প্রধান মন্ত্রী শ্রী নরেন্দ্র মোদীনা ঙসি এ.এস.এস.ও.সি.ঐচ.এ.এম., এফ.আই.সি.সি.আই., সি.আই.আই., অমসুং লৈবাক অসিগী শহর ১৮দগী তোঙান-তোঙানবা লোকেল চেম্বরশিংদগী ইন্দস্ত্রী রিপ্রজেন্তেতিবশিংগা ভিদিও কনফরেন্সকী থোংদা ৱারী শানখ্রে।

প্রধান মন্ত্রীনা হায়খি মদুদি সরকার অসিনা লৈবাক অসিদা ইকোনোমিক গ্রোথ হেঙ্গৎহন্নবা থবক তৌরিবা মতম অসিদা কোবিদ-১৯গী মওংদা হান্ননা উহৌদবা পল অমা ইকোনোমীগী মাংদা লাক্লে। মহাক্না হায়খি মদুদি লাইচৎ অসিনা থোকহল্লিবা শিংনবা অসি মালেমগী লাঞ্জাওশিংদা ওইখিবা ফিভম অদুদগী হেন্না শাথিবা হেল্লি অমদি মশিবু শন্দোকপদগী থিংনবগীদমক ঐখোয়না মতম পুম্নমক্তা মীৎ-না শিংনা লৈবা মথৌ তাই।

প্রধান মন্ত্রীনা হায়খি মদুদি ইকোনোমীগী ঙাক্লৌ অসি থাজনিঙাইনি। থাজবা অসি তোপ তোপ্পা য়ার্দস্তিক অমনি। থাজবগী পেরামীতর অসি ইকোনোমীগী তোঙান-তোঙানবা সেক্তরদা য়াম্না লুবা জঙ্কসন অমদা লৈরি। মহাক্না হায়খি মদুদি তুরিজম, কন্সত্রক্সন, হোস্পিতালিতীগুম্বা তোঙান-তোঙানবা সেক্তরশিং অমসুং ইনফোর্মেল সেক্তর য়াওনা নুমীৎ খুদিংগী পুন্সীগী এঙ্গেজমেন্তশিং কোবিদ-১৯না মরম ওইদুনা চৈথেং পীরি। লাক্কদৌরিবা নুমীৎ খরনিদা ইকোনোমীদা মসিগী ইম্পেক্ত ফাওবা ফংলগনি।

ইন্দস্ত্রী রিপ্রজেন্তেতিবশিংনা থ্রেৎ অসি থেংনবদা মরুওইবা থৌদাং লৌবা অমসুং মতিক চাবা খোংথাং লৌখৎপগীদমক প্রধান মন্ত্রীবু থাগৎপা ফোংদোকখি। মখোয়না প্রধান মন্ত্রীদা চংদবা য়াদবা পোৎলমশিং অমসুং ভেন্তিলেতর, আইসোলেসন ৱার্দশিং শাবদা তেংবাং, কোবিদ-১৯ থেংননবগীদমক সি.এস.আর. ফন্দশিং শিজিন্নবা অমদি মাইগ্রেন্ত লেবরশিংদা তেংবাং ফংহনবগী মতাংদা মখোয়না লৌখৎলিবা খোংথাংশিংগী মতাংদা খংহনখি।

মখোয়না বেঙ্কিং, ফাইনান্স, হোস্পিতালিতী, তুরিজম, ইনফ্রাস্ত্রকচরগুম্বা সেক্তরশিংনা মায়োক্নরিবা অকক্নবা ইসুশিংদা খন্ন-নৈনখি অমসুং মশিগী শিংনবশিং অসি ফাইনান্সিয়েল অমসুং ফিস্কেল এসিস্তেন্সকী থোংদা লাকশিনবদা মতেং পাংনবা হায়জখি।

প্রধান মন্ত্রীনা ইন্দস্ত্রী লুচিংবশিংবু অনওর্গনাইজ সেক্তরগী দরকারওইবশিংদা চপ মান্নবা ৱাফম ফোংদোকপগীদমক থাগৎখি অমসুং হায়খি মদুদি মসি ইকোনোমিক ইন্তেগ্রেসনগী অনৌবা অয়ুক অমনি। মহাক্না মখোয়গী মফমদা এমপ্লোইশিংবু তেক্নোলোজী শিজিন্নবগী থোংদা য়ুমদগী থবক তৌবা য়াহন্নবা হায়খি। মহাক্না বিজিনেসতা নেগতিব ইম্পেক্ত লৈরবা ফাওবা ৱার্কফোর্স ককথদনবা হায়খ্রে।

ৱারী শানবা অদুদা প্রিন্সিপাল সেক্রেতরী, কেবিনেৎ সেক্রেতরী অমসুং প্রমোসন ওফ ইন্দস্ত্রী অমসুং ইন্তরনেল ত্রেদকী সেক্রেতরীসু শরুক য়াখি।

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
PM Modi Crosses 100 Million Followers On X, Becomes Most Followed World Leader

Media Coverage

PM Modi Crosses 100 Million Followers On X, Becomes Most Followed World Leader
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 15 জুলাই, 2024
July 15, 2024

From Job Creation to Faster Connectivity through Infrastructure PM Modi sets the tone towards Viksit Bharat