প্রধানমন্ত্রী শ্রী নরেন্দ্র মোদীনা ঙসি অন্ধ্র প্রদেশকী পুত্তাপার্থীদা পাংথোকখিবা শ্রী সথ্য সাই বাবাগী মপোক কুমওন্দা ৱা ঙাংখ্রে। প্রধানমন্ত্রীনা ৱা ঙাংবা হৌরকপদা "সাই রাম" হায়না শোনখি অমসুং পুত্তপর্থীগী শেংলবা মফম অসিদা মীয়াম মরক্তা তীনবা ফংজবসিমক পুক্নিং নুংশিনিংঙাই অমসুং ৱাখলগী ইথীল অমা ফাওহল্লি হায়না হায়খি। মতম ঙৈহাক্কী মমাংদা বাবাগী মোংফমদা হৈকৎ-লৈকৎ তমজবা ফংজখি হায়না ফোংদোকখি। বাবাগী খুয়াখাদা খুরুমজবা অমসুং মহাক্কী থৌজাল ফংজবা অসিনা মতম পুম্বদা মহাক্কী থম্মোয়দা অরুবা ইথীল অমা ফাওহল্লি হায়না মহাক্না শ্রী মোদীনা মখা তানা ফোংদোকখি।
শ্রী সত্য সাই বাবাগী মপোক কুমওন অসি মীরোল অসিগীদমক্তদি থৌরমখক্তমক নত্তে মসিদি মমল লৈরবা থৌজালনি হায়না হায়রদুনা, শ্রী মোদীনা হায়খি মদুদি বাবা অসি হৌজিক ঐখোয়গী ইরক্তা হিংদুনা লৈবা নত্তবা তারসু মহাক্না তম্বিরম্বা মহৈশিং, মহাক্কী মীনুংশি অমসুং সেবা তৌবগী ৱাখল্লোন অসিনা মালেম পুম্বগী মীওই কয়া-কয়াবু লমজিং-লমতাকপীরি। প্রধানমন্ত্রীনা ৱাফম অসিদা পুক্নিং চিংশিনখি মদুদি লৈবাক 140 দগী হেনবদা মশিং থীঙমদ্রবা পুন্সিদা অনৌবা মঙাল, মায়কৈ অমসুং ৱাশক্কা লোয়ননা খুমাং চাওশিলহল্লি।
ৱাফম অসিদা লুম্না লৌখি মদুদি শ্রী সত্য সাই বাবাগী পুন্সিদা বসুধৈব কুতুম্বকমগী ফীদম অদু তশেং-তশেংনা মমি তারম্মী হায়না প্রধানমন্ত্রীনা হায়খি, "মরম অসিনা, মসিগী মপোক কুমওন অসি য়ুনিভর্সেল ওইবা মীনুংশি, ইং-চিকপা অমসুং সেবাগী অঙকপনা থল্লবা থৌরম অমনি। " মহাক্না হায়খি মদুদি মসিগী সরকার অসিগী লাইবক ফবনি মদুদি তাজ্ঞা অসিদা বাবাগী থৌগল তৌবগী চৎনরকপা মচৎ অসিবু উহল্লিবা নিংশিং খুদম ওইরগদবা ₹100 চৎপীগী শেল অমসুং স্তাম্প চৎনহনখিবা অসি। মহাক্না মালেম পুম্বদা বাবাগী ভক্তশিং, ভোলুন্তিয়রশিং অমসুং ফোলোৱরশিংগী মফমদা থম্মোয় শেংনা হরাও-নুংঙাইবা ফোংদোকচরি অমদি য়াইফ-পাওজেল পীজরি।
"ভারতকী সভ্যতাগী নুংগী ওইবা ৱাখল্লোন্দি সেবা তৌবনি", প্রধানমন্ত্রীনা হায়রদুনা ভারতকী তোঙান-তোঙানবা ৱাখলগী ইথীল অমসুং ফীলোজোফিকেল ওইবা ইপানাৎ-ইপুনাৎ অসিনা লোয়নাইদবা ফীদম অমগী মায়কৈদা পুদুনা চৎলি হায়না ফোংদোকখি। ভক্তি, গ্যান নত্রগা মীগী য়াইফনবা থবক তৌদুনা সেবা খুদিংগা মরি লৈনরি। মহাক্না ৱাহং হংখি মদুদি থৱায় পানবা খুদিংমক্তা লাইগী ওইবা সেবা তৌবা অসি য়াওদবা ভক্তিনা করিনো, করিগুম্বা অতোপ্পা কনাগী মফমদা মীনুংশি লৈতবা গ্যান অদুনা অদুগা মশানা তৌরিবা থবক অদুনা খুন্নাইবু সেবা তৌবগী মওংদা কত্থোকপগী ৱাখল চেন্দ্রবা কর্ম অদুনা করম্বা কর্মনো। শ্রী মোদীনা খরা লুম্না লৌরদুনা হায়খি, "'সেবা পরমো ধর্ম:' থম্মোয়নুংদা চেৎনা থাজবা অসিনা চহী কয়া-কয়াদগী লৈরক্লবা অওনবশিং অমসুং শিংনবশিংগী মরক্তা ভারত অসি লেংদনা লৈহল্লিবনি।" মহাক্না মসিমসু হায়খি মদুদি অথোইবা লাইনিংবশিং অমসুং রিফোর্মরশিংনা মতমগী খোংলৈগী মতুং ইন্না শাফগদবা মওংশিংদা মসিগী নিংথিরবা পাওজেল অসিবু মখা তানা লৈহল্লিবা। প্রধানমন্ত্রীনা ৱাফম অসিনা লুনা খনখি মদুদি শ্রী সত্য সাই বাবানা সেবা অসিবু মীওইবগী পুন্সিগী ময়োন্দা থম্বিরম্লিবা। মহাক্না বাবাগী ৱাহৈশিং, "মী পুম্নমকপু নুংশিয়ু, মী পুম্নমক্কী সেবা তৌ" অসিবু নিংশিংখি অমদি বাবাগী ওইনদি সেবা তৌবা অসিনা মীনুংশিগী ওৎপগী অশেংবা শক্তম ওইরম্মী হায়না চেৎশিনবা ৱাপম থমখি। প্রধানমন্ত্রীনা হায়খি মদুদি এজুকেসন, হেল্থ সর্ভিস, রুরেল দিভেলপমেন্ত অমদি অতৈ হীরম কয়াদা বাবাগী ইন্সতিত্যুত অসি মসিগী ফীলোজোফী অসিগী তশেং-তশেংবা খুদম্নি। মহাক্না অন্দরলাইনা তৌদুনা হায়খি মদুদি মসিগী ইন্সতিত্যুত অসিনা স্পিরিচুএল অমসুং সেবা অসি তোঙান-তোঙানবা নত্তে অহোইনদুম অচুম্বগী তোঙান-তোঙানবা ৱাফোংদোকশিংনি। শ্রী মোদীনা মখা তানা হায়খি মায়কৈ অমদা বাবানা মশামক্না লৈবিদুনা মীয়াম্বু ইনোৎ হাপ্পীবা অসি ময়ামদগী তোঙানবা অমা নত্তে অদুগা অতোপ্পা মায়কৈ অমদা বাবাগী ইন্সতিত্যুতশিংগী সর্ভিস তৌবগী মওং অসি বাবা মশামক লৈত্রগসু নুতী নুমীৎ খুদিংগী অসুম অসুম হেনগৎলক্লি।মহাক্না হায়খি মদুদি অচুম্বা অথোইবা থৱায়শিংনা পীরম্বা ইথীল অসি মতমগী মতুং ইন্না লোইবা নত্তে অহোইনদুম হেনগৎলকই হায়বসি উৎলি।
মহাক্না ৱাফম অসিদা লুম্না লৌরদুনা শ্রী সত্য সাই বাবাগী পাওজেল অসি লাইরিক্তা, লাইশোন্দা নত্রগা করিগুম্বা আশ্রমগী পনখৈদা লোইবা নাইবা নত্রে, শ্রী মোদীনা হায়খি মদুদি বাবাগী মহৈ-মশিংশিং অদু মীয়ামদা ময়েক শেংনা তাবা উই। সহরশিংদগী হৌরগা লাপ্ল-লাপ্লবা খুঙ্গংশিংফাওবা, স্কুলদগী হৌরগা ত্রাইবেলগী খুঙ্গংফাওবা ভারতকী কলচর, এজুকেসন অমসুং হেল্থ সর্ভিসতা শিংথানিংঙাই ওইনা মমি তারি। প্রধানমন্ত্রীনা মসিদা হাইলাইত তৌখি মদুদি বাবাগী ফোলোৱর লাখ কয়া-কয়ানা মশাগী ওইজবা অমত্তা থিদবগী ৱাখলগা লোয়ননা থবক অসি তৌরি। মহাক্না হায় মদুদি "মীওইবগী সেবানা অথোইবা সেবানি" বাবাগী ভক্তশিংগীদমক্তা খ্বাইদগী অথোইবা ফীদম্নি। প্রধানমন্ত্রীনা মখা তানা হায়খি মদুদি বাবানা মীনুংশি, মথৌদাং মশক খংবা, থক-খা নাইবা অমসুং পুন্সিগী ফিলোজোফীগী শরুক অমগী মওং ওইনা শেম্বা অসিগুম্বা ৱাখল্লোন কয়া অমা মহাক্না বাবাগী লমজিং-লমতাক্নিংঙাই ওইবা প্রিন্সীপলশিং অসিবু নিংশিংখি: "মতম পুম্বদা মতেং পাংউ, কৈদৌনুংদা কনাদসু অৱাবা পীগনু" অমসুং "ৱা য়াম্না ঙাগনু, থবক য়াম্না তৌ", অদুগা ৱাফম অসিদা লুম্না লৌখি মদুদি শ্রী সত্য সাই বাবাগী পুন্সিগী মন্ত্র অসি ঙসিসু মীপুম খুদিংগী থম্মোয়নুংদা নিন্দুনা লৈরি।
ৱাফম অসিদা লুম্না লৌরদুনা শ্রী সত্য সাই বাবানা খুন্নাই অমসুং মীয়ামগী য়াইফনবগীদমক্তা স্পিরিচুএলিতী শিজিন্নখি হায়না ফোংদোকখি। প্রধানমন্ত্রীনা মসিবু মশাগী ওইজবা থাদোক্লবা সেবা, লমচৎ-শাজৎ শেমগৎপা অমসুং ভেল্যু-বেজ এজুকেসনগা মরি লৈনহনখি। ৱাফম অসিদা লুম্না লৌরদুনা হায়খি মদুদি বাবানা করিগুম্বা প্রিন্সিপল নত্রগা আইদিয়া নমদুনা হাপচিল্লকপা নত্তে অহোইনদুম লাইরবশিংগী মতেং পাংনবা অমসুং মখোয়গী অৱাবশিং হন্থহন্নবগীদমক্তা থবক তৌখি। শ্রী মোদীনা গুজরাত্তা য়ুহার হাখ্রবা মতুংদা বাবাগী সেবা দলনা অৱাবা কোকহন্নবা থবকশিংদা খ্বাইদগী মাংজিল থাখিবদু নিংশিংখি। মহাক্কী ফোলোৱরশিংনা নুমীৎ কয়ানিফাওবা কত্থোকপগা লোয়ননা সেবা তৌখি, চৈথেং ফংলবা ইমুংশিংদা তেংবাং ফংহন্নবা, মথৌ তাবশিং ফংহন্নবা অমসুং সাইকোলোজিকেল ওইবা তেংবাংশিং ফংহনবদা মরুওইবা থৌদাং লৌখি।
প্রধানমন্ত্রীনা হায়খি মদুদি অমুক্তং উন্নবনা কনাগুম্বগী থম্মোয় পেৎলহনবা ঙম্বা নত্রগা মহাক্কী পুন্সিগী মায়কৈ অদু হোংদোকপা ঙম্বা অদুগুম্বা মীশক অদুগী অথোইবা মতৌ অদু উহল্লি। মহাক্না হায়খি মদুদি হৌজিক্কী থৌরম অসিদসু বাবাগী পাওজেলনা পুন্সিদা হকচিন্না অওনবা পুরকখিবা অসিগুম্বা মীওই কয়া অমা য়াওবিরি।
শ্রী সত্য সাই বাবানা ইনোৎ হাপ্পীদুনা, শ্রী সত্য সাই সেন্ত্রেল ত্রস্ত অমসুং মসিদা এফিলিএত তৌবা ওর্গানাইজেসন, ইন্সতিত্যুস্নেল অমসুং মতম শাংনা তৌবা সর্ভিস অসি মখা তাবা অসিদা অপেনবা ফোংদোক্তুনা শ্রী মোদীনা হায়খি মদুদি ঙসি মফমসিদা মহাক ঐখোয়গী ইমাংদা প্রেক্তিকেল ওইবা মোদেলদা লেপ্লি। মহাক্না ঈশিং, য়ুম শাবা, হেল্থ সর্ভিস, ন্যুত্রিসন, দিজাস্তর সপোর্ত অমসুং ক্লীন ইনর্জীগুম্বা লমশিংদা তৌখ্রিা শিংথানিংঙাই ওইরবা থবকশিং অসিবু থাগৎখি। প্রধানমন্ত্রীনা সেবাগী থবক কয়া অমগী মতাংদা থোইদোক্না মরিক চুম্না হায়খিঃ ত্রস্তনা রায়লসীমাদা অরুবা থক্নবা ঈশিংগী অৱাবা কোকহন্নবগীদমক্তা কিলোমিতর 3,000 দগী হেন্না শাংবা পাইপলাইন তিংখ্রে; ওরিশাদা ঈশিং-ইচাওনা শোকহল্লবা ইমুংশিংগী য়ুম 1,000 শাখ্রে; অদুগা বিলিং কাউন্তর লৈতবা লায়রবশিংনা উরগা ঙক্কদবা হোসপিতালশিং মথৌ তৌহনখ্রে। মহাক্না হায়খি মদুদি লেম্না লায়েংবা য়াবা মফমদুদা অনাবশিং অমসুং মখোয়গী ইমুং-মনুংশিংনা খুদোংচাদবা থেংনররোই। প্রধানমন্ত্রীনা মখা তানা হায়খি মদুদি ঙসি ইচানুপীশিংগী মিংদা সুকন্যা সমৃদ্ধি য়োজনাদা একাউন্ত 20,000 হাংদুনা মহৈ-মশিং অমসুং নিংথিরবা তুংলমচৎ শেমখ্রে।
চহী তরাগী মমাংদা কেন্দ্র সরকারনা নুপীমচাশিংগী মহৈ-মশিং অমসুং মখোয়গী নিংথিবা তুংলমচত্তা পান্দম থম্বা ‘সুকন্যা সমৃদ্ধী য়োজনা’ হৌদোকখিবগী মতাংদা পল্লদুনা শ্রী মোদীনা ঐখোয়গী ইচানুপীশিংদা চাদা 8.2 গী খ্বাইদগী ৱাংবা ইন্তরেস্তকী চাং ফংহনবা লৈবাক অসিগী স্কীমশিংগী মনুংদা অমনি হায়না মহাক্না হায়খি। মহাক্না হায়খি মদুদি স্কীম অসিগী মখাদা ভারত্তা নুপীমচাশিংগীদমক্তা করোর 4 দগী হেন্না একাউন্ত হাংখ্রে অমসুং একাউন্তশিং অসিদা হৌজিকফাওবা লুপা করোর লাখ 3.25 দগী হেন্না হাপখ্রে। প্রধানমন্ত্রীনা শ্রী সত্য সাইগী ইমুং-মনুংনা পুত্তপর্থীদা সুকন্য সমৃদ্ধী একাউন্ত 20,000 হাংদুনা অফবা খোংথাং অসিগীদমক্তা থাগৎপা ফোংদোকখি। মহাক্কী কন্সতিত্যুন্সিগী মতাংদা হায়রদুনা মহাক্না হায়খি মদুদি হৌখিবা চহীগী ফেব্রুৱারীদা বনারসতা ইচানুপীশিংগীদমক্তা সুকন্য সমৃদ্ধী একাউন্ত 27,000 হাংখি অদুগা একাউন্ত খুদিংদা লুপা 300 ত্রান্সফর তৌখি। সুকন্য সমৃদ্ধী স্কীম অসিনা ইচানুপীশিংগী মহৈ-মশিং অমসুং তুংলমচৎ অসি শাফহনবা অসিদা অথোইবা থৌদাং লৌরি।
প্রধানমন্ত্রীনা হায়খি মদুদি হৌখিবা চহী তরামাথোই অসিদা ভারত্তা স্কীম কয়া অমা হৌদোকখিদুনা প্রজাশিংগীদমক্তা সোসিএল ওইবা শোই-ঙাম্লরোইদবা ইনফ্রাস্ত্রকচরদা শাথিনা ফগৎহল্লে। মহাক্না ৱাফম অসিদা লুম্না হায়খি মদুদি লায়রবা অমদি শোত্থরবশিংদা থুনা সোসিএল সেক্যুর ওইবগী মনুংদা চনশিলহল্লক্কদৌরে। 2014 দা শুপ্নতগী মীওই 25 মসিগী মনুংদা চনশিলহনখিবা অদু ঙসিদি মশিং অসি করোর 100 শুরে। শ্রী মোদীনা মখা তানা হায়খি মদুদি ভারত য়াইফনবা তৌবা থবক অমসুং সোসিএল সেক্যুরিতীগী ওইবা স্কীমশিং অসিগী মতাংদা ইন্তর্নেস্নেলগী থাক্তা ৱা ঙাংনরে।
শ্রী মোদীনা ফোংদোকখি মদুদি ঙসিগী নুমীৎ অসিদা ‘গৌ দান’ গী থৌরমদসু য়াওজবগী খুদোংচাবা অদু ফংজদুনা ত্রস্তকী লায়রবা লৌমীগী ইমুংশিংদা শন 100 দান তৌগদৌরি। মহাক্না ৱাফম অসিদা লুম্না হায়খি মদুদি ভারতকী চৎন-পথাপ অসিদা শন অসি পুন্সি, খুজ্ঞাও-লৈচাওবা অমসুং মীনুংশিগী শক্তম্নি হায়না লৌনৈ। মসিগী শনশিং অসি ফংলবা ইমুংশিংদা শেলগী, ন্যুত্রিসনগা মরি লৈনবা অমসুং সোসিএল সস্তেনেবিলিতীগী তেংবাংসু পীগনি। প্রধানমন্ত্রীনা হায়খি মদুদি শন য়োকখৎপগী থোংদগী ইনাক খুনবগী পাওজেল অসি মালেম পুম্বদা উনৈ। মহাক্না নিংশিংহনখি মদুদি ‘নেস্নেল গোকুল মিশন’ গী মখাদা চহী খরগী মমাংদা বনারসতা গির শন 480 দগী হেন্না য়েন্থোকখিবা অদু ঙসি গির শন অমসুং শন্নাওগী মশিং অসি চাওরাক্না 1,700 শুরে। মহাক্না হায়খি মদুদি বনারসতা অনৌবা চৎন-পথাপ অমসু হৌরে অদুদি য়েন্থোককিবা গির শন অদুনা পোকপা শন্নাও অদ অতোপ্পা লৌমীদা লেম্না পীনরে, মসিনা শনগী মশিং হেন্না হেনগৎহল্লে। শ্রী মোদীনা মসিমসু নিংশিংহনখি মদুদি চহী 7-8 কী মমাংদা ঐহাক্কী অফ্রীকাগী রৱান্দাগী খোংচত্তা ভারতনা গির শন 200 খুদোল তমখি। মহাক্না হায়খি মদুদি রৱান্দাদসু অসিগুম্বা চৎনবী অমা লৈ, মসিগী মমিংদি "গিরিঙ্কা" হায়না কৌই, হায়বদি "অদোম শন অমা ফংলসনু", পোক্লক্কদৌরিবা শন্নাও অদু য়ুমথংনবা ইমুংদা পীনৈ। মসিগী চৎনবী অসিনা রৱান্দাদা ন্যুত্রিসন, শঙ্গোম পুথোকপা, চাগা অমসুং অপুনবা খুন্নাইবু ফগৎহল্লি।
মহাক্না ৱাফম অসিদা লুম্না হায়খি মদুদি ব্রাজীলদা ভারতকী গির অমসুং কাঙ্করেজ কেত্তর ব্রীদিংবু এদোপ্ত তৌখ্রে অমসুং এদভান্স তেক্নোলোজী অমদি সাইন্তিফিক মেনেজমেন্তকী থোংদগী মখোয়বু চাউখৎহন্দুনা হেন্না ফবা দায়রী পরফোর্মেন্সকী সোর্চ ওইরে। মহাক্না হায়খি মদুদি অসিগুম্বা খুদম অসিনা মতৌ করম্না চৎনবী, মীনুমশি অমসুং সাইন্তিফিক ওইবা ৱাখল্লোন্না পুল্লগা থাজবা, হেন্না ফগৎহনবা, ন্যুত্রিসন অমসুং শেলগী ফীভম ফগৎহনবগী শক্তম ওইহল্লি। মহাক্না হরাওবা ফোংদোক্তুনা চৎনবী অসি মখা তানা হেন্না খুমাং চাওশিলহনগনি।
ৱাফম অসিদা অন্দরলাইন তৌদুনা লৈবাক অসি "কর্তব্য কাল" গী ৱাখল্লোনগা লোয়ননা চাউখৎবা ভারতকী মায়কৈরোমদা চংশিলহল্লি অমসুং পান্দম অসি ফংনবগীদমক্তা নিংথিনা থবক তৌবা প্রজানা থৌদাং পাংথোকপগী মথৌ তাই, মহাক্না ৱাফম অসিদা লুম্না হায়খি মদুদি শ্রী সত্য সাই বাবাগী মপোক কুমওনগী খোংচৎ অসিদা ইনোৎ পীবগী মরুওইবা সোর্সনি। মহাক্না মীপুম খুদিংমক্তা মসিগী মরুওইবা চহী অসিদা "ভোকেল ফোর লোকেল" গী মন্ত্র অসিবু হেন্না ফগৎহন্নবগীদমক্তা হায়জরি অমসুং বিকসিত ভারত ওইহন্নবগীদমক্তা মপমসিগী শেন্মীৎলোন অসি ফগৎহনবগী মথৌ তাই। প্রধানমন্ত্রীনা নিংশিংহনখি মদুদি মপমসিগী পোত্থোকশিং অসি লৈবা অসি হকথেংননা ইমুং অমা, ওন্তর্প্রিন্যুর অমা অমসু মফমসিগী সপ্লাই চেন অসিবু হেন্না ফগৎহন্দুনা ‘মীপান তাংদবা ভারত’ কী লম্বী অসি হেন্না ফগৎহল্লি।
মফম অসিদা তিনবিরিবা মীয়াম পুম্বা শ্রী সত্য সাই বাবাদগী ইথীল ফংলগা লৈবাক অসি শেম্বদা লেপ্তনা থৌদাং লৌগনি হায়বসি য়াবগা লোয়ননা শ্রী মোদীনা হায়খি শেংলবা মফম মফমসিদা লাক্লিবা মীপুম খুদিংমক্কী খোজ্ঞেলদা মীনুংশি, ৱাখলদা ইং-চিকপা অমদি থবকশিংদা সেবা তৌবগী মমি তাবা অসি তশেংনা তোপ-তোপ্পা ইনর্জী অমনি। প্রধানমন্ত্রীনা থাজবা ফোংদোকখি মদুদি করিগুম্বা অৱাৎপা নত্রগা অৱাবা লৈবা মফমদা ভক্তনা আশা অমসুং মঙাল অসি সিম্বোলগী মওংদা লেপ্তুনা লৈগনি। মসিগী ৱাখল্লোন অসিগা মহাক্না নুংশিবা, ইং-চিকপা অমসুং সেবাগী শেংলবা মিশন অসি হেন্না ফগৎহন্নবগীদমক্তা মালেম পুম্বদা সত্য সাই ইমুং-মনুং, ইন্সতিত্যুতশিং, ভোলুন্তিয়রশিং অমসুং ভক্তশিংদা নুংঙাইবা ফোংদোকচবগা লোয়ননা ৱাফম অসি লোইশিনজরে।
থৌরম অসিদা অন্ধ্র প্রদেশকী মুখ্যমন্ত্রী শ্রী এন চন্দ্রবাবু নায়দু, কেন্দ্র মন্ত্রী রামমোহন নায়দু, কিশন রেদ্দী অমসুং শ্রী ভুতপতি রাজু শ্রী নিভাস বর্মাগা কোন্ননা ইকাইখুম্ননিংঙাই ওইরবা মীওইশিং য়াওরম্মী।
বেকগ্রাউন্দ
প্রধানমন্ত্রীনা অন্ধ্র প্রদেশকী পু্ত্তপর্থীদা ভগৱান সত্য সাই বাবাগী শেংলবা লাইশঙ অমসুং মোংপমদা চৎখি অমসুং মখোয়গী মপমদা হৈকৎ-লৈকৎ তমজখি। ভগৱান সত্য সাই বাবাগী চহীগী কুমওনগী থৌরমদা শরুক য়ারদুনা শ্রী মোদীনা ভগৱান শ্রী সত্য সাই বাবাগী পুন্সি, এজুকেসন অমসুং মফমসিগী লেংদবা ইপানাৎ-ইপুনাৎপু ইকাই খুম্নরদুনা নিংশিংনিংঙাই ওইবা শেলয়েক অমসুং স্তাম্পশিংগী সেত অমা চৎনহনখি।
Click here to read full text speech
The central value of Indian civilisation is Seva or service: PM @narendramodi pic.twitter.com/1MZ3G2KTij
— PMO India (@PMOIndia) November 19, 2025
सेवा परमो धर्म: is the ethos that has sustained India through centuries of changes and challenges, giving our civilisation its inner strength. pic.twitter.com/MzFphe57dL
— PMO India (@PMOIndia) November 19, 2025
Sri Sathya Sai Baba placed Seva at the very heart of human life. pic.twitter.com/PsVkALiZmb
— PMO India (@PMOIndia) November 19, 2025
Sri Sathya Sai Baba transformed spirituality into a tool for social service and human welfare. pic.twitter.com/CY3A6vWs6G
— PMO India (@PMOIndia) November 19, 2025
Let us resolve to further strengthen the spirit of Vocal for Local.
— PMO India (@PMOIndia) November 19, 2025
To build a Viksit Bharat, we must empower our local economy. pic.twitter.com/fQ1UqR6oo8
