প্রধান মন্ত্রী শ্রী নরেন্দ্র মোদীনা লৈবাক পুম্বগী ভেক্সিন পুথোক্লিবশিংগা ভিদিও কনফরেন্সকী খুত্থাংদা উন্নখ্রে। মহাক্না ভেক্সিন পুথোকপশিংগা মখোয়গী মায় পাক্লকপা অমসুং মখোয়গী শিনফমশিং অসিদা থাগৎপা ফোংদোকখি। পি.এম.মোদীনা হায় মদুদি ঐখোয়গী ভেক্সিন ইন্দস্ত্রীগী খ্বায়দগী চাওবা মপাঙ্গল অসি ‘সামার্থিয়া, সন্সাধন অমসুং সেবা ভাব’ অসিনি অমসুং হায়ররিবা অসিনা মালেম অসিদা ভেক্সিনগী মকোক চিংবা ওইরিবনি।
ঐখোয়গী ভেক্সিন পুথোক্লিবশিং অসিগী তৌঙম্বা অসি থাজদুনা, পি.এম. মোদীনা হায় মদুদি, সরকার অসিনা হৌজিক ভেক্সিনেসনগী থৌরম অসি এদল্ত পুম্বদা মেগী ১দগী হৌনবা অয়াবা পীখ্রে। মহাক্না ভেক্সিন মেনুফেকচরশিংদা ঐখোয়গী প্রজাশিং অসি য়াম্না অথুবা মতমদা ভেক্সিন কাপ্নবা লেপ্পা লৈতনা মশীং য়াম্না পুথোক্নবা তকশিনখি।
পি.এম. মোদীনা মখোয়বু অকক্নবা মতমদা ভেক্সিন অসি শেমগৎ-শাগৎপা অমসুং পুথোকপগীদমক মনা পীখি। ভেক্সিন পুথোক্লিবা অসি মফম অসিদা খ্বায়দগী হোংনা ফংহনবা অসিদা পি.এম. মোদীনা হায় মালেমগী খ্বায়দগী চাওবা ভেক্সিনগী থৌরম অসি ইন্দিয়াদা চৎথরি।
পি এম. মোদীনা হায়খি মদুদি ভেক্সিন অসি শেমগৎ-শাগৎপা অমসুং পুথোকপগী থৌওং মনুং অসিদা লৈবাক অসিনা লেপ্পা লৈতনা ‘মিসন কোবিদ সুরকশা’গী মখাদা পব্লিক-প্রাইবেতকী ইথিলদা থবক তৌরি অমসুং হৌবদগী লোইবা ফাওবা শেমগৎ-শাগৎনবা হোৎনরি। সরকার অসিনা থাজবা থম্লি মদুদি ভেক্সিন মেনুফেকচররশিং অসিনা অঙম্বা মতেং পীব খক্তা নত্তনা ভেক্সিন অসিগী অয়াবা পীবা অসিশু য়াম্না থুনা অমসুং সাইন্তিফিক ওই হায়না প্রধান মন্ত্রীনা হায়খি। মহাক্না মসি অমসু হায়খি মদুদি হৌজিক ত্রাইয়েল ফেজগী মখাদা লৈরিবা ভেক্সিনগী কেন্দিদেতশিং অসিশু অঙম্বা থাক্তা মতেং পীগনি অমসুং অয়াবা পীবা মতমদা অপনবা লৈতনবা হোৎনগনি হায়না থাজবা পীখি।
প্রধান মন্ত্রীনা হায় ঐখোয়গী প্রাইবেত সেক্তরগী হেলথ ইনফ্রাস্ত্রকচরশিং অসিনা লৈবাক অসিদা কোবিদ-১৯ লান্থেংনবা অমসুং লাক্কদৌরিবা নুমিৎশিং অসিদা চাওরবা থৌদাং কয়া অমা লৌরি, প্রাইবেত সেক্তরশিং অসিনা ভেক্সিনেসন দ্রাইব অসিদা চাওরবা থৌদাং কয়া অমসু লৌগনি। হায়রিবা অসিদা হোস্পিতাল অমসুং ইন্দস্ত্রী অনি হেন্না ফবা মতেং অমা পীনবা চংলি।
ভেক্সিন মেনুফেকচরশিংনা সরকারনা লৌরিবা ফিরেপ চহি ১৮গী মথক্তা লৈবা মীপুম খুদিংবু ভেক্সিনেসন কাপ্পগী অয়াবা পীবা অমসুং থবক কয়া অমা অমসুং কোমথোকপী খোঙথাং লৌখৎপা অসিদা প্রধান মন্ত্রীবু থাগৎপা ফোংদোকখি। মখোয়না প্রধান মন্ত্রীবু মহাক্না লৌরিবা ভেক্সিন অসি শেমগৎ-শাগৎপা অমসুং পুথোকপগী থৌওং অসিদা ভারত সরকারনা পীরিবা মতেং অসিদা থাগৎপা ফোংদোরকখি। মখোয়না পোত্থোকশিং, হৌগৎলক্লিবা ভেক্সিনগী কেন্দিদেত অমসুং রিসর্সরশিংবু অনৌবা ভেরিএন্ত অমগীদমক খন্নখি।
