প্রধান মন্ত্রী, শ্রী নরেন্দ্র মোদীনা ঙসি নই দিল্লীগী মেজর ধ্যান চান্দ নেস্নেল স্তেদিয়মদা ভারতকী এসিয়ন পেরা গেম্স কন্তিঞ্জেন্তগা ৱারী শাখ্রে অমসুং মখোয়দা ৱা ঙাংখ্রে। থৌরম অসি প্রধান মন্ত্রীনা এসিয়ন পেরা গেম্স 2022দা মখোয়গী শীংথানীংঙাই ওইবা মাইপাকপা অদুগীদমক শান্নরোয়শিংদা নুংঙাইবা ফোঙদোক্নবা অমসুং তুংদা লাক্কদবা কম্পিতিসনশিংগীদমক মখোয়দা ইথিল পীনবা খোঙথাং অমনি।
পেরা-এথলেৎশিংদা ৱা ঙাংলদুনা প্রধান মন্ত্রীনা হায়খি মদুদি মহাক্না মতম চুপ্পদা মখোয়গা উন্নবা অমসুং মখোয়গী এক্সপরিয়েন্স শিয়র তৌনবা খৌরাংনা ঙাইদুনা লৈরকখি। “নখোয়না মফম অসিদা লাকপা খুদিং নখোয়গা লোয়ননা অনৌবা আশা অমসুং অনৌবা ইহুল পুদুনা লাকই”, হায়না প্রধান মন্ত্রীনা ফোঙদোকখি। মহাক্না হায়খি মদুদি মহাক্না মফম অসিদা লৈরিবা অসি মরম অমা খক্তগীনি অমসুং মদুদি পেরা-এথলেৎশিংবু মখোয়গী মাইপাকপগীদমক নুংঙাইবা ফোঙদোক্নবনি। মহাক্না হায়খি মহাক্না পেরা এসিয়ন গেম্সকী দিবেলপমেন্ত অদু কুপ্না য়েংবা খক্তা নত্তনা মদুগী ইহুলশিং অদু ফাওখি। মহাক্না মখোয়না শরুক তমখিবশিং অদুবু থাগৎখি অমসুং মখোয়গী কোচশিং অমসুং মখোয়গী ইমুং-মনুংশিংদা নুংঙাইবা ফোঙদোকখি। শ্রী মোদীনা লৈবাক্কী প্রজা করোর 140গী মহুৎ শিন্দুনা তৌবীমল খঙবা ফোঙদোকখি।
স্পোর্তসকী য়াম্না কম্পিতিতিব ওইবা মওং অসিগী মতাংদা পল্লদুনা প্রধান মন্ত্রীনা শান্নরোয়শিংনা অমগা অমগা লম্বা তৌনবগা লোয়ননা মখোয় মশাগী ওইবা ইন্তর্নেল কম্পিতিসনসু তৌজনবা হায়খি। মহাক্না শান্নরোয়শিংনা প্রেক্তিস তৌবা অমসুং কত্থোকপগী লেবেল ৱাংলিবা অদুসু থাগৎখি। “মফম অসিদা লৈরিবা পুম্নমক অসি খরনা থোইরকখি, খরনা শীংগৎলকখি অদুবু কনাগুম্বা অমত্তনদি মাইথীরগা হল্লকখিদে” হায়না প্রধান মন্ত্রীনা ফোঙদোকখি। “স্পোর্তস্তা পোবা হায়বা লৈরে, থোইবা নত্ত্রগা তমশিনবা খক্তনি” হায়না ফোঙদোক্লদুনা প্রধান মন্ত্রীনা স্পোর্তস্তা চংলিবা লর্নিং প্রোসেসকী মতাংদা ফোঙদোকখি। মহাক্না প্রজা করোর 140দগী সেলেক্সন তৌখিবা অসি পেরা-এথলেৎশিংগীদমক অচৌবা মাইপাকপা অমনি হায়নসু ফোঙদোকখি। অপুনবা মেদল মশিং 111 য়ৌদুনা রেকোর্দ থুংগাইখিবা মাইপাকপা অসিগী মতাংদা শ্রী মোদীনা হায়, “নখোয়গী মাইপাকপা অসিনা লৈবাক পুম্বদা ইথিল পীরি অমসুং প্রজাশিংগী মরক্তা চাউথোকচবগী ইথিল অমসু পোকহল্লি”।
প্রধান মন্ত্রীনা গুজরাতকী লোক সভাদা রেকোর্দ ওইবা মওংদা ভোৎ ফংখিবদা শ্রী অতল বিহারি বাজপায়ীনা মঙোন্দা নুংঙাইবা ফোঙদোরকপদা ফাওখিবা ইহুল অদুবু নীংশিংলদুনা শান্নরোয়শিংনা মখোয়গী রেকোর্দ থুংগাইখিবা পরফোর্মেন্স উৎখিবদা ফাওরমগনি হায়খি। মহাক্না মখা তাখি, “মেদল 111 অসি শুপ্নগী মশিং খক্তা নত্তনা মসি করোর 140গী মঙলানশিংনি”। মহাক্না হায়খি মসিগী মশিং অসি 2014দা ফংখিবা মেদল মশিংদগী শরুক অহুম হেল্লি অমরোমদা সনাগী মেদলশিং অসিনা শরুক তরা হেল্লি অমসুং ভারতনা মেদল তেল্লীদা 15দা লৈরম্বদগী তোপ 5কী মনুং চনখি।
প্রধান মন্ত্রীনা ভারতনা হৌখিবা থা খরা অসিদা স্পোর্তসকী লমদা ভারতনা হন্দক মাইপাকখিবশিং অদু পাউদমখি অমসুং হায়, “নখোয়না পেরা এসিয়ন গেম্সতা মাইপাকপা অসি সনাদা তম্ফা থিনবনি”। মহাক্না ওগস্ততা বুদাপেস্ততা পাঙথোকখিবা ৱর্ল্দ এথলেতিক্স চেম্পিয়নশিপতা গোল্দ মেদল লৌরকপা, এসিয়ন গেম্সতা বেদমিন্তনগী নুপাগী তীমনা অহানবা গোল্দ মেদল লৌরকপা, নুপীগী তীমনা তেবল তেনিস্তা অহানবা মেদল লৌরকপা, থোমাস কপতা নুপাগী বেদমিন্তন তীমনা থোইখিবা, এসিয়ন গেম্সতা গোল্দ মেদল 28 য়াওনা রেকোর্দ ওইনা মেদল 107 লৌরকপা অমসুং মেদল তেল্লীদা খ্বাইদগী মাইপাকপা অসি এসিয়ন পেরা গেম্সনা ওইখিবা অদুগী মতাংদা ফোঙদোকখি।
পেরা গেম্সকী অখন্নবা মওং মতৌ অদু খঙলদুনা প্রধান মন্ত্রীনা হায়খি মদুদি দিব্যাঙ্গ অমনা স্পোর্তস্তা থোইবা হায়বা অসি স্পোর্তসকী ওইনা ইথিল পীনীংঙাই ওইবা খক্তা নত্তনা মসি পুন্সিগী ওইনসু ইথিল পীনীংঙাই ওইবা ৱাফম অমা ওইরি। “নখোয়গী পরফোর্মেন্সনা পুক্নীং ফনা হন্থরবসু মীওই অমা হেক্তনা রি-ইনর্জাইজ তৌবা ঙমগনি” হায়না পি.এম. মোদীনা ফোঙদোকখি। প্রধান মন্ত্রীনা ভারতনা স্পোর্তিং সোসাইতী অমা ওইনা খুমাং চাউশিল্লিবা অমসুং মাগী স্পোর্তিং কলচরগী মতাংদা ফোঙদোকখি। “ঐখোয়না 2030 য়ুথ ওলিম্পিক্স অমসুং 2036 ওলিম্পিক্স পাঙথোক্নবা হোৎনরি” হায়না মহাক্না ফোঙদোকখি।
প্রধান মন্ত্রীনা হায়খি মদুদি স্পোর্তসকী ওইনা অশম্বা লম্বী লৈতে অমসুং শান্নরোয়শিংনা মখোয়গী মশাগী তৌবা ঙম্বশিংগী মীপাল তাংগদবনি অদুবু মতেং খজিক ফংলবদি মদুনা চাউনা কান্নবা ফংগনি। মহাক্না ইমুং-মনুংশিং, খুন্নাই, ইন্সতিত্যুসনশিং অমসুং অতোপ্পা সপ্পোর্তিং ইকোসিস্তেমশিংগী অপুনবা সপ্পোর্তকী মথৌ তাই হায়না ফোঙদোকখি। মহাক্না ইমুংশিংনা স্পোর্তস্তা য়েংলিবা অহোংবা মীৎয়েং অদুগী মতাংদা পনখি।
“খুন্নাইনা স্পোর্তসপু শিনবা অমগুম্না মমাংগা মান্নদবা মওংদা শকখঙবা হৌখ্রে”, হায়না প্রধান মন্ত্রীনা ফোঙদোকখি। মহাক্না মমাংগী হৌজিক পাল্লিবা সরকারনা ‘এথলেৎ ফোর গভর্নমেন্ত” হায়বা এপ্রোচ অসি ‘গভর্নমেন্ত ফোর দি এথলেৎ”তা অহোংবা পুরকখি অমসুং সরকারনা এথলেৎশিংগী মাইক্নব সরকারনা সেন্সিতিবিতী লৈখিববু থাগৎখি। “সরকারনা শান্নরোয়শিংগী মঙলানশিং অমসুং অৱাবশিং খংলবা মতমদা মসিগী কান্নবা অদু মাগী পোলিসীশিং, এপ্রোচ অমসুং ৱাখোল্লদা উবা ফংগনি”, হায়না পি.এম. মোদীনা হায়খি। মহাক্না মমাংগী সরকারনা শান্নরোয়শিংগীদমক শেম্বা পোলিসীশিং, ইনফ্রাস্ত্রকচর, কোচিং ফেসিলিতীশিং অমসুং শেলগী তেংবাংদা অৱাৎপা লৈহল্লম্বদা নুংঙাইতবা ফোঙদোকখি অমসুং মসিনা মাইপাকপগী লম্বীদা অচৌবা অপনবা অমা ওইহনখি। হৌখিবা চহি 9দা প্রধান মন্ত্রীনা হায়খি মদুদি লৈবাক অসিনা অরিবা সিস্তেম অমসুং এপ্রোচ অদু থাদোকখ্রে। মহাক্না হায়খি করোর 4-5 তোঙান-তোঙানবা শান্নরোয়শিংদা ঙসি চাদিং তৌরি। “সরকারগী এপ্রোচ অসি ঙসিদি এথলেৎ-সেন্ত্রিক ওইরে” মসিনা অপনবশিং লৌথোকপা অমসুং মখোয়গীদমক অনৌবা খুদোংচাবশিং পীরি হায়না প্রধান মন্ত্রীনা ফোঙদোকখি। “পোতেন্সিএল প্লস প্লেৎফোর্ম অসি পরফোর্মেন্সকা মান্নৈ। পোতেন্সিএলনা মথৌ তাবা প্লেৎফোর্ম ফংলবা মতমদা পরফোর্মেন্সতা শাহৌ পী”, হায়না ফোঙদোকখি অমসুং শান্নরোয়শিংবু গ্রাসরুত লেবেলশিংদা মখোয়বু মশক খঙদোক্তুনা মখোয়বু মাইপাকপা ঙমহনখিবা অমসুং মখোয়গী তেলেন্ত য়োকখৎখিবা খেলো ইন্দিয়া স্কিমগী মতাংদা পনখি। মহাক্না TOPS ইনিসিএতিব অমসুং দিসএবিলিধী স্পোর্তস ত্রেনিং সেন্তরগী মতাংদসু পনখি।
প্রধান মন্ত্রীনা হায়খি মদুদি শান্নরোয়শিংনা অৱাবশিং মায়োক্নবদা মদুবু থেংনবা ঙম্বা অসি লৈবাক্কীদমক মখোয়না খ্বাইদগী চাউনা কত্থোকপনি। মহাক্না হায়খি মদুদি নখোয়না অচৌবা অপনবশিং মায়োক্নবা ঙমখি। মসিগী ইথিল অসি মফম খুদিংমক্তা শকখঙখি হায়রদুনা প্রধান মন্ত্রীনা সোসিএল মেদিয়া প্লেৎফোর্মশিংদা পেরা-এথলেৎশিংবু থাগৎখি। খুন্নাইগী শরুক খুদিংমক্না পেরা-এথলেৎশিংদগী ইথিল লৌরি। “নখোয়না তোর্নামেন্ত খুদিংমক্তা শরুক য়াবা অসি মীওইবগী মঙলানশিংনা থোইবনি। মসি নখোয়গী খ্বাইদগী চাউবা লেগেসীনি। অমসুং মসিনা মরম ওইদুনা নখোয়না অসুম্না কন্না হোৎনগনি অমসুং লৈবাক অসিবু চাউথোকচবা পোকহনগনি হায়না ঐহাক্না থাজবা থম্মি। ঐখোয়গী সরকারনা নখোয়গীদমক লৈরি, লৈবাক অসিনা নখোয়গীদমক লৈরি”, হায়না প্রধান মন্ত্রীনা ফোঙদোকখি।
প্রধান মন্ত্রীনা ফিরেপ লৌবগী শক্তিগী মতাংদা নৌনা ফোঙদোক্লদুনা ৱারোল পীবা লোইশিনখি। মহাক্না হায়খি মদুদি লৈবাক অমা ওইনা ঐখোয়না মাইলস্তন অমা হেক্তদা লেপ্পা তৌদে অমসুং ঐখোয়গী মাইপাকপশিংদা লেপ্পা তৌদে। “ঐখোয়না দিকেদ অসিগী মনুংদা তোপ 5 ইকনোমীশিংগী মনুংদা চনগনি অমসুং 2047 ফাওবদা লৈবাক অসিনা বিক্সিৎ ভারত ওইগনি”, হায়না মহাক্না ফোঙদোকখি।
য়ুথ এন্দ স্পোর্তস এফিয়র্সকী কেন্দ্র মন্ত্রী, শ্রী অনুরাগ সিংহ থাকুর, পেরালিম্পিক্স কম্মিতি ওফ ইন্দিয়াগী প্রসিদেন্ত, শ্রীমতি দীপা মালিক, ত্রাইবেল এফিয়র্সকী কেন্দ্র মন্ত্রী, শ্রী অর্জুন মুন্দা অমসুং য়ুথ এফিয়র্স এন্দ স্পোর্তসকী কেন্দ্রগী রাজ্য মন্ত্রী, শ্রী নিসিথ প্রমানিকসু থৌরম অসিদা শরুক য়াখি।
বেকগ্রাউন্দ
পেরা এসিয়ন গেম্স 2022দা সনাগী মেদল 29 য়াওনা ভারতনা পুন্না মেদল 111 ফংখি। মমাঙগী গেমস(2018)গা চাংদম্নবদা এসিয়ন পেরা গেম্স 2022দা অপুনবা মেদল চাদা 54 হেনগৎলে অমসুং 2018দা ফংখিবা সনাগী মেদল মশিংদগী শরুক অনি হেনগৎতুনা সনাগী মেদল 29 ফংলে।
থৌরম অদুদা শান্নরোয়শিং, মখোয়গী কোচশিং, পেরালেম্পিক কম্মিতি ওফ ইন্দিয়া অমসুং ইন্দিয়ন ওলেম্পিক এসোসিএসনগী ওফিসিএলশিং, নেস্নেল স্পোর্তস ফেদেরেসনশিং অমসুং য়ুথ এফিয়র্স এন্দ স্পোর্তস মন্ত্রালয়গী ওফিসিএলশিং শরুক য়াখি।
Achieving a total of 111 medals at the Asian Para Games is truly a remarkable accomplishment worth celebrating. pic.twitter.com/RjtCqcV96O
— PMO India (@PMOIndia) November 1, 2023
Your performance has left the entire nation thrilled: PM @narendramodi to Indian contingent for Asian Para Games pic.twitter.com/DptI3tRiJM
— PMO India (@PMOIndia) November 1, 2023
Nowadays, sports is also being accepted as a profession. pic.twitter.com/DZg9aCah5Z
— PMO India (@PMOIndia) November 1, 2023
Our Government's approach is athlete centric: PM @narendramodi pic.twitter.com/StqsblJY0D
— PMO India (@PMOIndia) November 1, 2023
