প্রধান মন্ত্রী শ্রী নরেন্দ্র মোদীনা ঙসি জেরুসলেমদা ইজ্রেলগী প্রেসিদেন্ত হিজ এক্সেলেন্সী মিস্তর আইজাক হেরজোগকা উনখ্রে।
প্রধান মন্ত্রীনা মহাক্না ২০১৭ দা ইজ্রেলদা লাকখিবা মদি ২০২৩ দা দুবাইদা চৎপদা প্রেসিদেন্ত হেরজোগকা উনখিবশিং নীংশিংখি। লুচিংবা অনিনা ভারত অমদি ইজ্রেলগী মরীবু “স্পিসিএল স্ত্রেতেজিক পার্ত্নরসিপ ফোর পীস, ইনোভেসন এন্দ প্রোস্পেরিতী” গী থাক্তা থাঙ্গৎলকপা অসিনা অনৌবা নাকল অনিগী ওইবা মরী অমগী অহৌবা তাঙ্কক ওইরি অমদি লৈবাক অনিগী মরক্তা লৈরিবা অচেৎপা থাজনবা, মান্নবা দিমোক্রেসীগী ভেল্যু অমসুং অখন্নবা মরুপ মপাঙ ওইবগী মরীগী মমি তারি হায়না ফোঙদোক্নখি। লুচিংবা অনিনা ত্রেদ অমসুং তেক্নোলোজী, ইনোভেসন অমসুং এন্তরপ্রাইজ, দিফেন্স অমসুং সিক্যুরিতী, অমদি কাউন্তর তেরোরিজমগী লমদা তেংবাংনরিবা অসিদা অপেনবা ফোঙদোক্নখি।
লুচিংবা অনিনা নাকল অনিমক্কী কান্নগদবা রিজনেলগী ওইবা ৱাফমশিংসু খন্নখি। গাজা পীস প্লানবু শৌগৎপগী ৱাফম থম্লদুনা, প্রধান মন্ত্রীনা নোংচুপ এসিয়াদা ইং-তপ্পা অমদি মরা চেৎপা ফীভম পুরক্নবা পায়খৎলিবা থৌশিলশিংদা অপেনবা ফোঙদোকখি।
অকোয়বগী ফীভম ফগৎহন্নবা লৈবাক অনিমক্কী মান্নবা ৱাখল্লোনশিং মমি তাবা অখন্নবা থৌওং অমদা, প্রধান মন্ত্রীনা প্রেসিদেন্ত হেরজোগ অমদি ফর্স্ত লেদীগা লোয়ননা প্রেসিদেন্তকী লৈকোলদা এক পের মা কে নাম (ইমাগী মিংদ উ পাম্বী অমা) থৌশিলগী মখাদা উ পাম্বী অমা থাখি।
প্রধান মন্ত্রীনা প্রেসিদেন্ত হেরজোগপু তরাম তরাম তৌবিবগীদমক অমদি ইন্দিয়া-ইজ্রেল পার্ত্নরসিপ শৌগৎপগীদমক থাগৎপা ফোঙদোকখি।
Glimpses from the meeting with President Herzog. Our talks were extremely fruitful and wide ranging.@Isaac_Herzog pic.twitter.com/1dVN5fTI9I
— Narendra Modi (@narendramodi) February 26, 2026
אני מסכים איתך לחלוטין, הנשיא הרצוג.
— Narendra Modi (@narendramodi) February 26, 2026
היה תענוג לפגוש אותך ולדון בהיבטים מגוונים של הידידות בין הודו לישראל. יש פוטנציאל עצום בתחומים עתידניים כמו טכנולוגיה, חדשנות, חברות הזנק ועוד.
תודה על תמיכתך ביוזמת "עץ לאמא" (Ek Ped Maa Ke Naam).@Isaac_Herzog https://t.co/jBrmzWdkmw pic.twitter.com/wpjeWcfPE6
