ঙসি প্রধান মন্ত্রী শ্রী নরেন্দ্র মোদীনা ন্যু দিল্লিগী আই.সি.এ.আর পুসাদা এম.এস শ্বামিনাথন সেন্তেনরি ইন্তরনেসনেল কনফরেন্স হৌদোকখ্রে অমসুং ৱা ঙাংখ্রে। এম.এস শ্বামিনাথনদা ইকায়খুম্নবা উৎলদুনা, মহাক যুগ অমদা অচৌবা অওনবা অমা পুরকপদা থৌদাং লৌখিবা মীৎয়েং শানবা মীওই অমনি হায়না প্রধান মন্ত্রীনা ফোঙদোকখি। মহাক্না হায়খি প্রোফেসার শ্বামিনাথন সাইন্স অসি মীয়ামগী য়াইফনবা পাম্বৈ অমা ওন্থোকখিবা অচৌবা সাইন্তিস অমনি। লৈবাক অসিগী চীঞ্জাক ৱাৎতনবা এম.এস শ্বামিনাথন্না মহাক্কী পুন্সি কৎথোকখি। প্রোফেসার শ্বামিনাথন্না ৱাখল্লোন অমা মিকপ থোকহন্দুনা মদুনা মখা তানা ভারতকী থৌশিলশিং লমজিংগনি অমসুং লাক্লিবা চহি কয়াগী মরুওইবশিং লমজিংগনি। শ্বামিনাথন বার্থ সেন্তেনরি থৌরমদা শরুক য়াখিবা মীওইশিংদা প্রধান মন্ত্রীনা য়াইফ পাউজেল পীখি।
নেসনেল হেন্দলুম দেগী থৌরম পল্লদুনা প্রধান মন্ত্রীনা হায়খি হৌখিবা চহি ১০ দা হেন্দলুম সেক্তর নৌবা শক খঙলে অমসুং লৈবাক শীনবা থুংনা ফিবম ফগৎলে। নেসনেল হেন্দলুম দে লাকপদা হেন্দলুম সেক্তরদা থবক তৌরিবা মীওইশিংদা মহাক্না য়াইফ পাউজেল পীখি।
মহাক্কা প্রোফেসার শ্বামিনাথনগা মতম শাংনা চহি কয়া লোয়নরকখিবা অদু নিংশিংলদুনা, প্রধান মন্ত্রীনা হায়খি মমাঙদা গুজরাত্ত ইকং থোকপা অমসুং নোংলৈ-নুংশিৎনবা লৌউ-শিংউদা খুদোংচাদবা কয়া মায়োক্নখি। মহাক্না চীফ মিনিষ্টর ওইরিঙৈ মনুংদা সোইল হেল্থ কার্দকী থবক হৌদোকখি। থবক অসিদা প্রোফেসার শ্বামিনাথন থৱায় য়াম্না য়াওখি, মসি মাইপাক্না থম্মোয় শেংনা পাউতাক কয়া পীখি। চহি ২০ গী মমাংদা তামিল নাদুদা লৈবা প্রোফেসার শ্বামিনাথনগী রিছার্স ফাউন্দেসন সেন্তরদা চৎখ্রে। ২০১৭ দা মহাক্না প্রোফেসার শ্বামিনাথনগী লাইরিক ‘দ গেষ্ট ফোর এ ৱার্ল্দ ৱিথাউদ হুংগর’ ফোঙনবগী খুদোংচাবা অমা ফংখি।
মহাক্না হায়খি ২০১৮ দা বারানসীদা ইন্তরনেসনেল রাইস রিছার্স ইন্সতিতুৎকী রিজনেল সেন্তর হাংদোকপদা প্রোফেসার শ্বামিনাথন্না লমজিংখিবা অদু মমল নাইদে। প্রোফেসার শ্বামিনাথনগা ৱারি শানবা খুদিংমক খঙদবা তম্বা অমা ওইখি। প্রোফেসার শ্বামিনাথন্না নোংমা হায়খি মদুদি “ সাইন্স অসি অনৌবা পুথোক্নবা খক নত্তে, মসি থবক ওইনা পাংথোক্নবনি” অমসুং মসি মহাক্কী থবকশিংনা মহাক্না উৎখি। প্রোফেসার শ্বামিনাথন্না থিজিনবা খক নত্তনা লৌউ-শিংউগী থবকশিংদা অওনবা পুরক্নবা মহাক্না লৌমীশিংদা ইথিল পীখি। ঙসি ফাওবা প্রোফেসার শ্বামিনাথনগী থবক অমসুং অনৌবা ৱাখলশিং ভারতকী লৌউ-শিংউদা উবা ফংলি। মহাক ভারত ইমাগী অশেংবা মনি অমনি। মহাক্কী সরকার মতমদা প্রোফেসার শ্বামিনাথনদা ভারত রত্ন পীখিবা অসি মহাক্কী লাইবক ফবনি।
প্রধান মন্ত্রীনা হায়খি দোক্তর এম.এস শ্বামিনাথন্না চীঞ্জাক পুথোকপদা ভারত মশা মরোমদোম লেপচবা ঙম্নবা ইহৌ লুচিংখি। দোক্তর এম.এস শ্বামিনাথনগী শক্তম অসি গ্রিন রিভোলুসনগী ৱাংমা ফাওবা লৈখি। কেমিকেল শীজিন্নবা হেনগৎলকপা অমসুং মহৈ-মরোল মখল অমা খক থাবগী খুদোংথিবগী মতাংদা দোক্তর এম.এস শ্বামিনাথন্না লৌমীশিংদা ৱাখল তাহনখি। পোৎথোক হেনগৎহন্নবা অমসুং মহৌশাগী অকোয়বগী ফিবম অমসুং মালেম ইমাগী মতাংদা দোক্তর এম.এস শ্বামিনাথন্না থবক পায়খৎখি। পান্দম অনিমক ফংনবা অমসুং নৌনা লাকপা খুদোংচাদবশিং থেংননবা দোক্তর এম.এস শ্বামিনাথন্না গ্রিন রিভোলুসনগী ৱাখল্লোন হৌদোকখি। খুঙ্গংগী মীয়াম অমসুং লৌমীশিংগী ফিবম ফগৎনবা দোক্তর এম.এস শ্বামিনাথন্না বাইও-ভিলেজগী ৱাখল্লোন হৌদোকখি। দোক্তর এম.এস শ্বামিনাথন্না কম্মুনিতি সিদ বেঙ্কশিং অমসুং ওপুরচুনিতি ক্রোপশিংগী অনৌবা থবকশিং পুক্নিং থৌগৎখি।
প্রধান মন্ত্রীনা হায়খি কাউথোকখ্রবা মহৈ-মরোংশিংদা ক্লাইমেত চেঞ্জ অমসুং মচি ওইবা চীঞ্জাক্কী অৱাবশিং কোক্নবা পাম্বৈশিং লৈরি হায়বা দোক্তর এম.এস শ্বামিনাথন্না থাজখি। দোক্তর এম.এস শ্বামিনাথন্না ইকং থেংনবা অমসুং থুমগী খুদোংচাদবা মায়োক্নবদা পুক্নিং চঙখি। মখোয় হন্থনা য়েংলিঙৈ মনুংদা দোক্তর এম.এস শ্বামিনাথন্না মিল্লেতশিং নত্ত্রগা শ্রী অন্নগী থবক তৌখি। মেঙগ্রোবশিংগী জিনগী অফবশিং ফৌদা হাপচিন্নবা অমসুং মসিনা মহৈ-মরোংনা ক্লাইমেত চেঞ্জ মায়োক্নবা ঙম্নবা দোক্তর এম.এস শ্বামিনাথন্না পাউতাক পীখি। ঙসি অসি ক্লাইমেত এদাপতেসন অসি মালেমগী মরুওইবা অমা ওইরে, কমদৌনা দোক্তর এম.এস শ্বামিনাথনগী ৱাখল অশেংবনি হায়বা মসিনা খুদম ওইরে।
প্রধান মন্ত্রীনা হায়খি বাইওদাইভর্সিতি অসি মালেমগী খন্ন-নৈনবগী হিরম অমা ওইরকপা অমসুং মসি ঙাক-শেন্নবা সরকারশিংনা থবক কয়া পায়খৎলকপা মতমদা, বাইওহেপ্পিনেসকী অনৌবা ৱাখল পুথোক্তুনা দোক্তর এম.এস শ্বামিনাথন্না খোঙকাপ অমা হান্না থাংখি। বাইওদাইভর্সিতিগী শক্তিনা মীয়ামগী পুন্সিদা অহোংবা পুরক্কদবনি হায়না দোক্তর এম.এস শ্বামিনাথন্না থাজখি। মফম অমদা ফংবা মচাকশিং শীজিন্নদুনা মীয়ামগী অনৌবা হিংনবা লম্বীশিং পীগদবনি। দোক্তর এম.এস শ্বামিনাথনগী অনৌবা ৱাখল্লোনশিং থবক ওইনা পাংথোকপগী অঙকপা গুন অমা লৈরি। মহাক্কী রিছার্স ফাউন্দেসনগী খুৎথাংদা অনৌবা পুথোকপশিং কান্নবশিং লৌমীশিংদা য়ৌহন্নবা দোক্তর এম.এস শ্বামিনাথন্না থবক পায়খৎখি। দোক্তর এম.এস শ্বামিনাথনগী থবকশিংগী কান্নবা লৌমীশিং, ঙামীশিং অমসুং ত্রাইবেল মীয়াম্না ফংলে।
ফুদ অমসুং পিছকী এম.এস শ্বামিনাথন এৱার্দ হৌদোকপদা হরাওবা ফোঙদোক্লদুনা, প্রধান মন্ত্রীনা হায়খি ফুদ সেকুরিতিগী হিরমদা শিংথাবা য়াবা থবক পায়খৎপা চাউখৎলক্লিবা লৈবাকশিংগী লনাই মীওইশিংদা মালেমগী মনা অসি পীগনি। চীঞ্জাক অমসুং শান্তিগী মরক্ত লৈনরিবা মরী অসি ফিলোসোফি খক নত্তে, মসি অরুবা থবকনি। চীঞ্জাক্না থৱায়নি অমসুং মসি ঐখোয়না কৈদৌঙৈদা মীরাইরোইদবনি। চীঞ্জাক্কী অৱাবনা শোইদনা পুন্সি অমা অৱাবা নংহল্লি অমসুং মীওই মিল্লিয়ন কয়াগী পুন্সি খুদোংথিবা তারকপা মতমদা মালেম অসি লৈতাবা ফিবম ওইরকই। ঙসিগী মালেম অসিদা ফুদ অমসুং পিছকী এম.এস শ্বামিনাথন এৱার্দ অসি য়াম্না মরুওই। মনা অসি অহানবা ফংখিবা নাইজেরিয়াগী প্রোফেসার অদেনলে প্রধান মন্ত্রীনা থাগৎপা ফোঙদোকখি অমসুং মহাক হৈথোই-শিংথোইবা সাইন্তিস অমনি হায়না মহাক্না শিংথাখি।
প্রধান মন্ত্রীনা হায়খি ঙসি ভারতনা শঙ্গোম, হৱায়শিং অমসুং লিমোন পুথোকপদা মকোক্ত লৈরে। চেং, গেহু, লশিং, উহৈশিং অমসুং মনা-মশিং পুথোকপদা ভারতনা মালেমদা অনিশুবদা লৈরি অমসুং ঙা পুথোকপদা ভারতনা মালেমদা অনিশুবদা লৈরি। হৌখিবা চহিদা ভারতনা খ্বাইদগী য়াম্না চানবা মহৈ-মরোং পুথোকখি। থাউ থোকপা মরুশিং হায়বদি নুঙ হৱায় অমসুং লৈবাক হৱায় পুথোকপদা ভারতনা রেকোর্দশিং থম্লে। লৌমীশিংগী য়াইফনবা থবক পায়খৎপা অসি লৈবাক অসিগী খ্বাইদগী মরুওইবনি। লৌমীশিং, শা-ষন লোইবশিং অমসুং ঙামীশিংগী য়াইফনবা থবকশিংদা লৈবাক অসিনা কৈদৌঙৈদা শন্তাইনবা তৌরোই। লৌমীশিংগী শেন্থোক হেনগৎনবা, লৌউ-শিংউদা চঙবা শেনফম হন্থনবা অমসুং অনৌবা শেন তানফমশিং শেমগৎনবা সরকারনা লেপ্তনা থবকশিং পায়খৎলি।
প্রধান মন্ত্রীনা হায়খি লৌমীশিংগী থৌনা অসি লৈবাক অসি চাউখৎনবা য়ুম্ফমনি। হকথেংননা শেন্থং পীদুনা পি.এম-কিষান সম্মান নিধিনা লৌমীশিংগী ফিবম ফগৎহল্লে। পি.এম ফাসাল বিমা য়োজনানা লৌমীশিংগী লৌ উবদা খুদোংথিবা থোকপদগী ঙাকথোক্লে অমসুং ঈশিং ফংদবগী অৱাবশিং পি.এম কৃষি সিঞ্চাই য়োজনানা কোকহল্লে। এফ.পি.ও ১০০,০০ শেম্বা অসিনা লায়রবা লৌমীশিংগী অপুনবা থৌনা হেনগৎহল্লে। সেল্ফ হেল্প গ্রুপশিং অমসুং কোওপরেতিপশিংদা শেন্থং পীবা অসিনা খুঙ্গংগী শেন্মিৎলোন ফগৎহল্লে। ই-নামনা লৌমীশিংগী পোৎথোকশিং য়োনবদা লাইহল্লে অমসুং পি.এম কিষান সম্পদা য়োজনানা নৌবা ফুদ প্রোসেসিং য়ুনিতশিং লিংখৎপদা য়াংখৎহল্লে। লৌউ-শিংউদা শোৎথরিবা জিলা ১০০ রোম ফিবম ফগৎহন্নবা হন্দক অয়াবা পীখিবা পি.এম ধন ধন্যা য়োজনানা পান্দম থম্লি। জিলাশিং অসিদা খুদোংচাবশিং অমসুং শেন্থং পীদুনা সরকারনা লৌউ-শিংউদা অনৌবা থাজবা থম্লে।
প্রধান মন্ত্রীনা হায়খি ২১শুবা চহিচাগী ভারতনা বিকসিত ভারত অমা ওইনবা মপুংফানা থবক পায়খৎলে অমসুং মসিগী পান্দম অসি খুন্নাইগী কাংলুপ খুদিংমক অমসুং শীনফম খুদিংমক্না মতেং পাংলবা মতমদা পান্দম অসি ফংবা ঙমগনি। পুৱারি শেম্নবা ভারতকী সাইন্তিসনা অনৌবা খুদোংচাবা অমা ফংলে। হৌখিবা মীরোলশিংগী সাইন্তিসশিংনা চীঞ্জাক ৱাৎহনখিদে অমসুং হৌজিক্কী সাইন্তিসনা মচি ওইবা চীঞ্জাক ফংহন্নবা মাইকৈদা মীৎয়েং চঙলে।
প্রধান মন্ত্রীনা হায়খি সোলার পৱারনা ঈশিং পীনবা থবকশিং কনখৎহনবা দরকার ওইরে। লৌউ-শিংউগী থবকশিংদা সেতেলাইত দেতা, এ.আই অমসুং মেছিন লার্নিং য়াওহনবা দরকার ওইরে। পোৎথোকশিং মাঙজৌননা লাউথোক্নবা, তিলশিং য়েংশিন্নবা অমসুং মরু হুনবগী থবকশিং লমজিংনবা সিস্তেম অমা লৈহনবা য়াবরা হায়না প্রধান মন্ত্রীনা হংখি। এগ্রি-তেক ষ্টার্দঅপশিং লমজিংনবা প্রধান মন্ত্রীনা এক্সপার্তশিংদা তকশিনখি। মহাক্না হায়খি লৌউ-শিংউগী খুদোংচাদবশিং কোকহন্নবা মশিং য়াম্লবা নহারোলশিং থবক তৌরি অমসুং নহারোলশিংনা পুথোক্লিবা পোৎথোকশিং অসিদা অখঙ-অহৈশিংনা লমজিংবনা হেন্না কানগনি।
প্রধান মন্ত্রীনা হায়খি ভারতকী লৌমীশিংদা থায়নগী লৌশিংগী ইনাকখুল্লবা পুক্কৈ অমা লৈরি। ভারতকী থায়নগী লৌউ-শিংউগী থবকশিংগা অনৌবা সাইন্সকা পুনশিন্দুনা অফবা লৌশিংগী য়ুম্ফম অমা শেম্বা য়াগনি। মহৈ-মরোং মখল কয়া থোক্নবা থাবা অসি লৈবাক্কী মরুওইবা অমনি। মসিগী মরুওইবা লৌমীশিংদা খঙহনবা য়াম্না মরুওই। মহৈ-মরোং মখল কয়া থোক্না থাবগী কান্নবশিং লৌশিংদা খঙহনগদবনি। মসিদা এক্সপার্তশিংনা অচৌবা থৌদাং অমা লৌবা য়াগনি।
প্রধান মন্ত্রীনা হায়খি লৌউ-শিংউগী তেক্নোলোজি লেবতগী লৌবুক্ত পুরক্নবা অকনবা থবকশিং পায়খৎকদবনি। মে অমসুং জুন ২০২৫ থাশিংগী মনুংদা “বিকসিত কৃষি সঙ্কলপ অভিয়ান” হৌদোকপদা প্রধান মন্ত্রীনা হরাওবা ফোঙদোকখি। মহাক্না হায়খি অহানবা ওইনা জিলা ৭০০ হেনবদা সাইন্তিসশিংগী তিম ২,২০০০ হেন্না শরুক য়াখি। থৌরম ৬০,০০০ হেন্না পাংথোকখ্রে। হায়রিবা থবকশিং অসিনা লৌমী করোর ১.২৫ রোমগা সাইন্তিসশিংগা শম্নহল্লে। সাইন্তিফিক ওইবা থবকশিং লৌমীশিংদা য়ৌহন্নবা থবক অসি থাগৎনিঙাইনি।
প্রধান মন্ত্রীনা হায়খি লৌউ-শিংউ অসি মহৈ-মরোংশিং খক্তগী নত্তে, মসি হিংনবগীনি হায়না দোক্তর এম.এস শ্বামিনাথন্না ঐখোয়দা তাকখি। লৌ উবা অসি মীয়ামগী হিংনবা লম্বীনি। মীওই খুদিংমক্কী ইকায়খুম্নবা অমসুং কাংলুপ খুদিংমক্কী নুংঙাইবা অসি লৌবুক্কা মরী লৈনৈ অমসুং মহৌশাগী অকোয়বগী ফিবম ঙাক-শেনবা অসিনা সরকারগী লৌউ-শিংউগী থৌশিলগী মপাঙ্গল ওইরে। মান্নবা লংলা অমগী খুৎথাংদা সাইন্স অমসুং খুন্নাই শম্নহনবা দরকার ওইরে। লায়রবা লৌমীশিংগী য়াইফনবা থবকশিং মরুওইনা লৌগদবনি। লৌবুকশিংদা থবক শুরিবী নুপীশিংগী ফিবম ফগৎহনবা অসি য়াম্না মরুওই। মহাক্কী ৱারোল লোইশিল্লকপদা, প্রধান মন্ত্রীনা হায়খি পান্দম অসিগা লোয়ননা লৈবাক অসি মাঙলোমদা চঙশিনগদবনি অমসুং দোক্তর এম.এস শ্বামিনাথনগী ইথিলনা ঐখোয় মখা তানা লমজিংগনি।
থৌরম অদুদা শরুক য়াখিবা অতোপ্পা শক্নাইরবা মীওইশিংগী মনুংদা য়ুনিয়ন মিনিষ্টর শ্রী সিবরাজ সিংহ চৌহান, নিতি অয়োগকী মেম্বর দোক্তর রমেস চান্দ, এম.এস শ্বামিনাথন রিছার্স ফাউন্দেসনগী চিয়ার্পসন সৌম্য শ্বামিনাথন অমসুং অতোপ্পা শক্নাইরবশিং য়াওখি।
নুঙগীৱারোল
ঙসি প্রধান মন্ত্রী শ্রী নরেন্দ্র মোদীনা ন্যু দিল্লিগী আই.সি.এ.আর পুসাদা এম.এস শ্বামিনাথন সেন্তেনরি ইন্তরনেসনেল কনফরেন্স হৌদোকখ্রে।
কনফরেন্স অসিগী থিমদি ‘ইভরগ্রিন রিভোলুসন, বাইওহেপিনেসকী লম্বী’ হায়বনি অমসুং মসিদা মীওই খুদিংমক চীঞ্জাক ফংনবা প্রোফেসার শ্বামিনাথন্না পুন্সি চুপ্পা কৎথোকখিবা অদুগী মমি তারি। গ্রিন রিভোলুসনগী ফিদমশিং মখা তানা থবক ওইনা পাংথোক্না খন্ন-নৈনবা খুদোংচাবা অমা মীফম অসিনা সাইন্তিস্তশিং, থৌশিল শেম্বশিং অমসুং অতোপ্পা মরী লৈনবশিংদা পীগনি। মরুওইবা থিমশিংগী মনুংদা বাইওদাইভরসিতি য়েংশিনবা, চীঞ্জাক্কীদমক তুংকোইনা চৎনবা য়াবা লৌউ-শিংউগী থবক, ক্লাইমেত চেঞ্জ থেংননবা হোৎনবা, চুনবা তেক্নোলোজি শীজিন্নবা, নহারোলশিং, নুপীশিং অমসুং লায়রবশিং থবক পীবা য়াওরি।
মহাক্না পাংথোক্লম্বা থবকশিং ইকায়খুম্নবা উৎপা ওইনা, এম.এস শ্বামিনাথন রিছার্স ফাউন্দেসন অমসুং ৱার্ল্দ একাদেমী ওফ সাইন্সেসনা চীঞ্জাক অমসুং শান্তিগী অহানবা এম.এস শ্বামিনাথন এৱার্দ পীবা হৌগনি। থৌরম অসিদা অহানবা মনা ফংলবা মীওইদা প্রধান মন্ত্রীনা মনা পীগনি। মালেম থাক্কী মনা অসি ফুদ সেকুরিতি, ক্লাইমেত জজতিস, ইকুইতি, শান্তি, রিছার্স, থৌশিল, মীয়ামগী থবক অমসুং লোকেল কেপাসিতি বিল্দিংগী লমদা মশক থোকপা থবক তৌরিবা মীওইশিং ইকায়খুম্নগনি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
Dr. Swaminathan led the movement to make India self-reliant in food production. pic.twitter.com/5jl9FhduhE
— PMO India (@PMOIndia) August 7, 2025
Dr. Swaminathan went beyond biodiversity and gave the visionary concept of bio-happiness. pic.twitter.com/yLA2MLbaxL
— PMO India (@PMOIndia) August 7, 2025
India will never compromise on the interests of its farmers. pic.twitter.com/WExdyvkLRU
— PMO India (@PMOIndia) August 7, 2025
Our government has recognised farmers' strength as the foundation of the nation's progress: PM @narendramodi pic.twitter.com/m9I3iwlBiT
— PMO India (@PMOIndia) August 7, 2025
Building on the legacy of food security, the next frontier for our agricultural scientists is ensuring nutritional security for all. pic.twitter.com/YFFvD9vwmo
— PMO India (@PMOIndia) August 7, 2025
