Share
 
Comments
লৈবাক অসিনা অহানবা ৱেবকী পিক অদু লানখ্রে অমসুং লাইনা অসি নাবা হেনগৎলকপগী খোঙজেল অসি মমাংগী মতমদগী কা হেন্না হেল্লি: পি.এম.
হৌজিক্তি ঐখোয়গী রিসোর্চশিং, এক্সপরিয়েন্স হেন্না লৈরে অমসুং ভেক্সিনসু লৈরে: পি.এম.
ঐখোয়না কোবিদ লাইনা অসিবু ‘তেস্ত, ত্রেক,ত্রিত’ তৌদুনা , কোবিদ এপ্রোপিয়েত বিহেবিয়র অমসুং কোবিদ মোনেজমেন্তদা মীৎয়েং চংগদবনি: পি.এম.
‘কোবিদ ফেতিগ’না মরম ওইরগা ঐখোয়না হোৎনরিবশিং অসিদা করিগুম্বা মওং অমতদা কোমথোকপা তোইরোইদবনি: পি.এম.
কা হেন্না মীৎয়েং চংফম ওইরিবা জিলাশিং অসিদা লৈরিবা চহী ৪৫ হেল্লবা মীওইশিং অসি চাদা ১০০ ভেক্সিনেসন কাপথোক্কদবনি: পি.এম.
জ্যোতিবা ফুলে অমসুং বাবা সাহেব অমবেদকর পোকপা নুমিৎকা মরী লৈননা পাংথোকপা থৌরমশিং অসিগী মনুংদা (এপ্রিল ১১-১৪) ভেক্সিনেসন ফেস্তিবেল পাংথোক্নবা খঙহনখ্রে

ঙসি ভিদিও কনফরেন্সিংগী খুৎথাংদা হৌজিক ওইরিবা কোবিদ-১৯গী ফিভম অসি য়েংলগা প্রধান মন্ত্রী শ্রী নরেন্দ্র মোদীনা তোঙান তোঙানবা রাজ্যশিংগী মুখ্য মন্ত্রীশিংগা ৱারি শানখ্রে৷

কোবিদ লাইনা-লাইচৎ অসি লান্থেংনবা মতমদা সরকার অসিনা লৌখৎখিবা থৌদাংশিং অদু কেন্দ্রগী গৃহ মন্ত্রীনা পনখ্রে৷ লৈবাক অসিদা মাই পাক্না ভেক্সিনেসন তৌরিবা অসিগী মতাংদসু মহাক্না ফোংদোকখ্রে৷ কেন্দ্রগী হকশেলগী সেক্রেতরীনা লৈবাক অসিদা লৈরিবা কোবিদকী ফিভম অসিগী মতাংদা ৱারোল অমা ফোংদোকখ্রে অমসুং হৌজিক হৌজিক কেসলোদ ৱাংনা লৈরিবা রাজ্যশিং অসিদা হেন্না মীৎয়েং চংদুনা রাজ্যশিং অসিদা তেস্ত হেন্না তৌবগী তঙাই ফদবা লৈ হায়না ফোংদোকখ্রে৷ লৈবাক অসিদা ভেক্সিন পুথোকপগী অমসুং সপ্লাই তৌবগী অকুপ্পা মরোলশিং অদুবুসু মহাক্না পনখ্রে৷

কোবিদ ভাইরস অসি মীয়াম পুন্না খুৎশম্নদুনা লান্থেংনহল্লিবা অসিগীদমক মুখ্য মন্ত্রীশিং অসিনা প্রধান মন্ত্রীবু থাগৎখ্রে৷ মুখ্য মন্ত্রীশিং অসিনা মশা-মশাগী রাজ্যশিংদা লৈরিবা কোবিদকী ফিভম অদুগী মতাংদা ফিদবেক্ত পীনখ্রে৷ মতম চানা ভেক্সিনেসন দ্রাইব পাংথোকহৌবা অসিনা লাইনা-লাইচৎ অসি মতম চানা লাকশিন্দুনা মীওই লাখ কয়াগী পুন্সি কনবা ঙম্লিবনি হায়নমা মখোয়শিং অসিনা ফোংদোকখ্রে৷ ভেক্সিন হেসিতেন্সী অমসুং ভেক্সিন ৱেস্তেজকী ইসুশিং অদুসু খন্ন-নৈনখ্রে৷

প্রধান মন্ত্রী অসিনা শরুক য়ারিবা মুখ্য মন্ত্রীশিং অদুগী মমাংদা অচুম্বা ৱারোল খরা ফোংদোকখ্রে৷ অহানবা ৱারোল, লৈবাক অসিনা অহানবা ৱেবকী পিক অদু লানখ্রে অমসুং লাইনা অসি নাবা হেনগৎলকপগী খোঙজেল অসি মমাংগী মতমদগী কা হেন্না হেল্লি৷ অনিশুবা ৱারোল, মহারাস্ত্র, ছত্তিশগর, পঞ্জাব, মধ্য প্রদেশ অমসুং গুজরাত য়াওনা রাজ্য কয়া অমা অহানবা ৱেবকী পিক অদু লানখ্রে৷ অতোপ্পা রাজ্যশিংসু লান্নবা তৌরক্লি৷ মসি য়াম্না চেকশিন্না য়েংশিন্নিংঙাই ওইরবা ফিভম অমনি হায়না মহাক্না ফোংদোকখ্রে৷ অহুমশুবা ৱারোল, হন্দক্কী মতম অসিদা রাজ্য খরদা এদমিনিস্ত্রেসন য়াওনা মীয়ামশিংনা লাইনা-লাইচৎ অসিবু লাইনা খন্নরক্তুনা লাইথোক্নরকখ্রে৷ অসিগুম্বা মতম অসিদা কেস মশিং অসি কা হেন্না ৱাংনা হেনগৎলকপা অসিনা অরুবা ফিভম কয়া ওইহল্লি৷

অদুমওইনমক লৈবাক অসিনা চেলেঞ্জ কয়া অমা থেংনবা তারবসু, ঐখোয় হান্নদগী হেন্না এক্সপরিয়েন্স, রিসোর্চশিং লৈরে অমসুং ভেক্সিনসু লৈরে হায়না প্রধান মন্ত্রীনা ফোংদোকখ্রে৷ দোক্তরশিং অমসুং হেল্থকেয়র ৱার্করশিং অসিনা য়াম্না কন্না হোৎনরিবা অসিগী মথক্তা মীয়ামশিং শরুক য়াশিল্লকপা অসিনা ফিভম অসি লাকশিনবদা অচৌবা থৌদাং লৌরি হায়না ফোংদোকখ্রে৷

“ঐখোয়না কোবিদ লাইনা অসিবু ‘তেস্ত, ত্রেক,ত্রিত’ তৌদুনা, কোবিদ এপ্রোপিয়েত বিহেবিয়র অমসুং কোবিদ মোনেজমেন্তদা মীৎয়েং চংগদবনি” হায়না প্রধান মন্ত্রীনা ফোংদোকখ্রে৷ ভাইরস অসি লাকশিন্নবা লাইনা অসিবু শন্দোক্লিবা মীওইবা জাতি অসিবু নিংথীনা গ্যান তাহনগদবনি অমসুং লাইচৎ অসি লাকশিন্নবা হোৎনবা তেস্তিং তৌবা অমসুং ত্রেক্কিং তৌবা অসি য়াম্না মরু ওই হায়না প্রধান মন্ত্রীনা পনখ্রে৷ কম্ম্যুনিতী অমদা লাইচৎ অসি কয়ামুক য়াম্না শন্দোক্লবগে হায়বা অসি খঙদোক্নবা অমসুং মহিক অসিবু শন্দোকপা ঙম্বা মীওইশিং অসি খন্দোক্নবা তেস্তিং তৌবা অসি য়াম্না মরু ওই হায়না প্রধান মন্ত্রী অসিনা শন্দোক্না তাকখ্রে:  কেস মশিং কা হেন্না রিপোর্ত তৌরক্লিবা মফমশিং অমসুং কন্তেনমেন্ত জোনশিং অসিদা তেস্তিং তৌবদা হেন্না মীৎয়েং চংদুনা পোজিতিব ওইবগী চাং অসি ৫% নত্রগা মসিদগী হেন্না তানা লৈহন্নবা পান্দমগা লোইননা নুংতি নুমিৎ খুদিংগী তৌরিবা তেস্ত মশিং অসি হান্নদগী হেন্না তৌবা তঙাই ফদে৷

তঙাই ফদবা চেকশিন থৌরাংশিং তৌদ্রবদি পোজিতিব ওইরিবা মীওই খুদিংমক্না ভাইরস অসি অতোপ্পা মীওইশিংদা শন্দোকপা ঙম্মী, কম্ম্যুনিতীদা লাইনা-লাইচৎ শন্দোক্লিবা অসি হন্থহন্নবা কন্তেক ত্রেসিং তৌবা অমসুং নিয়ম চুম্না ইনবা তঙাই ফদে হায়না খন্ন-নৈনখ্রে৷ অহানবা পুং ৭২গী মনুংদা পোজিতিব ওইরিবা মীওই অদুগী নক্নবা মীওই য়ামদ্রবদা ৩০ শুংশোই শোইদনা ত্রেস, তেস্ত অমসুং ক্বারেন্তিন তৌগদবনি হায়না প্রধান মন্ত্রীনা ফোংদোকখ্রে৷ অসিগুম্না কন্তেনমেন্ত জোনগী বাউন্দরীশিং অদু ময়েক শেংনা খ্বাইদোক্তুনা থমগদবনি৷ ‘কোবিদ ফেতিগ’না মরম ওইরগা ঐখোয়না হোৎনরিবশিং অসিদা করিগুম্বা মওং অমতদা কোমথোকপা তোইরোইদবনি হায়না প্রধান মন্ত্রীনা ফোংদোকখ্রে৷ কন্তেনমেন্ত জোনশিং অসিদা হকশেলগী মন্ত্রালয়না থোক্লিবা এস.ও.পি.শিং অসি য়াম্না চেকশিন্না ঙাক্তুনা চৎননবা মহাক্না হায়খ্রে৷ লৈপাকপোকপা অমসুং ইরাই নুমিৎ খুদিংগী দিল্লগী এ.আই.আই.এম.এস.না শিল্লিবা ৱেবিনারশিং অসিদা শরুক য়ানবা মহাক্না রাজ্যশিংদা হায়খ্রে৷

কা হেন্না মীৎয়েং চংফম ওইরিবা জিলাশিং অসিদা লৈরিবা চহী ৪৫ হেল্লবা মীওইশিং অসি চাদা ১০০ ভেক্সিনেসন পাংথোক্নবা প্রধান মন্ত্রীনা রাজ্যশিংদা হায়খ্রে৷ জ্যোতিবা ফুলেগী পোকপা নুমিৎ এপ্রিল ১১ অমসুং বাবা সাহেব অমবেদকর পোকপা নুমিৎ এপ্রিল ১৪ অসিগা মরী লৈননা পাংথোক্লিবা থৌরমশিং অসিগী মনুংদা ভেক্সিনেসন ফেস্তিবেল- ‘তীকা উতসব’ পাংথোক্নবা প্রধান মন্ত্রীনা হায়খ্রে৷ ভেক্সিনেসন ফেস্তিবেল অসিগী মনুং অসিদা মীওই অয়াম্বা ভেক্সিন কাপথোক্নবা হোৎনগদবনি৷ চহী ৪৫গী মথক্তা লৈরিবা মীওই পুম্নমক অসি ভেক্সিন কাপথোকপদা মতেং পাংননবা লৈবাক অসিগী নহাশিং অসিদসু মহাক্না হায়খ্রে৷

থবক থৌরমশিং অসি য়াম্না চেকশিন্না পাংথোক্নবা প্রধান মন্ত্রীনা হায়খ্রে৷ ভেক্সিনেসন অসি পাংথোকপা তারবসু, অশোনবা অমসুং অহল ওইরবা মীয়ামশিং অসি চেকশিন্না ঙাক শেনবিদুনা মখাতানা লৈরিবা চেকশিন থৌরাংশিং অসি নিংথীনা লেপ্পা লৈতনা ইনগদবনি হায়না মহাক্না ফোংদোকখ্রে৷ ‘দৱাইভি-কদাইভি’গী মন্ত্র অসি পল্লদুনা, কোবিদ এপ্রোপিয়েত বিহেবিয়রগী মতাংদা এৱার্নেস পাংথোক্নবা প্রধান মন্ত্রী অসিনা ফোংদোকখ্রে৷

 

 

 

 

 

 

 

 

Click here to read full text speech

ভারতকী ওলিম্পিয়নশিংবু পুক্নিং থৌগৎসি! #Cheers4India
Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
India's crude steel output up 21.4% at 9.4 MT in June: Worldsteel

Media Coverage

India's crude steel output up 21.4% at 9.4 MT in June: Worldsteel
...

Nm on the go

Always be the first to hear from the PM. Get the App Now!
...
Social Media Corner 2nd August 2021
August 02, 2021
Share
 
Comments

Citizens elated as PM Narendra Modi to be First Indian Prime Minister to Preside Over UNSC Meeting

Citizens praise Modi Govt’s resolve to deliver Maximum Governance