ঙসি প্রধান মন্ত্রী শ্রী নরেন্দ্র মোদীনা অসামগী শিলচরদা তোঙান তোঙানবা চাউখৎ-থৌরাংগী প্রোজেকশিং শঙ্গাখ্রে অমসুং উরেপ-উয়ুং তমখ্রে। থৌরম অদুদা মীয়ামদা ৱা ঙাংবদা, প্রধান মন্ত্রীনা হায়খি মদুদি লমদম অসিগী নাৎ অমসুং ফজবনা মশক তাক্লিবা বরাক তম্পাক্ত লাকপা অসি মতম পুম্নমক্ত মহাক্কী অখন্নবা নুংঙাইবা অমনি। পুৱারি অমসুং লোলনা তোপ-তোপ্পা লমদম অসিগী মশক অমা তাক্লিবা তম্পাক অসিগী থোঙ্গাল অমা শিলচরনা ওইরি। বেঙ্গালি, অসামিজ অমসুং ত্রাইবেগী চৎনবীশিং অমতা ওইনা নুংশিন্না লৈমিন্নরিবা লমদম অসিগী খেন্নবনা লমদম অসিগী মপাঙ্গলনি। বরাক তম্পাক্কী খেন্নবা অসিনা মসিগী খ্বাইদগী মমল য়াম্বা লন্নি, লমদম অসিগী মীয়াম মরক্ত মচিন-মনাও ওইবগী ৱাখল্লোন হেনগৎহল্লে।
প্রধান মন্ত্রীনা হায়খি মদুদি মতম কয়াগী মমাঙদগী লৈহাও লৈরবা তম্পাকশিং অমসুং চাগী বাগানশিং লমদম অসিগী শেন্মিৎলোন অমসুং ললোন-ইতিক্কী লম্বীশিংগী য়াংলেন শরু ওইদুনা লাক্লি। ঙসি শঙ্গারিবা লুপা করোর লিশিং কয়াগী প্রোজেকশিংনা মখা তানা বারাক তম্পাক অৱাং-নোংপোক শীনবা থুংবগী পোৎ-চৈ পুথোক-পুশিনগী মফম অমা ওইহনগনি। লমদম অসিগী নহারোলশিংদা য়াম্লবা থবকশিং পীনবা রেল, লম্বী অমসুং লাইরিক-লাইশুগী থবকশিং অসি পায়খৎপনি। লমদম অসিনা হৌজিক রাজ্য অসিগা শম্নবা খক নত্তনা, নোংচুপ বেঙ্গল অমসুং অৱাং-নোংপোক্কী মফমশিংগা শম্নরগনি। বরাক তম্পাক অৱাং-নোংপোক্কী মরুওইবা পোৎ-চৈ পুথোক-পুশিন অমসুং ললোন-ইতিক্কী মফম অমা ওইরক্লগনি।
প্রধান মন্ত্রীনা হায়খি মদুদি হৌজিক পাল্লিবা সরকার অসিনা লমদম অসি ভারতকী এক্ত ইষ্ট পোলিসিগী মরুওইবা মফম অমা ওইহল্লে। লমদম অসিগী উদ্যোগকী মপান ফরিঙৈ মতম অদু অমুক হঞ্জিল্লক্নবা হৌজিক পাল্লিবা সরকার অসিনা থবক পায়খৎলি। লুপা করোর ২৪,০০০ গী শিল্লোং-শিলচর হায়-স্পিৎ কোরিদোরগী উরেপ-উয়ুং তমদুনা ঙসি পুৱারি ওইরবা খুমাংচাউশিনবা অমা লৈরে। মসিগী এসেস কন্ত্রোল কোরিদোর অসি অৱাং-নোংপোক্কী অহানবনি অমসুং মীয়াম্না চহি কয়া ঙাইরকপা অসি ফংলে। কোরিদোর অসিনা শিলচরগা মিজোরম, মনিপুর অমসুং ত্রিপুরাগা শম্নগনি অমসুং মখা তারকপদা খা-নোংপোক এসিয়াগী পাক-চাউরবা কৈথেলশিংগা শম্নগনি। লম্বী অসিনা লমদম অসিগী উদ্যোগ, লৌউ-শিংউ অমসুং তুরিজম অঙকপা ফংনা চাউখৎহনগনি। বরাক তম্পাক অফবা তুংলমচৎ অমগা শম্নরগনি।
প্রধান মন্ত্রীনা হায়খি মদুদি শিলচরগী অনৌবা লৈকংথোঙ অসিনা মতম কয়াগী মমাঙদগী সহর অসিগী মীয়াম্না খুদোংচাদবা ময়োক্নদুনা লাকপা লম্বী চিনবা অসি কোকহল্লগনি। লৈকংথোঙ অসি শিলচর মেদিকেল কোলেজ, এন.আই.তি অমসুং অসাম য়ুনিভর্সিতিগী মহৈরোয়শিংগী অচৌবা খুদোংচাবা অমনি, মখোয়গী মমল য়াম্লবা মতম কনবা ঙম্লে। অসামগী রেল নেতৱার্ককী কিমি ২,৫০০ হেন্না মৈ ফংহনবদগী য়াংনা চৎথোক-চৎশিন য়াহল্লগনি। খোঙজেল য়াংবা, মৈখু থাংদবা রেল ত্রান্সপোর্তনা বরাক তম্পাক্কী ফজরবা মহৌশাগী অকোয়বগী ফিবমদা কান্নবা পীগনি।
প্রধান মন্ত্রীনা হায়খি মদুদি বরাক তম্পাক্কী লৌমীশিং অমসুং চা বাগানশিংদা থবক তৌরিবা শিন্মীশিংনা অসামগী চাউখৎপদা শিংথাবা য়ানা মতেং পাংলে। লৌমীশিংগী য়াইফনবা সরকরনা মখা তানা থবক কয়া পায়খৎলি। পি.এম কিষান সম্মান নিধিগী মখাদা অসামগী লৌমীশিংদা লুপা করোর ২০,০০০ হেন্না ফংহনখ্রে। ঙরাং খক্তদা, বরাক তম্পাক্কী লৌমী লিশিং কয়া মখোয়গী বেঙ্ক একাউন্তশিংদা শেন ফংখ্রে। মসিগী মতেং অসিনা লৌউ-শিংউগা মরী লৈনবা খ্বাইদগী দরকার ওইবশিংগীদমক লৌমীশিংগী মতেং পাংগনি। পথারকান্দিদা লমদম অসিগী অহানবা এগ্রিকলচরেল কোলেজ লিংখৎপা অসিনা তম্পাক অসি লৌউ-শিংউগী লমদা থিজিন্নবা মফম অমা ওইহল্লগনি। মসিগী মহৈলোয়শঙ অসিনা মাইপাক্না এগ্রি-ষ্টার্দঅপশিং হৌদোক্নবা লমদম অসিগী নহারোলশিংদা মখোয়গী দরকার ওইবশিং পীগনি। হৌজিক বরাক তম্পিক লৌউ-শিংউগী লাইরিক তম্বা অমসুং থিজিনবগীদমক মমিং চৎলগনি।
প্রধান মন্ত্রীনা হায়খি মদুদি চাউখৎপগী লমজেলদা মনিংদা লৈহৌরবশিং মরুওইনা লৌবা লাইৱা অদু হৌজিক পাল্লিবা সরকার অসিনা শীজিন্নরি। মতম অমদা ঙমখৈদা লৈবা খুঙ্গংশিং অরোইবা খুঙ্গংশিংনি হায়না খন্নরমখি। মহাক্কী সরকারনা ঙমখৈগী খুঙ্গংশিং লৈবাক অসিগী অহানবা খুঙ্গংশিংনি হায়না খল্লি। ঙমখৈগী শরুকশিং চাউখৎনবগীদমক, কছার জিলাদগী ভাইব্রেন্ত ভিলেজ প্রোগ্রামগী অনিশুবা তাঙ্কক হৌদোকখি অমসুং ঙমখৈগী খুঙ্গংশিংদা অফবা ফলশিং উবা ফংলে। পুৱারিদগী হৌনা মীরাইদুনা লাক্লবা মফমশিং হৌজিক অফবা চাউখৎ-থৌরাং অমসুং মরুওইবা মীৎয়েংনা মহুৎশীল্লে। বারাক তম্পাক্কী খুঙ্গং কয়াসু চাউখৎহল্লগনি
প্রধান মন্ত্রীনা হায়খি চা বগানগী ইমুং লিশিং কয়াদা লমগী পাত্তশিং পীদুনা অসাম সরকারনা পুৱারি ওইরবা থৌদাং অমা পাংথোক্লে। মখোয়দা লমগী পাত্তাশিং পীবা অসি চহি ২০০ হেন্না থবক তৌদুনা লাক্লবশিংগী তুংগী মীরোলশিং অহোংবা পুরক্নবা মাইকৈদা থাংজিনবা অচৌবা খোঙথাং অমনি। মসিগী আইনগী ওইবা সেকুরিতি অসিনা ইকায়খুম্নবা পুন্সি অমা ফংহল্লগনি। লমগী মপু ওইবা ফংবা অসিনা হৌজিক ইমুং কয়া য়ুম শানবা, মৈ থান্নবা অমসুং ঈশিং ফংনবা কেন্দ্র সরকারগী স্কিমশিংগী কান্নবশিং ফংলগনি।
প্রধান মন্ত্রীনা হায়খি মদুদি মরুওইনা চা বগানশিংগী নহারোলশিংদা স্কুলশিং, স্কোলারশিপশিং অমসুং থবক পীনবা সরকারনা মীৎয়েং চঙলে। পায়খৎলিবা থবকশিং অসিনা মমাঙদা মীরাইদুনা লাক্লবা শিন্মীশিংগী অঙাংশিংদা অফবা তুংলমচৎ অমা পীনবা থোঙশিং হাংদোক্লে। লাইরিক-লাইশু, স্কিল হেনগৎহনবা অমসুং হকশেল অসি হৌজিক পাল্লিবা সরকারগী লমদম অসিগী লাল্লোংগী মরুওইবা য়ুম্বীশিং ওইরে। এ.আই.আই.এম.এস অমসুং কেন্সর হোস্পিতালশিং লৈদুনা, হৌজিক অসাম হকশেলগী মফম অমা য়াংনা ওইরক্লি। চাগী বগানশিংগী নহারোলশিংগীদমক অফবা তুংলমচৎ অমগী থোঙশিং হাংদোক্লে।
প্রধান মন্ত্রীনা হায়খি মদুদি সেমিকন্দক্তরশিং অমসুং তেক সেক্তরশিংদা অসামগী নহারোলশিংগী খুদোংচাবশিংগী অহাংবা অতিয়া অমা লৈরে, অচৌবা কৎথোকপা কয়াগী খুৎথাংদা হৌজিক শান্তি অমসুং চাউখৎপগী মতম অসি য়ৌরকপনি অমসুং ফত্তবা শাফুশিংদগী ঙাকথোক্কদবনি। রাজ্য অসি অমুক হন্না হৌখিবা মতমগী খুদোংথিবা অদুদা হল্লক্নবা হোৎনরিবা শাফু খুদিংমক মতিক চাবা পাউখুম অমা পীগদবনি। হৌজিক অসাম ভারতকী সেমিকন্দক্তর সেক্তরগী মরুওইবা শরুক অমা ওইরে। অনৌবা তেক্নোলোজিগা মরী লৈনবা হৈথোই-শিংথোইরবা মীওইশিং মফম অসিদা শেম-শাদুনা লৈরে।
প্রধান মন্ত্রীনা হায়খি মদুদি মালেমগী খুদোংচাদবশিং অমসুং লানশিং মনুংদা, ভারতকী মীয়াম্না ময়োক্নবা অৱাবশিং হন্থহন্নবা অকনবা থৌনাগা লোয়ননা হৌজিক পাল্লিবা সরকার অসিনা থবক পায়খৎলি। লমদম অসিগী চাউখৎপগী লম্বীদা চৎলিবা খোঙচৎ অসি লেপহনবা ঙম্লোই, লমদম অসিগী ইনাকখুল্লবা লোল অমসুং চৎনবীনা শৌগৎলি। ঙসি শঙ্গারিবা চাউখৎ-থৌরাংগী প্রোজেকশিং অসি তম্পাক অসিগী অনৌবা যুগ অমা হৌবনি। মীয়ামগী অপুনবা ৱারেপনা রাজ্য শীনবা থুংনা অফবা অমসুং নুংঙাই য়াইফবা তুংলমচৎ অমা পুরক্কনি। বরাক তম্পাক চাউখৎপগী অনৌবা মফম অমা ওইনা মীয়াম্না খঙনগদবা নুমিৎ অদু কুইদ্রে।
ৱা ঙাংখিবগী মপুংফাবা ৱারোল পানবা মসিদা নম্বীয়ু
आज नॉर्थ ईस्ट, भारत की एक्ट ईस्ट पॉलिसी का केंद्र है... दक्षिण-पूर्व एशिया के साथ भारत को जोड़ने वाला सेतु बन रहा है: PM @narendramodi in Silchar, Assam
— PMO India (@PMOIndia) March 14, 2026
बराक वैली के किसानों और यहां के चाय-बागानों में काम करने वाले श्रमिकों का असम के विकास में बहुत बड़ा योगदान है।
— PMO India (@PMOIndia) March 14, 2026
डबल इंजन सरकार किसानों के कल्याण के लिए निरंतर कदम उठा रही है: PM @narendramodi in Silchar
हम बॉर्डर के गांवों को देश के पहले गांव मानते हैं।
— PMO India (@PMOIndia) March 14, 2026
इसलिए, बॉर्डर एरिया के विकास के लिए... कछार जिले से ही वाइब्रेंट विलेज प्रोग्राम का अगला चरण शुरु किया था।
इससे बराक वैली के अनेक गांवों में भी सुधार होना तय हो गया है: PM @narendramodi
