প্রধান মন্ত্রী, শ্রী নরেন্দ্র মোদীনা ঙসি থিম্ফুদা ভুতানগী নিংথৌ, হিস মেজেস্তী, জিগমে খিসার নামগ্যেল ৱাংচুকগা উনখি। লুচিংবা অনিনা লৈবাক অনিগী মরী হেন্না ফগৎহন্নবা অমসুং মপাঙ্গল কনখৎহন্নবা ৱাখল্লোনশিং ফোংদোক্নখি। মখোয়না ম্যুচেল ইন্তরেস্তকী ওইবা রিজনেল অমসুং গ্লোবেল ইসুশিংদা খন্ন-নৈনখি। দিল্লীদা থোকখিবা লাইবক থিবা থৌদোক অদুদা লৈখিদ্রবশিংগীদমক হিস মেজেস্তীনা অৱাবা ফোংদোকখি।
পর্ধান মন্ত্রীনা লৈবাক অনিগী মরক্তা মরুপ-মপাং ওইবগী মরী অমসুং খুৎশম্ননা থবক তৌমিন্নবগী মরী অদু শেমগৎপদা থংন-থংননা ওইরকখিবা দ্রুক গ্যালপোস (নিংথৌশিং)না পীবা লমজিং-লমতাকপগী ৱাখল্লোন অদুগীদমক থাগৎপা ফোংদোকখি। ভুতানগী সোসিও-ইকোনোমিক দিবেলপমেন্তকীদমক ভারত সরকারনা পীরিবা মতেং অদুগীদমক ইকাইখুম্নরবা নিংথৌনা থাগৎপা ফোংদোকখি।
লুচিংবা অনিমক্না হৌজিক তাশিশোরজোংগী গ্রান্দ কুয়নরী হোলদা থম্লিবা ভারতকী লোর্দ বুদ্ধগী শেংলবা পিপ্রাহৱা রিলিক্সকী মমাংদা লাই খুরুমখি। থিম্ফুদা হোলী পিপ্রাহৱা রিলিক্সকী এক্সপোজিসন অসি হিস মেজেস্তী মরিশুবা নিংথৌগী ৭০শুবা মপোক কুমওন অমসুং মালেমগী শান্তি অমসুং নুংঙাইবগীদমক ভুতাননা শিন্দুনা পাংথোকপা গ্লোবেল পীস প্রেয়র ফেস্তিবলগা চপ মান্ননা পাংথোক্লি।
লুচিংবা অনিমক্না পুন্না মেগাৱাৎ ১০২০গী পুনাৎসাংচু-II হাইদ্রো ইলেক্ত্রিক প্রোজেক্ত শঙ্গাখি, মসি ভারত অমসুং ভুতানগী মরক্তা মরী লৈনরিবা ফজরবা অমসুং চাউখৎলক্লিবা নাকল অনিমক্তা কান্নবা ইনর্জী পার্তনরশিপকী মাইলস্তোন অমনি, মসিনা লৈবাক অনি অসিগী মীচম প্রজাশিংগী পুন্সিদা চাউনা কান্নবা পীরি।
মখোয়না নাকল অনিগী ওইবা বাইলেতরেল কোওপরেশনবু মখাতানা হেন্না চেৎশিলহন্নবা রিন্যুৱেবল ইনর্জী, মেন্তেল হেল্থ সর্ভিসশিং অমসুং হেল্থকেয়রগী লমশিংদা MoU অহুম এক্সচেঞ্জ তৌখি। থৌরম অদুদা ভারত সরকারনা ভুতানগীদমক ইনর্জী প্রোজেক্তশিংদা শেল থাদনবগীদমক লুপা করোর ৪০০০গী কন্সেস্নেল লাইন ওফ ক্রেদিৎ অমা লাউথোকখি। MoUশিং অমসুং লাউথোকখিবশিংগী লিস্ত অদু অসিদা য়েংবীবা য়াগনি। ( Link )
Had a very good meeting with His Majesty Jigme Khesar Namgyel Wangchuck, the King of Bhutan. We covered the full range of India-Bhutan relations. We discussed cooperation in sectors like energy, capacity building, connectivity, technology, defence and security. India is proud to… pic.twitter.com/8OEX7wQnhI
— Narendra Modi (@narendramodi) November 11, 2025
མི་དབང་ མངའ་དང་འཇིགས་མེད་གེ་སར་རྣམ་རྒྱལ་དབང་ཕྱུག་གཅིག་ཁར་ ཞལ་འཛོམས་ལེགས་ཤོམ་ཅིག་འབད་ཡི། ང་བཅས་ཀྱིས་ རྒྱ་གར་དང་ འབྲུག་གི་མཐུན་འབྲེལ་གྱི་ གནད་དོན་སྣ་ཚོགས་ གྲོས་བསྡུར་འབད་ཡི། ང་བཅས་ཀྱིས་ ནུས་ཤུགས་དང་ ལྕོགས་གྲུབ་ཡར་དྲག་གཏང་ནི་ མཐུད་སྦྲེལ་དང་ འཕྲུལ་རིག་ དེ་ལས་ ཁྲི་འཛིན་དང་… pic.twitter.com/EdiugJRupB
— Narendra Modi (@narendramodi) November 11, 2025
