য়োর এক্সিলেন্সী, প্রধান মন্ত্রী,
লৈবাক অনিমক্কী দেলিগেৎশিং,
মীদিয়াগী মরুপশিং,
খুরুমজরি!
দোবর দন!
ঐহাকপু পুৱারী ওইরবা অমসুং ফজরবা জাগ্রেব শহর অসিদা তরাম্না ওকপগীদমক ঐহাক্না প্রধান মন্ত্রী অমসুং ক্রোএসিয়াগী সরকারদা থাগৎপা ফোংদোকচরি।
মসিনা ভারতকী প্রধান মন্ত্রী অমহেক্তনা ক্রোএসিয়াদা চৎখিবা অহানবা খোংচৎনি। মসিগী খুদোংচাবা অসি ফংজবা অসিদা ঐহাক য়াম্না নুংঙাইবা ফাওই।
মরুপশিং,
ভারত অমসুং ক্রোএসিয়া অসি দেমোক্রেসী, রুল ওফ লো, প্লুরেলিজম অমসুং ইক্বেলিতীগুম্বা মান্নবা মগুনশিংনা পুনশিন্নরি। হৌখিবা চহিদা ভারতকী মীয়াম্না ঐঙোন্দা থাজবা থমখিবা অমসুং ক্রোএসিয়াগী মীয়াম্না প্রধান মন্ত্রী আন্দ্রে প্লেনকোভিচপু থংন-থংননা অহুমশুবা তর্মগীদমক থাজবা থমখিবা অসি নুংঙাইবা থৌদোক অমনি। অনৌবা পব্লিক মেন্দেৎ অসিগা লোয়ননা, ঐখোয়না মসিগী মেন্দেৎ অসিগী মনুংদা ঐখোয়গী বাইলেতরেল রিলেসনশিং অসি শরুক অহুম হেনগৎহন্নবা থাজবা পীরি।
দিফেন্স সেক্তরদা ত্রেনিং, মিলিতরী একচেঞ্জ অমসুং দিফেন্স ইন্দস্ত্রীদা তেংবাং পীনবদা মীৎয়েং থমগদবা, মতম শাংনা তেংবাং পীননবা 'দিফেন্স কোওপরেসন প্লান' অমা শেমগৎকনি। ঐখোয়গী শেন্মিৎলোনশিং অসি অমনা অমদা তেংবাং পীবা য়াবা হীরম কয়া অমা মশক খঙদোকখ্রে অমসুং মসিবু এক্তিব ওইনা মখা চত্থখিগনি।
নাকল অনিগী ওইবা ললোন-ইতিক হেনগৎহন্নবা অমসুং থাজবা য়াবা সপ্লাই চেনশিং শেমগৎনবা হীরম কয়াদা মতেং পীনবা ঐখোয়না ৱারেপ লৌরে। ঐখোয়না ফার্মা, এগ্রিকলচর, ইনফোর্মেসন তেক্নোলোজী, ক্লিন তেক্নোলোজী, দিজিতেল তেক্নোলোজী, রিন্যুএবল ইনর্জী অমসুং সেমিকন্দক্তরগুম্বা মরুওইবা লম কয়াদা পুন্না থবক তৌমিন্নবা হেনগৎহল্লগনি।
ঐখোয়না শিপ বিল্দিং অমসুং সাইবর সেক্যুরিতীদা মতেং পীনবা হেনগৎহল্লগনি। ভারতকী সাগরমালা প্রোজেক্তকী মখাদা ক্রোএসিয়ন কম্পনীশিংনা পোর্ত মোদর্নাইজেসন, কোস্তেল-জোন দিবেলপমেন্ত, অমসুং মল্তি-মোদেল কন্নেক্তিবিতী ইনিসিয়েতিবশিংদা শরুক য়াবগী মশক থোকপা খুদোংচাবা লৈ। ঐখোয়গী একাদমিক ইন্সতিত্যুসনশিং অমসুং রিসর্চ সেন্তরশিংগী মরক্তা জোইন্ত রিসর্চ অমসুং কোলাবোরেসনদা ঐখোয়না মরুওইবা পীরি। মসিগী মথক্তা, ভারতনা ক্রোএসিয়াগা লোয়ননা মাগী স্পেস এক্সপর্তিস অমসুং এক্সপরিয়েন্স শিয়র তৌনবা থাজবা পীরি।
মরুপশিং,
ঐখোয়গী চহি চা কয়াদগী চৎনবীগী ওইবা মরীশিং অসিনা ঐখোয়গী অমগা অমগা নুংশিনবগী য়ুম্ফম ওইরি। 18শুবা চহি চাদা, ইভান ফিলিপ ৱেজদিননা য়ুরোপতা সংস্কৃত গ্রাম্মর ফোঙখিবা অহানবা মীওই ওইখি। হৌখিবা চহি 50দগী হৌনা, ইন্দোলোজী দিপার্তমেন্ত অসি জাগ্রেব য়ুনিভর্সিতীদা এক্তিব ওইনা মথৌ তৌদুনা লাক্লি।
ঙসি, ঐখোয়না ঐখোয়গী কলচরেল অমসুং মীয়ামগী মরক্তা লৈনরিবা মরী অসি মখা তানা চেৎশিলহন্নবা ৱারেপ লৌরে। জাগ্রেব য়ুনিভর্সিতীদা হিন্দি চেয়রগীদমক MoUগী মতম অসি 2030 ফাওবা শাংদোকখ্রে অমসুং লাক্কদৌরিবা চহি মঙাগীদমক কলচরেল একচেঞ্জ প্রোগ্রাম অমা শেম্লে।
মীওইশিংগী চৎথোক-চৎশিনদা মতেং পাংনবা, মোবিলিতী এগ্রীমেন্ত অসি অথুবা মতমদা লোইশিনগনি। ক্রোএসিয়ন কম্পনীশিংনা ভারতকী হৈ-শিংলবা IT মেনপাৱরদগী কান্নবা ফংলগনি। ঐখোয়না লৈবাক অনিগী মরক্তা তুরিজম হেনগৎহন্নবা লম্বীশিংসু খন্নখি।
মফম অসিদা য়োগবু মীয়াম্না পাম্নবা ঐহাক্না ময়েক শেংনা থেংনখি। জুন 21 অসি ইন্তর্নেস্নেল য়োগগী নুমিৎনি। ঐহাক্না থাজবা থম্লি মদুদি মতম পুম্নমক্তা তৌবগুম্না, ক্রোএসিয়াগী মীয়াম্না থৌরম অসি য়াম্না থৌনা ফনা পাংথোক্কনি।
মরুপশিং,
তেরোরিজম অসি মীওইবা খুন্নাইগী য়েক্নবা অমনি অমসুং মসিনা দেমোক্রেসী ফোর্সশিংদা থাজবা থম্বা মীওই খুদিংমক্কী মায়োক্তা লৈ হায়না ঐখোয়না য়ানরি। এপ্রিল 22দা ভারত্তা থোকখিবা তেরোরিস্ত এতেক্তকী মতুংদা ক্রোএসিয়াগী প্রধান মন্ত্রী অমসুং সরকারনা উৎখিবা সোলিদরিতী অদুগীদমক ঐখোয়না থাগৎপা ফোংদোকচরি। অসিগুম্বা অরুবা মতমদা, ঐখোয়গী মরুপশিংগী মতেং অসি ঐখোয়গীদমক য়াম্না মরু ওই।
ঙসিগী মালেমগী ফিভম অসিদা ভারত অমসুং য়ুরোপকী মরক্তা লৈরিবা পার্তনরশিপ অসি য়াম্না মরু ওই হায়না ঐখোয় অনিমক্না য়ানখি। য়ুরোপিয়ন য়ুনিয়নগা লোয়ননা লৈরিবা ঐখোয়গী স্ত্রেতেজিক পার্তনরশিপ অসি মপাঙ্গল কনখৎহনবদা ক্রোএসিয়াগী সপ্পোর্ত অমসুং কোওপরেসন য়াম্না মরু ওই।
ঐখোয়না অনিমক্না য়ুরোপ নৎত্রগা এসিয়াদা, লানফমগী খুত্থাংদা সোলুসনশিং ফংবা ঙম্লোই হায়না চেৎনা থাজৈ। ৱারী শানবা অমসুং দিপ্লোমেসী অসি খক্তনা মাংলোমদা চংশিনবা য়াবা লম্বীনি। লৈবাক খুদিংমক্কী তেরিতোরিএল ইন্তিগ্রিতী অমসুং সোভরেন্তীগী ইথিল অসি ইকাই খুম্নবা অসি তঙাইফদে।
মরুপশিং,
ঙসি 'বন্সকী দভোরী'দা মফম অসিদা লাকপা অসি ঐহাক্কীদমক্তা অখন্নবা মীকুপ অমনি। মফম অসিমক্তদা সাক্সিন্সকীনা মহাক্কী পুৱারী ওইরবা ৱারোল অদু ক্রোএসিয়া লোলদা ঙাংখি, অমসুং ঙসিদি, ঐহাক্না হিন্দিদা ঐহাক্কী ৱাখল্লোনশিং ফোংদোকপদা চাউথোকচবা অমসুং নুংঙাইবা ফাওই। মহাক্না চুম্না হায়খি, 'লোল অসি থোং অমনি,' অমসুং ঙসিদি, ঐখোয়না থোং অসিবু মপাঙ্গল কনখৎহল্লি।
ঐহাক্না অমুক্কা হন্না প্রধান মন্ত্রীবু ঐহাক্কী ক্রোএসিয়া খোংচৎ মনুংদা উবা ফংখিবা নুংশিবা অমসুং মীয়োক মীচান ফবগী মতৌগীদমক থাগৎপা ফোংদোকচরি। প্রধান মন্ত্রীজী, অদোমবু অথুবা মতমদা ভারত্তা তরাম্না ওক্নবা ঐহাক্না ঙাইজরি।
অদোম পুম্নমকপু ঐহাক্না থাগৎচরি।
भारत और क्रोएशिया लोकतंत्र, rule of law, Pluralism, और Equality जैसे साझा मूल्यों से जुड़े हैं: PM @narendramodi
— PMO India (@PMOIndia) June 18, 2025
रक्षा क्षेत्र में long-term सहयोग के लिए एक ‘रक्षा सहयोग प्लान’ बनाया जाएगा, जिसमें ट्रेनिंग और मिलिट्री exchange के साथ-साथ रक्षा उद्योग पर भी फोकस किया जाएगा: PM @narendramodi
— PMO India (@PMOIndia) June 18, 2025
हमने द्विपक्षीय व्यापार को बढ़ाने और विश्वसनीय supply chain तैयार करने के लिए कई क्षेत्रों में सहयोग बढ़ाने का निर्णय लिया है।
— PMO India (@PMOIndia) June 18, 2025
हम फार्मा, agriculture, इनफार्मेशन टेक्नोलॉजी, क्लीन टेक्नोलॉजी, डिजिटल टेक्नोलॉजी, रिन्यूएबल energy, सेमीकंडक्टर में सहयोग को बढ़ावा देंगे।…
यहाँ पर योग की लोकप्रियता को मैंने स्पष्ट रूप से अनुभव किया है।
— PMO India (@PMOIndia) June 18, 2025
21 जून को अंतर्राष्ट्रीय योग दिवस है, और मुझे विश्वास है कि हमेशा की तरह क्रोएशिया के लोग इसे धूम-धाम से मनाएंगे: PM @narendramodi
हम सहमत हैं कि आतंकवाद मानवता का दुश्मन है।
— PMO India (@PMOIndia) June 18, 2025
लोकतंत्र में विश्वास रखने वाली शक्तियों का विरोधी है।
22 अप्रैल को भारत में हुए आतंकी हमले पर संवेदनाओं के लिए, हम प्रधानमंत्री प्लेंकोविच और क्रोएशिया सरकार के हार्दिक आभारी हैं।
ऐसे कठिन समय में, हमारे मित्र देशों का साथ हमारे लिए…
हम दोनों इस बात का समर्थन करते हैं कि यूरोप हो या एशिया, समस्याओं का समाधान रणभूमि से नहीं निकल सकता।
— PMO India (@PMOIndia) June 18, 2025
डायलॉग और डिप्लोमेसी ही एकमात्र रास्ता है।
किसी भी देश की क्षेत्रीय अखंडता और संप्रभुता का सम्मान आवश्यक है: PM @narendramodi
