সেপ্তেম্বরগী তাং ২৫ অমদি ২৬তা পাংথোক্লিবা পুং ২৪গী থৌরম অমা ওইরিবা ‘গ্লোবেল সিতিজন লাইব’তা প্রধান মন্ত্রী, শ্রী নরেন্দ্র মোদীনা ভিদিওদা ৱা ঙাংখি, অমদি মু্বাই, ন্যু য়োর্ক, পেরিস, রাইও দি জেনৈরো, সিদনী, লোস এঞ্জেলিস, লাগোস অমসুং সিওল য়াওনা অচৌবা শহরশিংদা শিল্লিবা লাইব ইভেন্তশিংদা শরুক য়াগনি৷
ঐখোয়না পুনশিন্নদুনা লৈবা মতমদা ঐখোয় হেন্না কনখৎলক্কনি অমদি ফিভম হেন্না ফরক্কনি হায়বসি উৎনবা লাইনা-লাইচৎ অসিগী চেলেঞ্জ অসিগী মরমদা প্রধান মন্ত্রীনা ৱারি শাখি৷ “লাইনা-লাইচৎ অসি লান্থেংনবদা ঐখোয়গী কোবিদ ৱরিয়রশিং, দোক্তরশিং, নর্সশিং, মেদিকেল স্তাফনা মখোয়গী ঙমজবা থাক্তা হোৎনখিবা মতমদা ঐখোয়না মসিগী কল্লেক্তিব স্পিরিত অসি উবা ফংখি৷ রেকোর্দ ওইবা মতমদা অনৌবা ভেক্সিনশিং শাখিবা ঐখোয়গী সাইন্তিস্তশিং অমদি ইন্নোবেতরশিংদা মসিগী স্পিরিত অসি ঐখোয়না উবা ফংখি৷ হ্যুমেন রিসাইলেন্সনা অতোপ্পা খুদিংমক্তদগী হেন্না শক্তি লৈ হায়না উৎখিবগী মওং অসি চারোন-শুরোনশিংনা নিংশিংদুনা লৈহৌরগনি” , হায়না প্রধান মন্ত্রীনা ফোংদোকখি৷
কোবিদকী মথক্তা, লাইরবা হায়বা অসিনা চেলেঞ্জশিংগী মরক্তা খ্বাইদগী শাগোন্নদুনা অদুমক লৈ৷ লাইরবা মীওইশিংনা সরকারশিংদা হেন্না তাংজহন্দুনা লাইরবা লান্থেংনবা ঙম্লোই হায়না শ্রী মোদীনা ফোংদোকখি৷ লাইরবা মীশিংনা সরকারশিংবু থাজবা য়াবা পার্তনরশিংনি হায়না খনবা হৌরকপা মতমদা লাইরবা লান্থেংনবা ঙমগনি৷ “লাইরবগী বিসিয়র্স সর্কল অসি মতম পুম্নমক্কী ওইনা থুগাইনবা ত্রস্তেদ পার্তনরশিংনা মখোয়দা ইনেব্লিং ইনফ্রাস্ত্রকচর পীরগনি”, হায়না প্রধান মন্ত্রীনা ফোংদোকখি৷
লাইরবশিংদা থৌনা পীনবা হোৎনবদা শক্তি শজিন্নবা মতমদা, মখোয়দা লাইরবা লান্থেংনবা ঙম্বগী থৌনা অদু ফংই হায়না প্রধান মন্ত্রীনা শন্দোক্না ফোংদোকখি৷ লাইরবশিংবু থৌনা পীবগী খুদমশিং ওইনা অনবেঙ্ক তৌরিবশিং বেঙ্কিং তৌহনবা, মীওই মীলিয়ন কয়াদা সোসিএল সেক্যুরিতী কভরেজ ফংহনবা, ভারত মচা মিলিয়ন ৫০০দা ফ্রী অমসুং ক্বালিতী লৈবা হেল্থকেয়র পীবগুম্বা খোঙথাংশিং মহাক্না অমমম্তা ওইনা পনখি৷
শহরশিং অমদি খুঙ্গংশিংদা ময়ুম-মকৈ লৈজদ্রবশিংগীদমক য়ুম মিলিয়ন ৩০রোম শাখিবা অদু পল্লদুনা, য়ুম অমা হায়বসি লৈনবা খক্তনা নত্তে হায়না শ্রী মোদীনা ফোংদোকখি৷ ‘লৈনবা য়ুম অমা লৈবা অসিনা মীওইগী ইকাইখুম্নবা ফংহল্লি’ , হায়না মহাক্না ফোংদোকখি৷ মসি অমসুং য়ুমথোং খুদিংদা থক্নবা ইশিং ফংহন্নবা ‘পাক-শন্না ইহৌ হৌবা’, নেক্স-জেনেরেসন ইনফ্রাস্ত্রকচরগীদমক ত্রিলিয়ন দোলর অমা হেন্না কাইথবা, প্রজা মিলিয়ন ৮০০দা চানবা মহৈ-মরোংশিং লেম্না ফংহনবা অমসুং অতোপ্পা ইফর্ত কয়ামরোম্না লাইরবা লান্থেংনবদা থৌনা পীরগনি, হায়না প্রধান মন্ত্রীনা ফোংদোকখি৷
ক্লাইমেত চেঞ্জকী থ্রেত অদুসু প্রধান মন্ত্রীনা খন্ন-নৈনখি অমদি “ক্লাইমেত চেঞ্জ হন্থনবগী খ্বাইদগী লাইবা অমদি খ্বাইদগী মাই পাকপা লম্বী অদুদি মহৌশাগা চুশিন্নবা পুন্সি মহিংশিংদা পুরককপা অদুনি” হায়না মহাক্না ফোংদোকখি৷ মহাত্ম গান্ধীবু “মালেম অসিগী খ্বাইদগী ফাওরবা এনবাইরোনমেন্তেলিস্তশিংগী” মনুংদা অমনি হায়না ফোংদোক্লদুনা মতৌ করম্না বাপুনা জিরো কার্বন ফূতপ্রিন্ত লাইফস্তাইল লমজিংখিবগে হায়বদু প্রধান মন্ত্রীনা শন্দোক্না ফোংদোকখি৷ মহাক্না তৌখিবা খুদিংমক্তা, অতৈ-অতোপ্পশিংদগী ঐখোয়গী গ্রহগী য়াইফনবা হান্না পাংথোকখি৷গান্ধী জিনা ত্রস্তীশিপকী দোক্ত্রিনদা ৱাফম থমখি, ‘ঐখোয় পুম্নমক অসি গ্রহ অসিগী ত্রস্তীশিংনি, গ্রহ অসিবু চেকশিন্না থম্বা অসিনা ঐখোয়গী থৌদাংনি’ হায়না প্রধান মন্ত্রীনা ফোংদোকখি৷ পেরিস কম্মিতমেন্তশিংগা লোইননা ত্রেক্তা লৈরিবা জি২০ লৈবাক অসি ভারত খক্তনি হায়না প্রধান মন্ত্রীনা ফোংদোকখি৷ ইন্তরনেস্নেল সোলর এলাইয়েন্স অমদি কোলিসন ফোর দিজাস্তর রিসাইলেন্ত ইনফ্রাস্ত্রকচর বেন্নরগী মখাদা মালেম অসিবু অমতা ওইনা পুনশিন্নবা হোৎনখিবা অদুগীদমক ভারতনা চাওথোকচবা ফাওই হায়না প্রধান মন্ত্রীনা ফোংদোকখি৷
The Global Citizen Movement uses music and creativity to bring the world together.
— PMO India (@PMOIndia) September 25, 2021
Music, like sports, has an inherent ability to unite: PM @narendramodi
We saw glimpses of this collective spirit when our COVID-19 warriors, doctors, nurses, medical staff gave their best to defeat the pandemic: PM @narendramodi
— PMO India (@PMOIndia) September 25, 2021
For almost two years now, humanity is battling a once in a lifetime global pandemic.
— PMO India (@PMOIndia) September 25, 2021
Our shared experience of fighting the pandemic has taught us - we are stronger and better when we are together: PM @narendramodi
Poverty cannot be fought by making the poor more dependent on governments.
— PMO India (@PMOIndia) September 25, 2021
Poverty can be fought when the poor start seeing governments as trusted partners.
Trusted partners who will give them the enabling infrastructure to forever break the vicious circle of poverty: PM
The threat of climate change is looming large above us.
— PMO India (@PMOIndia) September 25, 2021
The world will have to accept that any change in the global environment first begins with the self.
The simplest & most successful way to mitigate climate change is to lead lifestyles that are in harmony with nature: PM
