Share
 
Comments
মেরিতাইম সেক্তর চাউখৎনবা অমসুং মালেমদা মাঙজিল থাবা ব্লু ইকোনোমি অমা ওইনবা ভারতনা কন্না হোৎনরি: প্রধান মন্ত্রী
২০৩০ ফাওবগী মনুংদা ঈশিং লম্বী ২৩ মথৌ পাংথোক্নবা ভারতনা পান্দম থম্লি: প্রধান মন্ত্রী
লুপা কোতি লাখ ২.২৫ গী শেনফম থাদবা য়ারবা প্রোজেক ৪০০গী লিস্ত অমা পোর্তস, সিপ্পিং অমসুং ৱাতরৱেজ মিনিস্ত্রিনা শেম্লে: প্রধান মন্ত্রী
মমাঙদা অমুক্তা উখিদ্রিবা মওং অমদা সরকারনা ঈশিং লম্বীশিংদা শেন থাদরি: প্রধান মন্ত্রী

ভিদিও কনফরেন্সকী খুৎথাংদা ঙসি প্রধান মন্ত্রী শ্রী নরেন্দ্র মোদীনা ‘মেরিতাইম ইন্দিয়া সম্মিৎ ২০২১’ হৌদোকখ্রে। থৌরম অদুদা দেনমার্ককী ত্রান্সপোর্ত মিনিস্তর বেন্নি ইঙ্গলব্রেক, গুজরাত অমসুং অন্ধ্র প্রদেসকী চীফ মিনিস্তরশিং, য়ুনিয়ন মিনিস্তর শ্রী ধরমেন্দ্র প্রধান অমসুং শ্রী মনসুখ মন্দাবিয়া শরুক য়াখি।

থৌরম অদুদা প্রধান মন্ত্রীনা হায়খি মালেমগী লৈবাকশিং ভারত্তা লাকপীয়ু অমসুং ভারতকী চাউখৎপগী খোঙচৎকী খোঙলোই অমা ওইবীয়ু। মেরিতাইম সেক্তর চাউখৎনবা অমসুং মালেমদা মাঙজিল থাবা ব্লু ইকোনোমি অমা ওইনবা ভারতনা কন্না হোৎনরি। মচাক-মথুমশিং ফগৎহন্নবা, অওনবা পুরকপা হেনগৎহন্নবা হিরমশিংদা মিৎয়েং থমদুনা, অত্মানির্ভর ভারতকী মঙলান মপাঙ্গল কনখৎহন্নবা ভারতনা পান্দম থম্লি।

মহাক্না হায়খি মচিৎ-মচিৎ ওইনা থবক পায়খৎপগী মহুত্তা সেক্তর পুম্বা অসি অমতা ওইনা লৌনবা মিৎয়েং চঙলে। হিথাংফমশিংগী থবক পাংথোকপা ঙম্বা ২০১৪দা তন মিল্লিন ৮৭০ ওইরম্বদগী হৌজিক তন মিল্লিয়ন ১৫৫০দা হেনগৎলে। হৌজিক ভারতকী হিথাংফমশিং দাইরেক্ত পোর্ত দেলিভরি অমসুং দাইরেক্ত পোর্ত ইন্ত্রিগী থবকশিং লৈরে অমসুং য়াম্না লাইনা দেতা লৌবা য়ানবা পোর্ত কম্মুনিতি সিস্তেম(পি সি এস) অমা লৈরে। ঐখোয়গী হিথাংফমশিংনা চঙলকপা অমসুং থোকখিগদবা কার্গোশিং ঙাইবগী মতম হন্থহল্লে। ভাধাবন, পারাদিপ অমসুং কন্দলাগী দিনদায়াল হিথাংফম মালেম থাক্কী মচাক-মথুমশিং য়াওরবা অচৌবা হিথাংফমশিং ওইনা শেমগৎলি।

প্রধান মন্ত্রীনা হায়খি ঐখোয়গী সরকার অসি মমাঙদা অমুক্তা উখিদ্রিবা মওং অমদা ঈশিং লম্বীশিংদা শেন থাদবা সরকার অমনি। লৈবাক মনুংগী ঈশিং লম্বীশিং অসি মমল হোঙবা অমসুং অকোয়বগী ফিবম কাইহন্দবা পোৎ-চৈ পুনবা লম্বীশিং ওইরে। ২০৩০ ফাওবগী মনুংদা ঈশিং লম্বী ২৩ মথৌ পাংথোক্নবা ঐখোয়না পান্দম থম্লি। ভারতকী পাক-চাউরবা সমুদ্র মপানশিংদা লাইতহাউস ১৮৯ লৈরি। লাইতহাউস ৭৮গা নক্নবা মফমশিংদা তুরিজম শেমগৎনবা ঐখোয়না থৌরাং অমা পায়খৎলে। থবক অসিগী মরুওইবা পান্দমদি হৌজিক লৈরিবা লাইতহাউসশিং অমসুং মসিগী অকোয়বা মফমশিংদা অঙকপা মেরিতাইম তুরিজমগী মফমশিং ওইনা শেমগৎপনি। মরুওইবা সহরশিং হায়বদি কোচি, মুম্বাই, গুজরাত অমসুং গৱাদা সহরগী ঈশিং লম্বীশিং শেমগৎনবা থবকশিংশু পায়খৎলে।

প্রধান মন্ত্রীনা হায়খি সিপ্পিং মিনিস্ত্রি অসি পোর্তস, সিপ্পিং অমসুং ৱাতরৱেজ মিনিস্ত্রি হায়না নৌনা মমিং থোন্দুনা হন্দক সরকারনা মেরিতাইম সেক্তরগী থবকশিং পাকথোক-চাউথোকহল্লে। লৈবাক অসিদা জহাজ শাবা অমসুং জহাজ শেমজিন-শাজিনবগী থবকশিংদশু সরকারনা মিৎয়েং চঙলে। লৈবাক অসিদা জহাজ শাবা পুক্নিং থৌগৎনবা ভারতকী সিপয়ার্দশিংগীদমক সিপবিল্দিং ফাইনান্সিএল এসিস্তেন্স পোলিসি অয়াবা পীরে।

প্রধান মন্ত্রীনা হায়খি পোর্তস, সিপ্পিং অমসুং ৱাতরৱেজ মিনিস্ত্রিনা শেন থাদবা য়ারবা প্রোজেক ৪০০গী মমিং পরেং অমা শেম্লে। হায়রিবা প্রোজেকশিং অসিদা লুপা কোতি লাখ ২.২৫ নত্রগা দোল্লর বিল্লিয়ন ৩১ গী শেনফম থাদবা য়াগনি। মেরিতাইম ইন্দিয়া ভিজন ২০৩০দা সরকারনা মিৎয়েং চঙলে।

ঙসি সাগর-মন্থান: মার্কেন্তাইল মেরিন দোমেন এৱারনেস সেন্তরশু হৌদোকখ্রে। মসি সমুদ্রদা অশোই-অঙাম থোক্তবা হেনগৎহন্নবা, মী কনবা অমসুং থিবগী থবক হেনগৎহন্নবা, সমুদ্র ঙাক-শেনবা অমসুং অকোয়বগী ফিবম ঙাক্নবা ই-পাউ পীনবা সিস্তেম অমনি।

হিথাংফম্না লমজিংদুনা চাউখৎপা পুরক্নবগীদমক ২০১৬দা সরকারনা সাগরমালা প্রোজেক লাউথোকখি। থবক অসিগী শরুক অমা ওইনা, ২০১৫-২০৩৫গী মনুংদা পায়খৎনবা লুপা কোতি লাখ ৬ নত্রগা দোল্লর বিল্লিয়ন ৮২গী প্রোজেক ৫৭৪ মশক খঙদোক্লে। ২০২২ ফাওবগী মনুংদা সমুদ্র মপানশিংদা জহাজ শেমজিন-শাজিন্নবা মফমশিং শেমগৎকনি। ‘কোঞ্চাক্তগী শেন ওন্থোক্নবা’ লৈবাক অসিগী জহাজ রিসাইক্লিং ইন্দস্ত্রি পুক্নিং থৌগৎকনি। ভারতনা রিসাইক্লিং ওফ সিপস এক্ত, ২০১৯ চৎনরে অমসুং হোং কোং ইন্তরনেসনেল কনভেসন্দা য়ারে।

মহাক্না হায়খি ঐখোয়গী খ্বাইদগী ফবা থবকশিং মালেমগা শরুক য়ামিন্নগনি অমসুং মালেমগী খ্বাইদগী ফবা থবকশিং তমগনি। বিমস্তেক অমসুং আই.ও.আর লৈবাকশিংগা মখা তানা ললোন-ইতিক অমসুং শেন-থুমগী মরী লৈন্নবা ভারতনা মিৎয়েং চঙলি অমসুং ২০২৬ ফাওবগী মনুংদা ইনফ্রাস্ত্রকচরদা শেন থাদবা হেনগৎহন্নবা অমসুং নাকল অনিমক্কী য়ানচেশিং থবক ওইনা পাংথোক্নবা ভারতনা থৌরাং তৌরি।

প্রধান মন্ত্রীনা হায়খি ইথৎকী ইনফ্রাস্ত্রকচর অমসুং অকোয়বগী ফিবম চাউখৎহন্নবা সরকারনা থবক পায়খৎলে। মেরিতাইম সেক্তরদা রিনিউএবল ইনর্জি শীজিন্নবা হেনগৎহন্নবা সরকারনা মিৎয়েং চঙলে। লৈবাক অসিগী মরুওইবা হিথাংফমশিংদা নুমিৎ মঙাল অমসুং নুংশিৎতগী মৈ পুথোক্নবা সিস্তেমশিং থম্নবা সরকারনা থৌরাং তৌরে অমসুং ভারতকী হিথাংফমশিং শীনবা থুংনা তাঙ্কক অহুম থোক্নবা ২০৩০ ফাওবগী মনুংদা রিনিউএবল ইনর্জি চাদা ৬০ ফাওবা শীজিন্ননবা পান্দম থম্লি।

মালেমগী ইনভেস্তরশিং থাগৎলদুনা প্রধান মন্ত্রীনা হায়খি, ভারতকী শাংলবা সমুদ্র মপান্না অদোম ঙাইরি। থবক শুবা-নোম্বা কনবা ভারতকী মীয়াম্না অদোম ঙাইরি। ঐখোয়গী হিথাংফমশিংদা শেন থাদবীয়ু। ঐখোয়গী মীয়ামদা শেন থাদবীয়ু। ভারত অদোম্না পামজবা  ললোন-ইতিক্কী মফম ওইহল্লু। ললোন-ইতিক্কীদমক ভারতকী হিথাংফমশিং অদোমগী পন্থুংগী হিথাংফম ওইহল্লু।

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

ভারতকী ওলিম্পিয়নশিংবু পুক্নিং থৌগৎসি! #Cheers4India
Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
India's crude steel output up 21.4% at 9.4 MT in June: Worldsteel

Media Coverage

India's crude steel output up 21.4% at 9.4 MT in June: Worldsteel
...

Nm on the go

Always be the first to hear from the PM. Get the App Now!
...
Social Media Corner 2nd August 2021
August 02, 2021
Share
 
Comments

Citizens elated as PM Narendra Modi to be First Indian Prime Minister to Preside Over UNSC Meeting

Citizens praise Modi Govt’s resolve to deliver Maximum Governance