প্রধান মন্ত্রী শ্রী নরেন্দ্র মোদিনা সেপ্তেম্বর ২৩,২০২৪ দা য়ু.এন.জি.এদা সম্মিৎ ওফ ফ্যুচরগী নাকন্দা নিউ য়োর্কতা কম্মুনিস্ত পার্তি ওফ ভিয়েতনামগী জেনেরেল সেক্রেতরি অমসুং সোসিএলিস্ত রিপব্লিক ওফ ভিয়েতনামগী স্তেৎ প্রসিদেন্ত তো লাম উনখ্রে।
লুচিংবা অমা ওইবগী অহেনবা থৌদাং কয়া লৌবগীদমক প্রধান মন্ত্রীনা রাস্ত্রপতি তো লাম থাগৎপা ফোঙদোকখি অমসুং ভারত অমসুং ভিয়েতনামগী মরক্তা লৈনরিবা লৈবাক অনিগী মরীশিং হেন্না মপাঙ্গল কনখৎহন্নবা মখা তানা মতেং পাংনগনি হায়বগী থাজবা ফোঙদোকখি।
থা অসিগী অঙানবা শরুক্তা নোংলৈ-নুংশিৎ য়াগীনা মরম ওইদুনা ভিয়েতনামদা য়াম্না অমাং-অতা থোকখিবা অমসুং মীওই কয়া লৈখিদবা অদুদা প্রধান মন্ত্রীনা অৱাবা ফোঙদোকপা অমসুং অমতা ওইনা লেপ্পা অমুক হন্না থমখি। ওপরেসন সদভাবকী মখাদা ভারতনা মতম চানা তেংবাং পোৎলমশিং পীরকপগীদমক প্রসিদেন্ত অমসুং জেনেরেল সেক্রেতরিনা প্রধান মন্ত্রী থাগৎপা ফোঙদোকখি।
লৈবাক অমনা অমবু চিংনবা লৈতনা থাজনদুনা অমসুং লৈবাক অনিগী দরকার ওইবশিং শরুক য়ামিন্নদুনা, অচেৎপা সভেত্য অমসুং নাতকী মরীশিং স্ত্রাতেজিক মরীশিং ওইরকপগী মরুওইবা অদু লুচিংবা অনিনা অমুক হন্না ফোঙদোক্নখি। হৌখিবা থাদা ভিয়েতনামগী প্রধান মন্ত্রী ফাম মিন চিনগী ভারত খোঙচৎ নিংশিংলদুনা, লৈবাক অনিগী মরক্তা লৈনরিবা নাকন অনি মতেং পাংনবা অমসুং কমপ্রেহেন্সিপ স্ত্রাতেজিক পার্তনরশিপ মখা তানা মপাঙ্গল কনখৎহন্নবা মখোয়না খন্নখি। ইন্দো-পেসিফিক য়াওনা লমদম অমগী অমসুং মালেমগী মরুওইবা ৱাফম কয়া মখোয়না খন্নখি অমসুং মালেমগী ফম্বাকশিংদা গ্লোবেল সাউথকী অপুনবা থৌদাংগী মরমদা খন্নখি।
Met Mr. To Lam, the President of Vietnam. We took stock of the full range of India-Vietnam friendship. We look forward to adding momentum in sectors such as connectivity, trade, culture and more. pic.twitter.com/aV5SD2nI4N
— Narendra Modi (@narendramodi) September 23, 2024
