প্রধানমন্ত্রী শ্রী নরেন্দ্র মোদিনা ঙসি অয়ুক অঙনবদা লোক কল্যান মার্গতা লৈবা মহাক্কী লৈফমদা আর্তিফিসিএল ইন্তিলিজেন্স (এ.আই.)গী লমদা থবক তৌরিবা সি.ই.ও.শিং অমসুং এক্সপর্তশিংগা ৱারি শান্নখ্রে।
ফেব্রুৱারিদা পাংথোক্কদৌরিবা ইন্দিয়া এ.আই. ইম্পেক্ত সম্মীৎ অসিগা য়েংনরদুনা ইন্তরেক্সন অদুদা স্ত্রেতিজিক ওইনা খুৎশম্নবশিং, এ.আই. ইনোবেসনশিং অমসুং ভারতকী এ.আই. মিশনশিং খোংজেল য়াংশিলহনবদা পান্দম থম্বগী ৱাফম ফোংদোকখি। ৱারী শান্নবা মতম অদুদা সি.ই.ও.শিংনা এ.আই. ভারতপু এ.আই.দা লুচিংবা অমা ওইনা মালেমগী থাক্তা থম্নবা সরকারনা হোৎনরিবা অদুদা কন্না শৌগৎকনি হায়বগী ৱাফম ফোংদোকখি। ভারত অসি এ.আই. গী লুচিংবা অমা ওইনা মালেমগী থাক্তা থম্নবা সরকারনা হোৎনরিবা অমসুং রিসোর্সশিং অদুসু মখোয়না শকখঙখি।
প্রধানমন্ত্রীনা লম খুদিংদা অনৌবা তেক্নোলোজি লৌশিনবা অমসুং মসিবু নেস্নেল গ্রোথতা মতেং পাংনবা শীজিন্নবগী তঙাই ফদবা অদুদা অকনবা ৱাফম থমখি। মরুওইবা সেক্তর পুম্নমক্তা ইন্দিজিনস তেক্নোলোজি শীজিন্ননবসু মহাক্না তকশিনখি।
লাক্কদৌরিবা এ.আই. ইম্পেক্ত সম্মীৎকী মতাংদা ৱা ঙাংলিঙৈদা পারধান মন্ত্রীনা মসিমসু ফোংদোকখি মদুদি ভারত অসি স্কেল, দাইবর্সিতী অমসুং দেমোক্রেসীগী অখন্নবা থাক অমদা হান্ননা লৈবা মরম্না মালেমগী থাজনিংঙাই ওইরবা ভারতকী দিজিতেল ইনফ্রাস্ত্রকচর য়ুনিফাইদা পেমেন্ত ইন্তরফেস (য়ু.পি.আই.)গী খুত্থাংদা ভারতনা মসিগী তেক্নিকেলগী ওইবা থৌনা অদু উৎলে অমসুং মসিমক এ.আই.গী লমদসু রিপ্লিকেৎ তৌবা য়াই।
প্রধানমন্ত্রীনা ফোংদোকখি মদুদি ভারত্তা স্কেল, দাইবরসিতি অমসুং দেমোক্রেসিগী তোপ তোপ্পা প্রোপোজেল অমা লৈরি, মরম অসিনা মালেম অসিনা ভারতকি দিজিতেল ইনফ্রাস্ত্রকচরদা থাজবা থম্লি। ‘মীপুম খুদিংমক্কী এ.আই.’ হায়বা মহাক্কী ৱাখল্লোন অসিগী পরিংদা প্রধানমন্ত্রীনা ফোংদোকখি মদুদি ঐখোয়গী তেক্নোলোজীগী শাফু অসি লৈহনবগা লোয়ননা মালেমসিদা ইথীল পীবগী মথৌ তাই। মহাক্না সি.ই.ও.শিং অমসুং অখঙ-অহৈশিংদা ভারতপু মালেমগী ওইবা এ.আই. গী ফর্তাইল ওইবা দেস্তিনেসন ওইহন্নবা তকশিনখি।
প্রধানমন্ত্রীনা দেতা সেক্যুরিতি অমসুং তেক্নোলোজিগী দেমোক্রেতাইজেসনগী মরুওইবদসু অকনবা ৱাফম থমখি। মহাক্না হায়খি মদুদি ঐখোয়না ত্রান্সপরেন্ত, মীচং-মীখাই নাইদবা অমসুং সেক্যুর ওইবা এ.আই. গী ইকোসিস্তেমলোমদা থবক তৌগদবনি । মহাক্না মসিমসু হায়খি মদুদি এ.আই.গী ইথীকেল ওইনা শীজিন্নবগী মতাংদা কম্প্রোমাইজ তৌরোইদবনি, মসিগা লোয়ননা এ.আই.গী স্কীলিং অমসুং তেলেন্ত বিল্দিংদা মীৎয়েং চংবগী মথৌ তাবা অদুসু পনখি। প্রধানমন্ত্রীনা অপিল তৌখি মদুদি ভারতকি এ.আই. ইকোসিস্তেম অসি লৈবাক অসিগী হৌন-লোনচৎ অমসুং মতিক-ময়াইগী মঙাল অদু লৈহনগদবনি।
অৱাংবা থাক্কী রাওন্দতেবল অসিদা ৱীপ্রো, তি.সি.এস., ঐচ.সি.এল.তেক, জোহো কোর্পোরেসন, এল.তি.আই.মাইন্দত্রি, জিও প্লেতফোর্মস লিমীতেদ, অদানি কনেক্স, নক্সত্রা দেতা অমসুং নেতৱেব তেক্নোলোজিশিং য়াওনা এ.আই.দা থবক তৌরিবা কম্পেনিশিংগী সি.ই.ও.শিংগা লোয়ননা আই.আই.তি.হাইদরবাদ, আই.আই.তি.মদ্রাজ অমসুং আই.আই.তি. মুম্বইনা শরুক য়াবা উখি। ইলেক্ত্রোনিক্স অমসুং ইনফোর্মেসন তেক্নোলোজিগী কেন্দ্রগী মন্ত্রী শ্রী অশ্বিনি বৈস্নৌ অমসুং ইলেক্ত্রোনিক্স অমসুং ইনফোর্মেসন তেক্নোলোজিগী কেন্দ্রগী রাজ্য মন্ত্রী শ্রী জিতিন প্রশাদসু ইন্তরেক্সন অসিদা শরুক য়াখি।
