প্রধান মন্ত্রী শ্রী নরেন্দ্র মোদীনা ঙসি গুজরাতকী সুরত্তা চাউখৎ-থৌরাংগী প্রোজেক্ত কয়া শঙ্গাখ্রে অমসুং উরেপ-উয়ুং তমখ্রে। তিল্লিবা য়াম্লবা মীয়ামদা ৱা ঙাংলদুনা, প্রধান মন্ত্রীনা গুজরাতকী মীয়াম্না লেংদনা থাজবা থম্লিবা অসিগীদমক থাগৎপা ফোংদোকখি। "লোকাল বোদীগী মীখলগী মতুংদা, ঐহাক অহানবা ওইনা সুরত্তা লাক্লি। সুরত্তগী ঐহাক্না গুজরাতকী মীয়াম পুম্নমকপু খুরুমজরি অমসুং নুংঙাইবা ফোংদোকচরি," হায়না শ্রী মোদীনা ফোংদোকখি।
থৌরম অদুদা শরুক য়াখিবা সুরত অমসুং নভসারীগী মীহুৎ কয়াবু থাগৎপা ফোংদোক্লদুনা, প্রধান মন্ত্রীনা স্তেকহোল্দর পুম্নমক্তা গুজরাতকী মীয়ামদা সেবাগী ৱাখল্লোন চেল্লী হায়না নীংশিংখি। মসিগী অচৌবা মাইপাকপা অসিনা সর্ভিসকী মিসন অসি মখা তানা পাকথোক চাউথোকহন্নবগী মেনদেৎ অমা ওইরে হায়না মহাক্না অকনবা ৱাফম থম্লদুনা মীখলদা মায় পাকখিবা মীহুৎ পুম্নমকপু হেন্না কন্না থবক তৌনবা মহাক্না হায়খি। মহাক্না মীখল মায় পাক্লবা মীয়ামগী মীহুৎ খুদিংমক্না ভিজন অসিবু মঙফাওনহনবদা মরু ওইবা থৌদাং লৌগদবনি হায়না ফোংদোকখি। “ঐখোয়গী ৱারেপদি ভিক্সিত গুজরাত অমসুং ভিক্সিত ভারত অমা শেমগৎপনি। মসিগী ৱারেপ অসি লৈবাক অসিগী খুঙ্গং খুদিং, জিলা খুদিং, শহর খুদিং চাউখৎহন্দুনা মপুং ফাহনগনি”, হায়না শ্রী মোদীনা ফোংদোকখি।
এনভাইর্নমেন্ত দেদা য়াইফরবা থৌরম অসি চান্ননা পাংথোকপা অসি য়াম্না চাউথোকচনীংঙাই ওইবা ৱাফম অমনি হায়না পল্লদুনা প্রধান মন্ত্রীনা জুন ৫দা লৈবাক অসিগী খ্বাইদগী তরু-তনানবা সহরশিংগী মনুংদা অমা ওইরিবা সুরত্তা লাকপদা চাউথোকচবা ফোংদোকখি। মতম অমদা প্লেগ লাইচৎনা শোকহল্লম্বা সহর অমা ওইরম্বা সুরত অসি হৌজিক্না মাগী লুনানবগীদমক শকখঙনরকপা অসিবু নৌহৌননা নীংশিংলদুনা মহাক্না হৌখিবা চহি তরাগী খুজিং অনি মখাইগী মনুংদা নাগরিকশিং, ওফিসিএলশিং, এমপ্লোয়ীশিং অমসুং মীয়ামগী মীহুৎশিং য়াওনা স্তেকহোল্দর পুম্নমক্না লেপ্পা লৈতনা হোৎনখিবশিংবু থাগৎপা ফোংদোকখি। শ্রী মোদীনা হায়খি, "করিগুম্বা মতমদা প্লেগ লাইচৎনা শোকহল্লম্বা সুরত অসি ঙসিদি মশা-মউ ফনা লৈবগীদমক শকখঙনরকপা অসি চাউথোকচনিংঙাই ওই।"
মালেমগী ওইনা গ্রীন ফ্যুচর অমগী মায়কৈদা অহোংবা পুরকপদা গুজরাতকী মরুওইবা থৌদাং অদু পল্লদুনা, প্রধান মন্ত্রীনা ২০০৯দা পুৱারী ওইরবা চারঙ্কা সোলর পার্ক্কা লোয়ননা ভারতকী অহানবা ক্লাইমেৎ চেঞ্জ দিপার্তমেন্ত লিংখৎপদা রাজ্য অসিনা লৌখিবা মাংজিল থাবা থৌদাং অদু নীংশিংখি। মহাক্না সুরতনা মতৌ করম্না হৌখিবা চহি ১২ অসিদা ইন্নোবেতিব ওইবা 'সর্ক্যুলর ৱাতর ইকোনোমী', ইন্দস্ত্রীএলগী শীজিন্নবগীদমক ৱেস্তৱাতর ত্রিৎমেন্ত, অমসুং লৈবাক শিনবা থুংনা 'ৱেস্ত তু ৱেল্থ' মুভমেন্তকী খুত্থাংদা মহৌশাগী ফিভমগা লোয়ননা খুমাং চাউশিল্লকপগী নেস্নেল মন্ত্র উৎখিবগে হায়বা অদু শন্দোক্না হায়খি। তুংদা থক্নবা ঈশিং অমসুং দ্রেনেজ সেক্যুরিতী ফংহন্নবা মহাক্না তাপি বারেজ প্রোজেক্তকী অয়াবা পীখিবগী মতাংদা পনখি। মহাক্না সুরতকী ইলেক্ত্রিক মোবিলিতী, হেনগৎলক্লিবা মেত্রো নেৎৱার্ক অমসুং হজিরা ইন্দস্ত্রীএল এরিয়াগী শেমগৎলক্লিবা গ্রীন স্তীল প্রদক্সন অসি মপুংফানা রিন্যুএবল ইনর্জীনা পাৱর তৌগনি হায়বগী থাজবা থমখি। শ্রী মোদীনা হায়খি, “ঐখোয়গী বসশিং ইলেক্ত্রিক ওইহন্নবা হোৎনবদগী হৌরগা গ্রীন ইনর্জী শীজিন্নদুনা স্তীল পুথোকপদা চঙশিল্লিবা খোঙথাং পুম্নমক অসিনা সুরতপু তশেংনা গ্রীন সিতী অমা ওইনা অখন্নবা শক্তক অমা হেন্না মপাঙ্গল কনখৎহল্লগনি”।
মহাক্না 'দেকেদ ওফ দিজাস্তরস' হায়না মিংথোনখিবা, লাইচৎ, মালেমগী ওইবা লান অমসুং ইনর্জী সপ্লাই চেনগী ফীভম শোকচিল্লকপা অসিনচিংবা অসিগুম্বা মমাংদা অমুক্তা ওইখিদ্রিবা শিংনবশিং অসি থেংনবদা, প্রধান মন্ত্রীনা মালেমগী ওইবা শিংনবশিং অসিবু মপাঙ্গল লৈনা থেংনবা ঙম্বগীদমক ভারত মচা করোর ১৪০বু থাগৎপা ফোংদোকখি। মহাক্না গুজরাতনা ভারতকী ইনর্জীগী লমদা মীপাল তাংদনা লৈহনবদা অচৌবা থৌদাং লৌবগীদমক থাগৎপা ফোংদোকখি, লৈবাক অসিগী রিন্যুএবল ইনর্জী কেপাসিতীগী জি.দবল্যু.২৫০গী শরুক মঙা থোকপগী অমা (জি.দবল্যু.৫০) গুজরাতনা পুথোক্লি অমসুং গ্রীন হাইদ্রোজেন অমসুং গ্রীন অমোনিয়াগুম্বা সেক্তরশিংদা লুচিংবা ওইনবা শেম-শারি হায়না মহাক্না ফোংদোকখি। হৌখিবা চহি ১২ অসিদা শেমগৎখিবা ইনর্জী কেপাসিতীগী মরুওইবা অদু পল্লদুনা মহাক্না সোলর পাৱর, ইথানোল ব্লেন্দিং, রেলৱে ইলেক্ত্রিফিকেসন, ন্যুক্লিয়র ইনর্জী, মোদর্নাইজ তৌরবা ইলেক্ত্রিসিতী ত্রান্সমিসন নেৎৱার্কশিং অমসুং গ্যাস পাইপলাইনশিং অমসুং পোর্ত স্তোরেজ কেপাসিতীশিং পাকথোক চাউথোকহনবদা পুৱারী ওইরবা ইনভেস্তমেন্তশিং অদু পনখি। “হৌজিক লৈরিবা মালেমগী ওইবা অৱাবা অসিনা ইনর্জীগী লমদা মতৌ করম্না মশা-মরোমদোম লেপচবা তঙাইফদবগে হায়বদু উৎলি। হৌখিবা চহি ১২ অসিদা লৈবাক অসিনা শেমগৎলকখিবা পাক চাউরবা কেপাসিতী অসি ঙসিদি য়াম্না মরু ওইরে”, হায়না শ্রী মোদীনা ফোংদোকখি।
থৌরম অদুগী মমাংদা হাজিরাদা চৎখিবা মহাক্কী খোঙচৎ অদুগী মতাংদা পল্লদুনা, প্রধান মন্ত্রীনা লমদম অসিবু ইন্দস্ত্রীএল জোন অমা ওইনা খক নত্তনা, ইনর্জী, স্তীল, দিফেন্স প্রদক্সন অমসুং মালেমগী মেরিতাইম ত্রেদ য়াওবা পাক-চাউবা, চাউখৎপা ইকোসিস্তেম অমা ওইনা শন্দোক্না তাকখি। মহাক্না মসিগী মেরিতাইম-ইন্দস্ত্রীএল হব অসি 'আত্মনির্ভর ভারত' ইনিসিয়েতিবকী অহিংবা খুদম অমা ওইনা থমখি, লৈবাক অসিগী মনুংদা মশা-মরোমদোম লেপচবগী কেম্পেনবু করেম্নবা অমসুং পুৱারীদা লৈবাক অসি মপানগী এন্তিতীশিংগী মখা পোনহল্লিবা পেসিমিস্তিক ফ্রেক্সনশিংবু মহাক্না অকনবা মওংদা য়ানিংদবা ফোংদোকখি। শ্রী মোদীনা হায়খি, "জাতি অসিগী ৱারেপ অসিবু লেপ্পা লৈতনা পুক্নিং শোন্থহল্লিবা মীওইশিং অসিনা লৈবাক অমনা অতোপ্পদা মখা পোল্লবদি চাউখৎপগী অৱাংবা থাক অদু ফংবা ঙম্লোই হায়বসি কাউথোকপগুম তৌরি।”
মশা-মরোমদোম লেপচবা ঙম্নবা সরকারনা মোদর্ন কনেক্তিবিতীদা অকনবা মীৎয়েং চংলিবা অদু পল্লদুনা, প্রধান মন্ত্রীনা দিদিকেতেদ ফ্রাইৎ কোরিদোর, বুলেৎ ত্রেন অমসুং নৌনা শঙ্গাখিবা ভাদোদরা-মুম্বাই এক্সপ্রেসৱেগী সেক্সন অসি ইন্দস্ত্রী অমসুং ললোন-ইতিক্কী চাউখৎপগী মরুওইবা কেতালাইজরশিংনি হায়না পনখি। মহাক্না অকনবা ৱাফম থমখি মদুদি ইনফ্রাস্ত্রকচরদা শাহৌ পীবা অসি মশাগী ওইবা ইনক্লুসিব ওইরি। দাহোদ-বোদেলি-ভাপি কোরিদোরগুম্বা ইনিসিএতিবশিংগী খুত্থাংদা হান্ননা কান্নবা ফংদ্রিবা ত্রাইবেল অমসুং মনুং হঞ্জিনবা মফমশিংদা য়ৌহল্লগনি। ছোতা উদেপুর, নর্মদা, ভরুচ, অমসুং তাপিগী ত্রাইবেল বেল্তশিংদা লেন মরিগী হাইৱেশিং পুরক্তুনা সরকারনা চৎথোক-চৎশিনগী মতম অমসুং ফ্রাইৎ কোস্ত হন্থহল্লি। অমরোমদা স্তেচু ওফ য়ুনিতী অমসুং সাপুতারাগুম্বা দিস্তিনেসনশিংদা এজুকেসন, হেল্থকেয়র অমসুং তুরিজমগীদমক্তা অমুক্তা ওইখিদ্রিবা খুদোংচাবশিং ফংহল্লি। শ্রী মোদীনা হায়খি, “ঐখোয়গী ত্রাইবেল অমসুং রুরেল এরিয়াশিংদা মোদর্ন কনেক্তিবিতী পুরক্তুনা, ঐখোয়না মখোয়দা এজুকেসন, হিদাক-লাংথক অমসুং হেন্না ফবা শেন্থোক ফংনবগী খুদোংচাবশিং ফংহন্নবা হোৎনরি।”
অতোপ্পা রাজ্যশিংদগী লাকপা শিন্মীশিং অমসুং মাইগ্রেন্ত ফেমিলীশিংদা হেন্না ফবা হেল্থকেয়র ফংহন্নবগীদমক সুরত্তা মোদর্ন ই.এস.আই.সি. হোস্পিতাল অমা শঙ্গাদুনা, প্রধান মন্ত্রীনা চাউখৎ-থৌরাংগী মাইলস্তোনশিং অসি লৈবাক অসিনা সরকারদা থাজবা থম্লিবা ইলেক্তোরেল ত্রস্ত অসিগা মরী লৈনহনখি। ভারতকী নাগরিকশিংগী লোইনাইদ্রবা আশা অদু থাগৎপা ফোংদোক্লদুনা থবক পায়খৎনবা অকনবা ৱাফম অমগা লোয়ননা মহাক্না ৱা ঙাংবা লোইশিনখি, মহাক্না মপুং ফানা চাউখৎপা লৈবাক অমা শেমগৎনবা মীয়ামগী অপুনবা শক্তিদা মপুং ফানা থাজবা ফোংদোকখি। শ্রী মোদীনা হায়খি, "ভারত অসি থোইদোক হেন্দোকপা এস্পিরেসনশিং অমসুং লোইনাইদ্রবা আশা লৈবা লৈবাক অমনি, অমসুং লৈবাক অসিগী মেনপাৱর অসি মপুং ফানা ফিরেপ লৌরবা মতমদা, ঐখোয়না ফংবা ঙমলোইদবা পান্দম অমত্তা লৈরোই।”
ৱা ঙাংখিবগী মপুংফাবা ৱারোল পানবা মসিদা নম্বীয়ু
Economy भी, Ecology भी। pic.twitter.com/XapW1PkrUV
— PMO India (@PMOIndia) June 5, 2026
बीते 12 वर्षों से देश में waste to wealth का एक बहुत बड़ा जन-आंदोलन चला है। pic.twitter.com/ME2KMiPcDu
— PMO India (@PMOIndia) June 5, 2026
Today, the world is facing an unprecedented set of challenges. But with the collective efforts of 140 crore Indians, the country continues to move ahead with confidence and optimism. pic.twitter.com/GUc3cj4UXA
— PMO India (@PMOIndia) June 5, 2026
