প্রধান মন্ত্রী, শ্রী নরেন্দ্র মোদীনা ঙসি দিল্লীগী মেজর ধ্যান চন্দ নেস্নেল স্তেদিয়মদা ‘বীর বাল দিবস’ পুৱারী ওইরবা পালন থৌরম অমদা শরুক য়াখ্রে। থৌরম অদুদা প্রধান মন্ত্রীনা বাল কীর্তনি চাহুম রোমনা পাঙথোকপা ‘শবদ কীর্তন’দা য়াওখি। প্রধান মন্ত্রীনা মরু ওইবা থৌরম অসিদা দিল্লীদা অঙাং লিশিং অহুমরোমগী মার্চ-পাস্ত অমসু লমথাখি।
জনুৱারী ০৯, ২০২২, শ্রী গুরু গোবিন্দ সিংহজীগী প্রকাশ পুরবকী নুমিৎতা প্রধান মন্ত্রীনা শ্রী গুরু গোবিন্দ সিংহগী মচাশিংনা – শাহিবজাদাশিং বাবা জোরাৱর সিংহজী অমসং বাবা ফতেহ সিংহজীনা থৱায়না পোন্থা পীখিবা অদুবু শ্রদ্ধাঞ্জলি কৎপা ওইনা দিসেম্বর ২৬ অসি ‘বীর বাল দিবস’ হায়না পালন তৌগনি লাউথোকখি।
থৌরম অদুদা ৱা ঙাংলদুনা প্রধান মন্ত্রীনা হায়খি ভারতনা ঙসি অহানবা ওইনা বীর বাল দিবস পালন তৌরি। হৌখিবা মতমদা থৱায়না পোন্থা পীখিবশিংদা ঐখোয়না ইকাই খুম্নবা উৎনবা অমত্তা ওইনা পুম্নমক্না পুনশিনবগী মতম ওইরিবা জাতিগীদমক্তা অনৌবা অহৌবা অমগী নুমিৎনি। প্রধান মন্ত্রীনা হায়, “শহিদি সপ্তাহ অমসুং বীর বাল দিবস অসি শুপ্নগী অৱা নুংঙাইশিংগী খোইরাং-খোইশাওনবা খক্তা নত্তে মসিদি লোইনাইদ্রবা ইথিলগী হৌরকফম অমনি”।
প্রধান মন্ত্রীনা হায়খি বীর বাল দিবসনা ঐখোয়দা থৌনা লিংজেল অমদি কত্থোকপগী মতমনা লাক্লবদা চহি হায়বা অসি করিসু ওইদে হায়না নীংশিংহল্লগনি। বীর বাল দিবসনা ঐখোয়দা জাতি অসিগী ইকাই খুম্নবা ঙাকশেন্নবগীদমক সিখ গুরু তরানা চাউনা কত্থোকখিবা অমসুং সিখ চৎনবীগী কত্থোকখিবা অদুবু নীংশিংহল্লগনি। প্রধান মন্ত্রীনা হায়খি, “বীর বাল দিবসনা ঐখোয়দা ভারত অসি করিনো অমসুং মাগী শক্তাক অদু করিনো তাক্লগনি অমসুং চহি খুদিং বীর বাল দিবসনা ঐখোয়গী হৌখ্রবা মতমবু শকখঙনবা অমসুং ঐখোয়গী তুংলমচৎ শেম্নবা ইথিল পীরগনি। মসিনা মীপুম খুদিংমক্তা ঐখোয়গী হৌরক্লিবা মীরোলগী মপাঙ্গলগী মরমদা মীপুম খুদিংমক্তা নীংশিংহল্লগনি। প্রধান মন্ত্রীনা বীর সাহিবজাদাশিং, গুরুশিং অমসুং মাতা গুরজানিদা চাউনা শ্রদ্ধাঞ্জলি কৎখি। মহাক্না হায়, “দিসেম্বর ২৬পু বীর বাল দিবস হায়না লাউথোকপগী খুদোংচাবা ঐখোয়না ফংজবা অসি ঐখোয়গী সরকারগী লাইবক ফবনি হায়না ঐহাক্না লৌজৈ”।
প্রধান মন্ত্রীনা হায়খি মালেমগী চহি লিশিং কয়া শুরবা পুৱারী অসি তমথিরবা মীওৎ-মীনৈগী পন্দুপশিংনা থল্লি। মহাক্ন হায় মদুদি মীওৎ-মীনৈগী হিংসা মায়োক্নরকপা খুদিংদা ঐখোয়গী অথৌবশিংগী মগুন অসিনা পুৱারীগী লমাই পুম্বদা ঙান্থোইরি। প্রধান মন্ত্রীনা চমকৌর অমসুং শরহিন্দগী লানশিংদা থোকখিবা অদু কৈদৌনুংদা কাওবা ঙম্লোই। মহাক্না মখা তারদুনা হায় থৌদোকশিং অসি লমদম অসিদা চহিচা অহুম খক্তগী মমাংদা থোকখিবনি। “নাকল অমদনা ধর্মগী কা হেনবা ৱাখল্লোন্না থুমহৎখ্রবা মথৌনা লৈরবা মুগল সুলতানশিং লৈরমখি অমরোমদনা লৌশিংনা য়োম্লবা অমসুং ভারতকী অরিবা প্রিন্সিপলশিং ঙাক্তুনা চৎলিবা ঐখোয়গী গুরুশিং লৈরমখি”, প্রধান মন্ত্রীনা মখা তারদুনা হায়, “নাকল অমদনা অকি-তুজুংবা অমসুং ধর্মগী কা হেনবা ৱাখল্লোনগী হকচিনবা মতৌ অমরোমদনা ঈশ্বরবু থাজবদা পন্দোম লোম্বা ফংজবা অমদুং মীওইবা জাতি খুদিংমক্তা ঈশ্বর ওইনা উবা ঙম্বগী পুকচেল চাউবা মতৌ উবা ফংখি”। প্রধান মন্ত্রীনা মখা তারদুনা হায় পুম্নমক অসিগী চৈরক্তা মুগলশিংদা লান্মী করোর কয়া লৈখি অমরোমদনা বীর শাহেবজাদাশিংদনা মখোয়গী থৌনা লৈখি। মখোয় খক্তা ঙাইরবসু মখোয়না মুগলশিংদা কৈদৌনুংদা নোনজখিদে। মতৌ অসিদা মুগলশিংনা মখোয়বু হিংনা ফক্লাংদা ফুমজিনখি। মখোয়গী থৌনা অদুনা চহিচা কয়া অসিদা ইথিলগী হৌরকফম ওইদুনা লাকখি।
প্রধান মন্ত্রীনা হায় অসিগুম্বা মতিক-ময়াই লৈরবা পুৱারী লৈজবা লৈবাক খুদিংমক মশানা মশাদা থাজবা অমদি মশানা মশাবু ইকাই খুম্নবনা থনগদবনি অদুবু শেমজিন-শাজিনবা ৱারীশিং ওইনা তম্বীখি অমসুং লৈবাক অসিদা হন্থবা ৱাখল্লোন পোকহনখিববু মহাক্না নীংঙমদবা ফাওখি। অদুম ওইনমক লমদম অসিগী চৎনবী অমদি খুন্নাইনা মতিক-ময়াই লৈরবা ৱারীশিং অসিবু হিংদুনা থমখি। প্রধান মন্ত্রীনা হায় মাংদা চংশিন্নবগীদমক হৌখ্রবা মতমগী অখুবা ৱাখল্লোন অদু থাদোকপা মথৌ তাই। মরম অসিনা লৈবাক অসিনা আজাদী কা অমৃত কাল অসিদা মীখা পোল্লম্বগী মমি পুম্নমক মাংহন্নবা ৱাশক লৌরসি হায়না প্রধান মন্ত্রীনা ফোঙদোকখি। প্রধান মন্ত্রীনা হায়, “বীর বাল দিবস অসি পঞ্চ প্রনগীদমক লাইফ ফোর্স অমগুম্বনি”।
প্রধান মন্ত্রীনা ঔরঙ্গজেবকী তমথিবা মীওৎ-মীনৈদা অমসুং মহাক্কী মীয়ামদা হৌরক্লিবা মীরোল অসিনা মীওৎ-মীনৈগী লিচৈ মখাদা খাংদুনা লৈরোই অমসুং লৈবাক অসিগী ইকাই খুম্নবা ঙাক্নবা খোঙফম চেৎনা লেপ্পি উৎখিবা বীর শাহিবজাদেগী অখাং কনবা অমসুং মথৌনা মরিংজেলগী মরু ওইবা অদুসু ফোঙদোকখি। লৈবাক অমগী লাইবক লেপ্পদা হৌরক্লিবা মীরোলগী থৌদাং লৈ হায়বা মসিনা তাকখি। প্রধান মন্ত্রীনা ঙসিগী হৌরক্লিবা মীরোলনা চপ মান্নবা অখাং কনবা মতৌগা লোয়ননা ভারতপু মাংদা পুরি। মসিনা দিসেম্বর ২৬ খুদিং বীর বাল দিবসকী থৌদাং অদু অমুক্কা হেন্না মরু ওইহল্লি হায়না মহাক্না হায়খি।
সিখ গুরু পরমপারাদা ইকাই খুম্নবা উৎলদুনা প্রধান মন্ত্রীনা হায়খি মসি শুপ্নগী ঈশ্বরদা চেৎনা থাজবা অমসুং কত্থোকপগী চৎনবী খক্তা নত্তে মসিদি এক ভারত শ্রেস্থ ভারতকী ৱাখল্লোনগী ইথিলগী হৌরকফমসু ওইরি। খ্বাইদগী অথোইবা খুদমদি ভারত পুম্বদগী লম্বোইবশিংগী লাইনীং-লাইশোনগী পাউতাক পীবা অমসুং ৱাখল্লোন ফোঙদোকখিবা অদু য়াওখিবা শ্রী গুরু গ্রন্থ সাহিবকী কোস্মোপোলিতন অমসুং ইনক্লুসিব ওইবা মগুন অসিনি। গুরু গোবিন্দ সিংহজীগী পুন্সি খোঙচৎ অসিনসু মসিগী মচৎ অসি তাক্লি হায়না প্রধান মন্ত্রীনা ফোঙদোকখি। ‘পঞ্চ প্যারে’গী ৱাফম অসি লৈবাক্কী শরুক পুম্বদগী লাকপনি হায়রদুনা প্রধান মন্ত্রীনা অশেংবা পঞ্চ প্যার অমদি দ্বারকাদগীনি, প্রধান মন্ত্রীনা হৌরকখিবা লমদম অদুদগী হায়না চাউথোকচবা পোকখি।
প্রধান মন্ত্রীনা হায়, “রাস্ত্রা প্রথম’ – জাতিবাক হান্না হায়বা ফিরেপ অসি গুরু গোবিন্দ সিংহজীগী লেংদ্রবা ফিরেপ ওইখি”। শ্রী মোদীনা মহাক্কী ইমুং-মনুংনা চাউনা কত্থোকখিবা অদুবু নৌনা মশিং থিদুনা মসিগী ৱাফম অসিবু অচুম্বনি ফোঙদোকখি। প্রধান মন্ত্রীনা হায়, “‘জাতি হান্না’ হায়বগী চৎনবী অসি ঐখোয়গীদমক্তা অচৌবা ইথিল অমনি”।
শ্রী মোদীনা হায়খি ভারতকী হৌরক্লিবা মীরোলশিংগী তুংলমচৎ অসি মখোয়গী ইথিলগী হৌরকফম অদুগী মখা পোনগনি। ভারত, ভক্ত প্রহলাদ, নাচিকেতা অমসুং ধ্রুব, বাল রাম, লব-কুশ অমসুং বাল কৃষ্ণগুম্বা ফীদম্নফম ওইরবা অঙাংশিংগী মশিং লাকঙমদ্রবা খুদমশিং পীরদুনা প্রধান মন্ত্রীনা হায়খি মদুদি অরিবা মতমদগী হৌজিক মতম অসি ফাওবদা অথৌবা নুপামচা অমদি নুপীমচাশিংনা ভারতকী থৌনা-লিংজেলগী মমি ওইদুনা লাকখি।
প্রধান মন্ত্রীনা অনৌবা ভারতনা মাগী মতম শাংনা মাংলুরবা লেগেসী অদুবু হঞ্জিনহন্দুনা হৌখ্রবা দিকেদ কয়াগী অশোইবশিং অদু শেমদোক্লি হায়না থাজবগা লোয়ননা ফোঙদোকখি। লৈবাক অমা হেক্তা মাগী প্রিন্সিপলশিংনা মশক তাকই হায়না ফোঙদোক্লদুনা প্রধান মন্ত্রীনা হায়খি মুদদি জাতি অমগী নুংগী ওইবা ৱাখল্লোন্দা অহোংবা অমা লাকপা মতমদা লৈবাক অদুগী তুংলমচৎ অদু মতমগা ইরোইননা অহোংবা লাকই। মহাক্না হায়খি জাতি অমগী মগুনশিং অসি হৌজিক্কী মীরোলশিংনা লমদম অসিগী পুৱারীগী মরমদা ময়েক শেংনা খংলবা মতমদা খক্তা ঙাকশেন্দুনা থম্বা ঙমগনি। প্রধান মন্ত্রীনা হায়খি “নহারোলনা মতম চুপ্পদা তমশিন্নবা অমসুং ইথিল লৌনবা ফীদম্নফম ওইবা মীশক অমা থীগদবনি। মসিনা মরম ওইদুনা ঐখোয়না ভগৱান রামগী ৱাখল্লোনশিংদা থাজবা থম্মি, গৌতম বুদ্ধ অমসুং ভগৱান মহাবিরদগী ইথিক লৌরি অমসুং গুরু নানক দেবজীনা হায়বীরম্বশিং অদু ঙাক্তুনা হিংনবা হোৎনরি অমরোমদনা মহারানা প্রতাপ অমসুং ছত্রপতি বীর শিবাজীগী লম্বীশিং অদুসু নৈনরি”। ধর্ম অমসুং ঈশ্বরদা চেৎনা থাজরিবা ভারতকী নাৎ অমসুং চৎনবীবু পল্লদুনা প্রধান মন্ত্রীনা হায়খি মদুদি ঐখোয়গী লমদম অসিগী ইপা-ইপুশিংনা কুহ্মৈ অমসুং থাজবগা মরী লৈনবা ভারতকী নাৎ অমবু শক্তম পীখি। প্রধান মন্ত্রীনা হায়খি ঐখোয়না মসিগী কন্সিয়সনেস অসি মুনাইদনা থম্নবা হোৎনবা তাই অমসুং মসিনা মরম ওইদুনা লৈবাক অসিনা আজাদী কা অমৃত মহোৎসব মনুংদা নীংতম ইহৌগী পুৱারীগী মতিক-ময়াই হিংগৎহন্নবা হোৎনরি। অথৌবা নুপা অমদি নুপীশিং অমসুং ত্রাইবেল খুন্নাইনা শরুক তমখিবা অদু মীপুম খুদিংমক্তা য়ৌহন্নবা থবক পাইখৎলি। বীর বাক দিবসকীদমক পাঙথোকখিবা কম্পিতিসনশিং অমসুং ইভেন্তশিংদা লৈবাক অসিগী শরুক খুদিংমক্তগী চাউনা শরুক য়ারকপদা মহাক্না নুংঙাইবা ফোঙদোকখি। মহাক্না বীর শাহিবজাদাশিংগী পুন্সিনা পীরম্বা পাউজেল অদু মপুং ফানা কত্থোকপগা লোয়ননা মালেমদা য়ৌহনবা মথৌ তাই হায়না নৌহৌনা নীংশিংখি।
পঞ্জাবকী মুখ্য মন্ত্রী, শ্রী ভগৱন্ত মন, মহারাস্ত্রগী মুখ্য মন্ত্রী, শ্রী একনাথ শিন্দে, অমসুং কেন্দ্রগী মন্ত্রীশিং, শ্রী হরদীপ সিংহ পুরি, শ্রী অর্জুন রাম মেঘৱল, শ্রীমতি মীনাক্ষি লেখিনা থৌরম অদুদা শরুক য়াখি।
বেকগ্রাউন্দ
মীয়ামদা, মরুওইনা অঙাংশিংদা, শাহিবজাদেশিংগী ফীদমনীংঙাই ওইরবা থৌনা ফবগী ৱারীশিং পাউদম্নবা অমদি খঙহন্নবা লৈবাক শিনবা থুংনা ইন্তরেক্তিব অমদি মীয়াম শরুক য়াগদবা থৌরমশিং পাঙথোক্লি। থৌরাং অসিগী মনুং চন্না, লৈবাক শিনবা থুংনা স্কুল অমদি কলেজশিংদা ৱারেং ইবা, ৱাহং পাউহং চাংদম্নবা অমদি অতৈ থবক থৌরমশিং পাঙথোক্কনি। রেলৱে স্তেসন, পেত্রোল পম্প, এয়রপোর্তনচিংবা মীয়াম তিনবা মফমশিংদা দিজিতেল একজিবিসনশিং খিনগনি। লৈবাক শিনবা থুংনা, পাঙথোক্কদবা থৌরমশিংদা শরুক য়াগদবা মীথুংশিংনা সাহিবজাদেশিংগী পুন্সি অমদি মখোয়গী কত্থোকপগী মরমদা ৱারী কয়া লীগনি।
आज देश पहला ‘वीर बाल दिवस’ मना रहा है। pic.twitter.com/WDngi5soNS
— PMO India (@PMOIndia) December 26, 2022
‘वीर बाल दिवस’ हमें बताएगा कि- भारत क्या है, भारत की पहचान क्या है! pic.twitter.com/0a6mdU4YWv
— PMO India (@PMOIndia) December 26, 2022
PM @narendramodi pays tribute to the greats for their courage and sacrifice. pic.twitter.com/K2VxDwX1vx
— PMO India (@PMOIndia) December 26, 2022
वीर साहिबजादे किसी धमकी से डरे नहीं, किसी के सामने झुके नहीं। pic.twitter.com/FuQN4FSStv
— PMO India (@PMOIndia) December 26, 2022
आजादी के अमृतकाल में देश ने ‘गुलामी की मानसिकता से मुक्ति’ का प्राण फूंका है। pic.twitter.com/Y8PB4UpsEV
— PMO India (@PMOIndia) December 26, 2022
साहिबजादों के बलिदान में हमारे लिए बड़ा उपदेश छिपा हुआ है। pic.twitter.com/45uvdMGQMz
— PMO India (@PMOIndia) December 26, 2022
सिख गुरु परंपरा ‘एक भारत-श्रेष्ठ भारत’ के विचार का भी प्रेरणा पुंज है। pic.twitter.com/FcSXm3bguV
— PMO India (@PMOIndia) December 26, 2022
भारत की भावी पीढ़ी कैसी होगी, ये इस बात पर भी निर्भर करता है कि वो किससे प्रेरणा ले रही है।
— PMO India (@PMOIndia) December 26, 2022
भारत की भावी पीढ़ी के लिए प्रेरणा का हर स्रोत इसी धरती पर है। pic.twitter.com/DpxpUbWoGd
युवा पीढ़ी को आगे बढ़ने के लिए हमेशा रोल मॉडल्स की जरूरत होती है।
— PMO India (@PMOIndia) December 26, 2022
युवा पीढ़ी को सीखने और प्रेरणा लेने के लिए महान व्यक्तित्व वाले नायक-नायिकाओं की जरूरत होती है। pic.twitter.com/PG0BynyYjQ
हमें साथ मिलकर वीर बाल दिवस के संदेश को देश के कोने-कोने तक लेकर जाना है। pic.twitter.com/PQ7JzHgOFO
— PMO India (@PMOIndia) December 26, 2022
