Share
 
Comments
ওগস্ত ৫ অসি ভারতকী পুৱারিদা য়াম্না মরু ওইবা নুমিৎ অমা ওইরক্লি, ৩৭০ লৌথোকখিবা অমদি রাম মন্দিসু নুমিৎ অসিগা মরী লৈনরি: পি.এম.
ঐখোয়গী নেস্নেল গেম ওইরিবা হোক্কীগী মিংচৎ অসি অমুক হন্না শেমগৎপদা ঐখোয়গী নহাশিংনা ঙসিদি অচৌবা খোংদাং অমা লৌখ্রে: পি.এম.
ঐখোয়গী নহাশিংনা মাই পাক্নবগী গোল চল্লি অদুবু মীওই খরদি পোলিতিকেলগী ওইবা মীৎয়েংদা মশাগী খক্তা খনবনা মরম ওইদুনা সেল্ফ-গোল পাংথোকচরি: পি.এম.
ভারতকী নহাশিং অমসুং ভারত লৈবাক অনিমক হেন্না-হেন্না চাওখৎলক্লি হায়বসি নহাশিংগী থাজবনি: পি.এম.
মসিগী মমিং লৈরিবা লৈবাক অসি মশাগীদা খনবা অমসুং এন্তি-নেস্নেল পোলিতিক্সকী ফিভমদা লাকপা য়ারোই: পি.এম.
লাইরবা, ফিভম চাদ্রবা, শোত্থদুনা লৈরিবা, ত্রাইবেলশিংগীদমক শেমখিবা স্কিমশিং অসি উত্তর প্রদেশতা নিংথিনা চৎনরি হায়না দবল ইঞ্জিন গভর্মেন্তনা থাজবা পীখ্রে: পি.এম.
উত্তর প্রদেশপু মতম পুম্নমক্তা রাজনিতীগী প্রিজম্না য়েংলি। য়ু.পি.না ভারতকী গ্রোথ ইঞ্জিনগী পৱারহাউস ওইরক্কনি হায়বগী থাজবা অসি হৌখিবা চহিশিং অসিদা লাকখিবনি: পি.এম.
মসিগী চহি-খুজিং অসি উত্তর প্রদেশকী ওইনদি হৌখিবা চহি-খুজিং ৭ অসিদা শোত্থদুনা লৈহৌরিবা অ

প্রধান মন্ত্রী, শ্রী নরেন্দ্র মোদীনা ভিদিও কনফরেন্সিংগী খুৎথাংদা উত্তর প্রদেশতা লৈরিবা প্রধান মন্ত্রী গরিব কলয়ান অন্ন য়োজনাগী বেনিফিসরীশিংগা ৱারি-ৱতায় শান্নখ্রে৷ উত্তর প্রদেশকী মুখ্য মন্ত্রী শ্রী য়োগী অদিত্যনাথসু থৌরম অদুদা শরুক য়াখি৷

থৌরম অদুদা ৱা ঙাংলদুনা, প্রধান মন্ত্রীনা ওগস্তকী তাং ৫ অসি ভারতকী অখন্নবা নুমিৎ অমা ওইরে হায়না ফোংদোকখ্রে৷ হৌখিবা চহি অনিগী ওগস্ত ৫ নুমিৎ অসিদনি লৈবাক অসিনা আর্তিকল ৩৭০ মুথৎতুনা জম্মু অমসুং কাশ্মীরগী প্রজা খুদিংমক্তা মশাগী হক অমসুং ফেসিলিতী ফংহন্দুনা এক ভারত, শ্রেশথা ভারতকী স্পিরিত অদু মখাতানা লৈহনখিবসি৷ চহি-চা কয়াগী মতুংদা অচৌবা রাম মন্দির শান্নবা ভারতনা অহানবা খোঙথাং লৌখৎখিবা নুমিৎ অদুসু ওগস্তকী তাং ৫নি হায়নসু প্রধান মন্ত্রী অসিনা মনখ্রে৷ ঙসিদি রাম মন্দির অয়োধ্যদা য়াম্না খোঙজেল য়াংনা শেমগৎ-শাগৎলি৷

য়াম্না মরু ওইবা তাং অসিগী মখা চত্থরকপা ওইনা, লৈবাক অসিগী নহাশিংনা ওলিম্পিক্কী গ্রাউন্দশিংদা হোক্কী মশান্নদা ঐখোয়গী য়াম্না চাৎথোকচনিংঙাই ওইরবা ফিভম অদু অমুক হন্না শেমগৎতুনা নুংঙাই-য়াইফরবা নুমিৎ অমা ওইনা পুরকখ্রে হায়না প্রধান মন্ত্রীনা ফোংদোকখি৷

ঐখোয়গী লৈবাক অসিগী নাকল অমরোমদা, ঐখোয়গী নহাশিংনা ভারতকীদমক অনৌবা এচিবমেন্তশিং পুরক্লি, মখোয়গী মাই পাক্নবগী গোলশিং চল্লি, অদুগা অমরোমদা লৈবাক অসিদা লৈরিবা মীওই খরনা পোলিকিতেলগী ওইবা মওংদা মশাখক্তগী ওইনা খন্দুনা সেল্ফ-গোলদা এঙ্গেস্ত তৌদুনা লৈ হায়না প্রধান মন্ত্রীনা নুংঙাইতবা ফোংদোকখ্রে৷ মখোয়শিং অদু লৈবাক অসিনা পাম্লিবা, লৈবাক অসিনা ফংলিবা, মতৌ কমদৌনা লৈবাক অসি হোংলক্লিবগে হায়বা অসিগা মরী অমতা লৈনদে হায়না মহাক্না ফোংদোকখি৷ মসিগী মমিং লৈরিবা লৈবাক অসি মশাগীদা খনবা অমসুং এন্তি-নেস্নেল পোলিতিক্সকী ফিভমদা লাকপা য়ারোই হায়না প্রধান মন্ত্রীনা মখাতানা ফোংদোকখি৷ করিগুম্বা উপাই অমা হেক্তা শিজিন্নদুনা অসিগুম্বা মীওইশিং অসিনা লৈৌবাক অসিনা চাওখৎলক্লিবা অসিদা অথিংবা পীনবা হোৎনবা তারবসু, মসিগী লৈবাক অসিদি মখোয়না খুদুম চংশিনবা ঙম্লোই৷ লৈবাক অসিনা লাক্লিবা খুদিংথিবা খুদিংমক থেংনদুনা মাইকৈ খুদিংমক্তা য়াম্না মাংজিন থানা চাওখৎলক্লি৷

মসিগী অনৌবা স্পিরিত অসি উৎননবা, হৌখিবা মতমগী রেকোর্দ কয়া অমা অমসুং ভারত মচাশিংগী এচিবমেন্তশিং অদু প্রধান মন্ত্রী শ্রী নরেন্দ্র মোদীনা শন্দোক্না পনখ্রে৷ ওলিম্পিক্সতগী হেন্দোক্তুনা, লৈবাক অসিদা লেন্দমার্ক ওইনা ভেক্সিন দোজ কোতি ৫০ কাপখিবা, জুলাই থাদা লুপা কোতি লাখ ১গা লিশিং ১৬ জি.এস.তি. রেকোর্দ ওইনা খোমগৎপা ঙমদুনা লৈবাক অসিগী ইকোনোমীগী ফিভম খরা ফগৎহনখিবা অদুগী মতাংদা শ্রী মোদীনা পনখ্রে৷ মহাক্না কোতি লাখ অনি লিশিং হুম্ফুনিথোইগী মমাংদা ওইখিদ্রিবা মন্থলী এগ্রীকলচরেল এক্সপোর্ত ফীগরসু পুথোকখি। মসিনা ভারতনা মনিং-মখা তম্লকপগী মতুংদা খ্বাইদগী ৱাংবা ফিগর ওইদুনা মকোক থোংবা এগ্রীগী পোৎ-চৈ এক্সপোর্ত তৌরিবা লৈবাক ১০গী মনুং চনবা ঙমখিবনি৷ ভারত্তা ইহান হান্না শেম-শাজবা এয়রক্রাফত কেরিয়র ভিক্রান্তগী ত্রাইএল, মালেমদা খ্বাইদগী ৱাংনা লদাখতা শারিবা গারী চৎপা য়াবা লম্বী শেম্লিবা অদু লোইশিল্লকপা অমসুং ই-রুপি লোঞ্চ তৌখিবগী মতাংদসু প্রধান মন্ত্রীনা পনখ্রে৷

মশাগী মফম মাংদনবা খক্তগী ওইনা ৱাদুনা লৈরিবা মীওইশিংনা হৌজিক্তি ভারত অসি থিংবা ঙম্লরোই হায়না ওপোজিসনদা প্রধান মন্ত্রীনা চৈখ্রে৷ অনৌবা ভারতনা রেঙ্কশিং তান্নদনা মেদলশিং হেন্না-হেন্না ফংদুনা মালেম অসি রুল তৌরক্লি৷ অনৌবা ভারত অসিদা চংশিনগদবা লম্বী অদু ইমুংগী মমিংনা লেপ্পা য়ারোই, অদুবু লম্বী অদু হোৎনবা কনবা হায়বা অসি খক্তনা লেপকদবনি হায়না মহাক্না ফোংদোকখি৷ ভারতকী নহাশিং অমসুং ভারত লৈবাক অসিনা চাওখৎপরোমদা  চংশিনলক্লি হায়বসি ভারতকী নহাশিংগী থাজবনি৷

লাইনা-লাইচৎ অসিগী মতাংদা পল্লদুনা, হৌখিবা মতমশিংদা অসিগুম্বা ক্রাইসিস অসিনা লৈবাক অসি শোকহল্লকপা মতমদা, লৈবাক অসিগী লৈরিবা সিস্তেম পুম্নমক য়াম্না থিনা শোকহল্লি হায়না প্রধান মন্ত্রীনা পনখ্রে৷ অদুবু ঙসিদি ভারত্তা, প্রজা খুদিংমক্না মসিগী লাইচৎ অসি অঙম্বা থাক শিজিন্নদুনা লান্থেংনরি৷ চহি-চা অমগী মনুংদা অমুক খক্তমক থোকপা ক্রাইসিস অসি থেংননবগী ইফর্তশিং অদু প্রধান মন্ত্রীনা শন্দোক্না ফোংদোকখ্রে৷ মেদিকেল ইনফ্রাস্ত্রকচর হেনগৎহনবা, মালেমগী খ্বাইদগী চাওবা ফ্রী ভেক্সিনেসন প্রোগ্রাম পাংথোকপা, হেন্না শোকহল্লবা য়ানা লৈরিবা মীওই কাংলুপশিংগী মনুংদা চানবগী অৱাৎপা লৈরিবা অসি লান্থেংনবা ঙম্নবা কেমপেন্দ পাংথোকপা য়াওনা অসিগুম্বা প্রোগ্রামশিং অসিনা লুপা কোতি লাখ কয়াগী ইনবেস্তমেন্ত ফংখ্রে অমসুং ভারতনা হৌজিক্তি মাই পাক্না চাওখৎপরোমদা চংশিনলক্লি৷ লাইনা-লাইচৎ অসি লৈবা তারবসু ইনফ্রাস্ত্রকচর প্রদক্তশিং খুদম ওইনা হায়রবদা এক্সপ্রেসৱে প্রোজেক্তশিং, দেদিকেতেদ ফ্রইত কোরিদোর অমসুং উত্তর প্রদেশতা শারিবা দিফেন্স কোরিদোর লেপ্পা লৈতনা শেমগৎ-শাগৎলি৷

লাইরবা, ফিভম চাদ্রবা, শোত্থদুনা লৈরিবা, ত্রাইবেলশিংগীদমক শেমখিবা স্কিমশিং অসি উত্তর প্রদেশতা নিংথিনা চৎনরি হায়না দবল ইঞ্জিন গভর্মেন্তনা থাজবা পীখ্রে  হায়না প্রধান মন্ত্রীনা ফোংদোকখি৷ পি.এম. সভানিধি য়োজননা মসিগী মতিক খ্বাইদগী চারবা খুদম ওইরি হায়না মহাক্না পনখি৷ লাইনা-লাইচৎ অসিগী মনুংদা লৈরিবা ফিভম অসি ফগৎনবগীদমক লৌখৎলিবা খোঙথাংশিং অদু প্রধান মন্ত্রীনসু শন্দোক্না পনখ্রে৷ ইফেক্তিব ওইবা স্ত্রাতিজী অমনা চান-থক্নবা পোৎ-চৈশিংগী মমলশিং অসি কন্ত্রোল তৌদুনা থমখি, লৌমীশিংদা হারশিং অমসুং অফবা মরুশিং লেপ্পা লৈতনা ফংহন্নবা চান্নবা খোঙথাংশিং লৌখৎখ্রে অমসুং মসিনা মরম ওইদুনা লৌমীশিংনা রেকোর্দ ওইবা মওং অমদা মহৈ-মরোংশিং পুথোকপা ঙমখিবনি অমসুং সরকার অসিনসু এম.এস.পি.গী মখাদা মহৈ-মরোংশিং অদু লৌশিনবা ঙমখিবনি৷ য়ু.পি.দা রেকোর্দ ওইবা মওং অমদা মহৈ-মরোংশিং লৌশিনখিবা অসিগীদমক উত্তর প্রদেশকী মুখ্য মন্ত্রীসু মহাক্না থাগৎখি৷ য়ু.পি.দা হৌখিবা চহি অসিগা য়েংনবা মতমদা, এম.এস.পি.না কান্নবা পীরিবা লৌমী মশিং অসি শরুক অনি থোক্না হেনগৎলে৷ য়ু.পি.দা, লৌমীগী ইমুং লাখ ১৩গী একাউন্তদা মখোয় মখোয়গী পোত্থোকশিং অদুগী মমলশিং ওইনা লুপা কোতি লিশিং ২৪ হেনবগী শেনফমশিং দিপোজিৎ তৌখি৷ উত্তর প্রদেশতা, ইমুং লাখ ১৭ ময়ুং শাবিখ্রে, লাইরবা ইমুং লাখ কয়াগী তোইলেত শাবিখ্রে, শরুক অমগী তংখায় অমদা লেম্না গ্যাস ফংহনখ্রে অমসুং লৈ কন্নেক্সন লাখ কয়া থোক্না তৌখ্রে৷ রাজ্য অসিদা লৈরিবা য়ুমথোং লাখ ২৭না পাইপকী ইশিং ফংখ্রে হায়না প্রধান মন্ত্রীনা ফোংদোকখ্রে৷

হৌখিবা চহি খুজিং অসিদা, প্রধান মন্ত্রীনা ফোংদোকখি মদুদি হৌখিবা দিকেদ খরা অসিদা উত্তর প্রদেশপু রাজনীতিগী প্রীজমগী থোংদা মতম পুম্নমক্তা য়েংলি। মতৌ কমদৌনা য়ু.পি.না লৈবাক অসিগী চাওখৎ-থৌরাংদা শরুক য়ারিবগে হায়বা অসিফাওবা খন্ন-নৈনবা য়ারমদে৷ ঐখোয়না অখুবা মীৎয়েং অমদা য়ু.পি.গী পোতেন্সিয়েলদা য়েংলম্বা মীৎয়েং অদু দবল ইঞ্জিন গভর্মেন্ত অসিনা হোংহনখ্রে হায়না প্রধান মন্ত্রীনা পনখি৷ য়ু.পি.না ভারতকী গ্রোথ ইঞ্জিনগী পৱারহাউস ওইরক্কনি হায়বগী থাজবা অসি হৌখিবা চহিশিং অসিদা লাকখিবনি হায়না মহাক্না ফোংদোকখি৷

মসিগী চহি-খুজিং অসি উত্তর প্রদেশকী ওইনদি হৌখিবা চহি-খুজিং ৭ অসিদা শোত্থদুনা লৈহৌরিবা অদু মেনখৎপগী চহি-খুজিংনি হায়না প্রধান মন্ত্রীনা ফোংদোক্লদুনা ৱারোইশিন পীখি৷ মসিগী থবক অসি য়ু.পি.দা লৈরিবা নহাশিং, নুপীশিং, ফিভম ফনা লৈত্রবা অমসুং শোত্থরবা মীওইশিং মপুং ফানা শরুক য়াদনা অমসুং মখোয়শিংদা হেন্না ফবা খুদোংচাবশিং ফংহন্দনা পাংথোকপা য়ারোই৷

ৱা ঙাংখিবগী মপুংফাবা ৱারোল পানবা মসিদা নম্বীয়ু

সেবা অমসুং সমর্পনগী চহি 20 তাক্লিবা ফোতো 20
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Reading the letter from PM Modi para-swimmer and author of “Swimming Against the Tide” Madhavi Latha Prathigudupu, gets emotional

Media Coverage

Reading the letter from PM Modi para-swimmer and author of “Swimming Against the Tide” Madhavi Latha Prathigudupu, gets emotional
...

Nm on the go

Always be the first to hear from the PM. Get the App Now!
...
Prime Minister participates in 16th East Asia Summit on October 27, 2021
October 27, 2021
Share
 
Comments

Prime Minister Shri Narendra Modi participated in the 16th East Asia Summit earlier today via videoconference. The 16th East Asia Summit was hosted by Brunei as EAS and ASEAN Chair. It saw the participation of leaders from ASEAN countries and other EAS Participating Countries including Australia, China, Japan, South Korea, Russia, USA and India. India has been an active participant of EAS. This was Prime Minister’s 7th East Asia Summit.

In his remarks at the Summit, Prime Minister reaffirmed the importance of EAS as the premier leaders-led forum in Indo-Pacific, bringing together nations to discuss important strategic issues. Prime Minister highlighted India’s efforts to fight the Covid-19 pandemic through vaccines and medical supplies. Prime Minister also spoke about "Atmanirbhar Bharat” Campaign for post-pandemic recovery and in ensuring resilient global value chains. He emphasized on the establishment of a better balance between economy and ecology and climate sustainable lifestyle.

The 16th EAS also discussed important regional and international issues including Indo-Pacifc, South China Sea, UNCLOS, terrorism, and situation in Korean Peninsula and Myanmar. PM reaffirmed "ASEAN centrality” in the Indo-Pacific and highlighted the synergies between ASEAN Outlook on Indo-Pacific (AOIP) and India’s Indo-Pacific Oceans Initiative (IPOI).

The EAS leaders adopted three Statements on Mental Health, Economic recovery through Tourism and Sustainable Recovery, which have been co-sponsored by India. Overall, the Summit saw a fruitful exchange of views between Prime Minister and other EAS leaders.