প্ৰধানমন্ত্ৰী শ্ৰী নৰেন্দ্ৰ মোদীয়ে আজি থিম্ফুত ভূটানৰ মহামহিম ৰজা জিগমে খেচাৰ নামগৱেল ৱাংচুকৰ সৈতে দৰ্শক ৰাইজক সম্ভাষণ জনায়। দুয়োগৰাকী নেতাই দ্বিপাক্ষিক সম্পৰ্কৰ অধিক বৰ্ধন আৰু সুদৃঢ়কৰণৰ উপায় সম্পৰ্কে মত-বিনিময় কৰে। তেওঁলোকে পাৰস্পৰিক স্বাৰ্থজনিত আঞ্চলিক আৰু বিশ্বব্যাপী বিষয়সমূহতো আলোচনাত মিলিত হয়। মহামহিমে দিল্লীত সংঘটিত শোকাৱহ ঘটনাত প্ৰাণহানি হোৱা লোকসকলৰ আত্মাৰ সদগতি কামনা কৰে।
প্ৰধানমন্ত্ৰীয়ে দুয়োখন দেশৰ মাজৰ বন্ধুত্ব আৰু সহযোগিতাৰ ঘনিষ্ঠ সম্পৰ্ক গঢ়ি তোলাৰ ক্ষেত্ৰত ড্ৰুক গিয়ালপছে (ৰজাসকলে) গ্ৰহণ কৰা পথ প্ৰদৰ্শক দৃষ্টিভংগীক প্ৰশংসা কৰে। ভূটানৰ আৰ্থ-সামাজিক উন্নয়নৰ বাবে ভাৰত চৰকাৰে আগবঢ়োৱা অমূল্য সমৰ্থনৰ বাবে মহামহিম ৰজাই শলাগ লয়।
দুয়োগৰাকী নেতাই ভাৰতৰ পৰা নিয়া ভগৱান বুদ্ধৰ পবিত্ৰ পিপ্ৰহোৱা অৱশেষৰ সন্মুখত প্ৰাৰ্থনা কৰে। এয়া বৰ্তমান তাছিচোডজোঙৰ গ্ৰেণ্ড কুৱেনৰে হলত স্থাপিত কৰা হৈছে। থিম্ফুত পবিত্ৰ পিপ্ৰহৱা অৱশেষৰ প্ৰদৰ্শনীৰে সংগতি ৰাখি ভূটানে বিশ্ব শান্তি আৰু সুখৰ বাবে বিশ্ব শান্তি প্ৰাৰ্থনা উৎসৱ তথা চতুৰ্থ ৰজাৰ ৭০ সংখ্যক জন্ম বাৰ্ষিকীৰ আয়োজন কৰিছে।
দুয়োগৰাকী নেতাই যৌথভাৱে ১০২০ মেগাৱাট শক্তিৰ পুনাটছাংচু-II জলবিদ্যুৎ প্ৰকল্প উদ্বোধন কৰে। এই প্ৰকল্প ভাৰত আৰু ভূটানৰ মাজৰ স্পন্দনশীল আৰু ক্ৰমবৰ্ধমান পাৰস্পৰিকভাৱে লাভজনক শক্তি অংশীদাৰিত্বৰ ক্ষেত্ৰত এক মাইলৰ খুঁটি। প্ৰকল্পটোৱে দুয়োখন দেশৰ সাধাৰণ জনতাৰ জীৱনলৈ উল্লেখযোগ্য সুবিধাৰ সঞ্চাৰ কৰিব।
ইয়াৰ উপৰিও দ্বিপাক্ষিক সহযোগিতাক অধিক সুদৃঢ়কৰণৰ বাবে নবীকৰণযোগ্য শক্তি, মানসিক স্বাস্থ্য সেৱা আৰু স্বাস্থ্যসেৱাৰ ক্ষেত্ৰত তিনিখন বুজাবুজিৰ চুক্তি (MoU)-ত স্বাক্ষৰ কৰা হয়। ভাৰত চৰকাৰে শক্তি প্ৰকল্পলৈ পুঁজিৰ বাবে ভূটানলৈ ৪০০০ কোটি টকাৰ ৰেহাইমূলক লাইন অৱ ক্ৰেডিট ঘোষণা কৰে। বুজাবুজিৰ চুক্তি আৰু ঘোষণাৰাজিৰ তালিকা ইয়াত উপলব্ধ। (Link )
Had a very good meeting with His Majesty Jigme Khesar Namgyel Wangchuck, the King of Bhutan. We covered the full range of India-Bhutan relations. We discussed cooperation in sectors like energy, capacity building, connectivity, technology, defence and security. India is proud to… pic.twitter.com/8OEX7wQnhI
— Narendra Modi (@narendramodi) November 11, 2025
མི་དབང་ མངའ་དང་འཇིགས་མེད་གེ་སར་རྣམ་རྒྱལ་དབང་ཕྱུག་གཅིག་ཁར་ ཞལ་འཛོམས་ལེགས་ཤོམ་ཅིག་འབད་ཡི། ང་བཅས་ཀྱིས་ རྒྱ་གར་དང་ འབྲུག་གི་མཐུན་འབྲེལ་གྱི་ གནད་དོན་སྣ་ཚོགས་ གྲོས་བསྡུར་འབད་ཡི། ང་བཅས་ཀྱིས་ ནུས་ཤུགས་དང་ ལྕོགས་གྲུབ་ཡར་དྲག་གཏང་ནི་ མཐུད་སྦྲེལ་དང་ འཕྲུལ་རིག་ དེ་ལས་ ཁྲི་འཛིན་དང་… pic.twitter.com/EdiugJRupB
— Narendra Modi (@narendramodi) November 11, 2025
