ঙসি ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদীনা বিকসিত ভারত সংকল্প যাত্রাগী বেনিফিসরিশিংগা ৱারি শান্নখ্রে। থৌরম অদুদা তিনখিবা মীয়ামদা প্রধান মন্ত্রীনা ৱা ঙাংখি।
লৈবাক শীনবা থুংনা লৈরিবা বিকসিত ভারত সংকল্প যাত্রাগী বেনিফিসরি লিশিং কয়া থৌরম অসিদা শরুক য়াখি। থৌরম অদুদা য়ুনিয়ন মিনিস্তরশিং, এম.পিশিং, এম.এল.এশিং অমসুং পঞ্চায়তকী মীহুৎশিংশু শরুক য়াখি।
থৌরম অদুদা প্রধান মন্ত্রীনা হায়খি কেম্পেন অসিগা চাউখৎলবা ভারত অমগী ৱাশক্তা শম্নরে অমসুং মসি মখা তানা পাকথোক-চাউথোক্লি। বিকাস ভারত সংকল্প যাত্রা হৌদোকখিবা নুমিৎ ৫০ নি ফাদ্রি, অদুবু যাত্রা অসি হৌজিক খুঙ্গং লাখ ২.২৫ য়ৌরে। মসি রেকোর্দ অমনি। যাত্রা অসি মাইপাকহনবগীদমক মরুওইনা নুপীশিং অমসুং নহারোলশিং থাগৎচরি। মরম অমা নত্ত্রগা মরম অমদগী ভারত সরকারগী স্কিমশিংগী কান্নবা ফংদ্রবা মীওইশিং য়ৌহনবা হায়বসি যাত্রা অসিগী পান্দমনি। মীয়ামগা উনবা অসিনা তাক্লিবদি মীওই খুদিংমক্তা অচান-মীরাই নাইদনা সরকারগী স্কিমশিংগী কান্নবা শোইদনা ফংহনবনি। মীরাইরম্লবা মীওইশিং ঐনা থিরি। বেনিফিসরিশিংগী মরক্তা মমাঙদা অমুক্তা থোকখিদ্রিবা মওংদা থাজবা লৈরে। হৌখিবা চহি ১০দা মখোয়গী পুন্সিদা অহোংবা লাকপদগী মতাংদা লৈবাক শীনবা থুংনা লৈরিবা বেনিফিসরি খুদিংমক্কী ৱারি অমমম লৈরে। মসি থৌনা মপুংফানা লৈবগী ৱারি অমনি।
প্রধান মন্ত্রীনা হায়খি কান্নবশিং অসিনা বেনিফিসরিশিং মখোয়গী পুন্সি হেন্না নুংঙাইহল্লে। ঙসিদি লৈবাক অসিগী বেনিফিসরি মিল্লিয়ন কয়া মাঙলোমদা চঙশিন্নবা সরকারগী স্কিমশিং পাম্বৈ অমা ওইরি। মোদী কি গরেন্তি কি গারি য়ৌরুবা মফম খুদিংদা মসিদা মীয়ামগী থাজবা হেনগৎলক্লি অমসুং মীয়ামগী থাজবশিং ফংহল্লে। যাত্রা মনুংদা উজৱালা গ্যাস লৌনবা অনৌবা এপ্লিকেসন লাখ ৪.৫ পীশিল্লকখি, অয়ুস্মান কার্দ করোর ১ পীখ্রে, হেল্থ চেক-অপ করোর ১.২৫ পাংথোকখ্রে, মীওই লাখ ৭০ তি.বিগী স্কৃন্নিং তৌখ্রে অমসুং সিক্কল সেল এনেমিয়া তেস্ত লাখ ১৫ পাংথোকখ্রে। অভা কার্দশিং পীবা অসিনা বেনিফিসরিশিংগী মেদিকেল রেকোর্দশিং শেমগনি। মসিনা লৈবাক শীনবা থুংনা হকশেলগী মতাংদা নৌনা খঙহনগনি।
প্রধান মন্ত্রীনা হায়খি অনৌবা মীওই কয়া কান্নবশিং ফংলে অমসুং লোকেল বোদিশিংগী মীহুৎশিংগী থৌদাং য়াম্না লৈরি অমসুং খুঙ্গং, ৱার্দ, সহর অমসুং লৈকায়দা লৈরিবা কান্নবা ফংবা য়ারবা মীওই মখোয়না মশক খঙদোক্কদবনি। খু্ঙ্গংশিংদা নুপীশিং মশানা মশাবু থবক পীজনবা ভারত সরকারনা অচৌবা খোঙজং অমা চৎথরি। হৌখিবা চহি ১০দা ইচলশিং, ইচানুপীশিং অমসুং দিদি করোর কয়া সেল্ফ হেল্প গ্রুপশিংদা শরুক য়ারে। হায়রিবা ইচলশিং অমসুং ইচানুপীশিং অসিদা বেঙ্কশিংনা লুপা করোর ৭.৫ হেনবগী মতেং পীখ্রে। মসিগী কেম্পেন অসি চাউথোক্নবা মথং চহি অহুমদা লাখপতি দিদি করোর ২ শেমগৎনবা ঐনা পান্দম অমা থম্লে। নমো দ্রোন দিদি য়োজননা খুঙ্গংগী নুপীশিংগী থাজবা হেনগৎহনগনি।
প্রধান মন্ত্রীনা হায়খি অপীকপা অমসুং লায়রবা লৌমীশিংগী য়াইফনবা এফ.পি.ওশিং অমসুং কোওপরেতিপ ইন্তরপ্রাইজশিং শেমগৎলে। ভারতকী খুঙ্গংদা কোওপরেতিপ অসি অকনবা ইহৌ অমা ওইরকপা অসি ঐখোয়গী হোৎনবনি। হৌজিক ফাওবদা ঐখোয়না শঙ্গোম অমসুং চিনিগী কোওপরেসনশিংগী কান্নবশিং উবা ফংলে। মসি লৌউ-শিংউ অমসুং ঙা য়োকপগুম্বা অতোপ্পা সেক্তরশিংদু পাংথোক-চাউথোক্লে। তুংদা খুঙ্গং লাখ ২ দা অনৌবা পি.এস.সিশিং শেম্নবা ঐখোয় থবক পায়খৎলি। দাইরি অমসুং স্তোরেজদা কোওপরেসনগী পাম্বৈশিং য়োকখৎনবা ৱাফম লৈরে। ফুদ প্রোসেসিং সেক্তরদা মাইক্রো ইন্দস্ত্রি লাখ ২ হেন্না মপাঙ্গল কনখৎহন্নবা থবকশিং পায়খৎলে।
প্রধান মন্ত্রীনা ৱান দিস্ত্রিক ৱান প্রদক স্কিমগী মতাংদসু পনখি অমসুং ‘ভোকেল ফোর লোকেল’ পাংথোকপগী তঙাইফদবা পনখি। মহাক্না হায়খি মোদী কি গরেন্তি গারি অসিনা মীয়ামদা লমদম অসিগী পোৎথোকশিংগী মরমদা খঙহল্লি অমসুং হায়রিবা পোৎথোকশিং অসি জি.ই.এম পোর্তেলদসু রেজিস্তার তৌরে। মোদী কি গরেন্তি কি গারি মখা তানা মাইপাক্কনি হায়বগী থাজবা থম্বগা লোয়ননা মহাক্কী ৱারোল লোইশিনখি।
নুঙগীৱারোল
নবেম্বর ১৫,২০২৩ দগী যাত্রা অসি হেক হৌদোকপদগী, লৈবাক শীনবা থুংনা লৈরিবা বিকসিত ভারত সংকল্প যাত্রাগী বেনিফিসরি লিশিং কয়াগা প্রধান মন্ত্রীগা চাং নাইনা ৱারি শান্নদুনা লাক্লি। ভিদিও কনফরেন্সকী খুৎথাংদা(নবেম্বর ৩০, দিশেম্বর ৯ অমসুং দিশেম্বর ১৬) অহুমলক ৱারি শানখ্রে। হন্দক মহাক্কী বরানসী খোঙচৎ মনুংদা প্রধান মন্ত্রীনা নুমিৎ নিনি (দিশেম্বর ১৭-দিশেম্বর ১৮) চুপ্না প্রধান মন্ত্রীনা বিকসিত ভারত সংকল্প যাত্রাগী বেনিফিসরিশিংগা ৱারি শানখ্রে।
পান্দম থম্লিবা বেনিফিসরশিং অকক্নবা মতমগী মনুংদা সরকারগী স্কিমশিংগী খুদোংচাবশিং ফংহন্নবা পান্দমদা লৈবাক শীনবা থুংনা বিকসিত ভারত সংকল্প যাত্রা পাংথোকপনি।
'Viksit Bharat Sankalp Yatra' focuses on saturation of government schemes. pic.twitter.com/gFyjHkjHO0
— PMO India (@PMOIndia) December 27, 2023
हमारा प्रयास है कि सहकारिता, भारत के ग्रामीण जीवन का एक सशक्त पहलू बनकर सामने आए: PM @narendramodi pic.twitter.com/cRWTK4jV9L
— PMO India (@PMOIndia) December 27, 2023
'One District, One Product' initiative will go a long way in furthering prosperity in the lives of many. pic.twitter.com/PD0i2hi45q
— PMO India (@PMOIndia) December 27, 2023
Let us be 'Vocal for Local'. pic.twitter.com/YyFTNjhDbs
— PMO India (@PMOIndia) December 27, 2023
