য়োর এক্সলেন্সী, দোক্তর. পেত্রিক আরমিনি,
লৈবাক অনিমক্কী দেলিগেৎশিং,
মীদিয়াগী মরুপশিং,
খুরমজরি,
রাস্ত্রপতি আরমিনি অমসুং মহাক্কী মীহুৎ কাংবুবু ভারত্তা তরাম্না ওকপদা ঐহাক নুংঙাইবা ফাওই।
ভারত মচা বিল্লিয়ন ১.৪কী মায়কৈদগী ঐহাক্না মহাকপু সেশলসকী রাস্ত্রপতি ওইনা ৱাশক লৌখিবদা থম্মোয় শেংনা নুংঙাইবা ফোংদোকচরি অমসুং য়াইফ পাউজেল পীজরি।
মহাক্না রাস্ত্রপতি ওইনা ইহান হানবা ওইনা ভারত্তা থুংলবা অহানবা খোঙচৎনি। সেশেলসনা মশাগী ৫০শুবা নীংতম্বা নুমিৎ অমসুং ঐখোয়গী দিপ্লোমেতিক ওইবা মরীগী ৫০শুবা চহিগী থৌরম পাংথোক্লিবা অসিগা ইরোইননা খোংচৎ অসিদা মহাক্না লাক্লি। মাইলস্তোনশিং অসিনা ঐখোয়বু অনৌবা অৱাংবা থাক্তা য়ৌহন্নবা মখা তানা ইথিল পীগনি হায়না ঐনা থাজবা থম্লি।
মরুপশিং,
ভারত অমসুং সেশেলসকী মরক্তা লৈনরিবা মরী অসি দিপ্লোমেতিক কন্তেক্তশিংদা অকক্নবা ওইদে। ভারত মহাসাগরগী তুরেলশিংনা চহি চা কয়াদগী ঐখোয়গী মীয়াম্বু শম্নহল্লি। মসিগী সমুদ্র তুরেলদা, ঐখোয়গী লৈবাক অনিগী মরক্তা ললোন-ইতিক চাউখৎখি, কলচরশিং থেংনখি, অমসুং থাজবগী চৎনবীশিং মপাঙ্গল কনখৎখি।
ভারত অমসুং সেশেলস অসি জিওগ্রাফীনা শম্নহনবতা নত্তনা পুৱারী, থাজবা অমসুং তুংলমচৎকীদমক মান্নবা মিৎয়েং অমনা শম্নহল্লি।
ঐখোয়গী মরী অসি ঙরাং, ঙসি, অমসুং হয়েংগীনি। মেরিতাইম ওইবা য়ুম্লোন্নবা অমসুং থাজবা য়াবা পার্তনর অমা ওইনা, সেশেলস অসি ভারতকী মহাসাগর ভিজনগী মরুওইবা শরুক অমনি। ঐখোয়গী মপাং ওইনবগী মরী অসি কংফাল, ঈশিং অমসুং স্পেসতা য়ৌনা পাক চাউই।
ঙসিগী খন্ন-নৈনবশিংনা পার্তনরশিপ অসিবু মখা তানা মপাঙ্গল কনখৎহন্নবা লম্বী য়াৎলে। ঐখোয়না ঐখোয়গী ইকোনোমিক কোওপরেসনবু হেন্না মপাঙ্গল কনখৎহন্নবা অনৌবা খুদোংচাবশিং থিজিনবদা মখা চত্থনবা য়ানখি।
লোকেল করেনসিশিংদা ত্রেদ হেনগৎহনবগা লোয়ননা ঐখোয়না ফিনতেক অমসুং দিজিতেল সোলুসনশিংসু খুমাং চাউশিলহল্লগনি।
দিবেলপমেন্ত পার্তনরশিপ অসি ভারত-সেশলস মরীশিংগী মপাঙ্গল কনবা য়ুম্ফম অমা ওইরি। সেশেলসকী মরুওইবা অমসুং মথৌ তাবশিংদা য়ুম্ফম ওইদুনা ঐখোয়না হোৎনরিবশিং পুম্নমক অসি পাংথোক্লি। মসিগী মাইকৈ অসিদা মাংলোমদা চংশিল্লদুনা, ঙসি ঐখোয়না দোল্লর মিলিয়ন ১৭৫গী স্পিসিএল ইকোনোমিক পেকেজ অমা লাউথোক্লি। পেকেজ অসিনা সোসিএল হাউজিং, ই-মোবিলিতী, ভোকেসনেল ত্রেনিং, হকশেল, দিফেন্স অমসুং মেরিতাইম সেক্যুরিতীগুম্বা হিরমশিংদা কংক্রিৎ প্রোজেক্তশিংদা মতেং পাংগনি। থৌরাংশিং অসিনা সেশলসকী মীয়াম, মরুওইনা নহারোলশিংগীদমক অনৌবা থবক অমসুং স্কিলগী খুদোংচাবশিং শেমগৎকনি।
সেশলসকী কেপাসিতী শেমগৎপদা ভারতকী আই.তি.ই.সি.না অচৌবা থৌদাং লৌরি। সেশলসকী সিবিল সর্ভেন্তশিং ভারত্তা ত্রেনিং পীনবগীদমক ঙসি এম ও য়ু অমা খুৎয়েক পীনবদা ঐহাক নুংঙাইবা ফাওই।
তেক্নোলোজীগী লমদা নক্না তেংবাং পীনদুনা, ঐখোয়না ঐখোয়গী তেংবাং পীনবদা তুংলমচৎকী মাইকৈ অমা পীরি। ঙসি দিজিতেল ত্রান্সফোর্মেসনগী মতাংদা এম.ও.য়ু. মসিগী মখাদা, ঐখোয়না সেচেলসকা লোয়ননা ভারতকী মায় পাকপা এক্সপরিয়েন্সশিং শরুক য়ামিন্নগনি।
ভারত অসি সেশেলসকী হকশেলগী লমদা লেপ্পা অমসুং থাজবা য়াবা পার্তনর অমা ওইরি। ঐখোয়না সেশলসকা লোয়ননা মমল হোংবা অমসুং মগুন লৈবা হিদাক-লাংথকশিং, মেদিকেল তুরিজম অমসুং হকশেলগী ইনফ্রাস্ত্রকচর চাউখৎহনবদা মাংলোমদা চংশিনগনি। ইনর্জী অমসুং ক্লাইমেৎকী লমদা ঐখোয়গী মতেং পীনবা অসি তুংকোইনা চৎনগদবা চাউখৎ থৌরাংগীদমক ঐখোয়না শরুক য়ামিন্নবা অসিনা লমজিংলি। ঐখোয়না রিন্যুএবল ইনর্জী, রেসিলিয়েন্স অমসুং ক্লাইমেৎ এদাপ্তেবল সোলুসনশিংদা ঐখোয়গী কোওপরেসন মখা তানা পাকথোক চাউথোকহল্লগনি।
মরুপশিং,
সমুদ্রগী য়ুম্লোন্নবশিং ওইনা, ব্লু ইকোনোমী অসি ঐখোয়গীদমক্তদি মতেং পীনবগী মহৌশাগা চুনবা লম অমনি। মেরিন রিসর্চ, কেপাসিতী বিল্দিং অমসুং দেতা শেয়রিংগুম্বা লমশিংদা সেশলসকা লোয়ননা ঐখোয়না ভারতকী এক্সপর্তিজ শেয়র তৌগনি।
দিফেন্স কোওপরেসন অমসুং মেরিতাইম সেক্যুরিতী অসি ঐখোয়গী পার্তনরশিপকী মরুওইবা য়ুম্বীশিংনি। সেশলস অসি কোলম্বো সেক্যুরিতী কনক্লেবকী মপুং ফাবা মেম্বর অমা ওইনা ঐখোয়না তরাম্না ওকচরি। মসিনা ঐখোয়গী ম্যুচেল কোওর্দিনেসনবু মপাঙ্গল কনখৎহল্লগনি অমসুং ইন্দিয়ন ওসিনদা শান্তি অমসুং তংদু লৈতাবা লৈহন্নবা হোৎনরিবশিংবু মপাঙ্গল কনখৎহল্লগনি।
পুন্না, ঐখোয়না বাইলেতরেল কোওপরেসন খক্তা নত্তনা ইন্দিয়ন ওসিনগী মান্নবা তুংলমচৎ অমা শেমগনি।
মরুপশিং,
ভারত অমসুং সেচেলসকী মরীশিংগী খ্বাইদগী চাউবা মপাঙ্গল অসি ঐখোয়গী মীয়ামগী মরক্তা লৈনরিবা মরীশিংনি। সেশলসতা লৈরিবা ভারতকী কাংলুপ অসিনা সেশলসকী খুন্নাই অমসুং শেন্মিৎলোনগী পুন্সিদা চাউনা তেংবাংলি। মখোয়না ঐখোয়গী মরুপ-মপাংশিংগী মরক্তা লৈনরিবা মরী অসিসু মপাঙ্গল কনখৎহল্লি।
ঙসি ঐখোয়না তুরিজম, এজুকেসন, কলচর অমসুং স্পোর্তসকী খুত্থাংদা মরীশিং অসিবু হেন্না চেৎশিলহন্নবা খন্নখি। ঐখোয়গী লৈবাক অনিগী নহারোলশিংগী মরক্তা এক্সচেঞ্জ হেনগৎহনবদা ঐখোয়না অখন্নবা মীৎয়েং থমগনি।
মরুপশিং,
ঙসিগী মীফম অসিদগী ইন্দিয়া-সেশলস পার্তনরশিপ অসি অনৌবা তাঙ্কক অমদা চঙশিল্লক্লিবসি ময়েক শেংলে। ঙসি ঐখোয়না ইন্দিয়া-সেচেলস জোইন্ত ভিজন থাগৎলি । মসিনা লম খুদিংমক্তা ঐখোয়গী মতেং পাংনবগী মওং-মতৌদা খুমাং চাউশিলহল্লগনি । ভিজন অসিনা লাক্কদৌরিবা চহিশিংদা ঐখোয়গী কোওপরেসনগী রোদমেপ অমা ওইনা মথৌ তৌগনি।
ইক্সিলেন্সী,
ভারত খোংচৎ অসিগীদমক অমসুং ভারতকীদমক অদোমগী অচেৎপা মরুপ-মপাং ওইবগী অমসুং অচেৎপা থাজবগীদমক ঐহাক্না অমুক্কা হন্না থাগৎপা ফোংদোকচরি।
অদোমবু হন্না থাগৎচরি।
भारत और सेशेल्स के संबंध केवल राजनयिक संपर्क तक सीमित नहीं है।
— PMO India (@PMOIndia) February 9, 2026
हिंद महासागर की लहरें सदियों से हमारे लोगों को जोड़ती आई हैं।
इसके तटों पर दोनों देशों के बीच व्यापार बढ़ा, संस्कृतियाँ मिलीं और विश्वास की परंपराएँ मजबूत होती गईं: PM @narendramodi
India and Seychelles are connected not just by geography, but by history, trust and a shared vision for the future: PM @narendramodi
— PMO India (@PMOIndia) February 9, 2026
विकास साझेदारी भारत-सेशेल्स संबंधों की मजबूत नींव रही है।
— PMO India (@PMOIndia) February 9, 2026
हमारे सभी प्रयास सेशेल्स की प्राथमिकताओं और आवश्यकताओं पर आधारित रहे हैं।
इस दिशा में आगे बढ़ते हुए आज हम 175 मिलियन डॉलर के Special Economic Package की घोषणा करने जा रहे हैं।
यह पैकेज social housing, e-mobility,…
भारत–सेशेल्स संबंधों की सबसे बड़ी शक्ति हमारे people-to-people ties हैं।
— PMO India (@PMOIndia) February 9, 2026
सेशेल्स में बसे भारतीय समुदाय ने सेशेल्स के सामाजिक और आर्थिक जीवन में उल्लेखनीय योगदान दिया है।
साथ साथ उन्होंने हमारी मित्रता को पीढ़ी दर पीढ़ी मजबूत भी किया है: PM @narendramodi
