Share
 
Comments
Rajmata Scindia proved that for people's representatives not 'Raj Satta' but 'Jan Seva' is important: PM
Rajmata had turned down many posts with humility: PM Modi
There is lots to learn from several aspects of Rajmata's life: PM Modi

প্রধান মন্ত্রী, শ্রী নরেন্দ্র মোদীনা ঙসি ভিদিও কন্ফরেন্সিংগী খুত্থাঙদা রাজমাতা বিজয়া রাজে সিন্দিয়াগী চহি চাম্মশুবা মপোক কুমওন থৌরম পাঙথোকপা ওইনা লুপা ১০০গী নীংশিং শেনয়েক ফোঙখ্রে‍। মহাক্না রাজমাতাগী মফমদা মহাক্কী মপোক কুমওন নুমিত্তা শ্রদ্ধাঞ্জলি কৎখি‍।

রাজমাতা বিজয়া রাজে সিন্দিয়া জীবু ইকায়খুম্নবা ওইনা লুপা ১০০গী অখন্নবা নীংশিং শেনয়েক ফোঙবগী তাঞ্জা ফংজবসি মহাক্কী লাইবক ফবনি হায়না প্রধান মন্ত্রীনা হায়খি‍।

বিজয়ারাজে জীগী লাইরিক্কী মতাঙদা পল্লদুনা, প্রধান মন্ত্রীনা হায়খিবদা লাইরিক অসিদা মহাকপু গুজরাতকী নহা লুচিংবা অমা ওইনা শক তাকখি, অদুগা ঙসিদি চহি কয়াগী মতুংদা মহাক লৈবাকসিগী প্রধান সেবক ওইনা থৌগল তৌরি‍।

থৌরমদুদা ৱা ঙাঙলদুনা, প্রধান মন্ত্রীনা রাজমাতা বিজয়া রাজে সিন্দিয়া ভারতপু অচুম্বা মায়কৈদা লমজিংলমবশিংগী মরক্তা অমনি হায়না হায়খি‍। মহাক ফিরেপ চেৎপা লুচিংবা অমদি মতিং লৈবা লৈঙাকপী অমা ওইরম্মী‍ হায়না হায়খি‍। মপাম লমগী ফিরোলশিং মৈ থাবা, ইমর্জেন্সী অমদি রাম লাইশঙ ইহৌগীবু ওইরবসু মহাক্না ভারতকী রাজনিতিগী মরুওইবা তাঙ্কক খুদিংমক থেংনহৌখি হায়না মহাক্না মখা তাখি‍। ঙসিগী মীরোলনা রাজমাতাগী পুন্সিগী মরমদা খঙবা মরুওই, অমদি মরম অসিনা মহাক্কী পুন্সি অমসুং মহাক্না থেংনরকপশিংগী মরমদা হঞ্জিন হঞ্জিন পনবা মথৌ তাই হায়বা ৱাফম মহাক্না থমখি‍।

প্রধান মন্ত্রীনা হায়খিবদা রাজমাতানা ঐখোয়দা মীয়ামগী থৌগল তৌনবগীদমক অকক্নবা ইমুং অমদা পোক্লুবগী মথৌ তাদে হায়বা তাকপীরমই‍। মথৌ তারিবদি লৈবাক নুংশিবা অমদি মীয়ামগী লৈঙাক্কী অপামবা লৈবদুনি‍। হায়রিবা ৱাখল অমদি মচৎ অসি মহাক্কী পুন্সিদা উবা ফংগনি‍। রাজমাতাগী শিন্মী লিশিং কয়া, নীংথিরবা কোনুং, অমদি খুদোংচাবা কয়া লৈরম্মি অদুবু মহাক্না মহাক্কী পুন্সি মীচম মীয়ামগী, লায়রবা মীয়ামগী অপাম্বগীদমক্তা কত্থোকখি‍। মহাক মতম পুম্নমক্তা মীয়ামগী থৌগলগীদমক লেপ্তুনা অমদি তোৎন-তিন্নদুনা লৈখি‍। রামজমাতানা মহাক্কী পুন্সি লৈবাক্কী তুংগীদমক কত্থোকখি‍ হায়না মহাক্না হায়খি‍। মহাক্না মহাক্কী নুংঙাই-য়াইফবা পুম্নমক লৈভাক্কী তুংগী মীরোলগীদমক কত্থোকখি‍। রাজমাতানা ফম অমসুং ইজ্জৎকীদমক মপুন্সি লেনখিদে নৎত্রগা রাজনিতি তৌখিদে‍ হায়না মহাক্না হায়খি‍।

রাজমাতানা মঙোন্দা লাকখিবা ফম কয়া নোল্লুকপগা লোয়ননা য়াখিদবগী থৌদোক খরসু মহাক্না নীংশিংখি‍। অতলজী  অমসুং অদবানি জীনা নোংমা মঙোন্দা জন সঙ্ঘগী প্রেসিদেন্ত ওইবিনবা হায়খি অদুবু মহাক্না জন সঙ্ঘগী থৌমী অমা ওইনা অদুম লৈজগে হায়না য়াখি হায়না মহাক্না হায়খি‍।

রাজমাতানা মহাক্কী খোঙবুশিং মমীংগা লোয়ননা খঙবা পামখি, অমদি থৌমী অমগীদমক অসিগুমবা ইথিল অসি মীপুম খুদিংমক্কী পুক্নিংদা লৈখিগনি হায়না প্রধান মন্ত্রীনা হায়খি‍। পোঙবা নত্তবা, ইকায়খুম্নবনা রাজনিতিগী নুংগী ৱাখল্লোন ওইগদবনি‍। মহাক্না রাজমাতাবু ফজবা ৱাখল্লোন চেনবা মীশক অমা ওইনা মশক তাকখি‍।

মীয়ামদা খঙহনবা অমদি মীয়ামগী ইহৌনা মরম ওইরগা লৈবাকসিদা হৌখিবা চহী খরসিদা অহোংবা কয়া লাকখ্রে অমদি কেম্পেন অমসুং স্কিম কয়া মায় পাকখ্রে হায়না প্রধান মন্ত্রীনা হায়খি‍। লৈবাক অসিনা রাজমাতাগী থৌজালগা লোয়ননা চাওখৎপগী লম্বীদা মাঙজিন থানা চঙশিল্লি হায়বা ৱাফম মহাক্না থমখি‍।

ঙসিদি ভারতকী নুপীগী পাঙ্গল মাঙদা চঙশিল্লি অমদি লৈবাকসিদা হীরম কয়াদা লুচিংদুনা চৎলি হায়না প্রধান মন্ত্রীনা হায়খি‍। রাজমাতাগী নুপী মপাঙ্গল কলহনবগী মঙলান মঙফাওনহনবদা মতেং পাংখিবা লৈঙাক্কী থৌরাংশিংসু মহাক্না হায়খি‍।

মহাক্না লান্থেংনরমবা রামজন্মভুমি লাইশঙগী মহাক্কী মঙলান ঙসিদি মহাক্কী চহি চাম্মশুবা মপোক কুমওন চহীসিদা নীংবা থুংবসি অঙকপা তান চানরুবা অমনি হায়না প্রধান মন্ত্রীনা হায়খি‍। আত্মনিরভর ভারত মায় পাকপনা মপাঙ্গল কনবা, শাফবা অমদি নুংঙাই য়াইফবা ভারত অমগী মঙলান মঙফাওনহনবদা মতেং ওইগনি হায়না মহাক্না হায়খি‍।

Click here to read full text speech

ভারতকী ওলিম্পিয়নশিংবু পুক্নিং থৌগৎসি! #Cheers4India
Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
India breaks into the top 10 list of agri produce exporters

Media Coverage

India breaks into the top 10 list of agri produce exporters
...

Nm on the go

Always be the first to hear from the PM. Get the App Now!
...
#NaMoAppAbhiyaan gains popularity across New Delhi. Training & networking sessions see enthusiastic karyakartas participation.
July 24, 2021
Share
 
Comments

Almost two weeks since the #NaMoAppAbhiyaan started in Delhi, and thousands have already joined the NaMo App network. Take a look at how BJP Delhi Karyakartas are doing their bit in ensuring the continued success of the 'Mera Booth, Sabse Mazboot' initiative.