Share
 
Comments
ভারত রত্ন জয়াপ্রকাশ নরায়ন অমসুং ভারত রত্ন নানাজি দেশমুখতা প্রধান মন্ত্রীনা ইকাই খুম্নবা উৎখ্রে
“ভারত্তা অসিগুম্বা ৱারেপ চেৎপা সরকার অমা ফাওবা লৈরকখিদে, স্পেস সেক্তর অমসুং স্পেস তেকতা অচৌবা রিফোর্মশিং লাকপা অসিনা মসিগী খুদম অমনি”
“স্পেস রিফোর্মশিংদা ভারতকী খোঙথাং অসি য়ুম্বী ৪দা য়ুমফম ওই”
“লৈবাক অসিদা লৈরিবা মীওই কোতি ১৩০ চাওখৎহন্নবগীদমক স্পেস সেক্তর অসি অচৌবা মেদিয়ম অমনি৷ ভারতকী ওইনদি, স্পেস সেক্তর হায়বদি প্রজা মীয়ামগীদমক হেন্না ফবা মেপ্পিং, ইমেজিং অমসুং কন্নেক্তিবিতী ফেসিলিতীশিং ফংহনবা হায়বনি”
“আত্মনির্ভর ভারত কেম্পেন্দ অসি বিজন অমা খক্ত নত্তে, মসি নিংথিংনা ৱাখল খল্লবা, নিংথিনা প্লান তৌরবা অমদি ইন্তিগ্রেতেদ ইকোনোমী স্ত্রাতিজী অমসু ওইরি”
“পব্লিক সেক্তর এন্তরপ্রাইজেসকী মতাংদা ময়েক শেংবা পোলিসী অমগা লোইননা সরকার অসিনা চংশিল্লক্লি অমসুং সরকার দরকার ওইদবা সেক্তর অয়াম্বা প্রাইভেৎ এন্তরপ্রাইজেসতা হাংদোরক্লি৷ এয়র ইন্দিয়াগী মতাংদা লৌখিবা ৱারেপ অসিনা ঐখোয়গী কম্মিতমেন্ত অমদি হকচিংননা লৌবা অদু উৎখ্রে”
“হৌখিবা চহি ৭ অসিদা, স্পেস তেক্নোলোজী অসি লাস্ত-মাইল দেলিভরী অমসুং লিকেজ-ফ্রী, ত্রান্সপরেন্ত গভর্নেন্সকী তুল অমদা ওন্থোকখ্রে”
“মপাঙ্গল লৈবা স্তার্তঅপ ইকোসিস্তেম অমা শেমগৎনবা, প্লেতফোর্ম এপ্রোচ অমা য়াম্না মরু ওই৷ প্লেতফোর্ম সিস্তেম অমা হায়বসি সরকারনা ওপন-এসেস পব্লিক কন্ত্রোল প্লেতফোর্মশিং শেম্লিবা অমসুং মখোয়বু ইন্দস্ত্রী অমদি এন্তরপ্রাইজেসতা ফংহল্লিবা খোঙথাং অমনি৷ মসিগী বেসিক প্লেতফোর্ম অসিদা ওল্তরপ্রিনরশিংনা অনৌবা সোলুসনশিং শেম্মী”

প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সিংগী খুৎথাংদা ইন্দিয়ন স্পেস এসোসিয়েসন লোঞ্চ তৌখি৷ থৌরম অসিদা মহাক্না স্পেস ইন্দস্ত্রীগী মীহুৎশিংগসু ৱারি-ৱাতায় শানখি৷

থৌরম অসিদা ৱা ঙাংলদুনা, ঙসি অসি লৈবাক অসিগী মথৌনা লৈরবা মতা অনি, ভারত নত্ন জয়াপ্রকাশ নরায়ন অমসুং ভারত রত্ন নানাজি দেশমুখকী মপোক- নুমিৎনি হায়না প্রধান মন্ত্রীনা পনখি৷ ভারতনা মনিং-মখা তম্লবা মতুংদা মমিং লৈরবা মীওই অনি অসিনা মাইকৈ তাকপদা অচৌবা থৌদাং অমা লৌখি৷ মীপুম খুদিংমক্না হোৎনমিন্নদুনা মীপুম খুদিংমক্না লৈবাক অসিগীদমক অচৌবা চেঞ্জশিং অসি তশেং-তশেংবা মতৌ করম্না ওইহনখিবনো হায়বদু মখোয়না উৎখি৷ পুন্সিগী মতাংদা মখোয়গী ফিলোসোফী অদুনা ঙসি ফাওবদা ঐখোয়বু শুমহৎপিরি হায়না অথোইবা মীওই অনি অসিদা ইকাই খুম্নবা উৎলদুনা প্রধান মন্ত্রীনা ফোংদোকখি৷

ভারত্তা ঙসি লৈরিবা ৱারেপ চেৎপা সরকার অসিগুম্বা অমতা লৈরক্ত্রি হায়না প্রধান মন্ত্রীনা ফোংদোকখি৷ স্পেস সেক্তর অমদি স্পেস তেক্তা ঙসি ভারত্তা থোক্লিবা অচৌবা রিফোর্মশিং অসি মসিগী খুদম অমনি৷ ইন্দিয়ন স্পেস এসোসিয়েসন-(আই.এস.পি.এ.)শেম্বদা শরুক য়ারিবা পুম্নমকপু মহাক্না থাগৎপা ফোংদোকখি৷

স্পেস রিফোর্মশিংদা ভারতকী খোঙথাং অসি পিল্লর ৪দা বেজ তৌই  হায়না প্রধান মন্ত্রীনা ফোংদোকখি৷ অহানবা ওইনা, প্রাইভেৎ সেক্তরদা পীরিবা ইন্নোবেসনগী মনিং-মখা তম্বা৷ অনিশুবা ওইনা, ইনেব্লর অমা ওইনা সরকারগী থৌদাং৷ অহুমশুবা ওইনা, তুংগীদমক নহাশিং শেম-শাদুনা থম্বা৷ অমসুং মরিশউবা ওইনা, প্রজা মীয়াম চাওখৎননবগীদমক স্পেস সেক্তর অসি রিসোর্স অমা ওইনা উবা অসিনি৷ লৈবাক অসিদা লৈরিবা মীওই কোতি ১৩০ চাওখৎহন্নবগীদমক স্পেস সেক্তর অসি অচৌবা মেদিয়ম অমনি হায়না প্রধান মন্ত্রীনা ফোংদোকখি৷ ভারতকী ওইনদি, স্পেস সেক্তর হায়বদি প্রজা মীয়ামগীদমক হেন্না ফবা মেপ্পিং, ইমেজিং অমসুং কন্নেক্তিবিতী ফেসিলিতীশিং ফংহনবা হায়বনি হায়না মহাক্না পনখি৷ আত্মনির্ভর ভারত কেম্পেন্দ অসি বিজন অমা খক্ত নত্তে, মসি নিংথিংনা ৱাখল খল্লবা, নিংথিনা প্লান তৌরবা অমদি ইন্তিগ্রেতেদ ইকোনোমী স্ত্রাতিজী অমসু ওইরি হায়না প্রধান মন্ত্রীনা ফোংদোকখি৷ স্ত্রাতিজী অমনা ভারতকী ওল্তরপ্রিনরশিং অমদি ভারতকী নহাশিংগী স্কিল কেপাবিলিতীশিং ফগৎহন্দুনা ভারতপু গ্লোবেল মেনুফেকচরিং পৱারহাউস অমা ওইহল্লগনি৷ স্ত্রাতিজী অমনা ভারতকী তেক্নোলোজীকেল এক্সপর্তাইস অসিদা বেজ তৌদুনা ভারতপু ইন্নোবেসনশিংগী গ্লোবেল সেন্তর অমদা ওন্থোক্লগনি৷

পব্লিক সেক্তর এন্তরপ্রাইজেসকী মতাংদা ময়েক শেংবা পোলিসী অমগা লোইননা সরকার অসিনা চংশিল্লক্লি অমসুং সরকার দরকার ওইদবা সেক্তর অয়াম্বা প্রাইভেৎ এন্তরপ্রাইজেসতা হাংদোরক্লি হায়না প্রধান মন্ত্রীনা ফোংদোকখি৷ এয়র ইন্দিয়াগী মতাংদা লৌখিবা ৱারেপ অসিনা ঐখোয়গী কম্মিতমেন্ত অমদি হকচিংননা লৌবা অদু উৎখ্রে, হায়না মহাক্না ফোংদোকখি৷

হৌখিবা চহি ৭ অসিদা, স্পেস তেক্নোলোজী অসি লাস্ত-মাইল দেলিভরী অমসুং লিকেজ-ফ্রী, ত্রান্সপরেন্ত গভর্নেন্সকী তুল অমদা ওন্থোকখ্রে হায়না প্রধান মন্ত্রীনা ফোংদোকখি৷ লাইরবশিংগী য়ুমশিং শাবা, লম্বীশিং শেম্বা অমদি ইনফ্রাস্ত্রকচর প্রোজেক্তশিংদা জিওতেগ্গিং শিজিন্নরিবা অদু মহাক্না খুদমশিং ওইনা পনখি৷ দিবেলপমেন্ত প্রোজেক্তশিং অসি সেতলাইত ইমেজিংনা য়েংশিল্লি৷ ফসল বিমা য়োজনা ক্লেমশিং অসি ৱারোইশিন পুরকপদা স্পেস তেক্নোলোজী শিজিন্নরি, নেবিক সিস্তেমনা ঙামীশিং মতেং পাংলি, মসিগী তেক্নোলোজী অসি শিজিন্নদুনা দিজাস্তর মেনেজমেন্ত প্লানিংসু চত্থরি হায়না প্রধান মন্ত্রীনা ফোংদোকখি৷ মীপুম খুদিংমক্না তেক্নোলোজী শিজিন্নবগী তঙাই ফদবা লৈ হায়নসু প্রধান মন্ত্রীনা ফোংদোকখি৷ দিজিতেল তেক্নোলোজীগী খুদম অমা পীরদুনা, ঐখোয়না দাতাগী শক্তি অসি লাইরবশিংগী মরক্তা খ্বাইদগী লাইরবশিংদা  য়ৌহনবা ঙম্বা অসিনা মরম ওইদুনা ঙসিদি ভারত অসি মকোক থোংবা দিজিতেল ইকোনোমীশিংগী মনুং চল্লি হায়না মহাক্না ফোংদোকখি৷

নহা ওইরিবা ওল্তরপ্রিনরশিং অমদি স্তার্তঅপশিংগী মতাংদা ৱারি শানরদুনা, সরকার অসিনা তাক খুদিংমক্তা ইন্দস্ত্রী, নহা ওইরিবা ইন্নোবেতরশিং অমদি স্তার্তঅপশিং থৌনা হাপ্লি হায়না প্রধান মন্ত্রীনা ফোংদোকখি৷ অফবা স্তার্তঅপ ইকোসিস্তেম অমা শেমগৎনবা, প্লেতফোর্ম এপ্রোচ অমা য়াম্না মরু ওই হায়না মহাক্না শন্দোক্না তাকখি৷ প্লেতফোর্ম সিস্তেম অমবু মহাক্না অসুম্না ফোংদোকখি, “প্লেতফোর্ম সিস্তেম অমা হায়বসি সরকারনা ওপন-এসেস পব্লিক কন্ত্রোল প্লেতফোর্মশিং শেম্লিবা অমসুং মখোয়বু ইন্দস্ত্রী অমদি এন্তরপ্রাইজেসতা ফংহল্লিবা খোঙথাং অমনি৷ মসিগী বেসিক প্লেতফোর্ম অসিদা ওল্তরপ্রিনরশিংনা অনৌবা সোলুসনশিং শেম্মী”৷ মসিবু স্ত্রোঙ্গ ফিনতেক নেতৱার্ক অমগী মরু ওইবা ওইখিবা য়ু.পি.আই. প্লেতফোর্মবু খুদম ওইনা পুথোক্তুনা প্রধান মন্ত্রীনা উৎখি৷ অসিগুম্বা প্লেতফোর্মশিং অসি স্পেস, জিওস্পাসিএল ফিল্দশিং অমদি তোঙান তোঙানবা এরিয়াশিংদা দ্রোনশিং শিজিন্নবদা পুক্নিং থৌগৎলি হায়না মহাক্না ফোংদোকখি৷

ঙসি পুল্লিবা অসিদা সজেসনশিং পুথোরক্লিবা অমদি স্তেকহোল্দরশিং এক্তিব ওইনা শরুক য়ারকপা অসিনা অথুবা মতমদা হেন্না ফবা স্পেসকোম পোলিসী অমসুং রিমোত সেন্সিং পোলিসী অমা থোক্লক্লগনি হায়বগী অশা অদু প্রধান মন্ত্রীনা ফোংদোকখি৷

স্পেস অমসুং স্পেস সেক্তর রুল তৌনবা ২০শুবা চহি-চানা হোৎনখিবগী তেন্দেন্সী অসিনা মালেমগী লৈবাকশিং অসি মতৌ করম্না খায়দোকখি হায়বদু প্রধান মন্ত্রীনা পনখি৷ হৌজিক ২১শুবা চহি চাদা, মালেম অসি অমতা ওইনা পুনশিনবদা অমদি মরী লৈনহনবদা স্পেস্না য়াম্না মরু ওইবা থৌদাং অমা লৌননবা ভারতনা হোৎনগনি হায়না মহাক্না ৱারোইশিন পীখি৷

ৱা ঙাংখিবগী মপুংফাবা ৱারোল পানবা মসিদা নম্বীয়ু

মোদীগী মাস্তরক্লাস: পি.এম. মোদীগা লোয়ননা ‘পরিক্ষা পে চর্চা’
Share your ideas and suggestions for 'Mann Ki Baat' now!
Explore More
পরিক্ষা পে চর্চা ২০২২দা পি.এম.না মহৈরোই, মমা-মপা অমসুং ওজাশিংগা ৱারী শাবদা থমখিবা ৱারোলগী মনিপুরী ৱাহন্থোক

Popular Speeches

পরিক্ষা পে চর্চা ২০২২দা পি.এম.না মহৈরোই, মমা-মপা অমসুং ওজাশিংগা ৱারী শাবদা থমখিবা ৱারোলগী মনিপুরী ৱাহন্থোক
India remains attractive for FDI investors

Media Coverage

India remains attractive for FDI investors
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 19 মে, 2022
May 19, 2022
Share
 
Comments

Aatmanirbhar Defence takes a quantum leap under the visionary leadership of PM Modi.

Indian economy showing sharp rebound as result of the policies made under the visionary leadership of PM Modi.