ঙসি প্রধান মন্ত্রী শ্রী নরেন্দ্র মোদীনা নোংচুপ বেঙ্গলগী মালদাদা লুপা করোর ৩,২৫০ হেনবগী তোঙান তোঙানবা রেল অমসুং লম্বীগী ইনফ্রাষ্ট্রকচর প্রোজেকশিং শঙ্গাখ্রে অমসুং উরেপ-উয়ুং তমখ্রে। মসিনা নোংচুপ বেঙ্গল অমসুং অৱাং-নোংপোক লমদমদা চৎথোক-চৎশিন ফগৎহনগনি অমসুং চাউখৎপা য়াংশিনহনগনি। থৌরম অদুদা ৱা ঙাংবদা, প্রধান মন্ত্রীনা হায়খি মদুদি ঙসি মালদাদগী নোংচুপ বেঙ্গলগী চাউখৎপা য়াংখৎনবা খোঙজং মখা তানা খোঙজেল য়াংখৎলে। নোংচুপ বেঙ্গলগী চাউখৎ-থৌরাংগা মরী লৈনবা প্রোজেক কয়া শঙ্গাখ্রে অমসুং মীয়ামদা কৎথোকখ্রে। নোংচুপ বেঙ্গলগীদগী অনৌবা রেল চেনবগী থবকশিং হৌদোক্লে, হায়রিবা প্রোজেকশিং অসিনা মীয়াম চৎথোক-চৎশিন্দা লাইহল্লগনি অমসুং ললোন-ইতিক্কী থবকশিংদা খুদোংচাবা ফংলগনি। মফম অসিদা লৈরিবা অনৌবা ত্রেন শেমজিন-শাজিন্নবা খুদোংচাবশিং অসিনা নোংচুপ বেঙ্গলগী নহারোলশিংদা অনৌবা খুদোংচাবশিং পীরগনি।
প্রধান মন্ত্রীনা হায়খি মদুদি শেংলবা বেঙ্গলগী লমদমদগী, ভারত রেলৱে মতমগা চুন্না শেমগৎনবা অতোপ্পা অচৌবা থবক অমা পায়খৎলে। ঙসিদগী ভারত্ত বন্দে ভারত ত্রেনশিং চেনবা হৌরে। অনৌবা বন্দে ভারত শ্লিপ্পর ত্রেন অসিনা অশাংবা খোঙচৎশিংদা মীয়াম হেন্না নুংঙাইহনগনি অমসুং মরাংকাইহনগনি। বিকসিত ভারত অমদা ত্রেনশিং কমদৌগনি হায়বগী পান্দম অমা হায়রিবা বন্দে ভারত শ্লিপ্পর ত্রেন অসিদা নাখৈ শেংনা মমি তারে। ঙাইহাক্কী মমাংদা মহাক্না মালদা ষ্টেসন্দা পেসেঞ্জর খরগা ৱারি শানখ্রে অমসুং ত্রেন অসি তোংবা মীওই খুদিংমক্না অঙকপা নুংঙাই অমা ফাওই হায়না ফোঙদোকখি। মমাংঙৈদা মীয়াম্না মপান লৈবাকশিংগী ত্রেনশিংগী ফোতোশিং য়েংনরমখি অমসুং অসিগুম্বা ত্রেনশিং ভারত্ত চেল্লবদি হায়না খনখি অমসুং ঙসিদি মদুগী মঙলান অদু মঙফাওনরে। নুমিৎ খরনি অসিদা, কমদৌনা ভারত রেলৱেজ অওনবা পুরকখিবগে হায়বগী মতাংদা মপান লৈবাকশিংগী লমকোয়বা লাকপা মীওইশিংনা ভিদিওশিং শেম্লে। বন্দে ভারত ত্রেন অসি মেদ ইন ইন্দিয়ানি, ভারতমচাশিংগী থবক শুবা কনবা অমসুং কৎথোকপনা শাবনি। ইমা কালিগী লমদমদগী ইমা কমাক্ষ্যগী লমদম ফাওবা লৈবাক অসিগী অহানবা বন্দে ভারত শ্লিপ্পর ত্রেন্না শম্নরে। লাক্লিবা চহিশিংদা, অনৌবা ত্রেন অসি লৈবাক শীনবা থুংনা চেল্লগনি। মসিগী অনৌবা শ্লিপ্পর ত্রেন অসিগীদমক বেঙ্গল, অসাম অমসুং লৈবাক শীনবা থুংনা ঐনা হরাওবা ফোঙদোকচরি।
প্রধান মন্ত্রীনা হায়খি মদুদি নোংচুপ বেঙ্গল য়াওনা লৈবাক শীনবা থুংনা হৌজিক বন্দে ভারত তপেন ১৫০ হেন্না চেল্লে। মসিগা লোয়ননা অনৌবা অমসুং য়াম্না য়াংবা ত্রেনশিংগী নেতৱার্ক অমা শেমগৎলে, মসিনা বেঙ্গলগী লায়রবা অমসুং মিদল ক্লাস ইমুংশিংদা চাউবা কান্নবা পীরে। ঙসি, বেঙ্গলনা অনৌবা অমৃত ভারত এক্সপ্রেস ত্রেন মরি হেন্না ফংলে; ত্রেনশিং অদুদি ন্যু জলপাইগুরি - নাগেরকোইল অমৃত ভারত এক্সপ্রেস; ন্যু জলপাইগুরি - তিরুচিরাপ্পালি অমৃত ভারত এক্সপ্রেস; অলিপুরদুয়ার -এস.এম.ভি.তি বেঙ্গালুরু অমৃত ভারত এক্সপ্রেস; অলুপুরদুয়ার – মুম্বাই(পানবেল) অমৃত ভারত এক্সপ্রেসনি; মসিনা মরুওইনা অৱাং থংবা বেঙ্গল অমসুং বেঙ্গল, লোয়ননা খা অমসুং নোংচুপ ভারতকী চৎথোক-চৎশিন মখা তানা ফগৎহনগনি। হায়রিবা বন্দে ভারত ত্রেনশিং অসিনা গঙ্গাসাগর, দাক্ষিনেশ্বর অমসুং কালিঘাত্ত লাইখুরুম্বা লাকপদা লাইহল্লগনি অমসুং তামিল অমসুং মহারাষ্ট্রাদা চৎগদবা মীওইশিংদসু খুদোংচাহল্লগনি।
প্রধান মন্ত্রীনা হায়খি মদুদি ভারত রেলৱে মতমগা চুনবা খক নত্তনা মশা মরোমদোম লেপচবসু ঙম্লে। ভারতকী রেল ইঞ্জিনশিং, কোচশিং অমসুং মেত্রো কোচশিং ভারতকী তেক্নোলোজিগী খুদমশিং ওইরক্লে। ঙসিদি ভারতনা অমেরিকা অমসুং য়ুরোপতগী হেন্না লোকোমোতিপশিং শারে অমসুং লৈবাক কয়াদা পেসেঞ্জর অমসুং মোত্রো ত্রেনশিং থাদোক্লে, মসিনা লৈবাকি অসিগী শেন্মিৎলোন্দা চাউনা কান্নবা পীরে অমসুং নহারোলশিংদা থবক ফংনবা খুদোংচাবশিং পীরে। ভারতকী মফম খুদিংমক শম্নহনবা হায়বসি মরুওইবনি অমসুং অরাপ্পা হন্থহনবা হায়বসি পান্দম অমনি, মসি ঙসিগী থৌরম অসিদা নাখৈ শেংনা মমি তারে।
থৌরম অদুদা শরুক য়াখিবা অতোপ্পা শক্নাইরবা মীওইশিংগী মনুংদা, নোংচুপ বেঙ্গলগী রাজ্যপাল শ্রী সি.ভি বোস, য়ুনিয়ন মিনিষ্টরশিং, শ্রী অশ্বিনি বৈষ্ণব, শ্রী সান্তানু থাকুর, শ্রী সুকান্ত মজুমদার য়াওখি।
নুঙগীৱারোল
প্রধান মন্ত্রীনা মালদা তাউন রেলৱে ষ্টেসন্দা চৎখ্রে, মফম অদুদা মহাক্না হাওরা অমসুং গুৱাহাতি(কমাক্ষ্য) গী মরক্ত চেনগদবা ভারতকী অহানবা বন্দে ভারত শ্লিপ্পর লমথাখ্রে। মহাক্না ভর্চুএল ওইনা গুৱাহাতি(কমাক্ষ্য)-হাওরা বন্দে ভারত শ্লিপ্পর ত্রেনসু লমথাখি। অনৌবা ভারতকী চৎথোক-চৎশিনগী দরকার ওইবা হেনগৎলক্লিবা অসি পীনবা শেমগৎপা মপুংফানা এয়র-কন্দিসন তৌরবা বন্দে ভারত শ্লিপ্পর ত্রেন অসিনা পেসেঞ্জরশিংদা অহোংবা ভারাশিংদা এয়রলাইন অমদা চৎপগী নুংঙাইবা পীগনি। মসিনা অশাংবা খোঙচৎশিং য়াংহনগনি, অশোই-অঙাম থোকহল্লোই অমসুং হেন্না খুদোংচাহনগনি। হাওরা অমসুং গুৱাহাতি(কমাক্ষ্য) গী মরক্ত চৎথোক-চৎশিন্দা চঙবা মতম হন্থহন্দুনা চাউরাক্না পুং ২.৫ রোম চঙগনি, ত্রেন অসিনা লাইনিং-লাইশোনগী চৎথোক-চৎশিন অমসুং তুরিজমসু চাউখৎহনগনি।
প্রধান মন্ত্রীনা নোংচুপ বেঙ্গলদা অচৌবা রেলৱে প্রোজেক মরিগী উরেপ-উয়ুং তমখ্রে। প্রোজেকশিং অসিগী মনুংদা বালুরঘাত অমসুং হিলিগী মরক্ত অনৌবা রেল লাইন, ন্যু জলপাইগুরিদা তুংগী মীরোলগী ফ্রেদ শেমজিন্নবগী খুদোংচাবশিং, সিলিগুরি লোকো সেদ ফগৎহনবা অমসুং জলপাইগুরি জিলাদা বন্দে ভারত ত্রেন শেমজিন্নবা খুদোংচাবশিং মতমগা চুন্না শেমগৎপা য়াওরি। প্রোজেকশিং অসিনা পেসেঞ্জর অমসুং পোৎ-চৈ পুবগী থবকশিং ফগৎহনগনি, অৱাং থংবা বেঙ্গলদা লোজিষ্টিক্স ফগৎহনগনি অমসুং লমদম অসিদা থবক ফংনবা খুদোংচাবশিং পীগনি।
প্রধান মন্ত্রীনা ন্যু কোচবিহার-বনমানহত অমসুং ন্যু কোচবিহার-বোজিরহাতকী মরক্ত অনৌবা রেল লাইনশিং ইলেক্ত্রিক ফংহনবগী থবক মীয়ামদা কৎথোকখ্রে, মসিনা ত্রেনশিং য়াংনা, মৈখু থাংদনা অমসুং ইনর্জি য়াম্না চঙদনা চেনবা ঙমহনগনি।
প্রধান মন্ত্রীনা ভর্চুএল ওইনা অনৌবা অমৃত ভারত এক্সপ্রেস ত্রেন ৪ লামথাখ্রে। হায়রিবা ত্রেনশিং অদুদি ন্যু জলপাইগুরি - নাগেরকোইল অমৃত ভারত এক্সপ্রেস; ন্যু জলপাইগুরি - তিরুচিরাপ্পালি অমৃত ভারত এক্সপ্রেস; অলিপুরদুয়ার -এস.এম.ভি.তি বেঙ্গালুরু অমৃত ভারত এক্সপ্রেস; অলুপুরদুয়ার – মুম্বাই(পানবেল) অমৃত ভারত এক্সপ্রেসনি। মসিনা ভারা হোংনা অমসুং নুংঙাইনা রেলনা লমশাং চৎপগী খুদোংচাবা হেনগৎহনগনি। হায়রিবা থবকশিং অসিনা মীচম মীয়াম, মহৈরোয়শিং, লাংফৈদা থবক শুবা চৎপা মীওইশিং অমসুং ললোনবশিং চৎথোক-চৎশিনদা মতেং পাংগনি অমসুং রাজ্যশিংগী মরক্ত শেন-থুম অমসুং খুন্নাইগী মরীশিং হেন্না ফগৎহনগনি।
এল.ঐচ.বি কোচশিং য়াওরবা অনৌবা ত্রেন মরিসু প্রধান মন্ত্রীনা লমথাখি, হায়রিবা ত্রেনশিং অদুদি রাধিকাপুর – এস.এম.ভি.তি বেঙ্গালুরু এক্সপ্রেস; বালুরঘাত - এস.এম.ভি.তি বেঙ্গালুরু এক্সপ্রেসনি। ত্রেনশিং অসিনা লমদম অসিগী নহারোলশিং, মহৈরোয়শিং অমসুং আই.তিগী থবক তৌরিবা মীওইশিংদা বেঙ্গালুরুগুম্বা অচৌবা আই.তিগী মফম অমসুং থবক মফমদা নুংঙাইনা, অশোই-অঙাম লৈতনা অমসুং হকথেংননা চৎনবগী খুদোংচাবা পীরগনি।
প্রধান মন্ত্রীনা নেসনেল হায়ৱে-৩১দিগী ধুপগুরি-ফালাকাতা সেক্সনগী খুন্দা-লৈতাহনবা অমসুং লেন মরি ওনখৎপগী থবক উরেপ-উয়ুং তমখি, মরুওইবা প্রোজেক অসিনা লমদম অসিগী চৎথোক-চৎশিন ফগৎহনগনি অমসুং অৱাং থংবা বেঙ্গলদা পেসেঞ্জরশিং অমসুং পোৎ-চৈ পুথোক-পুশিন হেন্না নুংঙাইহনগনি।
প্রোজেকশিং অসিনা ইনফ্রাষ্ট্রকচর শেমগৎপা অমসুং লম্বী-থোঙ ফগৎহনবদা মরুওইবা থৌদাং অমা লৌগনি, নোংপোক অমসুং অৱাং-নোংপোক লমদমশিং লৈবাক অসি চাউখৎনবা মরুওইবা ইঞ্জিশিং ওইনা থবক তৌবা হেনগৎহনগনি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
आज भारतीय रेल के आधुनिकीकरण की तरफ एक और बड़ा कदम उठाया गया है।
— PMO India (@PMOIndia) January 17, 2026
आज से भारत में वंदे भारत स्लीपर ट्रेनों की शुरुआत हो रही है: PM @narendramodi
देश की ये पहली वंदे भारत स्लीपर ट्रेन... मां काली की धरती को मां कामाख्या की भूमि को जोड़ रही है।
— PMO India (@PMOIndia) January 17, 2026
आने वाले समय में पूरे देश में, इस आधुनिक ट्रेन का विस्तार होगा।
मैं बंगाल को, असम को, पूरे देश को इस आधुनिक स्लीपर ट्रेन के लिए बधाई देता हूं: PM @narendramodi
आज बंगाल को चार और आधुनिक, अमृत भारत एक्सप्रेस ट्रेनें मिली हैं।
— PMO India (@PMOIndia) January 17, 2026
न्यू जलपाईगुड़ी- नागरकोइल अमृत भारत एक्सप्रेस...
न्यू जलपाईगुड़ी - तिरुच्चिरापल्ली अमृत भारत एक्सप्रेस...
अलीपुर द्वार - बेंगलुरु अमृत भारत एक्सप्रेस...
अलीपुर द्वार - मुंबई अमृत भारत एक्सप्रेस...
इससे बंगाल और…
