প্রধান মন্ত্রীনা ঙসি মপান লৈবাক্তা লৈরিবা ভারতকী খনগৎলবা লুচিংবশিং, মন্ত্রীশিং, সেনেতরশিং, পার্লিয়ামেন্তকী মেম্বরশিং অমসুং আজাদ হিন্দ ফৌজ (ইন্দিয়ন নেস্নেল আর্মী-আই.এন.এ.) গী ভেতেরনশিংগা ৱারী শানখ্রে। মখোয়শিং অদুদি: দিজিতেলগী মন্ত্রী তুৱান গোবিন্দ সিংহ দেও; হ্যুমেন রিসোর্সকী মন্ত্রী দাতো শ্রী রামনন রামকৃষ্ণন; প্রধান মন্ত্রীগী দিপার্তমেন্ততা লৈবা দিপুতি মিনিস্তর তুৱান এম. কুলাসেরান; অমসুং নেস্নেল য়ুনিতীগী দিপুতি মিনিস্তর, তুৱান আর. য়ুনেশ্বরন অমসুং অতোপ্পশিং য়াওখি।।
প্রধান মন্ত্রীনা মালেসিয়াগী খুমাং চাউশিনবা অমসুং চাউখৎপদা অমসুং ভারত-মালেসিয়াগী মরী মপাঙ্গল কনখৎহনবদা ইন্দিয়ন দাইস্পোরাগী মরুওইবা থৌদাং অদু পনখি। পি.আই.ও.গী লুচিংবশিংনা লৈবাক অনিগী মরক্তা কমপ্রেহেন্সিব স্ত্রেতেজিক পার্তনরশিপ শেমগৎপদা অমসুং ভারত-মালেসিয়া মরী হেনগৎহন্নবা পান্দম থম্লিবা ইনিসিয়েতিবশিংদা প্রধান মন্ত্রীনা লুচিংবগীদমক থাগৎপা ফোংদোকখি। মখোয়না প্রধান মন্ত্রীগী মীৎয়েং অমসুং ভারতকী অহোংবা পুরক্নবা পান্দমদা পায়খৎলিবা থবকশিংবুসু থাগৎপা ফোংদোকখি।
পি.আই.ও.গী লুচিংবশিংনা মালেসিয়াদা লৈরিবা ভারতকী মীয়ামগী য়াইফনবা লৌখৎলিবা খোঙথাংশিংগীদমক প্রধান মন্ত্রীদা থাগৎপা ফোংদোকখি। মসিগী মনুংদা (i) মালেসিয়াদা ভারতকী অহানবা কন্সুলেৎ হাংদোক্নবা ৱারেপ লৌখিবা; (ii) য়ুনিভর্সিতি মালায়াদা তিরুভল্লুভর সেন্তর অমা লিংখৎনবা লাউথোকখিবা; (iii) তিরুভল্লুভর স্কোলারশিপশিং লিংখৎপা; (iv) মালেসিয়াদা লৈবা ভারতকী (৬শুবা) জেনরেসনগী মীওইশিংদা ও.সি.আই. কার্দশিং শাংদোকপা; অমসুং (v) মালেসিয়াগী ভারতকী মহৈরোইশিংগী কান্ননবগীদমক রিংগিত মালেসিয়া (আর.এম.) মিলিয়ন ৩গা লোয়ননা ইন্দিয়ন স্কোলারশিপ ত্রস্ত ফন্দ (আই.এস.তি.এফ.) হেনগৎহনবা।
প্রধান মন্ত্রীনা আজাদ হিন্দ ফৌজ [ইন্দিয়ন নেস্নেল আর্মী - আই.এন.এ.]গী বালক সেনাগী ভেতেরন দাতো জেয়ারাজ রাজা রাও অমসুং নেতাজী ৱেলফেয়র ফাউন্দেসনগী প্রসিদেন্ত শ্রী রাথাকৃষ্ণনগা উনখি। মহাক্না আই.এন.এ. অমসুং মসিগী ভেতেরনশিংগী কাউঙমদ্রবা থৌনা অমসুং কত্থোকপীবগীদমক থাগৎপা ফোংদোকখি। মপাঙ্গল কনবা অমসুং মোদর্ন ভারত অমা শেমগৎনবা নেতাজীগী মীৎয়েং অদুগীদমক ভারত সরকারনা কত্থোকপা অদুসু মহাক্না অমুক হন্না ফোংদোকখি।
Had a wonderful interaction with PIO leaders, including distinguished Ministers and Senators. Their deep emotional connect to India was clearly visible. Their accomplishments in public life are a matter of immense pride for everyone. pic.twitter.com/zqahiJgtJM
— Narendra Modi (@narendramodi) February 8, 2026
Mengadakan pertemuan yang amat bermakna dengan para pemimpin PIO, termasuk Menteri dan Senator. Hubungan emosi mereka yang mendalam dengan India jelas terserlah. Pencapaian mereka dalam sektor awam merupakan satu kebanggaan besar bagi semua. pic.twitter.com/N3jtSiM4mV
— Narendra Modi (@narendramodi) February 8, 2026
