প্রধান মন্ত্রী শ্রী নরেন্দ্র মোদী ওল ইন্দিয়া প্রাইমারি তিচর্স ফেদেরেসনগী ২৯শুবা বাইনিয়েল কনফরেন্স, অখিল ভারতীয় শিক্ষা সংঘ অধিবেসন শরুক য়াখ্রে। থৌরম অদুদা পাংথোকপা একজিবিসন অমসু প্রধান মন্ত্রীনা য়েংখি। মীফম অসিগী থিমদি ‘লাইরিক-লাইশুগী লমদা অওনবা পুরকপদা ওজাশিং’ হায়বনি।
প্রধান মন্ত্রীনা হায়খি অমৃত কালদা চাউখৎলবা ভারত অমা শেমগৎনবা ভারতনা মাঙলোমদা চঙশিল্লিবা মতম অসিদা ওজাশিংনা অচৌবা থৌদাং লৌরি। গুজরাতকী চীফ মিনিস্তর শ্রী ভুপেন্দ্র পতেলদগী ফংবা পাউগী মতুংইন্না রাজ্য অসিদা স্কুল তম্বা তোকপগী চাং চাদা ৪০ ওইরম্বদগী হৌজিক চাদা ৩দা হন্থরে। মহাক্না গুজরাতকী ওজাশিংগা তিন্নবদগী ফংলকপা লৌশিং অসি থৌশিল অমা শেম্নবা জাতিগী থাক্তসু মহাক্কী মতেং ওইখি। স্কুলশিংদা নুপীমচাশিংগী তোইলেতশিং মিসনগী মওংদা শাখিবা অদু মহাক্না খুদম ওইনা পনখি। ত্রাইবেলগী লমদমশিংদা সাইন্স ইজুকেসন হৌদোকখিবগী মতাংদসু মহাক্না ফোঙদোকখি।
প্রধান মন্ত্রীনা হায়খি মালেমগী লুচিংবশিংনা ভারতকী ওজাশিং থাক ৱাংনা লৌরি। মহাক্না মপান লৈবাকশিংগী লুচিংবশিং উনবা মতমদা ৱাফম অসি মহাক্না ময়েক শেংনা তাই। ভুতানগী নিংথৌ, সাউদি অরাবিয়াগী নিংথৌ অমসুং ৱার্ল্দ হেল্থ ওর্গনাইজেসনগী দি.জিনা মখোয়গী ভারতকী ওজাশিংগী মরমদা ৱাংনা থাংগৎখি।
মহৈ তম্বা লেপত্রিবা মহৈরোয় অমা ওইবগী চাউথোকচবা ফোঙদোক্লদুনা, প্রধান মন্ত্রীনা হায়খি খুন্নাইদা থোক্লিবা থৌদোক খুদিংমক কুপ্না য়েংনবা মহাক তম্লি। ২১শুবা চহিচাগী মতম হোংলকপগী মতুংইন্না, ভারতকী লাইরিক-লাইশু তম্বগী থবক, ওজাশিং অমসুং মহৈরোয়শিং হোংলি। মমাঙদা মহৈরোয়শিংনা খুদোংচাদবা কয়া পুখৎলক্ত্রবসু দরকার ওইবা মচাকশিং ৱাৎপগী খুদোংচাদবা কয়া মায়োক্নখি। হৌজিক ইনফ্রাস্ত্রকচর অমসুং ওজা ৱাৎপা তপ্ন-তপ্না কোকহল্লে অমসুং মহৈরোয়শিং হরাওরে।
প্রধান মন্ত্রীনা হায়খি নহা ওইরিবা মহৈরোয়শিংগী থাজবা অমসুং কিদবা অসিনা ওজাশিংদা শিংনবা অমা ওইরে অমসুং অনৌবা থবকশিং পায়খৎনবা খন্ন-নৈনবা চৎথরে। মহৈরোয়শিং খঙবা-হৈবা হেনগৎলকপদগী ওজাশিং নমদুনা লৌশিং হেনগৎহল্লে। ঐখোয়গী লাইরিক-লাইশু তম্বগী তুংলমচৎ অসি কমদৌনা হায়রিবা খুদোংচাদবশিং অসি ওজাশিংনা কোকহনবগে হায়বগী মখা পোল্লে। হায়রিবা অৱাবশিং অসিনা মীওই অমা চাউখৎনবা অমসুং শীনফম অমদা লৈরিবশিং ফগৎনবা খুদোংচাবশিংনি হায়না ওজাশিংনা উগদবনি। মখোয় তম্নবা, তমদনবা অমসুং অমুক হন্না তম্নবা খুদোংচাবা অমা পীগদবনি।
শ্রী মোদীনা হায়খি কমদৌনা হিরম অমা মমুৎ তানা খঙগদগে হায়বা তাক্নবা তেক্নোলোজি অমতা মালেম অসিদা লৈতে অমসুং ই-পাউ কা হেন্না ফংবা মতমদা মরুওইবা হিরম অমদা মীৎয়েং চঙবদা মহৈরোয়শিংদা খুদোংচাদবা অমা থোকহল্লি। ২১শুবা চহিচাদা মহৈরোয়শিংগী পুন্সিদা ওজাশিংগী থৌদাং অসি হান্নদগী হেন্না মরুওইরে। মমা-মপা খুদিংমক্না মখোয়গী মচাশিং খ্বাইদগী ফবা ওজাশিংনা তাকপী-তম্বীরি হায়না খল্লি অমসুং মখোয়গী থাজবশিং ওজাশিংগী মফমা থম্লি।
ওজাশিংগী ৱাখল্লোন অমসুং লমচৎ-শাজৎনা মহৈরোয়শিংদা ইথিল পীরিবা অসিগী মতাংদা প্রধান মন্ত্রীনা হায়খি মহৈরোয়শিংনা তম্লিবা হিরম অমা খঙবা খক নত্তনা কমদৌনা মখোয়গী ৱাখল্লোনশিং খাংবা কনবা, থৌনা, মীনুংশিং অমসুং মীচং-মীখাই নাইদবা মওংদা ফোঙগদগে হায়বসু তম্লি। ইমুং-মনুংগী মীওইশিংগী মথক্তা অঙাংশিংগা মতম শাংনা লৈমিন্নবশিংগী মনুংদা প্রাইমারিগী ওজাশিং অসিসু অমনি। ওজা অমা ওইবগী থৌদাং মশক খঙবা অসিনা লৈবাক্কী তুংগী মীরোলশিং মখা তানা ফগৎহনগনি।
নিউ ইজুকেসন পোলিসিগী মতাংদা প্রধান মন্ত্রীনা হায়খি পোলিসি অসি শেম্নবা ওজা লাখ কয়ানা মতেং পাংলকখিবা অসিগীদমক চাউথোকচবা ফাওই। ২১শুবা চহিচাগী দরকার ওইবশিংগী মতুংইন্না ঙসি ভারতনা অনৌবা সিস্তেমশিং শেমগৎলি অমসুং মসি ৱাখলদা থমদুনা অনৌবা নেসনেল ইজুকেসন পোলিসি অমা শেম্লে। মহৈরোয়শিং লাইরক্তগী ফংবা লৌশিং খক্তদা ফাজিল্লগা থম্বা অরিবা মরী লৈনদবা লাইরিক-লাইশু তাকপী-তম্বীগী থবক অদু অনৌবা নেসনেল ইজুকেসন পোলিসিনা মহুৎশীল্লে। অনৌবা পোলিসি অসি থবক ওইনা পাংথোক্তুনা ফংবা লৌশিংদা য়ুম্ফম ওইবনি।
অনৌবা ইজুকেসন পোলিসি অসিদা ইমা লোলদা লাইরিক তম্নবগী খুদোংচাবা পীরিবা অসিগী মতাংদা প্রধান মন্ত্রীনা হায়খি বৃতিসনা ভারত অসি চহি ২০০ পানলম্লবসু ইংলিস লোন অমসি মীওই খর খক্তগী ওইরমখি। ইংলিস লোলদা তম্বদা হেন্না মরুওইনা লৌখিবদগী মশাগী লোলশিং তম্লকপা প্রাইমারি ওজাশিং খুদোংচাদবা কয়া মায়োক্নখি। অদুবু হৌজিক পাল্লিবা সরকার অসিনা লম-লমগী লোলশিং লাইরিক তম্বা হৌদোক্তুনা অওনবা পুরক্লে, মসিনা লম-লমগী লোলশিং খঙবা ওজাশিংগী থবক মপুংফাহল্লে। লম লমগী লোলশিংদা লাইরিক তম্নবা অমসুং ওজাশিংগী পুন্সি মহিং ফগৎনবা সরকারনা অকনবা থবক পায়খৎলি।
প্রধান মন্ত্রীনা হায়খি মীওই কয়া ওজা ওইনিংনবা ফিবম অমা শেমগৎনবগী তঙাইফদবা লৈরে। ওজাগী শীনফম অমা য়াম্না পাম্নবা শীনফম অমা ওইহনগদবনি। ওজা খুদিংমক মহাক্কী থম্মোয় মনুংদগী ওজা অমা ওইগদবনি।
মহাক্না চীফ মিনিস্তর ওইরকপা মতমদা লনাই ওইনা পাংথোক্কে খনবা থবক অনি প্রধান মন্ত্রীনা নিংশিংখি। অহানবদা, মহাক্কী স্কুলগী মরুপ-মপাংশিং চীফ মিনিস্তরগী লৈফমদা কৌবা অমসুং অনিশুবদা মহাক্কী ওজা পুম্নমক ইকায়খুম্নবা উৎপা অসিনি। শ্রী মোদীনা হায়খি ঙসি ফাওবা মহাক্না মহাক্কী ওজাশিংগা পাউ ফাওনরি। ওজাশিং অমসুং মহৈরোয়শিংগী মরক্তা লৈনবা মরী শোকচিল্লক্লিবা অসি অফবা নত্তে। শান্ন-খোৎনবগী লমদা ওজা অমসুং মহৈরোয়শিংগা অফবা মরী লৈনরি। লাইরিক তম্বা লোইখ্রবা মতুংদা মহৈরোয়শিংগা স্কুলগী মরক্তা মরী লৈনদ্রে অমসুং মহৈরোয়শিংনা স্কুল কাউরে। মহৈরোয়শিং অমসুং ওজাশিং ফাওবা স্কুল অমা লিংখৎখিবগী তারিখ খঙদ্রে। স্কুলগী মপোক নুমিৎ পাংথোকপা অসিনা স্কুলশিং অমসুং মহৈরোয়শিংগী মরক্তা শম্নদ্রিবা অসি ফহনগনি।
স্কুলশিংদা চাক পীজবগী মরুওইবা পল্লদুনা প্রধান মন্ত্রীনা হায়খি খুন্নাই অমা অমা ওইনা পুনশিন্দুনা অঙাং অমতা স্কুলদা চাক লামহন্দ্রে। অঙাংশিং চৎনবীশিং তম্নবা অমসুং চাক-ইন্সাং হাপ্পগী মতাংদা তম্নবা খুঙ্গংশিংদগী অহল-লমনশিং মহৈরোয়শিংগী সেবা তৌনবা কৌগদবনি।
অঙাংশিংদা লু-নানবগী হৈনবী লৈহনবগী মরুওইবা পল্লদুনা প্রধান মন্ত্রীনা হায়খি ত্রাইবেলগী লমদম অমদা ওজা অমনা মহাক্কী অমনবা সারি অদুগী মচেৎ অমা শেগাইরগা অঙাংশিংগী মমাই অমসুং নাতোন তৈথোক্নবা রুমাল অমা শেমখি। ত্রাইবেলগী স্কুল অমদা ওজা অমনা মহৈরোয়শিংনা মশাগী শক্তমশিং য়েংনবা মিংশেল অমা থমখি। মসিগী অপীকপা অহোংবা অসিনা মহৈরোয়শিংগী থাজবা য়াম্না চাউনা হেনগৎহল্লি।
লোইশিল্লকপগী ৱারোলদা প্রধান মন্ত্রীনা হায়খি, ওজাশিংনা অহোংবা মচা অমা পুরকপদা নহা ওইরিবা মহৈরোয়শিংগী পুন্সিদা অচৌবা অহোংবা পুরক্কনি। ওজাশিং থাক ৱাংনা থম্বা ভারতকী চৎনবীশিং ওজা খুদিংমক্না মাঙলোমদা পুখৎকদবনি অমসুং চাউখৎলবা ভারত অমগী মঙলান থবক ওইনা ওন্থোক্কদবনি।
থৌরম অদুদা শরুক য়াখিবশিংগী মনুংদা গুজরাতকী চীফ মিনিস্তর শ্রী ভুপেন্দ্র পতেল, এম.পি সি.আর পতিল, য়ুনিয়ন মিনিস্তর শ্রী পুরুসোত্তম রুপালা, কেন্দ্রগী রাজ্য মন্ত্রী দোক্তর মুঞ্জপারা মহেন্দ্রভাই, ওল ইন্দিয়া প্রাইমারি তিচর্স এসোসিএসনগী প্রসিদেন্ত শ্রী রামপাল সিংহ, এম.পিশিং অমসুং গুজরাত সরকারগী মিনিস্তরশিং য়াওখি।
गुजरात में शिक्षकों के साथ मेरे जो अनुभव रहे, उसने राष्ट्रीय स्तर पर भी नीतियां बनाने में हमारी काफी मदद की है: PM @narendramodi pic.twitter.com/pOmfXf7QBC
— PMO India (@PMOIndia) May 12, 2023
आज की पीढ़ी के छात्रों की जिज्ञासा, उनका कौतूहल, एक नया चैलेंज लेकर आया है।
— PMO India (@PMOIndia) May 12, 2023
ये छात्र आत्मविश्वास से भरे हैं, वो निडर हैं।
उनका स्वभाव टीचर को चुनौती देता है कि वो शिक्षा के पारंपरिक तौर-तरीकों से बाहर निकलें। pic.twitter.com/38q5i9lgYO
Technology से information मिल सकती है लेकिन सही दृष्टिकोण नहीं: PM @narendramodi pic.twitter.com/7c5ZnDV0JV
— PMO India (@PMOIndia) May 12, 2023
छोटे बच्चों के लिए टीचर, परिवार से बाहर वो पहला व्यक्ति होता है, जिसके साथ वो सबसे ज्यादा समय बिताता है।
— PMO India (@PMOIndia) May 12, 2023
इसलिए आप सभी में इस दायित्व का ऐहसास, भारत की आने वाली पीढ़ियों को बहुत मजबूत करेगा: PM @narendramodi pic.twitter.com/FqpBku4V4c
आज भारत, 21वीं सदी की आधुनिक आवश्कताओं के मुताबिक नई व्यवस्थाओं का निर्माण कर रहा है।
— PMO India (@PMOIndia) May 12, 2023
ये नई राष्ट्रीय शिक्षा नीति इसी को ध्यान में रखते हुए बनाई गई है। pic.twitter.com/WStzvERIzX
राष्ट्रीय शिक्षा नीति, मातृभाषा में शिक्षण को बढ़ावा देती है। pic.twitter.com/uXLPIPj6nI
— PMO India (@PMOIndia) May 12, 2023
आज हमें समाज में ऐसा माहौल बनाने की भी जरुरत है जिसमें लोग शिक्षक बनने के लिए स्वेच्छा से आगे आएं: PM @narendramodi pic.twitter.com/0YI9d1ppXj
— PMO India (@PMOIndia) May 12, 2023
हर स्कूल को अपने स्कूल का जन्मदिन अवश्य मनाना चाहिए। pic.twitter.com/NB0GUcUm9g
— PMO India (@PMOIndia) May 12, 2023
