প্রধান মন্ত্রী শ্রী নরেন্দ্র মোদীনা ঙসি জপানগী তোঙান-তোঙানবা প্রিফেকচরশিংগী গভর্নরশিংগা লোয়ননা উনখ্রে। ৱারী-ৱাতাই শাবা অদুদা গভর্নর তরা-তরুক্না শরুক য়াখ্রে।
মহাক্কী ৱারোলদা, প্রধান মন্ত্রীনা হায়খি মদুদি ভারত-জপানগী হৌজিক মতমগী লৈনরিবা মরীশিং অসি লৈবাক অনিগী মরক্তা চহি কয়াদগী লৈরক্লবা সিভিলাইজেস্নেল কন্নেক্তিবিতীনা মপাঙ্গল হাপচিন্দুনা মখা তানা খুমাং চাউশিল্লি। হীরম কয়াদা ইন্দিয়া-জপান স্পেসিএল স্ত্রেতেজিক এন্দ গ্লোবেল পার্তনরশিপকী খোঙজেল য়াঙখৎলকপা অদু পল্লদুনা মহাক্না হায়খি মদুদি হৌজিক্তি তোকিও অমসুং দিল্লীদা য়ুম্ফম ওইরিবা মরীদগী হেন্দুনা স্তেত-প্রিফেকচরগী মরীদা নৌহৌনা শাহৌ অমা পীবগী মতম ওইরে। মসিগী মতাংদা মহাক্না ১৫শুবা চহিগী সম্মিৎতা হৌদোকখিবা স্তেত-প্রিফেকচর পার্তনরশিপ ইনিসিএতিবকী মতাংদা পনখি, মসিনা লৈবাক অনিগী মরক্তা ললোন-ইতিক, তেক্নোলোজী, তুরিজম, স্কিল, সেক্যুরিতী অমসুং কলচরেল লিঙ্কশিং হেনগৎহল্লগনি। মহাক্না গভর্নরশিং অমসুং ভারতকী রাজ্য সরকারশিংদা অনৌবা খোঙথাং অসি শীজিন্ননবা অমসুং মেনুফেকচরিং, তেক্নোলোজী, ইন্নোবেসন, মোবিলিতী, নেক্স জেনরেসনগী ইনফ্রাস্ত্রকচর, স্তার্ত-অপশিং অমসুং এস.এম.ই.শিংগী লমশিংদা পার্তনরশিপ শেম্নবা হায়খি।
জপানগী প্রিফেকচর খুদিংমক্তা মখোয়গী ওইবা শেন্মিৎলোন অমসুং তেক্নোলোজীগী মপাঙ্গল লৈ অমসুং ভারতকী রাজ্যশিংদা মখোয় মশাগী ওইবা তৌবা ঙম্বা কয়ামরুম লৈ হায়না পল্লদুনা প্রধান মন্ত্রীনা গভর্নরশিংদা ভারতকী গ্রোথ স্তোরী অসিদা শরুক য়ানবা হায়খি। মহাক্না মখোয়দা লৈবাক অনিগী মরক্তা য়ুথ অমসুং স্কিল একচেঞ্জকী ফিরেপশিংগী মাইকৈদা শরুক তম্নবা অমসুং জাপানিজ তেক্নোলোজীগা ভারতকী তেলেন্তগা খ্বাইদগী ফবা মওংদা পুনশিন্নবা তকশিনখি। ভারত-জপানগী ললোন-ইতিক, এজুকেস্নেল, কলচরেল অমসুং পিপল-তু-পিপলগী মরীবু মথংগী থাক্তা পুখৎনবা সব-নেস্নেল কোলাবোরেসন অসি মরুওই হায়না গভর্নরশিংনা ফোংদোকখি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
This morning in Tokyo, interacted with the Governors of 16 prefectures of Japan. State-prefecture cooperation is a vital pillar of India-Japan friendship. This is also why a separate initiative on it was launched during the 15th Annual India-Japan Summit yesterday. There is… pic.twitter.com/N31Kp9wTw3
— Narendra Modi (@narendramodi) August 30, 2025
今朝、東京にて日本の16県の知事と意見交換を行いました。州と県の協力は、印日間の友情における重要な柱です。そのため、昨日開催された第15回印日首脳会談においても、この地方間協力に関するイニシアティブが立ち上げられました。貿易、イノベーション、起業などの分野で大きな協力の可能性があり、… pic.twitter.com/M9v4ZFgdHq
— Narendra Modi (@narendramodi) August 30, 2025
