ঙসি প্রধান মন্ত্রী শ্রী নরেন্দ্র মোদীনা অর্জেন্তিনাগী রাষ্ট্রপতি জেবিয়র মিলৈ উনখ্রে। মহাক্না কসা রোসাদদা থুংলবদা অর্জেন্তিনাগী রাষ্ট্রপতি জেবিয়র মিলৈনা প্রধান মন্ত্রী মোদী তরাম্না ওকখি। ঙরাং ব্যুনোস আইরেসতা থুংলবদা, চৎনবীগী মতুংইন্না প্রধান মন্ত্রী তরাম্না ওকখি। চহি ৫৭ গী মতুংদা প্রধান মন্ত্রী অমনা অর্জেন্তিনাদা চৎপা হন্দক্কী অসিনা অহানবা ওইবনা খোঙচৎ অসি য়াম্না মরুওই। লৈবাক অনিগী মরক্ত কুতনিতিগী মরী লৈনরকপা চহি ৭৫ শুরকপগা লোয়ননা চৎলিবা চহি অসি ভারত-অর্জেন্তিনা মরীশিংগী য়াম্না মরুওইবা চহি অমনি। মহাক অমসুং মহাক্কী মীহুৎ কাংবু তরাম্না ওকপগীদমক প্রধান মন্ত্রী মোদীনা অর্জেন্তিনাগী রাষ্ট্রপতি জেবিয়র মিলৈ থাগৎপা ফোঙদোকখি।
লুচিংবা অনিনা অকক্নবা অমসুং মীহুৎ কাংবুগী থাক্কী মওংশিংদা উনখি। মখোয়না লৈবাক অনিগী লৈনরিবা মরীশিং কুপ্না খন্নখি অমসুং হন্না য়েংশিনখি। মরুওইবা মিনরেলশিং, থাউ অমসুং গ্যাস, ঙাক-শেন, ন্যুক্লিয়ার ইনর্জি, লৌউ-শিংউ, সাইন্স অমসুং তেক্নোলোজি, লৌ উবদা দ্রোনশিং শীজিন্নবা, ঙা য়োকপা অমসুং মৈ পুবা লাইনশিং য়েংশিনবা, আই.সি.তি, দিজিতেল পব্লিক ইনফ্রাষ্ট্রকচর, য়ু.পি.আই, স্পেস, রেলৱেজ, ফার্মা, শান্নবা অমসুং মীগা মীগা লৈনবা মরীশিংদা মতেং পাংনবা হেনগৎহন্নবা মখোয়না খন্নখি। হৌজিক চৎথরিবা শেন-থুমগী মতেং পাংনবা লুচিংবশিং হন্না য়েংশিনখি। প্রধান মন্ত্রীনা হায়খি মদুদি লৈবাক অনিগী ললোন-ইতিক ফিবম ফরি, ললোন-ইতিক্কী খুদোংচাবশিং মপুংফানা লৌনবা ললোন-ইতিক্কী থবকশিং মখল য়ামথোকহন্নবা লৈবাক অনিনা থবক পায়খৎপা দরকার ওইরে। হিরম অসিদা, মখোয়না ইন্দিয়া-মেরকোসুর প্রিফেরেন্সিএল ত্রেদ এগ্রিমেন্ত পাকথোক-চাউথোক্নবসু খন্নখি।
পেহালগামগী তেরোরিস্তশিংগী তমথিরবা থৌদোক অকনবা মওংদা য়ানিংদবা ফোঙদোকপগীদমক প্রধান মন্ত্রীনা অর্জেন্তিনাগী রাষ্ট্রপতি জেবিয়র মিলৈ থাগৎপা ফোঙদোকখি অমসুং ভারতনা তেরোরিজমগী মথক্ত চৎথরিবা থবকশিং শৌগৎপগীদমক অর্জেন্তিনা থাগৎপা ফোঙদোকখি। তেরোরিজম অসি মীওইবা খুন্নাইগী অচৌবা শিংনবা অমনি হায়বা লুচিংবা অনিনা য়ানখি অমসুং মালেম্না তেরোরিজমগী অৱাবা কোক্নবা লান্থেংনরিবা অসি ফগৎহন্নবা মখোয়গী থাজবা অমুক হন্না পীনখি।
ষ্ট্রাতেজিক পার্তনরশিপ মপাঙ্গল কনখৎহন্নবা য়াম্না নকশীন্ননা মখা তানা থবক তৌমিন্নবা হায়না লুচিংবশিংনা য়ানখ্রে। গ্লোবেল সাউথকী মরুওইবশিং ফংনবা হেন্না কন্না লাউবা হায়না মখোয়না য়ানরে।
মহাক্কী খোঙচৎ লোইশিন্দ্রিঙৈ মমাংদা, প্রধান মন্ত্রীনা ব্যুনোস আইরেসতা লৈবা মহাত্মা গান্ধী অমসুং রবিন্দ্রনাথ তেগোরগী মীতমশিংদা লৈ কৎতুনা ইকায়খুম্নবা উৎখি।
মহাক্কী পুৱারি ওইরবা অর্জেন্তিনা খোৎচৎকীদমক অর্জেন্তিনাগী রাষ্ট্রপতি জেবিয়র মিলৈনা প্রধান মন্ত্রী থাগৎপা ফোঙদোকখি। লৈবাক অনিগী খুদোংচাগদবা মতম অমদা ভারত্ত লাক্নবা প্রধান মন্ত্রী মোদীনা অর্জেন্তিনাগী রাষ্ট্রপতি জেবিয়র মিলৈদা চেবাউ পীখ্রে।
Excellent meeting with President Javier Milei of Argentina. We are marking 75 years of India-Argentina diplomatic relations and 5 years since we elevated our relationship to a Strategic Partnership. We have covered significant ground in our bilateral relations, but we agree that… pic.twitter.com/3fG6ojU4ZD
— Narendra Modi (@narendramodi) July 5, 2025
President Milei and I discussed ways to diversify trade ties, cooperation in agriculture, defence, security, energy and more. There is immense scope in areas like pharmaceuticals and sports as well.@JMilei pic.twitter.com/8jFADZmbcb
— Narendra Modi (@narendramodi) July 5, 2025
Excelente reunión con el Presidente Javier Milei de Argentina. Se cumplen 75 años de relaciones diplomáticas entre la India y Argentina y 5 años desde que elevamos nuestra relación a Asociación Estratégica. Hemos avanzado considerablemente en nuestras relaciones bilaterales, pero… pic.twitter.com/KA76k0lUra
— Narendra Modi (@narendramodi) July 5, 2025
El Presidente Milei y yo conversamos acerca de cómo diversificar los lazos comerciales, la cooperación en agricultura, defensa, seguridad, energía y más. Existe un inmenso campo de acción en áreas como la farmacéutica y el deporte.@JMilei pic.twitter.com/lYoocFIYn7
— Narendra Modi (@narendramodi) July 5, 2025
