পি.এম. মোদীনা ঙসি এ.এন.আই.দা পীখিবা ইন্তর্ভ্যু অমদা বি.জে.পি.না “সবকা সাথ, সবকা বিকাস”হায়বা মন্ত্রগা লোয়ননা লৈবাক অসিগী মীয়ামগী মখা তানা শেবা তৌখিগনি হায়না ফোঙদোকখ্রে। পি.এম. মোদীনা মখা তারদুনা হায়খি মদুদি, “কার্য়কর্তাশিংগা লোয়ননা লৈবাক জাতিগী শেবা তৌবা ফংজবা অসিদা ঐঙোন্দা লৈবাক অসিগী মীচম প্রজা অমা চপ মান্নবা থাক্তা লৈ হায়বা ৱাখল্লোন ফাওহল্লি, মসি মরু ওই মরমদি মায়পাকপশিংনা কনাগুম্বগী ৱাখলদা নাপল পোকহল্লি।

পি.এম. মোদীনা হৌজিক সরকারনা পাইখৎলিবা পোলিসীশিং অসিগী মনা বিরোধীনা লৌরিবা অসিগী মতাংদা ৱা ঙাংলদুনা হায় “ৱাহং অসিনা মতম চুপ্পদা ঐঙোন্দা অপেনবা পোকহল্লি মরমদি বিরোধীনা ঐখোয়গী থবক্কী মনা লৌনবা হোৎনবা মতমদা পোলিসীশিং অসি কান্নরে অমসুং মসি মথৌ তৌরে হায়না তাকপনি হায়না ঐহাক্না থাজৈ”। উত্তর প্রদেশকী ঙাকশেলগী হীরমশিংগী মতাংদা মখা তানা ফোঙদোক্লদুনা, পি.এম. মোদীনা হায়খি “য়ু.পি.দা লৈরিবা ক্রিমিনেলশিংনা রাজ্য অসিগী লো এন্দ ওর্দর অসি পায়শিনখি অদুবু ঙসিদি য়ু.পি.গী ইচানুপীশিংনসু মতম অমা হেক্তদা অকিবা লৈতনা চৎথোক-চৎশিন তৌরি। য়োগীজীনা রাজ্য অসিগী ঙাকশেলদা মীৎয়েং চংখি”।

আইনগী ইন্তিগ্রিতী ঙাকপগী মতাংদা বি.জে.পি.গী এম.পি.গী মরী-মতা অমদা ক্রাইম চত্থখিবগী মতাংদা পি.এম. মোদীনা নৌনা ফোঙদোক্লদুনা হায়খি, “লৈবাক অসিগী জুদিসিয়রী অসি ভাইব্রেন্ত অমসুং প্রো-এক্তিব ওই, লৈবাক অসিগী সুপ্রিম কোর্তনা শেমখিবা কম্মিতীশিংগী মতুং ইন্না ঐখোয়না মতিক চাবা খোঙথাংশিং লোখৎখি অমসুং আইনগী মতুং ইন্না ঙাকখিগনি”।

দবল ইঞ্জিন সরকারগী মায়পাকপা অমসুং ‘দবল-ইঞ্জিন সরকার’ ওইদবা সরকারশিংদা অসিগুম্বা মায়পাকপা অসি লৈতবগী মতাংদা ৱা ঙাংলদুনা পি.এম. মোদীনা হায়খি, “লনাইগী ওইবা কান্নবশিংগীদমক রাজনীতি তৌবনা মীয়ামগী য়াইফবদগী হেল্লকপা মতমদা রাজ্য অদু চাউখৎ-থৌরাংদা শোত্থনা লৈহৌবা তাবনি”। জি.এস.তি. অসি খুদম ওইনা পীরদুনা পি.এম.না হায়খি ঙসি ললোন-ইতিক তৌবগী ফীভম অসি মমাংদা লৈরম্বা রাজ্য-রাজ্যগী ওইবা পোলিসীশিংগী মহুৎ ভারত পুম্বদা তেক্সেসন্দা চপ মান্নরকপা অসিনা মরম ওইরগা অপনবা লৈতবা ওইরক্লে।

রিজনেল এস্পিরেসনশিং ঙাকশেনবগী ৱাফমগী মতাংদা পি.এম. মোদীনা হায়খি, “ভারতীয় জনতা পার্তীনা লৈবাক অসি খুমাং চাউশিন্নবা রিজনেল এস্পিরেসনশিং থুংহনবদা থাজবা থম্মি। মতম শাংনা মুখ্য মন্ত্রী ওইরকপনা ঐহাক্না রাজ্য অমগী এস্পিরেসনশিং অমসুং মথৌ তাবশিং অদু খঙই। ঐখোয়গী সরকারনা এস্পিরেস্নেল দিস্ত্রিক্তশিং মশক খঙদোকখি অমসুং মখোয়দা অখন্নবা মীৎয়েং চংখি। রাজ্য খরদি পেরামীতর কয়া মরুমদা রাজ্যগী লৈরিবা চাংচৎ অদু হেনবা ফাওবা য়াওখ্রে”।

রাজনীতি অমসুং পোলিসী-শেম্বদা জাৎ-বিজাৎ অমসুং লাইনিং-লাইশোনগী ৱাফম অসিসু পনখি। “ঐহাক্না মুখ্য মন্ত্রী ওইরিঙৈ মতমদা ঐখোয়না ও.বি.সি. কেতগোরীগী মখাদা কান্নবা ফংখিবা মশিং য়ামজদ্রবা কাংলুপশিং মশক খঙদোকখি। ঙসি ফাওবদা মীওই অমত্তনা মসিগী ইনক্লুসিবনেসকী প্রেক্তিস অসিগী মতাংদা ফোঙদোকপা লৈতে অদুবু মীয়ামবু অরানবা ই-পাউনা লান্না লমজিংদুনা মীখলগী মীরেপ পুথোকপদা মীয়াম্না রাজনীতি তৌরি। মসিনা মরম ওইরগা মীওই খরনা ভারত্তা মশিং য়ামজদ্রবা কাংলুপশিং অসি খুদোংথিনীংঙাই ওইরে হায়না ফোঙদোকহল্লি”।

বিরোধীগী শাশিন্নবা সোসিএলিস্তকী ৱাখল্লোন অসিগী মতাংদা ৱা ঙাংলদুনা পি.এম. মোদীনা অসুম্না ফোঙদোকখি, “ঐহাক্না মতম চুপ্পদা হায়খি ‘সরকার অসিনা বিজিনেস তৌবদা য়ৌশিনবগী মথৌ তাদে’ অমসুং সরকারনা লৈবাক্কী য়াইফনবা হোৎনবদা মীৎয়েং থমগদবনি। সমস্যা ওইরিবা অসি শাশিন্নবা সোসিএলিজমগী মায়খুম উপলিবা ‘পরিৱারৱাদ’ খরা অসিনি।”

“ঐহাক্না শাশিন্নবা সোসিএলিজম হায়রিবা অসি, ‘পরিৱারৱাদ’পুনি। অদোম্না রাম মনোহর লোহিয়াজীগী ইমুং-মনুংবু অতোপ্পা মফম অমা হেক্তদা উবা ফংব্রা? মহাক অসি সোসিএলিস্ত অমনি। জোর্জ ফর্নান্দেসকী ইমুং-মনুং অদোম্না উবরা? মহাকসু সোসিএলিস্ত অমনি। ঐখোয়না নীতিশ কুমারীগী ইমুং-মনুংবু মফম অমা হেক্তদা উবরা? মহাকসু সোসিএলিস্ত অমনি,” হায়না পি.এম. মোদীনা মখা তাখি

হন্দোকখিবা ফার্ম লোশিংগী মতাংদা ফোঙদোক্লদুনা পি.এম. মোদীনা হায়খি, “ঐখোয়না অপীকপা লৌমীশিংগী অৱাবশিং অদু খঙই। ফার্ম লোশিং অসি লৌমীশিংগী য়াইফনবা পুরকখিবনি অদুবু মসি লৈবাক্কী অপাম্বগী খল্লগা হন্দোকখি”

লৈবাক অসিদা ওইরিবা লাইচৎকী ফীভমগী মতাংদা ঙাংলদুনা পি.এম. মোদীনা হায়খি, “ঐহাক্না মতম চুপ্পদা মীয়ামদা কোবিদ-১৯ লাইচৎতগী চেকশিন্না লৈনবা হায়দুনা লাকখি। ভাইরস অসি য়াম্না তম্বা ঙমদে অমসুং ঐখোয়না মসিনা ঐখোয়গী লৈবাক্তা পীরিবা শাফু অসি হন্থহন্নবা মতম চুপ্পদা হোৎনগদবনি। লৈবাক অসিনা লাইচৎকী মায়োক্তা শেম-শারিবা অসি দিস্তেবিলাইজ তৌনবা রাজনীতি দল খরনা অকিবা পোকহন্নবগী থৌদাং লৌরিবা অসিনা সমস্যা ওইরি”।

পি.এম. মোদীনা পঞ্জাবতা পাঙথোক্কদৌরিবা মীখলগী মতাংদা হায়খি, “ঐখোয়না মতম চুপ্পদা তংদু লৈতাদবগী মহুৎ শন্তি লৈহন্নবা হোৎনদুনা লাকখি অমসুং পঞ্জাবকী চরাংনবা অসিদা শন্তি পুরক্নবা হোৎনবা পাম্মি। খঙহৈরবা অমসুং এক্সপরিয়েন্স লৈরবা লুচিংবা কয়ানা ঐখোয়গী খুৎশম্নদুনা চৎমনিন্নরি মসিনা মখোয়না পঞ্জাবকীদমক ঐখোয়না লৌরিবা ফিরেপশিং অসিদা থাজৈ হায়বা উৎলি। ঐহাক্না পঞ্জাবকা লোয়ননা অখন্নবা মরী অমা লৈ, রাজ্য অসিদা লৈরকখি অমসুং মীয়ামগী শেবা তৌরকখি, ঐখোয়না পঞ্জাবকী মীয়ামগী পুকচেল শেংবা মতৌ অদু থেংনরকখি”।

 

 

 

 

 

 

 

 

Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
Oh My God! Maha Kumbh drives 162% jump in flight bookings; hotels brimming with tourists

Media Coverage

Oh My God! Maha Kumbh drives 162% jump in flight bookings; hotels brimming with tourists
NM on the go

Nm on the go

Always be the first to hear from the PM. Get the App Now!
...
The establishment of the National Turmeric Board is a matter of immense joy, particularly for our hardworking turmeric farmers across India: Prime Minister
January 14, 2025

Hailing the establishment of the National Turmeric Board, the Prime Minister Shri Narendra Modi said it would ensure better opportunities for innovation, global promotion and value addition in turmeric production.

Responding to a post on X by Union Minister Shri Piyush Goyal, Shri Modi said:

“The establishment of the National Turmeric Board is a matter of immense joy, particularly for our hardworking turmeric farmers across India!

This will ensure better opportunities for innovation, global promotion and value addition in turmeric production. It will strengthen the supply chains, benefiting both farmers and consumers alike.”