প্রধান মন্ত্রী শ্রী নরেন্দ্র মোদীনা গ্রান্দ দচী ওফ লক্সেম্বর্গকীকী প্রধান মন্ত্রী ঐচ.ই. জেবিয়র বেত্তলগা লোইননা ভর্চ্যুএল ফোর্মেৎতা ঙসি বাইলেতরেল সম্মিৎ অমা পাঙথোকখ্রে।
প্রধান মন্ত্রীনা লক্সেম্বর্গকীতা কোবিদ-১৯গী মালেমগী লাইচৎ অসিনা মরম ওইরগা পুন্সি কয়া মাংখিবা অসিদা মহাক্না অৱাবা ফোঙদোকখি অমসুং খুদোংথিবা অসি লাকশিন্নবা ঐচ.ই. জেবিয়র বেত্তলনা লুচিংদুনা হোৎনখিবা অসিবু থাগৎপা ফোঙদোকখি।
প্রধান মন্ত্রী অনিনা মরু ওইনা ফাইনান্সিএল তেক্নোলোজী, গ্রীন ফাইনান্সিং, স্পেস এপ্লিকেসনশিং, দিজিতেল ইন্নোবেসনশিং অমসুং স্তার্তঅপশিংগী লমশিংদা কোবিদ মতুংদা ওইরক্কদবা মালেম অসিদা ভারত-লক্সেম্বর্গকীকী মরী মপাঙ্গল কনখৎহন্নবা ৱাখল্লোনশিং ফোঙদোক্নখি। মখোয়না লৈবাক অনিগী মরক্তা মখোয়গী ফাইনান্সিএল মার্কেৎ রিগুলেতরশিং, স্তোক একচেঞ্জশিং অমসুং ইন্নোবেসন এজেন্সীশিংগী মরক্তা লৈরিবশিং অসি য়াওরগা তোঙান তোঙানবা এগ্রীমেন্তশিং য়ান্নখি।
মন্ত্রী অনিনা মল্তিলেতরেলিজমগী কান্নবা ফংহন্নবা অমসুং কোবিদ-১৯ লাইচৎ, তেরোরিজম অমসুং অইং-অশাগী হোংলক্লিবা অসিগুম্বা মালেমগী ওইবা অৱাবশিং অসি লাকশিন্নবা খুৎশম্নদুনা চৎমিন্নবগী মপাঙ্গল কনখৎহন্নবা য়ান্নখি। লক্সেম্বর্গকীনা ইন্তরনেস্নেল সোলর এলাইন্স (আই.এস.এ.) অসি য়াওনবা লাউথোকীবা অদু প্রধান মন্ত্রীনা তরাম্না ওকখি অমসুং কোলিজন ফোর দিজাস্তর রেজিলেন্ত ইনফ্রাস্ত্রকচর (সি.দি.আর.আই.) য়াওনবা বর্তন তৌখি।
প্রধান মন্ত্রীনা কোবিদ-১৯গী ফীভম অসি ফগৎলবা মতুংদা ভারত্তা লক্সেম্বর্গকীকী গ্রান্দ দুক লোইননা প্রধান মন্ত্রী বেত্তলবু ওক্নবা আশা তৌই হায়না ফোঙদোকখি। প্রধান মন্ত্রী বেত্তলনসু প্রধান মন্ত্রী মোদীনা মহাক্কী খুদোংচাবা মতমদা লক্সেম্বর্গকীতা লাক্নবা বর্তন তৌখি।
