মা কমাখ্যা দিব্যা লোক পরিয়োজনাগী উরেপ-উয়ুং তমখ্রে
লুপা করোর ৩৪০০ হেনবগী তোঙান-তোঙানবা লম্বী ফগৎহন্নবা প্রোজেকশিং উরেপ-উয়ুং তমখ্রে
শান্নবা অমসুং মেদিকেল ইনফ্রাস্ত্রকচর ফগৎহন্নবা প্রোজেকশিং উরেপ-উয়ুং তমখ্রে
“মা কমাখ্যাগী দর্শনগীদমক ভক্তশিং লাকপা হেনগৎলক্তুনা অসামনা অৱাং-নোংপোক্তা তুরিজমগী থোঙ্গাল অমা ওইরগনি”
“ঐখোয়গী লাইফমশিং, লাইশঙশিং অমসুং লাইনিংগী মফমশিং চহি লিশিং কয়া শুরবা ঐখোয়গী সভেত্যাগী খোঙচৎকী মুৎপা নাইদ্রবা ঙাক্তনি”
“হিংবদা লাইহনবা হায়বসি হৌজিক পাল্লিবা সরকারগী মরুওইবনি”
“পুৱারিগা মরী লৈনবা মফমশিং শেমগৎনবা কেন্দ্র সরকারনা অনৌবা স্কিমশিং পায়খৎলগনি”
“মোদীগী গরেন্তিগীনা হায়রিবদি থবক ওইনা পাংথোক্নবা থাজবা পীবনি”
“চহি অসিদা ইনফ্রাস্ত্রকচরদা লুপা করোর লাখ ১১ চাদিং তৌনবা সরকারনা ৱারেপ লৌরে”
“অহিং অমসুং নুংথিল থবক তৌনবা অমসুং মহাক্না পীখিবা থাজবশিং থবক ওইনা পাংথোক্নবা মোদীনা ৱাশক্লি”
“ভারত অমসুং ভারতমচাশিংগী নুংঙাইবা অমসুং য়াইফবা পুন্সি অমা শেম্বা, ভারত মালেমদা খ্বাইদগী চাউবা লৈবাক ওইহনবা হায়বসি পান্দমনি”

ঙসি প্রধান মন্ত্রী শ্রী নরেন্দ্র মোদীনা অসামগী গুৱাহাতিদা লুপা করোর ১১,০০গী চাউখৎ-থৌরাংগী প্রোজেকশিং শঙ্গাখ্রে অমসুং উরেপ-উয়ুং তমখ্রে। গুৱাহাতিগী প্রোজেকশিংগী মরুওইবা হিরমশিংদি শান্নবা অমসুং মেদিকেল ইনফ্রাস্ত্রকচর অমসুং লম্বী-থোং ফগৎহনবনি।

থৌরম অদুদা তিনখিবা মীয়ামদা ৱা ঙাংবদা, প্রধান মন্ত্রীনা হায়খি ঙসি অসামদা ইমা কমাখ্যাগী থৌজালদগী লুপা করোর ১১,০০০গী প্রোজেকশিং শঙ্গাবা অমসুং উরেপ-উয়ুং তম্বা অসিদা তৌবীমল খঙবা উৎচরি। ঙসিগী প্রোজেকশিং অসিনা অসামগা অৱাং-নোংপোক রাজ্যশিং অমসুং খা-নোংপোক এসিয়াগী য়ুম্লোন্নরিবা লৈবাকশিংগা চৎথোক-চৎশিন ফগৎহল্লগনি অমসুং তুরিজম সেক্তরদা থবক ফংবা হেনগৎহনগনি অমসুং রাজ্য অসিদা শান্নরোয়শিংদা অনৌবা খুদোংচাবশিং পীরগনি। ঙসিগী চাউখৎ-থৌরাংগী প্রোজেকশিং অসিনা মরম ওইদুনা রাজ্য অসিদা মেদিকেল ইজুকেসন অমসুং অনা-লায়য়েংগী হিরমশিং ফগৎহল্লগনি। ঙসিগী প্রোজেকশিং অসিগীদমক প্রধান মন্ত্রী মোদীনা অসাম অমসুং অৱাং-নোংপোক্কী মীয়ামদা হরাওবা ফোঙদোকখি অমসুং ঙরাং নুমিদাংৱাইরম মহাক থুংলবদা তরাম্না ওকপগীদমক গুৱাহাতিগী মীয়াম থাগৎপা ফোঙদোকখি।

 

হন্দক মহাক্না তোঙান-তোঙানবা লাইফমশিংদা চৎলুবা অদু নিংশিংলদুনা, প্রধান মন্ত্রীনা হায়খি ঙসি ইমা কমাখ্যাগী মমাঙদা থুংলখিবা অমসুং মা কমাখ্যা দিব্যা লোক পরিয়োজনাগী উরেপ-উয়ুং তম্বগীদমক তৌবীমল খঙবা উৎচরি। প্রোজেক অসি লোইরকপদা মসিনা ভক্তশিং ইমাগী মনাক্তা লাকপদা নুংঙাইহনগনি অমসুং লাইহনগনি অমসুং ভক্ত লাকপা হেনগৎহনগনি। মা কমাখ্যাগী দর্শনগীদমক ভক্তশিং লাকপা হেনগৎলক্তুনা অসামনা অৱাং-নোংপোক্তা তুরিজমগী থোঙ্গাল অমা ওইরগনি। রাজ্য সরকার অমসুং চীফ মিনিস্তর দোক্তর হিমান্ত বিশ্বা শর্মনা পায়খৎলিবা থবকশিং মহাক্না থাগৎপা ফোঙদোকখি।

ভারতকী লাইফমশিং অমসুং লাইশঙশিংগী মরুওইবা পল্লদুনা, প্রধান মন্ত্রীনা হায়খি হায়রিবা মফমশিং অসি চহি লিশিং কয়া শুরবা ঐখোয়গী সভেত্যাগী খোঙচৎকী মুৎপা নাইদ্রবা ঙাক্তনি, অৱাবা খুদিংমক কমদৌনা ভারতনা থেংনখিবগে হায়বা উৎলি। মমাঙদা য়াম্না নুংঙাইরম্মী হায়না খন্নবা সভেত্যাশিং হৌজিক মরাই চাইথদুনা লৈবা ঐখোয়না উরে। নিংতম্বা ফংলবা মতুংগী সরকারশিংনা কনাগুম্বা অমগী মশাগী চৎনবীদা অমসুং রাজনিতিগী অফবা থবকশিং মশক তাকপদা ইকায়বগী চৎনবী অমা লাকখি অমসুং ভারতকী শেংলবা মফমশিং মশক খঙবা ঙমখিদে।

 

মহাক্না হায়খি বিকাস(চাউখৎপা) অমসুং বিরাসাত( চৎনবী) অনিমক্তা মীৎয়েং থম্বা থৌশিলশিংগী মতেংদগী হৌখিবা চহি ১০দা মসি চুমথোক্লে। হায়রিবা থৌশিলশিং অসিগী মখাদা, অসামগী পুৱারি অমসুং অধ্যতিক্কা মরী লৈনবা মফমশিং মতমগী অনৌবা খুদোংচাবশিং ফংহন্নবা থবক পায়খৎলে, হায়রিবা মফমশিং অসি ঙাক-শেন্নবা অমসুং শেমগৎনবা পান্দমদা থবক পায়খৎলে। মমাঙদা অচৌবা সহরশিং খক্তদা লিংখৎলম্বা আই.আই.তি, আই.আই.এম অমসুং এ.আই.আই.এমগুম্বা শক্নাইরবা মহৈলোয়শঙশিং লমদম অসিদা লিংখৎলে। হৌজিক লৈবাক শীনবা থুংনা আই.আই.তি, আই.আই.এম অমসুং এ.আই.আই.এমগী নেতৱার্ক অমা লৈরে। অসামদা মমাঙদা মেদিকেল কলেজ ৬ লৈরম্বা অদু হৌজিক কলেজ ১২ লৈরে। রাজ্য অসি অৱাং-নোংপোক্তা কেন্সর লায়য়েংগী মফম অমা ওইরক্লগনি। হিংবদা লাইহনবা হায়বসি হৌজিক পাল্লিবা সরকারগী মরুওইবনি। লায়রবশিংগী পাক্কাগী য়ুম করোর ৪ শারে, থক্নবা তোতি ঈশিং ফংহল্লে, মৈ পীরে, উজৱালা য়োজনাগী মখাদা চাক থোংনবা গ্যাস পীরে অমসুং শ্বাছ ভারত অভিয়ানগী মখাদা তোইলেতশিং শারে।  

প্রধান মন্ত্রী মোদীনা হায়খি নাৎকা লোয়ননা চাউখৎনবা সরকারনা মীৎয়েং চঙলিবা অসিনা ভারতকী নহারোলশিং কান্নবা য়াম্না ফংলে। লৈবাক অসিদা তুরিজম অমসুং লাইফমশিং কোয়বা চৎপা হেনগৎলক্লে। কাসি কোরিদোর লোইশিল্লবা মতুংদা বরানসীদা মশিং য়াম্লবা ভক্তশিং লাক্লে। হৌখিবা চহিদা, কাসিদা মীওই করোর ৮.৫ লাকখি, উজ্জেনগী মহাকাল লোক্তা মীওই করোর ৫ হেন্না লাকখি অমসুং কেদারধামদা ভক্ত লাখ ১৯ হেন্না লাকখি। রাম মন্দিরগী প্রান প্রাতিস্থা পাংথোক্লবা নুমিৎ ১২গী মতুংদা অযোধ্যাদা মীওই লাখ ২৪ হেন্না লাকখি। মা কমাখ্যা দিব্যা লোক পরিয়োজনা লোইশিল্লবা মতুংদা মফম অসিদা মশিং য়াম্লবা ভক্তশিং লাক্কনি।

 

প্রধান মন্ত্রীনা হায়খি লাই খুরুম্বা লাকপশিং অমসুং ভক্তশিং ফুজিল্লকপদা রিক্সো থৌবা, তেক্সি থৌবা, হোতেল মপু নত্ত্রগা লম্বী নাকলদা পোৎ য়োনবশিং ওইগেরা, খ্বাইদগী লায়রবা মীওই ফাওবা হিংনবগী লম্বী ফংবা হেনগৎলকই। চহি অসিগী বজেত্তা সরকারনা তুরিজমদা মিৎয়েং থম্লে। পুৱারিগা মরী লৈনবা মফমশিং শেমগৎনবা কেন্দ্র সরকারনা অনৌবা স্কিমশিং পায়খৎলগনি। হিরম অসিগী মতাংদা অৱাং-নোংপোক রাজ্যশিংগী ওইনা মশিং য়াম্লবা খুদোংচাবশিং লৈরে। মরম অদুনা অৱাং-নোংপোক রাজ্যশিংগী চাউখৎ-থৌরাংগীদমক সরকারনা অখন্নবা মীৎয়েং চঙলে।

হৌখিবা চহি ১০দা অৱাং-নোংপোক্তা লমকোয়বা মীওইশিং মশিং য়াম্না লাকপা হেনগৎলকপা অসিগী মতাং পল্লদুনা প্রধান মন্ত্রীনা হায়খি হান্নদগী লমদম অসি মহৌশাগী ফজবা লৈজরবসু, হিংসা অমসুং মমাঙগী সরকারশিংনা মীরাইবদগী লমকোয়বা মীওই মশিং য়ামদনা লাকখি। লমদম অসিদা এয়র, রেল অমসুং লম্বীগী চৎথোক-চৎশিনগী থবকশিং য়াম্না খুদোংচাদবদগী জিলা অমদগী জিলা অমদা চৎপদা পুং কয়া চঙখি। কেন্দ্র অমসুং রাজ্যদা দবল ইঞ্জিনগী সরকার লৈবদগী রাজ্য অসি হিরম খুদিংমক্তা চাউখৎলে।

প্রধান মন্ত্রীনা হায়খি সরকারনা লমদম অসিগী চাউখৎ-থৌরাংগী চাদিং তৌবা শরুক মরি হেনগৎলে। ২০১৪গী মতুংদা, লমদম অসিদা রেলৱে ত্রেকশিংগী অশাংবা কিমি ১৯০০০ হেনগৎলে, রেলৱে বজেত শরুক ৪০০ হেনগৎলে অমসং হৌখিবা চহি ১০দা অনৌবা নেসনেল হায়ৱে কিমি ৬,০০০ শেমগৎলে। ঙসিগী প্রোজেকশিং অসিনা ইতানগরগা চৎথোক-চৎশিনগী খুদোংচাবা হেনগৎহনগনি।

 

প্রধান মন্ত্রীনা হায়খি মোদীগী গরেন্তিগীনা হায়রিবদি থবক ওইনা পাংথোক্নবা থাজবা পীবনি। লায়রবশিং, নুপীশিং, নহারোলশিং অমসুং লৌমীশিংদা তঙাইফদবা খুদোংচাবশিং পীনবা থাজবা পীবনি। বিকসিত ভারত সংকল্প যাত্রা অমসুং মোদীগী গরেন্তিগী গারিনা সরকারগী স্কিমশিংগী কান্নবা ফংদ্রিবশিংদা খুদোংচাবশিং ফংহল্লে। চাউরাক্না লৈবাক শীনবা থুংনা মীওই করোর ২০ লোম বিকসিত ভারত সংকল্প যাত্রা হকথেংননা শরুক য়াখ্রে। অসামগী মশিং য়াম্লবা মীওইশিং বিকসিত ভারত সংকল্প যাত্রাগী কান্নবশিং ফংলে।

কেন্দ্রগী পান্দম ফোঙদোক্লদুনা, প্রধান মন্ত্রীনা হায়খি মীওই খুদিংমক্কী পুন্সি হিংবদা লাইহন্নবা মহাক্না লাউথোকখিবা অদু চহি অসিগী বজেত লাউথোকপদা মমি তারে।  চহি অসিদা ইনফ্রাস্ত্রকচরদা লুপা করোর লাখ ১১ চাদিং তৌনবা সরকারনা ৱাশক লৌরে,মসিনা থবক কয়া ফংহনগনি অমসুং চাউখৎপা হেনগৎহনগনি। হৌখিবা চহি ১০দা অসামগী ইনফ্রাস্ত্রকচরগী বজেত অসি লুপা করোর লাখ ১২ ওইখি।

শ্রী মোদীনা হায়খি হৌখিবা চহি ১০দা য়ুমথোং খুদিং মৈ ফংহন্নবা সরকারনা থবক পায়খৎলে। ইমুং করোর অমদা রুপতোপ সোলার খিন্নবা সরকারনা মতেং পাংদুনা রুপতোপ সোলার স্কিম হৌদোক্তুনা ইলেক্ত্রিসিতি বিল জিরোদা হন্থহন্নবা চহি অসিগী বজেত্তা সরকারনা ৱারেপ লৌরে। মসিগা লোয়ননা, মীয়ামগী মৈগী বিল জিরো ওইরগনি অমসুং মীচম মীয়ামগী ইমুংশিং মখোয়গী য়ুমশিংদা মৈ পুথোক্তুনা শেন তানবা ঙম্লগনি।

 

লৈবাক অসিদা লাখপতি দিদি করোর ২ শেমগৎনবা থাজবা পীরিবা অসিগী মতাংদা প্রধান মন্ত্রীনা হায়খি হৌখিবা চহিদা মশিং করোর ১ য়ৌরে অমসুং চহি অসিগী বজেত্তা লাখপতি দিদি করোর ৩ শেমগৎনবা পান্দম থম্লে। অসামগী নুপী লাখ কয়া মসিগী কান্নবা ফংলগনি। সেল্ফ হেল্প গ্রুপশিংদা থবক তৌরিবা নুপীশিং অনৌবা খুদোংচাবা কয়া ফংলগনি অমসুং অঙ্গনৱাদি ৱার্করশিং অমসুং অসা ৱার্করশিং অয়ুস্মান স্কিমদা শরুক য়াহল্লে।

প্রধান মন্ত্রীনা হায়খি অহিং অমসুং নুংথিল থবক তৌনবা অমসুং মহাক্না পীখিবা থাজবশিং থবক ওইনা পাংথোক্নবা মোদীনা ৱাশক্লি। মোদীগী গরেন্তিদা অৱাং-নোংপোক্না থাজবা থম্লে। মতম অমদা হিংশানা অকায়বা পীরম্বা অসামগী মফমশিংদা শান্তি পুরক্লে অমসুং রাজ্যশিংগী মরক্তা ঙমখৈগী য়ানদবা লৈরম্বশিং ৱারোইশিন পুরক্লে। রাজ্য অসিদা অচৌবা শান্তিগী য়ানচে ১০ হেন্না খুৎয়েক পীনখ্রে। অৱাং-নোংপোক লমদমগী নহারোল লিশিং কয়া হিংশাগী লম্বী থাদোক্লে অমসুং হৌখিবা চহি খরদা চাউখৎ-থৌরাংগী থবকশিংদা শরুক য়ারে।

 

মহাক্না মখা তানা হায়খি নহারোলশিং অসিগী মরক্তা, অসামগী নহারোল ৭,০০০ খুৎলায়শিং থাদোকখি অমসুং লৈবাক্কী চাউখৎ-থৌরাংগী থবকশিং হকথেংননা শরুক য়ানবা ৱাশক লৌখি। জিলা কয়াদগী অফস্পা লৌথোক্লে অমসুং হিংশানা শোকহল্লবা মফমশিং সরকারগী মতেংদগী মীয়ামগী অনিংবশিং মতুংইন্না শেমগৎলে।

প্রধান মন্ত্রীনা হায়খি মমাঙগী সরকারশিংনা পান্দমশিং থম্বা ৱাৎখি অমসুং থবক কন্না হোৎনখিদে। নোংপোক এসিয়াগা মান্ননা অৱাং-নোংপোক চাউখৎলক্লি অমসুং সাউথ এসিয়া সবরিজনেল ইকোনোমিক কোওপরেসনগী মখাদা রাজ্য অসিগী লম্বী কয়া ফগৎহল্লগনি অমসুং অৱাং-নোংপোক অসি ললোন-ইতিক্কী মফম অমা ওইহল্লগনি। মখোয়গী লমদম অসি নোংপোক এসিয়াগা মান্ননা চাউখৎনবা অৱাং-নোংপোক্কী নহারোলশিংনা পাম্লিবা অদু সরকারনা খঙলে। মসি থবক ওইনা পাংথোক্নবা মহাক্না কন্না হোৎনগনি।

প্রধান মন্ত্রীনা হায়খি ঙসি পায়খৎলিবা চাউখৎ-থৌরাংগী থবকশিংগী মরুওইবা পান্দমদি ভারত অমসুং ভারতমচাশিংগী নুংঙাইবা অমসুং য়াইফবা পুন্সি অমা শেম্বা, ভারত মালেমদা খ্বাইদগী চাউবা লৈবাক ওইহনবা হায়বসিনি। মসিগী পান্দমদি ২০৪৭দা ভারত চাউখৎলবা লৈবাক অমা ওইহনবনি। মসিদা অসাম অমসুং অৱাং-নোংপোক্না মরুওইবা থৌদাং অমা লৌগনি হায়বগী থাজবা থম্লি।

থৌরম অদুদা শরুক য়াখিবশিংগী মনুংদা অসামগী রাজ্যপাল শ্রী গুলাব চান্দ কাতারিয়া, অসামগী চীফ মিনিস্তর দোক্তর হিমান্তা বিশ্বা শর্মা অমসুং পোর্তস, সিপ্পিং অমসুং ৱাতরৱেজ অমসুং অয়ুসকী য়ুনিয়ন মিনিস্তর শ্রী সরবানন্দা সোনোৱাল য়াওখি।

নুঙগীৱারোল

লাইফমশিংদা লাকপা মীওইশিংদা মালেমগী থাক্কী খুদোংচাবশিং ফংহনবা অসি প্রধান মন্ত্রীগী মরু ওইবা মীৎয়েং চঙলিবা হিরম অমনি। পান্দম অসিগী মখাদা অতোপ্পা খোঙথাং অমদা প্রধান মন্ত্রীনা উরেপ-উয়ুং তমগদৌরিবা মরু ওইবা প্রোজেক্তশিংদা মা কামাখ্যা দিব্যা পরিয়োজনা (মা কামাখ্যা এক্সেস কোরিদোর) য়াওরি, মসি প্রাইম মিনিস্তরস দিবেলপমেন্ত ইনিসিএতিব ফোর নোর্থ ইস্তর্ন রিজন (পি.এম.-দিভাইন) স্কিমগী মখাদা সেঙ্কসন তৌখি। মসিনা কামাখ্যা মন্দিরদা লাই খুরুম্বা লাকপা মীওইশিংদা মালেমগী থাক্কী খুদোংচাবশিং ফংহল্লগনি।

প্রধান মন্ত্রীনা লুপা করোর ৩৪০০ হেনবগী রোদ অপগ্রেদেসন প্রোজেক্ত কয়ামরুম উরেপ-উয়ুং তমখি মসিগী মখাদা থোং ৩৮ সাউথ এসিয়া সবরিজনেল ইকনোমিক কোওপরেসন (এস এ এস ই সি) কোরিদোর কন্নেক্তিবিতীগী শরুক ওইনা অপগ্রেদ তৌবা য়াওনা লম্বী ৪৩ য়াওরি। প্রধান মন্ত্রীনা ফোর-লেনিং প্রোজেক্ত অনি শঙ্গাখি, মখোয় অদুদি দোলাবরিদগী জমুগুরি অমসুং বিশ্বানাথ চারিয়ালিদগী গোহপুরনি। প্রোজেক্তশিং অসিনা ইতানাগর ফাওবগী কন্নেক্তিবিতী ফগৎহল্লগনি অমসুং লমদম অসি শেন-থুমগী হিরম খুদিংক্তা চাউখৎপগী শাহৌ পীরগনি।

রিজন অসিগী অচৌবা স্পোর্তস পোতেন্সিএল অসি য়োকখৎনবা ৱাখল্লোন্দা প্রধান মন্ত্রীনা রাজ্য অসিদা স্পোর্তস ইনফ্রাস্ত্রকচর শাহৌ পীনবা প্রোজেক্তশিংসু উরেপ-উয়ুং তমখি। প্রোজেক্তশিং অদুদা চন্দ্রপুরদা ইন্তরনেস্নেল স্তেন্দর্দ স্পোর্তস স্তেদিয়ম অমসুং নেহরু স্তেদিয়ম ফিফা স্তেন্দর্দ ফুতবোল স্তেদিয়ম ওইনা অপগ্রেদ তৌবা য়াওরি।

প্রধান মন্ত্রীনা গৌহাতি মেদিকেল কোলেজ এন্দ হোস্পিতালগী ইনফ্রাস্ত্রকচর শেমগগৎনবা উরেপ-উয়ুংসু তমখি। মখা তানা করিমগঞ্জতা মেদিকেল কোলেজ অমগী চাউখৎ-থৌরাংগী উরেপ-উয়ুংসু মহাক্না তমখি।

 

Click here to read full text speech

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
India is a top-tier security partner, says Australia’s new national defence strategy

Media Coverage

India is a top-tier security partner, says Australia’s new national defence strategy
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 21 এপ্ৰিল, 2024
April 21, 2024

Citizens Celebrate India’s Multi-Sectoral Progress With the Modi Government