কোচী-লক্সদ্বীপ আইলেন্ত সবমেরিন ওপ্তিকেল ফাইবর কন্নেক্সন শঙ্গাখ্রে
কদমত্তা লো তেম্পরেচর থর্মেল দিসেলিনাইজেসন (এল.তি.তি.দি.) প্লান্ত মীয়ামদা কত্থোকখ্রে
অগত্তী অমদি মিনিকোই আইলেন্দগী য়ুমথোঙ খুদিংদা ফংস্নেল হাউসহোল্দ তেপ কন্নেক্সনশিং (এফ.ঐচ.তি.সি.) মীয়ামদা কত্থোকখ্রে
কবরত্তীদা সোলার পৱার প্লান্ত মীয়ামদা কত্থোকখ্রে
প্রাইমারী হেল্থ কেয়র ফষসিলিতী অমদি মোদেল অঙ্গনৱাদী সেন্তর মঙা নৌনা শেমজিন শাজিন্নবা উরেপ উয়ুং তমখ্রে
“লক্সদ্বীপকী লম অসি পিকচরবসু, লমদমসিগী মীয়ামগী থম্মোয়দি সমুদ্রগী ইরোলনুংগুম্না লু”
“ঐখোয়গী লৈঙাক্না মনুং হঞ্জিনবা, ঙমখৈ, সমুদ্র খোঙবাল অমদি ঈথৎকী মফমশিংদা মরুওইবা মীৎয়েঙ থম্লি”
“কেন্দ্র লৈঙাক্না লৈঙাক্কী স্কীম পুম্নমক বেনিফিসরী খুদিংমক্তা ফংহন্নবা হোৎনরি”
“এক্সপোর্ত ক্বালিতীগী লমদমসিগী ঙাগী অচৌবা ওইথোকপনা লমদমসিগী ঙামীশিংগী পুন্সিদা অহোংবা পুরকপা ঙমগনি”
“লক্সদ্বীপকী ফজবগা চাংদম্নবদা মালেমগী অতৈ লমথুংফমশিং মশক মচু থোক্তে”
“চাওখৎপা ভারত শেমগৎপদা লক্সদ্বীপ্না অকনবা শক্লোন লৌগনি”

প্রধান মন্ত্রী, শ্রী নরেন্দ্র মোদীনা ঙসি লক্সদ্বীপগী কবরত্তীদা লুপা করোর ১১৫০ হেনবগী চাওখৎ থৌরাংগী প্রোজেক্ত কয়া শঙ্গাখ্রে, লৈবক্কী মীফমদা কত্থোকখ্রে অমদি উরেপ উয়ুং তমখ্রে‍। ঙসিগী চাওখৎ থৌরাংগী প্রোজেক্তশিং অসিনা তেক্নোলোজী, ইনর্জী, ৱাতর রিসোর্স, হেল্থকেয়র অমদি মহৈ মশিং য়াওনা সেক্তর কয়া পাক শন্না কোনশিল্লি‍। প্রধান মন্ত্রীনা লেপতোপ স্কীমগী মখাদা মহৈরোয়শিংদা লেপতোপশিং য়েন্থোকখি অমদি বেতী বচাও বেতী পরাওগী মখাদা স্কুলগী মহৈরোয়শিংদা বাইসাইকলশিং য়েন্থোকখি‍। মহাক্না লৌমী অমদি ঙামী বেনিফিসরীশিংদা পি.এম. কিসান ক্রেদিৎ কার্দশিংসু খুৎশিন্নখি‍।

 

তিল্লিবা মীয়ামগী মফমদা ৱা ঙাঙলদুনা, প্রধান মন্ত্রীনা লক্সদ্বীপকী ফজবা অসি ৱাহৈনা ফোঙদোকপদা ৱাৎলগনি হায়খি অমদি মীয়ামগা উননবগীদমক অগত্তী, বঙ্গরাম অমদি কবরত্তীদা চৎখিবগী মতাঙদা পনখি‍। মীয়াম্না মফমদুদা তিল্লিবা অদুগীদমক থাগৎপা ফোঙদোক্লদুনা, “লক্সদ্বীপ অসি পিকচরবসু মফমসিগী মীয়ামগী থম্মোয়দি সমুদ্রগী ইরোলনুংদগীসু হেন্না লুই”, হায়না পুক্নিং মথুম মরাং হৌরবা প্রধান মন্ত্রীনা হায়খি‍।

প্রধান মন্ত্রীনা মনুং হঞ্জিনবা, ঙমখৈ নৎত্রগা সমুদ্র খোঙবাল অমদি ঈথৎকী মফমশিংবু মতম কুইনা মিরায়বিদুনা থম্লম্ববু পনখি‍। “ঐখোয়গী লৈঙাক্না অসিগুম্বা মফমশিং অসিদা মরুওইবা মীৎয়েঙ থম্লি”, হায়না মহাক্না হায়খি‍। মহাক্না মফমদুগী মীয়ামগী মফমদা ইনফ্রাসত্রকচর, কন্নেক্তিবিতী, ঈশিং, হকশেল অমদি অঙাংশিংগী য়াইফ থৌরাংগী মরী লৈনবা প্রোজেক্তশিং অদুগীদমক নুংঙাইবা ফোঙদোকখি‍।

প্রধান মন্ত্রীনা লক্সদ্বীপ চাওখৎনবগীদমক লৈঙাক্না হোৎনরিবশিং ফোঙদোকখি অমদি পি.এম. অৱাস য়োজনা (গ্রামিন) সেচুরেসন ফংবা, বেনিফিসরী খুদিংমক্তা লেম্না চেঙ গেহু ফংহল্লিবা, পি.এম. কিসান ক্রেদিৎ কার্দ অমদি অয়ু্স্মান কার্দশিং য়েন্থোকপা, অমদি অয়ুস্মান অরোগ্য মন্দির হেল্থ এন্দ ৱেলনেস সেন্তরশিং শেমগৎ শাগৎপগী মতাঙদা পাউদমখি‍। “কেন্দ্র লৈঙাক্না লৈঙাক্কী স্কীম পুম্নমক বেনিফিসরী খুদিংদা ফংহন্নবা হোৎনরি”, হায়না পি.এম. মোদীনা হায়খি‍। দাইরেক্ত বেনিফিত ত্রান্সফরগী খুত্থাঙদা বেনিফিসরীশিংদা শেল য়ৌহনবদা ফংবা ঙম্লিবা অরোন অথুপ লৈতবা ফীভমগী মতাঙদা পল্লদুনা, প্রধান মন্ত্রীনা ফীভম অসিনা শেঞ্জা থুমজা চাং ৱাংনা লাকশিল্লে হায়খি‍। মহাক্না লক্সদ্বীপগী মীয়ামদা মখোয়গী মঙমশিং মুন্নবা হোৎনরিবশিং হীরম অমত্তদা লেম্না থারোই হায়বা ৱাফমসু থমখি‍।

 

প্রধান মন্ত্রীনা নুমিৎ ১০০০গী মনুংদা খোঙজেল য়াঙবা ইন্তরনেৎ ফংহনগনি হায়না মহাক্না ২০২০দা থাজবা পীখিববু নীংশিংখি‍। কোচী-লক্সদ্বীপ আইলেন্দ সবমেরিন ওপ্তিকেল ফাইবর কন্নেক্সন (কে.এল.আই. – এস.ও.এফ.সি.) প্রোজেক্ত ঙসি মীয়ামগী মফমদা কত্থোক্লি অমদি মসিনা লক্সদ্বীপ মীয়ামদা শরুক ১০০ হেন্না খোঙজেল য়াঙবা ইন্তরনেৎ ফংহনগনি‍। মসিনা লৈঙাক্কী সর্ভিসশিং, অনা লায়েং, মহৈ মশিং অমদি দিজিতেল বেঙ্কিংনচিংবা ফেসিলিতীশিংগী ফীভম ফগৎহল্লগনি‍। লক্সদ্বীপ্পু লোজিস্তিক্স হব অমা ওইনা শেমগৎপগী ওইথোকপা য়াববু মসিনা মথৌনা হাপ্লগনি হায়না মহাক্না মখা তাখি‍। কদমত্তা পায়খৎলিবা লো তেম্পরেচর থর্মেল দিসেলিনাইজেসন (এল.তি.তি.দি.) প্লান্তকী মতাঙদা পল্লদুনা, পি.এম. মোদীনা লক্বদ্বীপকী য়ুমথোঙ খুদিংদা তোতিগী ঈশিং ফংহন্নবগী থবক খোঙজেল য়াঙনা চঙশিল্লি হায়খি‍।

প্রধান মন্ত্রী মোদীনা মহাক্না লক্সদ্বীপ্তা থুংলবগা শক্নাইরবা ইকোলোজিস্ত শ্রী অলি মনিকফনগা ৱারী শান্নখিবগী মতাঙদা ৱাফম কয়া ফোঙদোকখি অমদি লক্সদ্বীপ অর্কিপেলাগো ঙাক শেন্দুনা থম্নবগী মতাঙদা মহাক্কী থিজিন হুমজিনবা অমদি ইনোভেসনগী ৱাফমশিং থমখি‍। শ্রী অলি মনিকফনগী মফমদা ২০২১দা পদ্ম শ্রী মনা লান্থোকখিবগীদমক হৌজিক পাল্লিবা লৈঙাক্কী মফমদা মহাক্না অপেনবা ফোঙদোকখি‍। ঙসি মহৈরোয়শিংদা লেপতোপশিং অমদি বাইসাইকলশিং য়েন্থোকখিবগী মতাঙদা পল্লদুনা কেন্দ্র লৈঙাক্না লক্সদ্বীপগী নহাশিংগী ইনোভেসন অমদি মহৈ মশিংগী লম্বী য়াৎলি হায়না প্রধান মন্ত্রীনা ফোঙদোকখি‍। প্রধান মন্ত্রীনা মমাঙগী চহিশিংদা লক্সদ্বীপ্তা মকোক থোংবা মহৈ মশিংগী ইন্সতিত্যুসনশিং লৈতবা মরম্না ঈথৎ অসিগী নহাশিং পাক শন্না মপান্দা চৎনখিবগী মতাঙদা পনখি‍। হাইয়র এজুকেসনগী ইন্সতিত্যুৎশিং হাংদোক্নবগী মায়কৈদা থাংজিল্লিবা খোঙথাংশিংগী মতাঙদা পাউদম্লদুনা, শ্রী মোদীনা অন্দ্রোত অমদি কদমত্তা আর্তস অমদি সাইন্সকী মহৈ মশিংগী ইন্সতিত্যুসনশিং অমদি মিনিকোইদা পোলিতেক্নিক ইন্সতিত্যুৎ লিংখৎপগী মতাঙদা পনখি‍। “মসিনা লক্সদ্বীপকী নহাশিংদা চাউনা কান্নবা পীরি”, হায়না মহাক্না মখা তাখি‍।

 

পি.এম. মোদীনা লক্সদ্বীপকী মীয়ামদসু কান্নবা পীরিবা হজ য়াত্রীগীদমক লৌখৎলিবা খোঙথাংশিংগী মতাঙদা পনখি‍। মহাক্না হজ ভিজা তান্নবা লায়থোকহনবা অমদি ভিজা তান্নবগী প্রোসেস দিজিতেলাইজেসন তৌখিবা অমদি ‘মেহরম’ য়াওদনা নুপীশিং হজ চৎনবগী অয়াবা পীবা ৱাফমশিংবুসু শিংথাখ‍ি‍। হায়রিবা থৌরাংশিং অসিনা ‘উমরাহ’ চৎপা ভারত মচা মশিং মশক থোক্না হেনগৎহল্লে হায়বা মহাক্না হায়খি‍।

প্রধান মন্ত্রীনা লমদমদুগী তুনা ঙা জাপান্দা থাদোক্তুনা লক্সদ্বীপতা কান্নবা পীরিবা মালেমগী সীফুদ কৈথেলদা ভারতকী শরুক হেনগৎহন্নবা ভারতনা পায়খৎলিবা থৌরাংশিংগী মতাঙদা ৱাফম কয়া থমখি‍। পি.এম. মোদীনা ঙামীশিংগী পুন্সিদা অহোংবা পুরকপা ঙমগদবা এক্সপোর্ত ক্বালিতীগী লমদমসিগী ঙা পুথোকপগী ওইথোকপা য়াবা ৱাফমশিংসু থমখি‍। মহাক্না সীৱরদ ফার্মিং তৌবা য়াবরা হায়না থিজিনবগী মতাঙদসু পাউদমখি‍। মহাক্না লমদমদুগী ইকোলোজীবু ঙাক্তুনা থম্বগী মরুওইবা ৱাফম থমখি অমদি লক্সদ্বীপকী ইহান হানবা বেত্তরী-বেক সোলার পৱার প্লান্ত ওইরিবা কবরত্তীগী সোলার পৱার প্লান্ত অসি থৌরাং অসিগী শরুক্নি হায়খি‍।

 

অজাদী কা অমৃৎ কালদা ভারতপু চাওখৎপা লৈবাক অমা ওইহনবদা লক্সদ্বীপকী থৌদাংশিং পল্লদুনা, প্রধান মন্ত্রীনা য়ুনিয়ন তেরিতরী অসিবু মালেমগী তুরিজমগী মেপ্তা য়াওহন্নবা লৈঙাক্না হোৎনরিবা থৌরাংশিংগী মতাঙদা পনখি‍। হন্দক্তা লোইশিনখিবা জি২০ মীফমগী মতাঙদা পল্লদুনা লক্সদ্বীপ মালেমগী ওইনা শকখঙনরে হায়না মহাক্না হায়খি‍। স্বদেশ দর্শন স্কীমগী মখাদা, লক্সদ্বীপকী ওইনা অকক্নবা লমথুংফমগী ওইবা মাস্তর প্লান অমা দ্রাফ্ত তৌরে হায়না প্রধান মন্ত্রীনা পাউদমখি‍। মহাক্না লক্সদ্বীপ অসি ব্লু-ফ্লেগ সমুদ্র মপান অনিগী মফম্নি হায়খি অমদি কদবত অমদি সুহেলী ঈথৎশিংদা পায়খৎলিবা ৱাতর ভিল্লা প্রোজেক্তশিংগী মতাঙদা পনখি‍। চহি মঙাগী মমাঙদা য়েংনবদা লম কোয়বা লাকপা মশিং শরুক মঙা হেনগৎলে হায়রদুনা “লক্সদ্বীপ অসি ক্রুজ তুরিজমগী মরুওইবা লমথুংফম অমা ওইরক্লি”, হায়না শ্রী মোদীনা হায়খি‍। ভারতকী মীয়ামদা মপান লৈবাকশিংদা কোয়বা চৎত্রিঙৈ মাঙওইননা য়ামদ্রবদা লৈবাকসিগী মফম তরামঙাদা হান্না চৎননবা মহাক্না থমখিবা ৱাফমবু পি.এম. মোদীনা অমুক নৌহৌননা নীংশিংখি‍। মপান লমশিংদা লৈবা ঈথৎকী লৈবাকশিংদা চৎপা পাম্বলিবা মীওইশিংগী মফমদসু মহাক্না লক্সদ্বীপ্তা ওইনা চৎননবা হায়খি‍। “অদোম্না লক্সদ্বীপকী ফজবা উরুরবা মতুংদা, মালেমগী অতৈ লমথুংফমশিং মশক মচু থোক্তবগুম উগনি”, হায়না মহাক্না মখা তাখি‍।

প্রধান মন্ত্রীনা লক্সদ্বীপকী মীয়ামগী মফমদা কেন্দ্র লৈঙাক্না মখোয়না হিংবদা কোমহন্নবা, চত্থোক চৎশিন্দা কোমহন্নবা অমদি লল্লোন ইতিক তৌবদা কোমহন্নবা পায়খৎপা য়াবা খোঙথাঙ খুদিংমক মখা তানা পায়খৎখিগনি হায়না থাজবা পীখি‍। “চাওখৎপা ভারত অমা শেমগৎপদা লক্সদ্বীপ্না অচৌবা শক্লোন লৌগনি”, হায়না প্রধান মন্ত্রীনা লোইশিল্লকপদা ফোঙদোকখি‍।

 

লক্সদ্বীপকী লেফ্তনেন্ত গভর্নর, শ্রী প্রফুল পতেল অতৈ মীথুংশিংগা লোয়ননা থৌরমদুদা শরুক য়াখি‍।

বেকগ্রাউন্দ

অওনবা খোঙথাং অমদা, কোচি-লক্ষদ্বিপ আইলেন্দস সবমেরিন ওপ্তিকেল ফাইবর কন্নেক্সন(কে.এল.আই.-এস.ও.এফ.সি) প্রোজেক পায়খৎতুনা লক্ষদ্বিপ ইথৎশিংনা ইন্তরনেত য়াম্না শোন্না ফংলিবা অসি কোকহন্নবা প্রধান মন্ত্রীনা ফীরেপ লৌখি অমদি প্রোজেক অসি ওগস্ত ২০২০ দা লাল কিলাদা নিংতম্বা নুমিৎকী ৱারোলদা প্রধান মন্ত্রীনা লাউথোকখিবনি। হৌজিক প্রোজেক অসি লোইশিল্লে অমসুং প্রধান মন্ত্রীনা শঙ্গাখ্রে‍। মসিনা ইন্তরনেতকী খোঙজেল শরুক ১০০( ১.৭ জি.বি.পি.এস.তগী ২০০ জি.বি.পি.এস.তা) হেনগৎলগনি। নিংতম্বদগী অহানবা ওইনা, সবমেরিন ওপ্তিক ফাইবর কেবলগী খুৎথাংদা লক্ষদ্বিপগা শম্নরগনি। সবমেরিন ও.এফ.সি অসিনা লক্ষদ্বিপ ইথৎশিংগী কম্মুনিকেসন ইনফ্রাস্ত্রকচরদা অচৌবা অহোংবা অমা পুরক্লগনি অমসুং হেন্না য়াংবা অমসুং মতিক চাবা ইন্তরনেতকী খুদোংচাবশিং, তেলিমেদিসিন, ই-গভর্নান্স, লাইরিক-লাইশুগী থবকশিং দিজিতেল বেঙ্কিং, দিজিতেল করেন্সি অমসুং দিজিতেল লাইব্রেরিগী খুদোংচাবশিং ফংহল্লগনি।

 

প্রধান মন্ত্রীনা কাদমাত্তা লো তেম্পেরেচর থর্মেল দিসেলিনেসন(এল.তি.তি.দি.) প্লান্ত মীয়ামদা কৎথোকখি‍। মসিনা নোংমদা থক্নবা ঈশিং লিতর লাখ ১.৫ পুথোক্কনি। প্রধান মন্ত্রীনা অগাত্তী অমসুং মিনিকোই ঈথৎশিংগী য়ুমথোঙশিংদা ফঙ্কসনেল হাওসহোল্দ তেপ কন্নেক্সনস( এফ.ঐচ.তি.সি.) মীয়ামদা কত্থোকখি‍। কোরেল ইথৎ অমা ওইবনা, লক্ষদ্বীপ ঈথৎশিংদা অফবা থক্নবা ঈশিং ফংবা হায়বসি অচৌবা শিংনবা অমা ওইরি, লমদম অসিদা লৈনুংগী ঈশিং মরাং কায়না ফংদে। থক্নবা ঈশিং পীনবা প্রোজেকশিং অসিনা ঈথৎশিংসিগী তুরিজমগী খুদোংচাবশিং হেনগৎহনবদা মতেং পাংগনি অমসুং মসিনা লমদম অসিগী মীয়াম থবক ফংবা হেনগৎহনগনি।

 

মীয়ামদা কৎথোকখিবা অতোপ্পা প্রোজেকশিংগী মনুংদা লক্সদ্বীপকী অহানবা বেত্তরি-বেক সোলার পৱার প্রোজেক্ত ওইরিবা কবরত্তীগী সোলার পৱার প্লান্ত য়াওরি‍। মসিনা দিজলদা য়ুম্ফম ওইবা পৱার জেনেরেসন প্লান্তকী মখা পোনবা হন্থহনগনি অমসুং প্রোজেকশিংগী মনুংদা অনৌবা এদমিনিস্ত্রেতিপ ব্লোক অমসুং কবরত্তীদা ইন্দিয়ান রিজার্ব বত্তালিয়ন কমপ্লেক্সতা মীওই ৮০গী বেরেক য়াওরি।

প্রধান মন্ত্রীনা কালপেনিদা প্রাইমারি হেল্থ কিয়ার নৌনা শেমগৎনবা উরেপ-উয়ুং তমখি অমসুং অন্দ্রোথ, চেতলাত, কাদমাত, অগাত্তি অমসুং মিনিকোই ইথৎ মঙাদা মোদেল অঙ্গানৱাদি সেন্তর(নান্দ ঘরশিং) শানবা উরেপ-উয়ুং তমখি‍।

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
Unstoppable bull run! Sensex, Nifty hit fresh lifetime highs on strong global market cues

Media Coverage

Unstoppable bull run! Sensex, Nifty hit fresh lifetime highs on strong global market cues
NM on the go

Nm on the go

Always be the first to hear from the PM. Get the App Now!
...
Unimaginable, unparalleled, unprecedented, says PM Modi as he holds a dynamic roadshow in Kolkata, West Bengal
May 28, 2024

Prime Minister Narendra Modi held a dynamic roadshow amid a record turnout by the people of Bengal who were showering immense love and affection on him.

"The fervour in Kolkata is unimaginable. The enthusiasm of Kolkata is unparalleled. And, the support for @BJP4Bengal across Kolkata and West Bengal is unprecedented," the PM shared in a post on social media platform 'X'.

The massive roadshow in Kolkata exemplifies West Bengal's admiration for PM Modi and the support for BJP implying 'Fir ek Baar Modi Sarkar.'

Ahead of the roadshow, PM Modi prayed at the Sri Sri Sarada Mayer Bari in Baghbazar. It is the place where Holy Mother Sarada Devi stayed for a few years.

He then proceeded to pay his respects at the statue of Netaji Subhas Chandra Bose.

Concluding the roadshow, the PM paid floral tribute at the statue of Swami Vivekananda at the Vivekananda Museum, Ramakrishna Mission. It is the ancestral house of Swami Vivekananda.