ঙসি প্রধান মন্ত্রী শ্রী নরেন্দ্র মোদীনা বিহারগী মোতিহারিদা লুপা করোর ৭,০০০ হেনবগী চাউখৎ-থৌরাংগী থবকশিং উরেপ-উয়ুং তমখ্রে, শঙ্গাখ্রে। শেংলবা সাৱন থা মনুংদা বাবা সোমেশ্বরনাথকী খুয়াদা চঙজরদুনা, বিহারগী মীয়াম হরাওনবা অমসুং নুংঙাইনা হিংনবা বর পীনবা প্রধান মন্ত্রীনা থৌনিজখি। থৌরম অদুদা তিনখিবা মীয়ামদা ৱা ঙাংবদা, প্রধান মন্ত্রীনা হায়খি চম্পারনগী লমদম অসিনা পুৱারি শেমখি। নিংতম ইহৌ মনুংদা লমদম অসিনা মহাত্মা গান্ধীদা অনৌবা মাইকৈ অমা তাকখি। লমদম অসিনা হৌজিক বিহারগী অনৌবা তুংলমচৎ শেমগনি। চাউখৎ-থৌরাংগী থবকশিং অসিগীদমক বিহারগী মীয়ামদা হরাওবা ফোঙদোকচরি।
প্রধান মন্ত্রীনা হায়খি ২১শুবা চহিচাদা য়াংনা চাউখৎলকপা উবা ফংলে, মতম অমদা নোংচুপলোমগী লৈবাকশিংনা পাল্লম্বা অদু হৌজিক নোংপোক্কী লৈবাকশিং চাউখৎপা হেনগৎলক্লি। হৌজিক নোংপোকলোমগী লৈবাকশিং চাউখৎপগী অনৌবা খোঙজেলদা চৎলি। মালেমদা নোংপোকলোমগী লৈবাকশিং চাউখৎলকপগু, ভারত্ত, হৌজিক ঐখোয়গী নোংপোক্কী রাজ্যশিংগী যুগনি। নোংচুপ্ত মুম্বাই মমিং চৎপগুম্না নোংপোক্ত মোতিহারি চাউখৎহনবা হায়বসি সরকারগী ৱারেপনি। গুরুগ্রামদা ফংলিবা চপ মান্নবা খুদোংচাবশিং গয়াদা, পুনেদা উদ্যোগ চাউখৎলিবা অদুগুম্না পাত্নাদা পীনবা পান্দম থম্লি। জালপাইগুরি অমসুং জাজপুরগী তুরিজম অসি জয়পুরগুম্না অনৌবা রেকোর্দশিং থমগনি অমসুং ভিরভুমগী মীয়াম বেঙ্গালুরুগী মীয়ামগুম্না চাউখৎহনগনি।
প্রধান মন্ত্রীনা হায়খি নোংপোক ভারত চাউখৎনবা বিহার চাউখৎলবা রাজ্য অমা ওইহনগদবনি। কেন্দ্র অমসুং রাজ্য অনিমক্না বিহার চাউখৎনবা হোৎনবদগী বিহার য়াংনা চাউখৎলকপনি। মমাঙ সরকারগী চহি ১০ গী মতমদা মখোয়না কেন্দ্রদা শক্তি পায়রিঙৈদা, বিহারনা লুপা করোর লাখ ২ খক্ত ফংখি, মসিদা নিতিস কুমারনা লুচিংবা সরকারনা সরকারগী মথক্ত রাজনিতিগী লালহৌ অমা চৎথখি। ২০১৪ দা শক্তি পায়রকপদগী মহাক্কী সরকারনা হৌখিবা চহি ১০দা বিহারগী চাউখৎ-থৌরাংগী লুপা করোর লাখ ৯ রোম কাইথোকখি। মসি মমাংগী সরকারদগী শরুক মরি হেল্লবনি অমসুং মসিনা মীয়াম য়াইফনবা অমসুং বিহার শীনবা থুংনা চাউখৎ-থৌরাংগী প্রোজেকশিং পায়খৎনবা শীজিন্নগনি।
প্রধান মন্ত্রীনা হায়খি হৌজিক্কী মীরোলশিংনা চহি ২০ গী মমাঙদা লৈখিবা বিহারগী ফিবম খঙবা য়াম্না মরুওই। মমাঙগী সরকারশিংনা চাউখৎপা থিন্থহনখি অমসুং লায়রবশিংদা ফন্দশিং য়ৌবা ঙমখিদে। মতম অদুগী লুচিংবশিংনা লায়রবশিংগী শেনফম লুত তৌখি। বিহারগী মীয়াম্না অৱাবা মায়োক্নবা ঙম্বা অসিগীদমক থাগৎপা ফোঙদোকচরি অমসুং লমদম অসি ওইথোক্তবশিং ওইথোকহনবা লমদম অমনি। হৌখিবা সরকারগী অৱাবশিংদগী নান্থোকপা ঙম্বগীদমক বিহারগী মীয়াম থাগৎপা ফোঙদোকচরি অমসুং লায়রবশিংগী য়াইফ থৌরাংগী স্কিমশিং হকথেংননা ফংহনবা ঙম্লে। হৌখিবা চহি ১১ দা প্রধান মন্ত্রী অৱাস য়োজনাগী মখাদা লৈবাক শীনবা থুংনা য়ুম করোর ৪ হেন্না শাবদা বিহারগী য়ুম লাখ ৬০ রোম শাখ্রে। মসিগী মশিং অসি নোরৱে, ন্যু জিলেন্দ অমসুং শিঙ্গাপুরগুম্বা লৈবাকশিংগী অপুনবা মীশিংদগী হেল্লে। মোতিহারি জিলা খক্তদা ইমুং লাখ ৩ রোম পাক্কাগী য়ুমশিং ফংলে। ঙসি লমদম অসিগী ইমুং ১২,০০০ হেন্না মখোয়গী অনৌবা য়ুমশিংগী শোশিং ফংলে। দলিত, মহাদলিত অমসুং শোৎথরবা ফুরুপশিংগী লায়রবা ইমুং ৪০,০০০ হেন্না পাক্কাগী য়ুমশিং শানবা মখোয়গী বেঙ্ক একাউন্তশিংদা ফন্দশিং ফংলে। মমাং সরকারগী মতমদা, অসিগুম্বা য়ুম ফংগনি হায়বা লায়রবশিংগী ৱাখলদা ফাওবা খল্লমদে। মতম অদুগী লৈঙাকপশিংনা কৈদৌঙৈদা মীয়ামদা পাক্কাগী য়ুমশিং ফংহল্লমদে।
প্রধান মন্ত্রীনা হায়খি বিহারদা নুপীশিংনা মখোয়গী সরকারনা পায়খৎলিবা থবক খুদিংমক্কী মরুওইবা অদু নাখৈ শেংনা খঙলে। থৌরম অসিদা শরুক য়ারিবা নুপীশিং বেঙ্ক একাউন্তশিং লৈতবদগী লুপা ১০ ফাওবা মখোয়না লোন্না থমখি অমসুং মখোয় বেঙ্কশিংদা চঙবগী অয়াবা ফংখিদে। করিগীদমক মখোয়গী থোংশিং লায়রবশিংদা থিংলিবনো হায়না মহাক্না বেঙ্কশিংদা হংখি। জন ধন একাউন্তশিং হাংদোক্নবা অচৌবা কেম্পেনশিং পাংথোক্তবদগী মসিনা বিহারদা হৌজিক নুপী করোর ৩.৫ রোমগী জন ধন একাউন্তশিং লৈরে। হৌজিক সরকারগী স্কিমগী ফন্দশিং মখোয়গী একাউন্তশিংদা হকথেংননা পীরে। নিতিস কুমারগী মখাদা বিহার সরকারনা অহলশিং, হকচাংগী ফিবম চাদ্রবশিং অমসুং মপুরোইবা লৈখিদ্রবী নুপীশিংদা পীবা থাগী পেন্সন লুপা ৪০০ দগী লুপা ১,১০০ দা হেনগৎলে। হায়রিবা শেনফমশিং বেনিফিসরিশিংগী বেঙ্ক একাউন্তশিংদা হকথেংননা হাপচিল্লে। হৌখিবা থা খর অসিদা বিহারদা সেল্ফ-হেল্প গ্রুপ ২৪,০০০ হেন্না লুপা করোর ১,০০০ হেনবগী মতেং ফংলে, মসিনা জন ধন একাউন্তশিং হাংলিবা নুপীশিংগী শেন-থুমগী ফিবম ফগৎহল্লে।
লৈবাক অমসুং বিহার শীনবা থুংনা লাখপতি দিদি মশিং হেনগৎলক্লিবা অসি পল্লদুনা প্রধান মন্ত্রীনা হায়খি লৈবাক অসিগী পান্দমদি লাখপতি দিদি করোর ৩ শেম্বনি অমসুং হৌজিক ফাওবদা নুপী করোর ১.৫ পান্দম অসি ফংবা ঙম্লে। বিহারদা নুপী লাখ ২০ হেন্না লাখপতি দিদি ওইরে অমসুং মসিগী মনুংদা চম্পারনগী নুপী ৮০,০০০ হেন্না লাখপতি দিদি ওইরে। নারী শক্তিগী ফিবম ফগৎনবা কম্মুনিতি ইনভেস্তমেন্ত ফন্দ ওইনা লুপা করোর ৪০০ থাদোক্লে। শ্রী নিতিস কুমারনা হৌদোকপা স্কিম জিবিকা দিদি স্কিম অসিনা বিহারদা নুপী লাখ কয়া মশা মরোমদোম লেপচনবা লম্বী শেম্লে।
প্রধান মন্ত্রীনা মখা তানা হায়খি ভারত চাউখৎনবগীদমক বিহার চাউখৎপা তঙাইফদে। রাজ্য অসিগী নহারোল চাউখৎলবা মতম খক্তদা বিহার চাউখৎকনি। বিহার চাউখৎনবা অমসুং নহারোল খুদিংমক থবক ফংনবা সরকারনা থবক পায়খৎলে। বিহার মশাদা থবক ফংনবা খুদোংচাবশিং পীনবা চহি খর অসিদা থবক কয়া পায়খৎলে। মখা তানা বিহারগী নহারোলশিং থবক পীনবা বিহারগী চীফ মিনিস্তরনা অনৌবা ৱারেপশিং লৌরে অমসুং হায়রিবা থবকশিং অসিদা কেন্দ্র সরকারনা মপুংফানা মতেং পাংগনি।
প্রধান মন্ত্রীনা হায়খি প্রাইভে সেক্তরদা অহানবা ওইনা থবক ফংলবশিং মতেং পাংনবা অচৌবা স্কিম অমা হন্দক কেন্দ্র সরকারনা অয়াবা পীখ্রে। স্কিম অসিগী মখাদা লনাই কম্পেনি অমদা অহানবা থবক ফংলবা নহারোল অমদা কেন্দ্র সরকারনা লুপা ১৫,০০০ পীগনি। স্কিম অসি ওগস্ত ১ দগী চৎনবা হৌগনি অমসুং মসিদা কেন্দ্র সরকারনা লুপা করোর লাখ ১ চাদিং তৌগনি অমসুং মসিদা বিহারগী নহারোলশিং কান্নবা য়াম্না ফংগনি। মুদ্রা য়োজনাগুম্বা স্কিমশিংনা বিহারদা মশানা মশাবু থবক পীজবা পুক্নিং থৌগৎলে। হৌখিবা থা অনি অসিদা মুদ্রা য়োজনাগী মখাদা বিহারদা লোন লাখ কয়া য়েন্থোকখ্রে অমসুং চম্পারন খক্তদা নহারোল ৬০,০০০ মুদ্রা লোনশিং ফংলে।
অতোপ্পা দলশিংগী লুচিংবশিংনা কৈদৌঙৈদা থবক পীখিদ্রি হায়রদুনা প্রধান মন্ত্রীনা হায়খি মদুদি মীয়াম্না লানতের্নশিংগী মতম অমসুং ঙসিগী বিহার অনিগী মরক্ত লৈরিবা খেন্নবা নিংশিংগদবনি। চুংশিন্নবা সরকার লাকপদগী বিহারদা অওনবা পুরকপা ঙম্বনি অমসুং চুংশিন্নবা অসিদা বিহারনা শৌগৎনবা অচেৎপা থাবা থম্লি।
প্রধান মন্ত্রীনা হায়খি চহি খর অসিদা নেক্সালিজমগী মায়োক্ত অকনবা থবকশিং পায়খৎপদগী মসিনা বিহারগী নহারোলশিংদা কান্নবা পীরে। মতম অমদা মাওইস্তশিংগী ইথিল লৈরম্বা চম্পারন, ঔরাঙ্গবাদ, গয়া অমসুং জমুই হৌজিক এক্সত্রিমিজম হন্থরকপা উরে। মতম অমদা মাওইস্তকী ইরাং লৈরম্বা মফমশিং, হৌজিক নহারোলশিং অচৌবা মঙ মঙলে অমসুং ঐখোয়গী ৱাশক্তগী লৈবাক অসিদগী নেক্সালিজম মপুংফানা মুৎথৎপনি।
প্রধান মন্ত্রীনা হায়খি হৌজিক অনৌবা ভারত অমনি- য়েক্নবশিং চৈরাক পীনবা থবক অমতা হোৎনদনা তোক্তবা, কংফাল অমসুং অতিয়া অনিমক্ত ফোর্সশিং থৌরাং তৌরিবা ভারত অমনি। বিহারদগী ওপরেসন সিন্দুর হৌনবা ৱারেপ লৌখিবনি। ঙসি ওপরেসন অসি মাইপাকপা মালেম শীনবা থুংনা উরে।
প্রধান মন্ত্রীনা হায়খি বিহারগী তৌবা ঙম্বা নত্ত্রগা লন-থুম ৱাৎপা লৈতে, বিহারগী লন-থুমশিং রাজ্য অসি চাউখৎনবা মচাকশিং ওইরে। সরকারনা হোৎনবদগী মখানাগী মমল হেনগৎলক্লে অমসুং মখানা লৌমীশিং অচৌবা কৈথেলশিংদা য়ৌবা ঙমলে। মখানা বোর্দ অমা শেম্বনা মখা তানা হিরম অসি শৌগৎকনি। লফোই, লিতচি, মির্চা রাইজ, কাতারনি রাইজ, জারদালু হৈনৌ অমসুং মাঘাই পান অসি বিহারগী লৌউ-শিংউগী পোৎথোক মরাং কাইবগী খুদমশিংনি। পোৎথোকশিং অসিনা বিহারগী লৌমীশিং অমসুং নহারোলশিং মালেমগী কৈথেলশিংগা শম্নগনি।
লৌমীশিংগী পোৎথোকশিং অমসুং শেন্থোক হেনগৎহনবা অসি সরকারগী মরুওইবা থবক্নি হায়না ফোঙদোক্লদুনা, প্রধান মন্ত্রীনা হায়খি পি.এম-কিষান সম্মান নিধি য়োজনাগী মখাদা লৈবাক শীনবা থুংবগী লৌমীসিংদা লুপা করোর লাখ ৩.৫ রোম য়েন্থোকখ্রে। মোতিহারি খক্তদা স্কিম অসিগী মখাদা লৌমী লাখ ৫ হেনবনা লুপা করোর ১,৫০০ হেন্না ফংলে।
প্রধান মন্ত্রীনা হায়খি সরকারনা ৱাশক নত্ত্রগা খোল্লাউশিং লাওরগা তোক্তে, থবক ওইনা পাংথোক্লি। ঐখোয়গী সরকারনা লায়রবশিংগী থবক পায়খৎলি হায়খি, থাজবা অদু সরকার অদুগী থৌশিলশিং অমসুং ৱারেপশিংদা মমি তাখি। হৌখিবা চহি কয়া মখোয়গী সরকারনা জিলা ১১০ হেন্না চাউখৎত্রিবা জিলাশিংনা হায়না লাউথোকখি অমসুং ঐখোয়গী সরকারনা মখোয় এস্পিরেসনেল দিস্ত্রিকশিং হায়না মমিং থোনখি অমসুং মখোয় চাউখৎনবা থবকশিং পায়খৎখি। ভারতকী ঙমখৈশিংদা লৈবা খুঙ্গংশিং ফাওবা অরোইবা খুঙ্গংশিংনি হায়না খনখি অমসুং মখোয় নাথৈদুনা থমখি , অদুবু সরকার অসিনা মখোয় অহানবা খুঙ্গং হায়না অমুক হন্না মমিং থোল্লে অমসুং মখোয় চাউখৎনবা থবক পায়খৎলে। ও.বি.সি কম্মিসন সংবিধান্না মশক খঙনবা মতম শাংনা তক্নদুনা লাকপা অদু মখোয়গী চুংশিন্নবা সরকারনা থবক ওইনা পাংথোকখ্রে। লুপা করোর ২৫,০০০ কাইথোক্তুনা ত্রাইবেলশিং চাউখৎনবা জনমন য়োজনা হৌদোক্লে। হন্দক কেন্দ্রগী মন্ত্রীমন্দলনা প্রধান মন্ত্রী ধন-ধন্যা কৃষি য়োজনা অয়াবা পীখ্রে। স্কিম অসিগী মখাদা, লৌউ-শিংউগী খুদোংচাবা য়াম্না লৈবা জিলা ১০০ অদুবু পোৎথোক য়াম্না পুথোকপদা মনিংদা লৈরিবা অমসুং লৌমীশিংগী শেন্থোক নেম্বশিং মশক খঙদোক্কনি অমসুং থবক পায়খৎকনি। স্কিম অসিগী মখাদা হায়রিবা জিলাশিং অসি মতেং পাংগনি। মসিদা লৈবাক শীনবা থুংবগী লৌমী করোর ১.৭৫ রোম কান্নবা ফংগনি, বিহারগীশু চাকথুং য়াম্না ফংগনি।
লুপা করোর লিশিং কয়াগী রেল অমসুং লম্বীগী প্রোজেকশিং শঙ্গাখিবা অমসুং উরেপ-উয়ুং তমখিবা অসিগী মতাংদা প্রধান মন্ত্রীনা হায়খি প্রোজেকশিং অসিনা বিহারগী মীয়াম খুদোংচাবা য়াম্না পীরগনি। প্রধান মন্ত্রীনা তোঙান তোঙানবা লম্বী মরিদা অমৃত ভারত এক্সপ্রেস লমথাখি। প্রধান মন্ত্রীনা হায়খি হৌজিক অমৃত ভারত এক্সপ্রেসনা মোতিহারি-বাপুধামদগী অনন্দ বিহার, দিল্লি ফাওবা চেল্লগনি, মোতিহারি রেলৱে স্তেসন অসি অনৌবা খুদোংচাবশিংগা লোয়ননা অমুক হন্না শেমগৎলে। দরভঙ্গা-নারকাতিয়াগঞ্জ রেল লাইন দবল ওইহনবা অসিনা লম্বী অসিদা চৎথোক-চৎশিন্দা খুদোংচাবা য়াম্না হেনগৎহল্লগনি।
ভারতকী লাইনিং অমসুং চৎনবীগা চম্পারনগা লৈনরিবা অচেৎপা মরীগী মতাংদা, প্রধান মন্ত্রীনা হায়খি রাম-জনাকি লম্বী অসি মোতিহারিগী সাত্তরঘাত, কেসারিয়া, চাকিয়া অমসুং মধুবন ফাওদুনা চৎকনি। সিতামারিদগী অয়োধ্যা ফাওবা শেমগৎলিবা অনৌবা রেল লম্বী অসিনা ভক্তশিং লাই খুরুম্নবা চম্পারনদগী অয়োধ্যা ফাওবা চৎপা ঙমহল্লগনি। থবকশিং অসিনা বিহারদা চৎথোক-চৎশিন শিংথাবা য়ানা ফগৎহল্লগনি অমসুং লমদম অসিদা অনৌবা থবক কয়া পীরগনি।
লায়রবা, দলিতশিং, তোল্লবা কাংলুপশিং অমসুং ত্রাইবেলশিংগী মিংদা মতম শাংনা রাজনিতি তৌবগীদমক প্রধান মন্ত্রীনা মমাঙগী সরকারশিং চৈখি। মহাক্না হায়খি মখোয়গী মঙক কনবা অদু ঙসি বিহারনা উবা ফংলে। মখোয়গী ফত্তবা ৱাখল্লোন অদুদগী বিহার কনগদবনি অমসুং হৌজিক পাল্লিবা বিহার সরকার অসিনা অখন্নবা থবক কয়া পায়খৎলে অমসুং মীয়াম্না পুন্না বিহারগী চাউখৎপা য়াংখৎন্নবা অমসুং অফবা তুংলমচৎ অমদা মাঙলোমদা চঙশিন্নবা পুন্না থবক তৌমিন্নগদবনি। অনৌবা বিহার অমা শেমগৎনবা ঐখোয়না পুন্না ৱাশক লৌমিন্নরসি অমসুং ঙসি শঙ্গাখিবা চাউখৎ-থৌরাংগী প্রোজেকশিং অসিগীদমক মীয়ামদা হরাওবা ফোঙদোকচরি।
থৌরম অদুদা শরুক য়াখিবা শক্নারিবা মীওইশিংগী মনুংদা বিহারগী রাজ্যপাল শ্রী অরিফ মোহমদ খান, বিহারগী চীফ মিনিস্তর শ্রী নিতিস কুমার, য়ুনিয়ন মিনিস্তরশিং শ্রী জিতন রাম মানঝি, শ্রী গিরিরাজ সিংহ, শ্রী রজিব রঞ্জন সিংহ, শ্রী চিরাগ পাসৱান, শ্রী রামনাথ থাকুর, শ্রী নিত্যানন্দ রাই, শ্রী সাতিস চন্দ্র দুবে, দোক্তর রাজ ভুসন চৌধুরি য়াওখি।
নুঙগীৱারোল
প্রধান মন্ত্রীনা রেল, লম্বী, খুঙ্গং চাওখৎ থৌরাং, ঙা য়োকপা, ইলেক্ত্রোনিক্স অমদি ইনফোর্মেসন তেক্নোলোজী সেক্তরগী চাওখৎ থৌরাংগী প্রজেক্ত কয়া উরেপ উয়ুং তমখ্রে, শঙ্গাখ্রে অমদি লৈবাক্কী মফমদা কৎথোকখ্রে।
কন্নেক্তিবিতী অমদি ইনফ্রাস্ত্রকচর ফগৎহন্নবা মহাক্কী ৱাফম পরিংদা, প্রধান মন্ত্রীনা রেল প্রোজেক্ত কয়া লৈবাক্কী মফমদা কৎথোকখ্রে। মসিদা সমস্তিপুর-বছ্চ্বারা রেল লাইন্দা মতিং লৈনা ত্রেন ওপরেসন তৌবা য়াননবা ওতোমেতিক সিগনেলিংগী থবক য়াওরি। লুপা করোর ৫৮০ হেনবগী দর্ভঙ্গ-সমস্তিপুর দব্লিং প্রোজেক্তকী শরুক অমা ওইনা ত্রেন ওপরেসনগী কেপাসিতী হেনগৎহনগদবা অমদি থিন্থবা হন্থহনগদবা দর্ভঙ্গ-থলৱারা অমসুং সমস্তিপুর-রামভদ্রপুর রেল লাইন দব্লিং তৌবা য়াওরি।
প্রধান মন্ত্রীনা রেল প্রোজেক্ত কয়াগী উরেপ উয়ুংসু তমখি। মসিদা পাত্লিপুত্রদা বন্দে ভারত ত্রেনশিংগী মেন্তেনেন্সকী ইনফ্রাস্ত্রকচর শেমগৎপা, ত্রেন ওপরেসন মওং মরিল নাইহন্নবা ভত্নি-ছপ্রা গ্রামিন লাইন (কিমি ১১৪)দা ওতোমেতিক সিগ্নেলিং হাপ্পা, ভত্নি-ছপ্রা গ্রামিন সেক্সন্দা ত্রেক্সন সিস্তেম ইনফ্রাস্ত্রকচর মপাঙ্গল কনখৎহন্দুনা অমদি ইনর্জী ইফিসিএন্সী হেনগৎহন্দুনা ত্রেনগী খোঙজেল য়াঙ্খৎহন্নবা ত্রেক্সন সিস্তেম অপগ্রেদ তৌবা, সেক্সনেল কেপাসিতী হেনগৎহন্নবা, পেসেঞ্জর অমদি ফ্রৈত ত্রেন মশিং হেন্না লৈহন্নবা, অৱাং বিহার অমদি লৈবাক্কী মফম অতৈগা শম্নরিবগী চাং হেনগৎহন্নবা লুপা করোর ৪,০৮০ রোম চঙনা দর্ভঙ্গ-নার্কতিয়াগঞ্জ রেল লাইন দব্লিং তৌবগী প্রোজেক্তশিং য়াওখি।
লমদম অসিদা লম্বী-থোংগী ইনফ্রাস্ত্রকচরদা চাউনা ইনোৎ হাপ্পা ওইনা, প্রধান মন্ত্রীনা অপনবা লৈতবা কন্নেক্তিবিতী ফংহনগদবা অমদি খোঙচৎকী মতম তেনশিলহনগদবা অরা-মোনিয়া এন.ঐচ-৩১৯ অমসুং পত্না-বুক্সার এন.ঐচ-৯২২ শম্নহল্লিবা এন.ঐচ-৩১৯ গী অরা বাইপাস লেন ৪ ওইহন্নবা প্রোজেক্ত উরেপ উয়ুং তমখি।
প্রধান মন্ত্রীনা পোৎ পুথোক পুশিন অমদি মী চত্থোক চৎশিনগী ফীভম ফগৎহনগদবা, এন.ঐচ-০২ গী অরা তাউন (গোল্দন ক্বাদ্রিলেতরেল) গা শম্নহল্লিবা এন.ঐচ-৩১৯ গী শরুক অমা ওইনা লুপা করোর ৮২০ হেন্না চঙনা শেমগৎলিবা এন.ঐচ-৩১৯ গী পরারিয়াদগী মোহনিয়া ফাওবগী শরুক লেন ৪ ওইহল্লিবা অসি শঙ্গাখি। অতৈ প্রোজেক্তশিংগী মনুংদা, মী অমদি পোৎ পুথোক পুশিন্দা কান্নহনগদবা অমদি বিহার অমসুং ঝার্খন্দগী মরক্তা মরুওইবা লম্বী অমা ওইরিবা এন.ঐচ-৩৩৩ সি সর্বনদগী চকাই ফাওবা পেব সোল্দরগা লোয়ননা লেন-২ ওইহল্লিবা অসি য়াওরি।
প্রধান মন্ত্রীনা আই.তি/আই.তি.ই.এস/ই.এস.দি.এম ইন্দস্ত্রী অমদি স্তার্তঅপশিং য়োকখৎনবা দর্ভঙ্গদা অনৌবা সোফ্তৱ্যার তেক্নোলোজী পার্ক ওফ ইন্দিয়া (এস তি পি আই) ফেসিলিতী অমদি পত্নাদা এস.তি.পি.আই গী স্তেত ওফ দি আর্ত ফেসিলিতী শঙ্গাখি। ফেসিলিতীশিং অসিনা আই.তি সোফ্তৱ্যার অমদি সর্ভিস এক্সপোর্ত হেনগৎহনবদা মতেং পাংগনি। মসিনা মচিন তুমখৎলক্লিবা ওন্ত্রপ্রিন্যুরশীংগী তেক স্তার্তঅপ ইকোসিস্তেম মখোঙ শোমবিগনি, ইনোভেসন, আই.পি.আর অমসুং প্রদক্ত দিভেলপমেন্ত পুক্নিং থৌগৎকনি।
বিহারদা ঙো য়োকপা অমদি এক্বাকল্চরগী লম মপাঙ্গল কনখৎহন্নবা অচৌবা খোঙথাং অমা ওইনা, প্রধান মন্ত্রীনা প্রধান মন্ত্রী মতস্য সম্পদ য়োজনা গী মখাদা সেংসন তৌখিবা ফিসসরিজ দিভেলপেন্ত প্রোজেক্ত কয়া অমা শঙ্গাখি। মসিনা বিহারগী তোঙান তোঙানবা দিস্ত্রিক্তশিংদা অনৌবা ফিস হেতচরি, বাইওফ্লোক য়ুনিৎ, ওর্নামেন্তেল ফিস ফার্মিং, ইন্তিগ্রেতেদ এক্বাকল্চর য়ুনিৎ, অমদি ফিস ফীদ মিল য়াওনা মতমগা চুনবা ফিসরিজ ইনফ্রাস্ত্রকচরশিং হৌদোকপা ওইগনি। এক্বাকলচর প্রোজেক্তশিংনা বিহারগী খুঙ্গংগী লমশিংদা থবক্কী খুদোংচাবা শেমগৎপদা, ঙা পুথোকপা হেনগৎহনবদা, ওন্ত্রপ্রিন্যুরসিপ য়োকখৎপদা, অমদি খুন্নাই-শেন্মিৎলোন খোঙজেল য়াঙ্খৎহনবদা মতেং পাংগনি।
তুংগীদমক শেম শারবা রেলৱে নেতৱর্ক প্রোজেক্ত অমগী মঙলান পরিংদা, প্রধান মন্ত্রীনা রাজেন্দ্র নগর তর্মিনেল (পত্না) দগী নই দিল্লী, বাপুধাম মোতিহারিদগী দিল্লী (অনন্দ বিহার তর্মিনেল), দর্ভঙ্গদগী লখ্নৌ (গোমতি নগর), অমদি মাল্দা তাউন্দগী লখ্নৌ (গোম্তি নগর) ভিয়া ভগলপুর ফাওবগী অনৌবা অমৃত ভারত ত্রেন মরি লমথাদুনা লমদম অসিগী কন্নেক্তিবিতী ফগৎহনখি।
প্রধান মন্ত্রীনা দীনদয়াল অন্ত্যোদয়া য়োজনা-নেস্নেল রুরেল লাইবলিহুদ মিসন গী মখাদা বিহারগী সেল্ফ-হেল্প গ্রুপ ৬১,৫০০ রোমদা লুপা করোর ৪০০ গী শেনফমসু থাদোকখি। নুপীশিংনা লমজিংদুনা চাওখৎপা পুরকপদা মরুওইবা মীৎয়েঙ থমদুনা, নুপী করোর ১০ হেনববু সেল্ফ-হেল্প গ্রুপ শিংগা শম্নহল্লে।
প্রধান মন্ত্রীনা প্রধান মন্ত্রী অৱাস য়োজনা-গ্রামিনগী মখাদা বেনিফিসিরী ১২,০০০ গী য়ুম শঙ্গাবগী শরুক অমা ওইনা বেনিফিসরী খরদা শো খুৎশিন্নখি অমদি বেনিফিসরী ৪০,০০০ গী লুপা করোর ১৬০ হেনবগী শেনফম থাদোকখি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
भारत में ये दौर हमारे पूरबी राज्यों का है। pic.twitter.com/MtZ36lUVX7
— PMO India (@PMOIndia) July 18, 2025
हमारा संकल्प है कि हम भारत को नक्सलवाद से पूरी तरह मुक्त करके रहेंगे। pic.twitter.com/pZsZUivrSm
— PMO India (@PMOIndia) July 18, 2025
जो पिछड़ा है, वो हमारी प्राथमिकता है: PM @narendramodi pic.twitter.com/potk2iH287
— PMO India (@PMOIndia) July 18, 2025
