প্রধান মন্ত্রী শ্রী নরেন্দ্র মোদী সরকারগী খোঙচৎ অমদা ব্রাসিলিয়াদা লৈরি। ঙসি মহাক্না ব্রাসিলিয়াদা অলবোদারা পেলেসতা ব্রাজিলগী রাষ্ট্রপতি লুইজ ইনাসিও লুলা দা সিলভাগা উনখ্রে। মহাক্না থুংলবদা, রাষ্ট্রপতি লুইজ ইনাসিও লুলানা তরাম্না ওকখি অমসুং ফজরবা নাৎকী চৎনবী অমা লোয়ননা তরাম্না ওকখি।
প্রধান মন্ত্রী অমসুং রাষ্ট্রপতি লুইজ ইনাসিও লুলা অকক্নবা অমসুং মীহুৎ কাংবুগী থাক্ত হিরম কয়াদা ৱারি শানখ্রে। মখোয়না ব্রাজিল অমসুং ভারতকী মরক্ত লৈনরিবা মরুপ-মপাং ওইবা মরীশিং অমুক হন্না খন্নখি অমসুং হেন্না চেৎশিন্নবা থাজবা পীনখি। মখোয়না ললোন-ইতিক, শেন থাদবা, দিফেন্স অমসুং সেকুরিতি, হকশেল অমসুং হিদাক-লাংথক, স্পেস, রিন্যুএবল ইনর্জি, লৌউ-শিংউ অমসুং চীঞ্জাক শেম শাবা, ইনর্জি সেকুরিতি, ইনফ্রাষ্ট্রকচর, দিজিতেল পব্লিক ইনফ্রাষ্ট্রকচর অমসুং য়ু.পি.আই, মহৌশাগী ওইবা লায়য়েং, য়োগ, শান্নবা, নাৎ অমসুং মীগা মীগা লৈনবা মরীশিং য়াওনা হিরম কয়াদা মতেং পাংনবরিবা অসি খন্নখি। মখোয়না মরুওইবা মিনরেলশিং, অনৌবা তেক্নোলোজিশিং এ.আই অমসুং সুপর কম্পুতরশিং, দিজিতেলগী মতেং পাংনবা অমসুং মোবিলিতিগুম্বা অনৌবা হিরমশিংদা মতেং পাংন্নবা খুদোংচাবশিং মশক খঙদোকপা হায়না মখোয়না খন্নখি।
ললোন-ইতিক্কী ৱাফমশিং খন্ননবা মিনিষ্টরিয়েল থাক্কী থবক অমা পায়খৎপদা লুচিংবা অনিনা তরাম্না ওকখি। ইন্দিয়া-মেরকোসুর প্রিফেরেন্সিয়েল ত্রেদ এগ্রিমেন্ত পাকথোক-চাউথোকহনবা য়াওনা লৈবাক অনিগী ললোন-ইতিক্কী থবকশিং ফগৎহনবা হায়না মখোয়না খন্নখি। মথং চহি ৫ দা লৈবাক অনিগী ললোন-ইতিক অসি য়ু.এস দোল্লর বিল্লিয়ন ২০ দা হেনগৎহনবা হায়না লুচিংবশিংনা পান্দম থমখি। ইনর্জি সেক্তরদা হৌজিক মতেং পাংনরিবা অসি মখোয়না খন্নখি অমসুং লৈবাক অনিমক্ত হায়দ্রোকার্বোন অমসুং রিন্যুএবল ইনর্জি সেক্তরশিংদা হৌজিক লৈরিবা খুদোংচাবশিং শেন থাদনবগী খুদোংচাবশিং মশক খঙদোকপা হায়না লুচিংবশিংনা য়ানখি।
এপ্রিল ২০২৫ দা পেহালগাম তেরোরিস্ত এত্তেক মতুংদা ব্রাজিলনা ভারত শৌগৎপদগীদমক প্রধান মন্ত্রীনা লৈবাক অসি থাগৎপা ফোঙদোকখি। লৈবাক অনিমক্না মখল খুদিংমক্কী তেরোরিজম থেংনবা হায়না লুচিংবা অনিনা য়ানখি। প্রধান মন্ত্রীনা হায়খি তেরোরিজমগী মায়োক্ত তুমিন্না লৈরোইদবনি অমসুং অসিগুম্বা তমথিরবা থবকশিং শৌগৎলিবা মীওইশিং অকনবা মওংদা চৈরাক পীগদবনি। তেরোরিজম থেংন্নবা অমসুং মাইথিবা পীনবা লৈবাক অনিনা মালেমগী লৈবাকশিং পুন্না থবক তৌমিন্নবা হায়না লুচিংবা অনিনা য়ানখি।
লুচিংবা অনিনা মালেমগী থৌদোক ৱাথোকশিং খন্নখি। য়ু.এন.এস.সি য়াওনা মালেমগী লুপশিং অমুক হন্না শেমগৎপা হায়না লুচিংবশিংনা মখোয়গী থাজবা অমুক হন্না পীনখি। ক্লাইমেত চেঞ্জ থেংননবা মালেমগী থবকশিং ফগৎনবা পুন্না থবক তৌমিন্নবা হায়না মখোয়না য়ানখি। হন্দক পাংথোক্কদৌরিবা কোপ৩০ ক্লাইমেত চেঞ্জ কনফরেন্সকীদমক প্রধান মন্ত্রীনা ব্রাজিলদা য়াইফ পাউজেল পীখি। গ্লোবেল সাউথকী য়াইফনবা থবক পায়খৎপা য়াংখৎনবা মখা তানা পুন্না থবক তৌমিন্নবা হায়না মখোয়না য়ানখি।
ৱারি শানরবা মতুংদা, তেরোরিজম থেংনবা, সেকুরিতিগী লমদা ই-পাউ পীনবা, লৌউ-শিংউগী থিজিনবা, রিন্যুএবল ইনর্জি, ইন্তেলেকচুয়েল প্রোপর্তি রাইতস অমসুং দিজিতেল কোওপরেসনগী হিরমশিংদা এম.ও.য়ু য়ানখ্রে। সরকারগী খোঙচৎ অসদিআ অপুনবা ৱারোল অমা থোকখ্রে।
প্রধান মন্ত্রী ইকায়খুম্নবা উৎতুনা রাষ্ট্রপতি লুলানা চাক্লেন অমা শীনখি। তরাম্না ওকপগীদমক প্রধান মন্ত্রীনা রাষ্ট্রপতি লুলা থাগৎপা ফোঙদোকখি অমসুং মহাক ভারত্ত লাক্না চেবাউ পীখি।
Held fruitful talks with President Lula, who has always been passionate about India-Brazil friendship. Our talks included ways to deepen trade ties and also diversify bilateral trade. We both agree that there is immense scope for such linkages to thrive in the coming times.… pic.twitter.com/Bn8w5BCm2X
— Narendra Modi (@narendramodi) July 8, 2025
Clean energy, sustainable development and overcoming climate change were also prominent topics of discussion in our talks. Other areas where we will work even more closely include defence, security, AI and agriculture. India-Brazil cooperation in space, semiconductors and DPI…
— Narendra Modi (@narendramodi) July 8, 2025
Tive conversas frutíferas com o presidente Lula, que sempre foi apaixonado pela amizade entre a Índia e o Brasil. As nossas conversas incluíram formas de aprofundar os laços comerciais e também diversificar o comércio bilateral. Ambos concordamos que há um enorme potencial para… pic.twitter.com/9fdEndfgLW
— Narendra Modi (@narendramodi) July 8, 2025
Energia limpa, desenvolvimento sustentável e superação das mudanças climáticas também foram temas proeminentes em nossas conversas. Outras áreas em que trabalharemos ainda mais estreitamente incluem defesa, segurança, IA e agricultura. A cooperação Índia-Brasil no espaço,…
— Narendra Modi (@narendramodi) July 8, 2025
