনর্জী কনবা ঙমখ্রে৷ চহী অমদা কার্বোন দাইওক্সাইদগী চাং মিলিয়ন তন ৩৮ হেন্না হন্থহনবা ঙমখ্রে৷ মসিনা ভারততী গিব ইত অপ মুবমেন্ত অসিগী অতোপ্পা খুদম অমা ওইরি৷ এল.ই.দি. শিজিন্নবা তঙাই ফদনা লৈরিবা মীয়ামশিং অসিদা কান্নবা ফংহন্নবগীদমক এল.পি.জি.দা থম্লম্লিবা সবসিদী অসি লৌথোকপীনবা মীয়ামদা হায়জবা লৈখ্রে৷ ভারততা লৈরিবা মীওই কয়া অমনা মশা-মশানা য়াজনা মখোয় মখোয়গী সবসিদী অদু লৌথোকপা লৈখ্রে৷ ঙসিদি ভারততা এল.পি.জি. কবরেজ অসি ২০১৪দা ৫৫% ওইরম্বদগী ৯৯.৬% য়ৌরে৷মসিনা লৈবাক অসিদা লৈরিবা নুপীশিং অসিদনা হেন্না কান্নবা ফংহল্লে৷ ঐখোয়গী লৈবাক অসিনা সস্তেনেবল অল্তর্নেতিব তুৱার্দস এফোর্দেবল ত্রান্সপোর্তেসন ইনিসিয়েতিবশিং অসিগী মখাদা ৱেস্ত-তু-ৱেল্থ জেনেরেসন অসি য়োকখৎলি৷ এম.এম.তি. ১৫গী প্রদক্সন তার্গেৎ থমদুনা ২০২৪ ফাওবগী মনুংদা কমপ্রেস বাইওগ্যাস পালান্ত ৫০০০ শেমগৎলগনি৷ মসিনা অকোয়বগী ফিভম অসিদা মতেং পাংলগনি অমসুং মখাতানা মীওইবা অসি হেন্না চাওখৎহল্লগনি৷
মরুপশিং,
ভারত লৈবাক অসিদা ইথানোল শিজিন্নবগী চাং অসি হেনগৎলক্লি৷ মীয়ামশিং অসিগী রেস্পোন্স অসিগী মতুং ইন্না ২০৩০ পাংথোক্নবা পান্দম থম্লম্লিবা অসিদগী ঙনখৎতুনা ২০২৫ ফাওবগী মনুংদা পেত্রোলদা ইথানোলগী চাং ২০% য়ানশিন্নবা ঐখোয়না খন্নখ্রে৷
মরুপশিং,
হৌখিবা চহী তরেৎ অসিদা ভারতকী ফোর্কাস্ত কোবর অসি নিংথীনা ফগৎলকপা ঙমখিবা অসিনা নখোয পুম্নমকপু নুংঙাইহল্লগনি৷ নোংশাশিং, কৈশিং, কবোকৈশিং অমসুং ইশিংগী ঊচেকশিং অসিগী মশিং অসি হান্নদগী হেনগৎলকখ্রে৷ মসিগী অহোংবশিং অসিনা ঐখোয়বু থৌনা পীদুনা ভারতনা মহাক্কী পেরিস এগ্রীমেন্ত তার্গেৎ অসি ২০৩০দা ফংবা ঙম্নবা তার্গেৎ অসিদগী ঙনখৎনা ফংবা ঙমগদৌরিবনি৷
মরুপশিং,
অকোয়বগী ফিভমদা অহোংবশিং পুরক্নবা ভারতকী মংলান অসিনা ৱাখল নিংথীনা খনবা ঙম্বা লৈবাকশিং অসিগা পুন্না থবক তৌমিন্নবা য়াওরি৷ ইন্তরনেস্নেল সোলর এলাইয়েন্স মাই পাকখিবা অসিনা পৃথিবী অসি অফবা গৃহ অমা ওইহন্নবা হোৎনবদা ভারতনা কয়ামুক য়াম্না লুম্না লৌবগে হায়বা অদু উৎখ্রে৷ মসি মহাত্ম গান্ধীগী ত্রস্তীশিপকী ৱাখল্লোন অসিগী মতুং ইন্না পাংথোকই৷ ত্রস্ততীশিপ অসিগী নুংগী ওইবা ৱাখল্লোন অদুদি অপুনবা, মীওইবগী অৱা-নুংঙাই অমসুং থৌদাং মশক খঙবা অসিনি৷
মরুপশিং,
হৌজিক্কী মতম অসিদি ৱাখল চুম্না অমসুং ইকোলোজীগী মতাংদা খনবগী মতম য়ৌরে৷ অদুগীসু মথক্তা হীরম অসি ঐগী নত্ত্রগা নখোয়গী নত্তে, মসিদি ঐখোয়গী গ্রহ অসিগী তুংগীনি। ঐখোয়না হায়রিবশিং অসি ঐখোয়গী তুংগী চারোন-শুরোনশিংগীদমক্তা তৌফম থোকপনি৷ এৱার্দ অসিগীদমক ঐনা নখোয়বু অমু্ক্কা হন্না থাগৎচরি৷
খুরুমজরি৷
