প্রধান মন্ত্রী শ্রী নরেন্দ্র মোদীনা ৱুহান্দা পন্দুনা লৈখিবা ভারতমচাশিং হোন্দোরকপগী ওপরেসন্দা শরুক য়াখিবা এয়র ইন্দিয়া অমসুং হকশেল মন্ত্রালয়গী ওফিসিয়েলশিংনা উৎখিবা থৌদাং অদু থাগৎপা ফোংদোকখ্রে। প্রধান মন্ত্রীনা মী হোন্দোরকপগী ওপরেসনগী তিম মেম্বরশিংদা লেতর ওফ এপ্রিসিয়েসন অমা ইশু তৌখি। লেতর অসি সিভিল এভিয়েসনগী রাজ্য মন্ত্রীনা ক্রিয়ুদা খুৎশিন্নগনি।
পাক শন্না শন্দোরক্লিবা নেবেল কোরোনা ভাইরস ফ্লুগী হৌরকফম ওইরিবা, ৱুহান সিতীদগী এয়র ইন্দিয়ানা খুদক্কী ওইবা মী হোন্দোরকপগী ওপরেসন অমা পায়খৎখি। রিজন অসিদা ওইরিবা অরুবা ফিভমগী মতাংদা খংলবা ফাওবা এয়র ইন্দিয়ানা থংনবা নুমীৎ অনি, ২০২০গী জনুৱারী ৩১ অমসুং ২০২০গী ফেব্রুৱারী ১দা এয়র ইন্দিয়াগী তিমগা য়াওনা হকশেল মন্ত্রালয়গী তীম লোয়ননা বি-৭৪৭ এয়রক্রাফ অনি থাদুনা মথংগী নুমিৎতা হল্লকখি।
