প্রধান মন্ত্রী শ্রী নরেন্দ্র মোদীনা ঙসি গুজরাতকী অহমদাবাদতা লুপা করোর ৫,৪০০গী চাউখৎ-থৌরাংগী থবকশিং শঙ্গাখ্রে, উরেপ-উয়ুং তমখ্রে অমসুং জাতিদা কত্থোকখ্রে। মীয়াম তিনখিবা অদুদা ৱা ঙাংলদুনা প্রধান মন্ত্রীনা হায়খি মদুদি লৈবাক পুম্বনা হৌজিক গনেশোতসবকী থৌরম অসিদা শরুক য়ারি। মহাক্না হায়খি মদুদি গনপতি বাপ্পাগী য়াইফ-মঙ্গোলগা লোয়ননা, ঙসি অসি গুজরাতকী চাউখৎ-থৌরাংগা মরী লৈনবা চাউখৎ-থৌরাংগী প্রোজেক্ত কয়া অমা হৌদোকপা নুমিৎনি। মহাক্না হায়খি মদুদি মহাক্না মীয়ামগীদমক প্রোজেক্ত কয়া কত্থোকপগী খুদোংচাবা ফংলি অমসুং চাউখৎ-থৌরাংগী খোংথাংশিং অসিগীদমক্তা নাগরিক পুম্নমক্তা নুংঙাইবা ফোংদোকখি।
হন্দক্কী নোংজু পন্থা অসিদা, গুজরাতকী মফম কয়াদা নোং য়াম্না চুবা থেংনরি অমসুং ভারতকী মফম খরদদি ক্লাউদব্রস্তশিংগা লোয়ননা নোং কন্না চুবা থেংনরি হায়না পল্লদুনা শ্রী মোদীনা শোকহল্লবা ইমুং মনুং খুদিংমক্তা অৱাবা ফোংদোকখি। মহৌশাগী অকিবা অসি লৈবাক পুম্বগী ওইনা শীংনবা অমা ওইরক্লি হায়না মহাক্না ফোংদোকখি। কেন্দ্র সরকারনা রাজ্য সরকার পুম্নমক্কা লোয়ননা মতেং পাংনদুনা রিলিফ অমসুং রেস্ক্যু ওপরেসনশিংগী থবক পায়খৎলি হায়না প্রধান মন্ত্রীনা অকনবা ৱাফম থমখি।
গুজরাত অসি মোহন অনীগী লমনি হায়না পল্লদুনা প্রধান মন্ত্রীনা অহানবা মোহন অদুবু সুদর্শন চক্র-দ্বারকাধিশ শ্রী কৃষ্ণগী গুন য়াওই হায়না পনখি। মহাক্না অনিশুববু চরখা অদু পাইরিবা মীশক অমা ওইনা--সবরমতিগী সন্ত, পুজ্যা বাপু শন্দোক্না তাকখি। শ্রী মোদীনা হায়খি, সুদর্শন চক্রধারী মোহন অমসুং চরখাধারী মোহন্না তাকপীখিবা লম্বী অদুদা চৎতুনা ঙসিদি ভারতনা হেন্না মপাঙ্গল কনখৎলক্লি। মহাক্না হায়খি মদুদি সুদর্শন-চক্রধারী মোহননা ঐখোয়দা লৈবাক অমসুং খুন্নাই অসি করম্না ঙাকথোক্কদগে হায়বদু তাকপীখি। সুদর্শন চক্র অসি অচুম্বা ৱায়েল অমসুং ঙাকশেলগী ঙাক্লৌ অমা ওইখি। প্রধান মন্ত্রীনা হায়খি মদুদি মসিগী ৱাখল্লোন অসি ঙসি ভারতকী ৱারেপশিংদা উবা ফংলি। মহাক্না অকনবা ৱাফম থমখি মদুদি ঙসিদি, ভারতনা তেরোরিস্তশিং নৎত্রগা মখোয়গী হেন্দলরশিংবু, মখোয়না মফম অমা হেক্তদা লোৎলবসু লেম্না থাদ্রি। শ্রী মোদীনা হায়খি মদুদি মালেমনা ভারতনা পহলগামগী এতেক অদুগীদমক মতৌ করম্না চৈরাক পীখিবগে হায়বদু উখ্রে। মহাক্না ওপরেসন সিন্দুর অসি ভারতকী লান্মীশিংগী থৌনা অমসুং সুদর্শন-চক্রধারী মোহন্না ইথিল পীবা লৈবাক অসিগী ৱারেপকী খুদম অমনি হায়না পনখি।
স্বদেশীগী খুত্থাংদা ভারতকী চাউখৎপগী লম্বী তাকখিবা চরখাধারী মোহন-পুজ্যা বাপু-গী লিগেসি অদু পল্লদুনা প্রধান মন্ত্রীনা হায়খি মদুদি সাবরমতী আশ্রম অসি বাপুগী মিংদা চহী কয়া লৈঙাক পায়দুনা লাকখিবা পার্তী অদুগী এক্সনশিং অমসুং ইনএক্সনশিংগী খুদম্নি। মহাক্না পার্তী অসিনা স্বদেশীগী মন্ত্র অসিগা লোয়ননা করি তৌখিবগে হায়বগী মতাংদা ৱাহং হংখি। চহি ৬০দগী ৬৫ ফাওবা লৈবাক অসিবু লৈঙাক্লম্বা পার্তী অসিনা ভারতপু মপান লৈবাক্কী লৈবাকশিংদা মখা পোলহনখি হায়না ফোংদোক্লদুনা শ্রী মোদীনা হায় মসি ইম্পোর্তশিং মেনিপ্যুলেৎ তৌনবা অমসুং শেঞ্জা-থুমজা তৌবা য়ানবা চত্থখিবনি। প্রধান মন্ত্রীনা হায়খি মদুদি ঙসিদি ভারতনা মশা-মরোমদোম লেপচবা অসি চাউখৎলবা লৈবাক অমা শেমগৎপগী য়ুম্ফম ওইরে। ভারতনা মাগী লৌমীশিং, ঙামীশিং, শা-ষন য়োকপা মীওইশিং অমসুং ওন্তপ্রিন্যুওরশিংগী শক্তিগী মতেংনা খোঙজেল য়াংনা খোঙজেল য়াংশিল্লি হায়না পল্লদুনা শ্রী মোদীনা হায়খি মদুদি গুজরাত্তা শা-ষন য়োকপা মীওই কয়া লৈরি। মহাক্না হায়খি মদুদি ভারতকী দাইরী সেক্তর অসি শক্তিগী হৌরকফম অমনি অমসুং মসিনা লৈবাক অসিবু লম অসিদা মশা-মরোমদোম লেপচবা ঙমহল্লে। মালেম অসিনা শেন্মিৎলোনদা মশাগী কান্নবনা লমজিংবা রাজনিতী উবা ফংলি হায়না প্রধান মন্ত্রীনা চেকশিনৱা থমখি। অহমদাবাদকী লৈমায়দগী, শ্রী মোদীনা পনখি মদুদি অপীকপা ওন্তপ্রিন্যুওরশিং, ললোন-ইতিক তৌরিবশিং, লৌমীশিং অমসুং শা-ষন য়োক্লিবশিংগী য়াইফ-থৌরাং অসি মহাক্কীদমক খ্বাইদগী মরু ওই। মহাক্না থাজবা পীখি মদুদি মহাক্কী সরকারনা অপীকপা ওন্তপ্রিন্যুওরশিং, লৌমীশিং, নৎত্রগা শা-ষন য়োকপা মীওইশিংদা অকাইবা অমত্তা লাকহল্লোই।
“গুজরাতনা আত্মনির্ভর ভারত কেম্পেনদা চাউনা ইনোৎ পীরি। মসিগী খুমাং চাউশিল্লকপা অসি চহি তরাগী খুজিং অনি কত্থোক্তুনা হোৎনখিবগী মহৈনি।" মহাক্না মখা তাখি মদুদি ঙসিগী নহারোলশিংনা লমদম অসিদা কর্ফিয়ু অসি তোইনা থোকপা মতম অদু উবা ফংদ্রি। ললোন-ইতিক অমসুং বিজিনেস পাংথোকপা অসি য়াম্না অৱাবা ওইরম্মি হায়না নীংশিংলদুনা প্রধান মন্ত্রীনা হায়খি মদুদি মতম অদুদা অৱাবা কয়া লৈরম্মি। অদুম ওইনমক, ঙসি, অহমদাবাদ অসি লৈবাক অসিগী খ্বাইদগী সেফ সিতিশিংগী মরক্তা অমা ওইরে হায়না মহাক্না ফোংদোকখি। মসিগী অহোংবা অসি ওইথোকহনবা ঙম্বগীদমক মীয়ামদা ক্রেদিৎ পীখি।
গুজরাত্তা শেমগৎখিবা শান্তি অমসুং সেক্যুরিতীগী ফিভম অসিনা রাজ্য অসিদা অফবা মহৈ ফংহল্লে হায়না পল্লদুনা প্রধান মন্ত্রীনা হায়খি, "ঙসিদি গুজরাত্তা মখল খুদিংমক্কী ইন্দস্ত্রীশিং চাউখৎলক্লি।" মহাক্না হায়খি মদুদি গুজরাতনা মেনুফেকচরিং হব অমা ওইরকপা অসিদা রাজ্য পুম্বনা চাউথোকচরি। রেল ফেক্তরীদা মপাঙ্গল কনবা ইলেক্ত্রিক লোকোমোতিব ইঞ্জিনশিং পুথোক্লিবা দাহোদতা মহাক্না চৎখিবা অদু নীংশিংলদুনা শ্রী মোদীনা হায়খি মদুদি গুজরাত্তা শাবা মেত্রো কোচশিং হৌজিক্তি অতোপ্পা লৈবাকশিংদা থাদোক্লি। গুজরাত্তা মোতোরসাইকল অমসুং কারশিং পাক-শন্না পুথোকপা হৌরে হায়না মহাক্না মখা তাখি। প্রধান মন্ত্রীনা হায়খি মদুদি অচৌবা নেস্নেল অমসুং ইন্তর্নেস্নেল কম্পনীশিংনা রাজ্য অসিদা ফেক্তরীশিং লিংখৎলি। মহাক্না হায়খি মদুদি গুজরাতনা হান্ননা তোঙান তোঙানবা এয়রক্রাফ কম্পোনেন্তশিং পুথোক্তুনা এক্সপোর্ত তৌরি। মহাক্না ভদোদারানা হৌজিক ত্রান্সপোর্ত এয়রক্রাফত পুথোকপা হৌরে হায়না লাউথোকখি। গুজরাতনা ইলেক্ত্রিক ভেহিকল পুথোকপগী মরুওইবা মফম অমা ওইরক্লি হায়না পল্লদুনা প্রধান মন্ত্রীনা হায়খি মদুদি মহাক্না হয়েং হনসালপুরদা চৎকনি, মফম অসিদা ইলেক্ত্রিক ভেহিকল পুথোকপগী মরুওইবা খোঙথাং অমা হৌদোক্লগনি। মোদর্ন ইলেক্ত্রোনিক দিভাইসশিং অসি সেমিকন্দক্তরশিং য়াওদনা পুথোকপা ঙম্লোই হায়না পল্লদুনা শ্রী মোদীনা হায়খি মদুদি গুজরাত অসি সেমিকন্দক্তর সেক্তরদা মকোক থোংবা মমিং অমা ওইনবা শেম-শারি। গুজরাতনা তেক্সতাইল, জেম্স অমসুং জুৱেলরীদা মশাগী আইদেন্তিতী অমা শেমখ্রে হায়না প্রধান মন্ত্রীনা ফোংদোকখি। মহাক্না মখা তানা ফার্মাস্যুতিকেল্স প্রদক্সনগী লমদা, হিদাক-লাংথকশিং অমসুং ভেক্সিনশিং য়াওনা, লৈবাক অসিগী এক্সপোর্তকী শরুক অহুম থোকপগী অমা গুজরাত্তগী লাকপনি হায়নসু পনখি।
“ভারতনা সোলর, ৱিন্দ অমসুং ন্যুক্লিয়র ইনর্জীগী লমদা খোঙজেল য়াংনা খুমাং চাউশিল্লি অমসুং খুমাং চাউশিল্লকপসিদা গুজরাতকী থৌদাং য়াম্না চাউই”, হায়না প্রধান মন্ত্রীনা অকনবা ৱাফম থমখি। মহাক্না হায়খি মদুদি গুজরাত অসি গ্রীন ইনর্জী অমসুং পেত্রো কেমিকেলশিংগী মরুওইবা মফম অমা ওইরক্লি। মহাক্না হায়খি মদুদি গুজরাতনা লৈবাক অসিগী পেত্রো কেমিকেলগী মথৌ তাবশিং ফংহনবদা মরু ওইবা থৌদাং অমা লৌরি। প্লাস্তিক ইন্দস্ত্রী, সিন্থেতিক ফাইবর, ফর্তিলাইজর, হিদাক-লাংথক, পেন্ত ইন্দস্ত্রী, অমসুং কোসমেতিক্স- পুম্নমক অসি পেত্রোকেমিকেল সেক্তরদা চাউনা মপাল তাংলি হায়না পল্লদুনা শ্রী মোদীনা হায়খি মদুদি গুজরাত্তা, ত্রেদিস্নেল ইন্দস্ত্রীশিং অসি পাকথোক চাউথোক্লি অমসুং অনৌবা ইন্দস্ত্রীশিং লিংখৎলি। মহাক্না হায়খি মদুদি হায়রিবা থবকশিং অসিনা আত্মনির্ভর ভারতকী থৌরাংবু মপাঙ্গল কনখৎহল্লি। মহাক্না মখা তাখি মদুদি চাউখৎপা অসিনা গুজরাতকী নহারোলশিংগীদমক লেপ্পা লৈতনা থবক ফংহন্নবগী খুদোংচাবা পীরি।
প্রধান মন্ত্রীনা হায়খি মদুদি ইন্দস্ত্রী, লৌউ-শিংউ, নৎত্রগা তুরিজম ওইগেরা, সেক্তর খুদিংমক্তা অফবা কন্নেক্তিবিতী অসি য়াম্না মরু ওই। মহাক্না হায়খি মদুদি হৌখিবা চহি ২০-২৫ অসিদা গুজরাতকী কন্নেক্তিবিতী অসি মপুং ফানা হোংখ্রে। মহাক্না মখা তারদুনা হায়খি মদুদি ঙসি, লম্বী অমসুং রেলগা মরী লৈনবা প্রোজেক্ত কয়া অমা শঙ্গাখ্রে অমসুং উরেপ উয়ুংসু তমখ্রে। সর্দার পতেল রিং রোদ হায়না খঙনবা সর্ক্যুলর রোদ অসি হৌজিক পাকথোক চাউথোকহল্লক্লিবা অসি পল্লদুনা, শ্রী মোদীনা হায়খি মদুদি মসি লেন তরুক্না শাবা লম্বী অমা ওইনা শেমগৎলি। মহাক্না অকনবা ৱাফম থমখি মদুদি মসিগী পাকথোক চাউথোকহনবা অসিনা শহর অসিগী খ্বাইদগী মী কুংনা তাবা মফমশিংদা ত্রাফিক জাম হন্থহনবদা মতেং পাংগনি। মহাক্না মখা তাখি মদুদি ভিরামগাম-খুদরাদ-রামপুরা লম্বী পাকথোকহনবনা লমদম অসিগী লৌমীশিং অমসুং ইন্দস্ত্রীশিংদা কান্নবা ফংহল্লগনি। নৌনা শাবা আন্দরপাস অমসুং রেলৱে ওভরব্রিজশিংনা শহর অসিগী কন্নেক্তিবিতী হেন্না ফগৎহনগনি হায়না মহাক্না ফোংদোকখি।
মতম অমদা লমদম অসিদা অরিবা অঙাংবা মচুগী বস খক্তমক চেনখিবা অদু নীংশিংলদুনা শ্রী মোদীনা হায়খি মদুদি ঙসিদি বি.আর.তি.এস. জনমার্গ অমসুং এ.সি.-ইলেক্ত্রিক বসশিংনা অনৌবা খুদোংচাবশিং ফংহল্লে। মহাক্না হায়খি মদুদি মেত্রো রেল নেৎৱার্ক অসিসু য়াম্না থুনা পাকথোক চাউথোক্লি। প্রধান মন্ত্রীনা হায়খি মদুদি মসিনা অহমদাবাদকী মীয়ামগীদমক চৎথোক চৎশিন তৌবদা লায়থোকহল্লি। মহাক্না হায়খি মদুদি গুজরাতকী শহর খুদিংমক মরুওইবা ইন্দস্ত্রীএল কোরিদোর অমনা কোইশিল্লি। অদুম ওইনমক, চহি তরাগী মমাংদা, পোর্তশিং অমসুং অসিগুম্বা ইন্দস্ত্রীএল ক্লস্তরশিংগী মরক্তা মতিক চাবা রেলগী কন্নেক্তিবিতী লৈরমদে হায়না মহাক্না ফোংদোকখি। শ্রী মোদীনা হায়খি মদুদি মহাক্না ২০১৪দা প্রধান মন্ত্রী ওইরবা মতুংদা গুজরাত্তা হীরম অসিগী মতাংদা ৱা ঙাংবা হৌখি। হৌখিবা চহি ১১দা রাজ্য অসিদা রেলৱেগী কিলোমীতর ৩০০০ রোমগী অনৌবা ত্রেকশিং শেমগৎখ্রে হায়না পল্লদুনা শ্রী মোদীনা হায়খি মদুদি গুজরাতকী রেলৱে নেৎৱার্ক পুম্নমক হৌজিক মপুং ফানা ইলেক্ত্রিফাইদ তৌখ্রে। গুজরাতকীদমক ঙসি লাউথোকখিবা রেলৱে প্রোজেক্তশিং অসিনা লৌমীশিং, ইন্দস্ত্রীশিং অমসুং লাই খুরুম্বা লাকপা মীওইশিংদা কান্নবা ফংহল্লগনি হায়না মহাক্না ফোংদোকখি।
মহাক্কী সরকারনা শহরগী লায়রবশিংগীদমক ইকাই খুম্নবা পুন্সি অমা হিংবা ঙমহন্নবা অচেৎপা ফিরেপ লৌরি হায়না ফোংদোক্লদুনা শ্রী মোদীনা রামাপির নো তেক্রোবু মসিগী অচেৎপা থাজবা অসিগী খুদম অমা ওইনা পনখি। মহাক্না নীংশিংখি মদুদি পুজ্যা বাপুনা মতম পুম্নমক্তা লায়রবশিংগী ইকাই খুম্নবা অদুদা মরুওইবা পীখি। মহাক্না হায়খি মদুদি সবরমতী আশ্রমগী মনাক্তা নৌনা শাবা য়ুমশিং অসি অসিগুম্বা ৱাখল্লোন অসিগী অশেংবা খুদম অমনি। প্রধান মন্ত্রীনা হায়খি মদুদি লায়রবশিংদা পর্মিনেন্ত য়ুম ১৫০০ পীবা অসিনা মশিং য়াম্লবা অনৌবা মঙলানশিংগী য়ুম্ফম ওইরি। মহাক্না হায়খি মদুদি নবরত্রি অমসুং দিৱালী অসিদা, হায়রিবা য়ুমশিং অসিদা লৈরিবশিংগী ওইনা নুংঙাইবা অসি হেন্না হেনগৎলগনি। মহাক্না মখা তাখি মদুদি খোঙথাং অসিগা লোয়ননা, পুজ্যা বাপুগী তশেংবা ইকায় খুম্নবা ওইনা বাপুগী আশ্রমগী নৌহৌননা শেমগৎ-শাগৎপগী থবকসু চত্থরি।
প্রধান মন্ত্রীনা হায়খি মদুদি সর্দার বল্লভভাই পতেলগী মীতম অসি মায় পাক্না লোইশিনখ্রে। মহাক্না হায়খি মদুদি প্রধান মন্ত্রী ওইনা ৱাশক লৌরকপদগী মহাক্না সবরমতী আশ্রমগী নৌনা শেমগৎ শাগৎপগী থবক পায়খৎপা ঙমখ্রে। স্তেচু ওফ য়ুনিতীনা লৈবাক অমসুং মালেমগীদমক্তা ইথিলগী হৌরকফম অমা ওইবগুম্না, সবরমতী আশ্রমগী নৌহৌননা শেমগৎ-শাগৎপা লোইরবা মতুংদা মসিনা মালেমগী ওইনা শান্তিগী খ্বাইদগী চাউবা খুদম অমা ওইগনি হায়না মহাক্না অকনবা ৱাফম থমখি। মহাক্না হায়খি মদুদি সবরমতী আশ্রম অসি নৌনা শেমজিন শাজিনবা লোইরবা মতুংদা মালেমগী খ্বাইদগী মরুওইবা শান্তিগী ইথিল অমা ওইগনি।
প্রধান মন্ত্রীনা হায়খি, "শ্রমিক ইমুংশিংগীদমক হেন্না ফবা পুন্সি অমা লৈহন্নবা অসি মহাক্কী সরকারগী মরুওইবা মিসন অমা ওইরি।" মহাক্না চহি কয়াগী মমাংদা গুজরাতকী স্লমদা লৈবা মীওইশিংগীদমক পর্মিনেন্ত গেৎ সোসাইতীশিং শেমগৎনবা খোঙথাং লৌখৎখিবগী থৌরম অদু নীংশিংখি। মহাক্না হায়খি মদুদি চহি কয়া অসিদা, অসিগুম্বা হাউসিং প্রোজেক্ত কয়া অমা লোইশিনখ্রে, স্লমশিং অসি ইকাই খুম্নবগা লোয়ননা হিংলিবা স্পেস অমদা ওন্থোকখ্রে, অমসুং মসিগী কেম্পেন অসি মখা তানা চত্থখিগনি।
মহাক্না মীৎয়েং চংবীদনা লৈরিবা মীওইশিংবু লুম্না লৌই হায়না ফোংদোক্লদুনা শ্রী মোদীনা হায়খি মদুদি শহরগী লায়রবশিংগী পুন্সি ফগৎহনবা অসি মহাক্কী সরকারগী খ্বাইদগী মরুওইবা অমা ওইরি। মহাক্না হায়খি মদুদি মমাংদা লম্বীদা পোৎ য়োল্লিবশিং অমসুং লম্বীদা থেল্লা ইল্লিবা মীওইশিংদা মীৎয়েং চংবীখিদে। মখোয়বু মতেং পাংনবা, সরকারনা পি.এম. স্বানিধি স্কিম হৌদোক্লে হায়না প্রধান মন্ত্রীনা ফোংদোকখি। মহাক্না হায়খি মদুদি স্কিম অসিগী মখাদা লৈবাক শিনবা থুংনা লম্বীদা পোৎ য়োল্লিবশিং অমসুং থেল্লা ইল্লিবা মীওই লাখ ৭০ রোমনা বেঙ্কশিংদগী শেলগী তেংবাং ফংখ্রে। মহাক্না মখা তাখি মদুদি গুজরাত্তা বেনিফিসরী লাখ কয়ানা মসিগী খোঙথাং অসিগী খুত্থাংদা মতেং ফংখ্রে।
হৌখিবা চহি ১১দা মীওই করোর ২৫ অসি লায়রবদগী কোকহনখ্রে। মসি ভারতকীদমক্তা চাউথোকচনীংঙাই ওই অমসুং মালেমগী ইকনোমিক ইন্সতিত্যুসনশিংগী মরক্তা খন্ন-নৈনরিবা ৱাফম অমনি হায়না প্রধান মন্ত্রীনা ফোংদোকখি। মহাক্না হায়খি মদুদি মীওইশিং অসিনা লৈবাক অসিদা অনৌবা মিদ্দল ক্লাস অমা থোরকপদা মতেং পাংলি। শ্রী মোদীনা হায়খি, "ঐখোয়গী সরকারনা নিও মিদ্দল ক্লাস অমসুং ত্রেদিস্নেল মিদ্দল ক্লাস অনিমক শক্তি লৈহন্নবা লেপ্পা লৈতনা থবক তৌরি।" মহাক্না হায়খি মদুদি চহিগী ওইনা লুপা লাখ ১২ ফাওবগী শেনফম অসি তেক্স ফ্রী ওইহল্লে। সরকারনা হৌজিক জি.এস.তি. সিস্তেমদা রিফোর্মশিং পায়খৎলি হায়না মহাক্না মখা তানা লাউথোকখি। প্রধান মন্ত্রীনা হায়খি মদুদি রিফোর্মশিং অসিনা অপীকপা ওন্তপ্রিন্যুওরশিংদা মতেং পাংগনি অমসুং পোৎলম কয়াদা তেক্স হন্থহল্লগনি। মহাক্না হায়খি মদুদি হন্দক্কী দিৱালী অসিদা লৈবাক শিনবা থুংনা লৈরিবা ললোন-ইতিক তৌরিবা কাংলুপ অমসুং ইমুং অনিমক্না নুংঙাইবগী দবল বোনস ফংলগনি।
পি.এম. সুর্য় ঘর মুফ বিজলী য়োজনাগী মখাদা, ইলেক্ত্রিসিতী বিল অসি জিরোদা হন্থহল্লে হায়না পল্লদুনা শ্রী মোদীনা হায়খি মদুদি গুজরাতকী ইমুং লাখ তরুক অসি মসিগী স্কিম অসিদা হান্ননা য়াওখ্রে। মহাক্না হায়খি মদুদি গুজরাত খক্তদা হায়রিবা ইমুংশিং অসিদা সরকারনা লুপা করোর ৩,০০০ হেন্না পীখ্রে। প্রধান মন্ত্রীনা হায়খি মদুদি মসিনা কান্নবা ফংলবা মীওইশিংগীদমক থাগী ওইনা ইলেক্ত্রিসিতী বিলদা শেল য়াম্না কনবা ঙমহল্লে।
শ্রী মোদীনা হায়খি মদুদি অহমেদাবাদ শহর অসি হৌজিক্তি মঙলান অমসুং ৱারেপশিংগী শহর অমা ওইরক্লি। মতম অমদা মীওইশিংনা অহমেদাবাদপু 'গর্দাবাদ' হায়না কৌদুনা ইকায় খুম্নরম্বা অদু নীংশিংলদুনা, শ্রী মোদীনা হায়খি মদুদি হুফুল ৱাইফুলনা লৈবাক অসিগী খুদোংথিবা করম্না ওইরমখিবগে ফোংদোকখি। ঙসি অহমদাবাদনা মাগী লুনানবগীদমক নেস্নেল রিকগনিসন ফংলিবা অসিদা মহাক্না নুংঙাইবা ফোংদোকখি। মহাক্না হায়খি মদুদি অহমদাবাদকী মীওই খুদিংমক্কী অপুনবা খোঙথাংদগী মসিগী মায়পাকপা অসি লাকখি।
সবরমতী তুরেল অসি ঈশিং লৈতবা তুরেলগুম্বগী মমাংগী মতমশিং অদু ঙসিগী নহারোলশিংনা উবা ফংদ্রি হায়না পল্লদুনা প্রধান মন্ত্রীনা হায়খি মদুদি অহমদাবাদকী মীয়াম্না ফিভম অসি হোংদোক্নবা ৱারেপ লৌখি। মহাক্না ফোংদোকখি মদুদি সবরমতী রিভরফ্রন্ত অসিনা শহর অসিগী চাউথোকচবা হেনগৎহল্লে। শ্রী মোদীনা নিংশিংখি মদুদি কঙ্করিয়া তুরেলগী ঈশিং অসি মমাংঙৈদা নোংম-নোংমগী অমোৎ-অকাইশিংনা মরম ওইদুনা অশংবা মচু ওইহল্লমখি মসিনা মফম অদুদা চৎপা ফাওবা অৱাবা ওইহল্লি। অমসুং মফম অসি এন্তি-সোসিএল ইলিমেন্তশিংগী পাম্নবা মফম অমা ওইরকখি। মহাক্না হায়খি ঙসিদি, পাৎ অসি খ্বাইদগী ফবা রিক্রিএসনগী মফম অমা ওইরক্লি। মহাক্না অঙাংশিংগীদমক নুংঙাইবা অমসুং তম্বগী মফম অমা ওইনা পাৎ অসিদা বোতিং তৌবা অমসুং কিদস সিতীগী মফম ওইরক্লিবা মতাংদা পনখি। প্রধান মন্ত্রীনা অকনবা ৱাফম থমখি মদুদি হায়রিবা চাউখৎ-থৌরাং পুম্নমক অসিনা অহমদাবাদকী হোংলক্লিবা মশক অদু উৎলি। মহাক্না মখা তাখি মদুদি কঙ্করিয়া কার্নিভাল অসি শহর অসিগী অনৌবা মশক অমা ওইরে।
অহমদাবাদ অসি মরুওইবা তুরিজম হব অমা ওইরক্লি হায়না পল্লদুনা শ্রী মোদীনা হায়খি মদুদি অহমেদাবাদ অসি য়ু.এন.ই.এস.সি.ও. পুৱারী ওইরবা থোংশিং, সবরমতী আশ্রম, নৎত্রগা শহর অসিগী শিংথানীংঙাই ওইরবা হেরিতেজ ওইগেরা, অহমদাবাদ অসি হৌজিক মালেমগী মেপতা শিংথানীংঙাই ওইরে হায়না মহাক্না ফোংদোকখি। প্রধান মন্ত্রীনা হায়খি মদুদি শহর অসিদা তুরিজমগী মোদর্ন অমসুং ইন্নোবেতিব ওইবা মওংশিং য়াম্না থুনা চাউখৎলক্লি। মহাক্না হায়খি মদুদি অহমদাবাদ অসি কন্সর্ত ইকোনোমীগী মরু ওইবা মফম অমা ওইরক্লি। মহাক্না শহর অসিদা পাংথোকখিবা কোল্দপ্লেগী কনসর্ত অদু নীংশিংখি, মসিনা মালেমগী মীৎয়েং চংখি। শ্রী মোদীনা অকনবা ৱাফম থমখি মদুদি মীওই লাখ অমা য়েংবগী কেপাসিতী লৈবা অহমদাবাদকী স্তেদিয়ম অসি মরুওইবা এত্রেক্সন অমা ওইরক্লি। মহাক্না হায়খি মদুদি মসিনা অহমদাবাদকী অচৌবা কন্সর্তশিং অমসুং অচৌবা শান্ন-খোৎনবগী থৌরমশিং পাংথোকপা ঙম্বগী মতিক অদু উৎলি।
লৈবাক অসিনা হৌজিক্না নবরত্রি, বিজয়দশমী, ধনতেরাস অমসুং দিৱালী য়াওনা কুহ্মৈশিং পাংথোকপগী মতম অমদা চংশিল্লি হায়না পল্লদুনা শ্রী মোদীনা উৎসবশিং অসি কলচরেল সেলেব্রেসন খক্তমক নত্তে অদুবু মখোয় অসি মশা মরোমদোম লেপচনবগী কুহ্মৈশিংসু ওইগদবনি হায়না অকনবা ৱাফম থমখি। প্রধান মন্ত্রীনা মীয়ামদা হন্না হন্না হায়খি মদুদি কুহ্মৈগী মতম অসিদা য়ুমদা পুরকপা পোৎলমশিং, খুদোলপোৎশিং অমসুং লৈতেংগী পোৎলমশিং অসি মেদ ইন ইন্দিয়া ওইহনগদবনি। মহাক্না মীপুম খুদিংমক্তা নীংশিংহল্লি মদুদি অশেংবা খুদোল অসি ভারতকী নাগরিকশিংনা খুৎনা শাবা ভারত্তা শাবা অদুনি। মহাক্না দুকান ফম্লিবশিংদা ভারতনা শাবা পোৎলমশিং চাউথোকচবা পোকচবা মওংদা য়োনবা হায়খি। প্রধান মন্ত্রীনা হায়খি মদুদি হায়রিবা অপীকপা অদুবু ৱাহন্থোক লৈবা থৌওংশিং অসিগী খুত্থাংদা, হায়রিবা কুহ্মৈশিং অসি ভারতকী চাউখৎপগী অচৌবা কুহ্মৈ অমা ওইরগনি। চাউখৎ-থৌরাংগী খোঙথাংশিং অসিগীদমক নাগরিক পুম্নমকপু থাগৎপা ফোংদোক্লদুনা মহাক্না ৱারোইশিন পীখি।
থৌরম অদুদা গুজরাতকী রাজ্যপাল, শ্রী আচার্য় দেবব্রত, গুজরাতকী মুখ্য মন্ত্রী, শ্রী ভুপেন্দ্রভাই পতেল, কেন্দ্রগী মন্ত্রী, শ্রী সি.আর. পতিল অমদি অতোপ্পা মশক নাইবা মীওইশিংনা শরুক য়াখি।
বেকগ্রাউন্দ
মালেম থাক্কী ইনফ্রাষ্ট্রকচর অমসুং লম্বী-থোং শেমগৎনবা মহাক্না থাজবা পীখিবগী মতুংইন্না, প্রধান মন্ত্রীনা লুপা করোর ১,৪০০ হেনবগী তোঙান তোঙানবা রেলৱে প্রোজেকশিং মীয়ামদা কত্থোকখ্রে। প্রোজেক্তশিং অদুগী মনুংদা মহেসনা-পলানপুর রেল লাইন লুপা করোর ৫৩০ হেন্না চঙনা দবল ওনখৎপা, লুপা করোর ৮৬০ চংনা কিমি ৩৭ শাংবা কালোল-কাদি-কাতোসান রোদ রেল লাইন অমসুং কিমি ৪০ শাংবা বেচরাজি-রানুজ রেল লাইন গেজ ওনখৎপা য়াওরি। ব্রোদ-গেস কেপাসিতি হেনগৎহনবা অসিগা লোয়ননা, হায়রিবা প্রোজেকশিং অসিনা লমদম অসিদা নুংঙাইনা, অশোই-অঙাম লৈতনা অমসুং অপনবা লৈতনা চৎথোক-চৎশিন তৌবা য়াহনগনি।
মসিনা লমদম অসিগী শেন-থুমগী থবকশিং মফম অমদা পুনশিনবগা লোয়ননা, নুমিৎ খুদিংগী চৎথোক-চৎশিন তৌরিবা মীওইশিং, লমকোয়বশিং অমসুং ললোন-ইতিক্কী থবকশিং লাইনা চৎথোক-চৎশিন তৌহনগনি। মখা তানা, কাতোসান রোদ অমসুং সবরমাতিগী মরক্ত পেসেঞ্জর ত্রেন লমথাদুনা লাইফমশিং য়ৌবা হেন্না নুংঙাইহনগনি অমসুং মীয়ামগী শেন-থুম তানবগী থবকশিং ফগৎহনগনি। বেচরাজিদগী কার-লোদেদ ফ্রেদ ত্রেন সর্বিসনা রাজ্য অসিগী উদ্যোগকী মফমশিংগী চৎথোক-চৎশিন ফগৎহনগনি, লোজিষ্টিক্স নেতৱার্ক ফগৎহনগনি অমসুং থবক কয়া ফংহনগনি।
লম্বী-থোং ফৎনবা, চৎথোক-চৎশিন তৌরিবশিং অশোই-অঙাম থোক্তবা হেনগৎহন্নবা অমসুং লমদম অসি চাউখৎপা য়াংখৎনবা মহাক্কী পান্দম থবক ওইনা পাংথোক্লদুনা, প্রধান মন্ত্রীনা বিরামগম-খুদাদ-রামপুরা লম্বী পাকথোকপগী থবক শঙ্গাখ্রে। মহাক্না অহমদাবাদ-মেহসনা-পলানপুর লম্বীদা লেন-তরুক্কী ভেহিকল অন্দরপাস; অহমদাবাদ-বিরমগম লম্বীদা রেলৱে ওভরব্রিজ শানবা উরেপ-উয়ুং তমখ্রে। অপুনবা ওইনা, হায়রিবা থবকশিং অসিনা উদ্যোগ চাউখৎপা হেনগৎহনগনি, চৎথোক-চৎশিন ফগৎহনগনি অমসুং লমদম অসিগী শেন-থুমগী খুদোংচাবা হেনগৎহনগনি।
রাজ্য অসিগী পৱার সেক্তর চাউখৎনবা, উত্তর গুজরাত বিজ কম্পেনি লিমিতেদকী মখাদা অহমদাবাদ, মেহসনা অমসুং গান্ধীনগরদা পৱার দিষ্ট্রিব্যুসন প্রোজেক্তশিং প্রধান মন্ত্রীনা শঙ্গাখ্রে অমসুং মসিনা মৈ মাঙবা হন্থহন্নবা অমসুং নেৎৱার্ক মতমগা চুন্না শেমগৎনবা অমসুং রিভাম্প দিষ্ট্রিব্যুসন সেক্তর স্কিমগী মখাদা ইনফ্রাষ্ট্রকচর ফগৎনবা পান্দম থম্লি। লুপা করোর ১০০০ হেনবগী প্রোজেকশিং অসিনা, নোং-চিংগী ফিবম ফত্তবা মতমদা মৈ য়াদবা হন্থহনগনি, মীয়াম অশোই-অঙাম থোক্ত হেনগৎহনগনি, ত্রান্সফোর্মরশিং ঙাকথোক্কনি অমসুং মৈ পীনবা নেতৱার্ক ফজনা মথৌ পাংথোকপা ঙমগনি।
পি.এম.এ.ৱাই(য়ু) গী ইন সিতু শ্লম রিহেবিলিতেসন কম্পোনেন্তগী মখাদা রামাপির নো তেক্রোগী সেক্তর-৩ দা লৈবা শ্লমশিং শেমগৎপগী থবক প্রধান মন্ত্রীনা শঙ্গাখ্রে। লম্বী চিনবা হন্থহন্নবা অমসুং চৎথোক-চৎশিন নুংঙাইবা হেনগৎনবা সরকার পতেল রিং রোদকী অকোয়বদা পায়খৎকদবা লম্বী পাকথোকপগী প্রোজেক্তশিংসু মহাক্না উরেপ-উয়ুং তমখ্রে। ঈশিং অমসুং সিৱেরেজ মেনেজমেন্ত সিষ্টেমশিং ফগৎনবা মরুওইবা অর্বান ইনফ্রাষ্ট্রকচর প্রোজেকশিং প্রধান মন্ত্রীনা উরেপ-উয়ুং তমখ্রে।
লৈবাক ঙাকপগী থবক অমসুং সরকারগী থবকশিং মীয়ামদা য়ৌহনবা ফগৎহন্নবা, প্রধান মন্ত্রীনা গুজরাত্ত মরুওইবা ইনফ্রাষ্ট্রকচর প্রোজেকশিং উরেপ-উয়ুং তমখ্রে। প্রোজেক্তশিংগী মনুংদা অহমদাবাদ ৱেষ্টতা অনৌবা স্তাম্পস অমসুং রেজিষ্ট্রেন বিল্দিং শাবা, গুজরাত শীনবা থুংনা দেতা মেনেজমেন্ত অমসুং দিজিতেলগী থবকশিং ফগৎনবা দিজাইন তৌরবা রাজ্য থাক্কী দেতা ষ্টোরেজ সেন্তর অমা গান্ধীনগরদা শাবা য়াওরি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
भारत आज सुदर्शन-चक्रधारी मोहन और चरखाधारी मोहन के दिखाए रास्ते पर चलकर सशक्त हो रहा है। pic.twitter.com/ioQIHdkuMC
— PMO India (@PMOIndia) August 25, 2025
आज आतंकवादियों और उनके आकाओं को हम छोड़ते नहीं, चाहे वो कहीं भी छुपे हों: PM @narendramodi pic.twitter.com/6W3x3uvKSn
— PMO India (@PMOIndia) August 25, 2025
मेरी सरकार लघु उद्यमियों का, किसानों का, पशुपालकों का अहित नहीं होने देगी: PM @narendramodi pic.twitter.com/fUwM9hWuYu
— PMO India (@PMOIndia) August 25, 2025
आज हर प्रकार की इंडस्ट्री का यहां विस्तार गुजरात की धरती पर हो रहा है: PM @narendramodi pic.twitter.com/5YrhQJeHze
— PMO India (@PMOIndia) August 25, 2025
हमारा निरंतर प्रयास है कि neo-middle class और middle class, दोनों को सशक्त करें: PM @narendramodi pic.twitter.com/Bv4VYPNbdc
— PMO India (@PMOIndia) August 25, 2025
इस बार की दिवाली पर व्यापारी वर्ग हो या फिर हमारे बाकी परिवारजन....सबको खुशियों का Double Bonus मिलेगा: PM @narendramodi pic.twitter.com/pfxQomwwn9
— PMO India (@PMOIndia) August 25, 2025
